Monday, January 17, 2011

Prophet Shoa'ib (A.H)

နဗီတမန်တော်ရှိုအိုင်းဗ် (အ) အကြောင်း

တမန်တော်ရှိုအိုင်းဗ်၏ ဖခင်အမည်နှင့်ပတ်သက်၍ သမိုင်းပညာရှင်များအကြား ကွဲလွဲမှုရှိသည်။ အေမာမ်နဗဝီသခင်က တမန်တော်ရှိုအိုင်းဗ် ၏ ဖခင်တော်အမည်ကို (မီကီးလ်) ဟု လည်းကောင်း၊ အစ်ဗ်နိုအဆီးရ်သခင်က (ဒွိုင်းအူးန်) ဟု လည်းကောင်း ဆိုကြသည်။ သို့သော် အများအဆိုအရ (မီးကီးလ်) ဖြစ်သည်။

တမန်တော်ရှိုအိုင်းဗ် (အ) ၏အမည်ရင်းမှာ (ယရ်ှရှုးန်) ဖြစ်ပြီး၊ ဂုဏ်ထူးဆောင်အမည်မှာ (ခတွီဗွလ်အမ်ဘီယာ နှင့် နဗီတမန်တော်မြတ်များအတွင်း “ခွတ်သ်ဘာ” မိန့်ကြားသူ) ဖြစ်သည်။ တမန်တော် ရှိုအိုင်းဗ်သည် တမန်တော်လူးသ်၏မြေး တော်စပ်သည်။ အကြောင်းမှာ ၄င်း၏ မိခင်သည် တမန်တော်လူးသ်၏ သမီးပင်ဖြစ်သည်။ မိခင်အမည်မှာ မကီးလ် ဖြစ်သည်။

တမန်တော်ရှိုအိုင်းဗ် (အ) သည် တမန်တော်မူစာ (အ) ၏ယောက္ခထီးတော်လည်းဖြစ်သည်။ သမီးတော် “စဖူရာ” သခင်မသည် တမန်တော်မူစာ၏ ဇနီးဖြစ်ခဲ့သည်။

တမန်တော်ရှိုအိုင်းဗ် (အ) သည်စွလားသ် များစွာ ဝတ်ပြုသူဖြစ်သည်။ အုပ်စု နှစ်ဖွဲ့ဖြစ်သော “မဒ်ယန်” ဒေသရှိ အမျိုးသားများနှင့် “အိုင်ကာဟ်” ဒေသရှိ အမျိုးသားများ ဖက်သို့ နဗီအဖြစ်စေလွှတ်ခြင်း ခံရလေသည်။ “မဒ်ယန်” နှင့် “အိုင်ကာဟ်” ဒေသရှိအမျိုးသားများသည် စားဝတ်နေရေး ချောင်လည်ကြသော်လည်း အလ္လာဟ်အရှင်မြတ်၏ ကျေးဇူးတော်ကို မသိတတ်ကြသူများဖြစ်သည်။ အရောင်းအဝယ်ပြုလုပ်ရာ၌ ပစ္စည်းများချိန်တွယ်သည့်အခါ လိမ်လည်လှည့်စားမှုများ ပြုကြသည်။ ဝယ်ယူသူအား ပစ္စည်းကို အလေးချိန်လျော့၍ ပေးကြသည်။ ဤသို့မပြုလုပ်ကြရန်နှင့် အလ္လာဟ်အရှင်မြတ်အပေါ် အီမာန်သက်ဝင် ယုံကြည်ရန် တမန်တော်ရှိအိုင်းဗ် (အ) က အမျိုးမျိုး ဖြောင့်ဖျပြောဆိုကြသော်လည်း ၄င်းအကျင့်ဆိုးများ မစွန့်လွှတ်သည့် အပြင် ပြုမြဲသာပြုကြလေသည်။ တမန်တော်ရှိုအိုင်းဗ် (အ) ၏ သွန်သင်ဆုံးမမှုကို လက်ခံခြင်းမရှိကြသည့်အခါ အလ္လာဟ်အရှင်မြတ်က ၄င်းအမျိုးအနွယ်အပေါ်သို့ အဇားဗ်အပြစ်ဒဏ် ချတော်မူသည်။ အလ္လာဟ်အရှင်မြတ်သည် ပူပြင်းခြောက်သွေ့သော လေပူများကို ပြင်းပြင်းထန်ထန် တိုက်ခတ်စေပြီး၊ ၄င်းလေပူဖြင့်ပင် ထိုအမျိုးအနွယ်များ၏ ခန္ဓာကိုယ်ကို လောင်ကျွမ်းပျက်စီးစေခဲ့သည်။

အလ္လာဟ်အရှင်မြတ်၏ “အာဇားဗ်” အပြစ်ဒဏ်ချပြီး နောက်ပိုင်းတွင် တမန်တော်ရှိုအိုင်းဗ် (အ) သည် အီမာန်သက်ဝင်ယုံကြည်သူများအား ခေါ်ဆောင်ကာ၊ မက္ကာမြို့တော်သို့ သွားရောက်နေထိုင်ကြလေသည်။ တမန်တော်ရှိုအိုင်းဗ်၏ မျက်လုံှးနှစ်လုံးမှာလည်း ကွယ်ပျောက်ခဲ့လေသည်။ တမန်တော်ရှိုအိုင်း(အ) သည် သက်တော်(၁၄၀) နှစ်တွင် မက္ကာမြို့တွင်ပင် ကွယ်လွန်တော်မူလေသည်။

No comments: