Wednesday, December 16, 2009

Surah 037 As Saffat : Arranger



၀၃၇။ စူရာ ဆွဖ်ဖာဟ်း စီတန်းနေသူများ ကဏ္ဍ
( မက္ကာမြို့တော်ကျ- အစောင် ၂၃၊ ၁၈၂ အာယသ်တော်)

မပြတ်မစဲ သနားကြင်နာ ညှာတာတော်မူသော မဟာကရုဏာတော်ရှင် ဖြစ်တော်မူသော အလ္လာဟ်အရှင်မြတ်၏ နာမံတော်ဖြင့် အစပြုပါ၏။


၀၃၇း ၁။ (ငါအရှင်မြတ်သည်) အနေအထားကျနစွာ တန်းစီ မတ်တတ်ရပ်ကြသူတို့အား သက်သေထူတော် မူ၏။

၀၃၇း ၂။ တစ်ဖန် (ငါအရှင်မြတ်သည်) ငေါက်ငမ်းလျက် မောင်းနှင်သူတို့အား သက်သေထူတော်မူ၏။

၀၃၇း ၃။ ထို့နောက်တစ်ဖန် (ငါအရှင်မြတ်သည်) ဇစ်က်ရ် ကမ္မဋ္ဌာန်းကို စီးဖြန်းသရဇ္ဈာယ်ကြသူတို့အား (တစ်နည်း) ကျက်မှတ် ရွတ်ဖတ်သရဇ္ဈာယ်သူတို့အား သက်သေထူတော်မူ၏။

၀၃၇း ၄။ မလွဲဧကန် အသင်တို့၏ ဆည်းကပ်ကိုးကွယ် ရာအရှင်ကား တစ်ဆူတည်းသာလျှင် ဖြစ်တော်မူ၏။

၀၃၇း ၅။ (ထိုအရှင်မြတ်သည်) မိုးကောင်းကင်များကို လည်းကောင်း၊ ပထ၀ီမြေကိုလည်းကောင်း၊ ယင်းမိုး ကောင်းကင်များနှင့်ပထ၀ီမြေနှစ်ခုလုံး၏အကြား၌ ရှိသမျှတို့ကိုလည်းကောင်း၊ ဖန်ဆင်း စိုးပိုင်တော်မူ သောအရှင်၊ ထိုမှတစ်ပါး နေထွက်ရာ အရပ်များကို ဖန်ဆင်း စိုးပိုင်တော်မူသော အရှင်ဖြစ်တော်မူပေ သတည်း။

၀၃၇း ၆။ ဧကန်စင်စစ် ငါအရှင်မြတ်သည် အောက်ဆုံး ဖြစ်သော မိုးကောင်းကင်ကို ကြယ်နက္ခတ်များတည်း ဟူသော အဆင်အယင်ဖြင့်တန်ဆာဆင်ယင်တော် မူခဲ့၏။

၀၃၇း ၇။ ၎င်းပြင် (ငါအရှင်မြတ်သည်) ရှိုင်တွာန် မိစ္ဆာကောင်အသီးသီးမှ အကာအကွယ် ပြုလုပ်တော် မူခဲ့၏။

၀၃၇း ၈။ ထို ရှိုင်တွာန် မိစ္ဆာကောင်များသည် အထက် ကောင်းကင်ရှိ ပရိပတ်မြို့တော်သို့ (သွားရောက်) နားစွင့်နိုင်ခြင်း မရှိကြသည့်ပြင် ၎င်းတို့သည် အဖက်ဖက်မှ (မီးတောက်ကြယ်ပျံဖြင့်) ပစ်ပေါက်ခြင်းကို ခံကြရကုန်၏။

၀၃၇း ၉။ နှင်ထုတ်ခြင်းခံကြရလျက်၊ ထိုမှတစ်ပါး ၎င်းတို့၌ ထာဝစဉ်ခံကြရအံ့သောပြစ်ဒဏ်သည်လည်း ရှိပေဦးမည်။

၀၃၇း ၁၀။ သို့ရာတွင် အကြင် ရှိုင်တွာန် မိစ္ဆာကောင်သည် (သတင်းတစ်စုံတစ်ရာကို) ရုတ်တရက် သုတ်ယူခဲ့မူ တောက်လောင်သော မီးတောက်တစ်ခုသည် ၎င်း၏ နောက်သို့ ထက်ကြပ်မကွာလိုက်ခဲ့လေ တော့သတည်း။

၀၃၇း ၁၁။ သို့ဖြစ်ပေရာ (အို-နဗီတမန်တော်) အသင်သည် ၎င်းတို့အား မေးမြန်းပါလေ။ ၎င်းင်းတို့အား ဖန်ဆင်းခြင်း သည် ပို၍ခဲယဉ်းလေသလော၊ သို့မဟုတ် ငါအရှင်မြတ် ဖန်ဆင်းတော်မူခဲ့သည့် (ကြယ်နက္ခတ်၊ မိုးကောင်းကင်၊ ပထ၀ီမြေ၊ အဖန်ဆင်းခံများအား ဖန်ဆင်းတော်မူခြင်း သည် ပို၍ ခဲယဉ်းလေသလော)။ ဧကန်မလွဲ ငါ အရှင်မြတ်သည် ၎င်းတို့အား စေးကပ်သော မြေကြီး မြေစေးဖြင့် ဖန်ဆင်းတော်မူခဲ့၏။

၀၃၇း ၁၂။ စင်စစ်မှာကား (အို-နဗီတမန်တော်) အသင် သည် (၎င်းတို့၏ ငြင်းပယ်မှုကြောင့်) အံ့သြ၍ နေပေသည်။ သို့ရာတွင် ၎င်းတို့မှာမူကား (အသင့်အား) ပြက်ရယ်သမှု ပြုကြကုန်၏။

၀၃၇း ၁၃။ ၎င်းပြင် သတိပေးဆုံးမခြင်းကို ခံကြရသော အခါ ၎င်းတို့သည် တရားရကြသည် မဟုတ်ပေ။

၀၃၇း ၁၄။ ထို့ပြင် ၎င်းတို့သည် သက်သေလက္ခဏာ တစ်ရပ်ရပ်ကို တွေ့မြင်ကြသောအခါ၊ ပြက်ရယ် ပြောင်လှောင်ကြကုန်၏။

၀၃၇း ၁၅။ ထိုမှတစ်ပါး ၎င်းတို့က ပြောဆိုကြကုန်၏။ ဤသည် ထင်ရှားစွာသော ပဉ္စလက်အတတ်ပညာမျှ သာ ဖြစ်ပေသည်။

၀၃၇း ၁၆။ မည်သို့နည်း ကျွန်ုပ်တို့သည် သေဆုံးကြပြီး မြေကြီးဖြစ်သွားကြသောအခါ ကျွန်ုပ်တို့သည် ရှင်ပြန်ထစေခြင်းကို ခံကြရဦးမည်လော။

၀၃၇း ၁၇။ ၎င်းပြင် ရှေးသူဟောင်းများဖြစ်ကြသော ကျွန်ုပ် တို့၏အဘ၊ ဘိုး၊ ဘေးတို့သည်လည်း (ရှင်ပြန်ထကြ ရဦးမည်လော)။

၀၃၇း ၁၈။ (အို-နဗီတမန်တော်) အသင်သည် ပြောကြား ပါလေ။ ဟုတ်ပေသည် (အသင်တို့သည် အမှန်ပင် ရှင်ပြန်ထကြရပေမည်)။ ၎င်းပြင် အသင်တို့သည် ဂုဏ်ရည် သေးသိမ်သူများလည်း ဖြစ်ကြရပေဦးမည်။

၀၃၇း ၁၉။ စင်စစ်မှာကား ယင်းသည် ပြင်းထန်စွာသော အသံတစ်ခုမျှသာလျှင် ဖြစ်ပေမည်။ ထိုအခါ ရုတ်တရက် ၎င်းတို့သည် (ကြောက်ရွံ့ ထိတ်လန့်စွာ) ကြည့်ရှု လျက် ရှိကြကုန်အံ့သတည်း။

၀၃၇း ၂၀။ ထိုမှတစ်ပါး ၎င်းတို့က သြော်-ငါတို့သည် အကျိုးနည်း ပျက်စီးကြရလေခြင်း၊ ဤသည် အစား ပေးမည့်နေ့ပါတကားဟု ပြောဆိုညည်းညူကြပေမည်။

၀၃၇း ၂၁။ ဤကား မဟုတ်မမှန်ဟူ၍ အသင်တို့ ငြင်းပယ် လျက်ရှိခဲ့ကြသော စီရင်ဆုံးဖြတ်မည့်နေ့ပင် ဖြစ်ပေသည်။

၀၃၇း ၂၂။ (ထိုအခါ အလ္လာဟ်အရှင်မြတ်သည် ကောင်းကင်တမန်များအား မိန့်ကြားတော်မူပေမည်)။ အသင် တို့သည် (မိမိတို့ကိုယ်ကို) နှိပ်စက်ကလူပြုခဲ့ကြသော သူတို့အားလည်းကောင်း၊ ထိုသူတို့နှင့် ၀ါဒတူဖြစ်ကြ သော အဖော်အဖက်တို့အားလည်းကောင်း၊ ထိုသူတို့ ဆည်းကပ်ကိုးကွယ်ခဲ့ကြသည်တို့အားလည်းကောင်း၊ စုရုံးကြလေကုန်။

၀၃၇း ၂၃။ အလ္လာဟ်အရှင်မြတ်အားစွန့်၍၊ တစ်ဖန် အသင် တို့သည် ၎င်းတို့အားလုံးကိုပင် ဂျဟန္နမ် ငရဲဘုံ၏ လမ်းအတိုင်း ခေါ်ဆောင် သွားကြလေကုန်။

၀၃၇း ၂၄။ ထိုမှတစ်ပါး အသင်တို့သည် ၎င်းတို့အား (အနည်းငယ်) ဆိုင်းငံ့၍ထားကြလေကုန်။ ဧကန်မလွဲ ၎င်းတို့သည် စစ်ဆေးမေးမြန်းခြင်း ခံကြရမည့်သူများပင် ဖြစ်ကြကုန်၏။

၀၃၇း ၂၅။ အသင်တို့သည် မည်သည့်အကြောင်းကြောင့် မိမိတို့အချင်းချင်း တစ်ဦးကိုတစ်ဦး ကူညီယိုင်းပင်းခြင်း မပြုကြပေသနည်း။

၀၃၇း ၂၆။ စင်စစ်မှာကား ၎င်းတို့သည် ထိုနေ့တွင် ဦးခေါင်းညွှတ်ချ အညံ့ခံကြပေမည်။၀၃၇း ၂၇။ ထိုမှတစ်ပါး ၎င်းတို့သည် မိမိတို့အချင်းချင်း တစ်ဦးဖက်သို့ တစ်ဦးလှည့်ကာ အပြန်အလှန် မေးမြန်းကြပေမည်။

၀၃၇း ၂၇။ ထိုမှတစ်ပါး ၎င်းတို့သည် မိမိတို့အချင်းချင်း တစ်ဦးဖက်သို့ တစ်ဦးလှည့်ကာ အပြန်အလှန် မေးမြန်းကြပေမည်။

၀၃၇း ၂၈။ ၎င်းတို့ (အနက်မှ နောက်လိုက်များ)က (ခေါင်းဆောင်များအား) ဧကန်စင်စစ် အသင်တို့သည် အရှိန်အစော်ကြီးစွာဖြင့် ကျွန်ုပ်တို့ထံ လာရောက်လေ့ ရှိခဲ့ကြသည်ဟု ပြောဆိုကြပေမည်။

၀၃၇း ၂၉။ (ထိုအခါ) ၎င်းတို့(အား ခေါင်းဆောင်များ)က ပြောဆို ဖြေကြားကြပေမည်။ ထိုသို့အလျှင်းမဟုတ်။ စင်စစ်မှာကား အသင်တို့ကိုယ်တိုင် မုအ်မင်န် သက်ဝင်ယုံကြည်သူများ မဖြစ်ခဲ့ကြပေ။

၀၃၇း ၃၀။ ထိုမှတစ်ပါး ကျွန်ုပ်တို့၌ အသင်တို့အပေါ်ဝယ် သြဇာအာဏာ တစ်စုံတစ်ရာမျှလည်း မရှိခဲ့ပေ။ စင်စစ်မှာကား အသင်တို့ ကိုယ်တိုင်ပင် လွန်စွာ သောင်းကျန်းဆိုးသွမ်းများ ဖြစ်ခဲ့ကြပေသည်။

၀၃၇း ၃၁။ အမှန်သော်ကား ကျွန်ုပ်တို့သည် ဧကန်အမှန် (ပြစ်ဒဏ်၏) အရသာကို မြည်းစမ်းမည့်သူများ ဖြစ်ကြသည် ဟူသော ကျွန်ုပ်တို့အား ဖန်ဆင်းမွေးမြူ တော်မူသော အရှင်မြတ်၏မိန့်ကြားချက်သည် ကျွန်ုပ် တို့အားလုံးအပေါ်၌ မှန်ကန်ကြောင်း ထင်ရှားလေသည်။

၀၃၇း ၃၂။ သို့ဖြစ်ပေရာ ကျွန်ုပ်တို့သည် အသင်တို့အား လမ်းလွဲစေခဲ့ကြကုန်၏။ ဧကန်အမှန် ကျွန်ုပ်တို့ ကိုယ်တိုင်လည်း လမ်းလွဲသူများပင် ဖြစ်ခဲ့ကြကုန်၏။

၀၃၇း ၃၃။ သို့ဖြစ်သောကြောင့် စင်စစ်ဧကန် ၎င်းတို့ အားလုံးသည် ထိုနေ့တွင် ပြစ်ဒဏ်၌ (ခံစား)သူများ ပင် ဖြစ်ကြပေမည်။

၀၃၇း ၃၄။ မလွဲဧကန် ငါအရှင်မြတ်သည် အပြစ်ရှိသူ တို့အား ဤအတိုင်းပင် ပြုလုပ်လေ့ရှိတော်မူ၏။

၀၃၇း ၃၅။ မုချဧကန် ၎င်းတို့မှာ အလ္လာဟ်အရှင်မြတ်မှ တစ်ပါး ဆည်းကပ်ကိုးကွယ်ရာဟူ၍ အလျှင်းမရှိဟု ၎င်းတို့အား ပြောဆိုခဲ့သောအခါ ၎င်းတို့သည် မာန်မာန ထောင်လွှားလေ့ရှိခဲ့ကြကုန်၏။

၀၃၇း ၃၆။ ထိုမှတစ်ပါး ၎င်းတို့က ကျွန်ုပ်တို့သည် ရူးသွပ် သောကဗျာဆရာတစ်ဦး၏ပြောဆိုမှုကြောင့် မိမိတို့၏ ဆည်းကပ် ကိုးကွယ်ရာများကို စွန့်လွှတ်ကြရ မည်လောဟု ပြောဆိုလေ့ရှိကြကုန်၏။

၀၃၇း ၃၇။ စင်စစ်မှာကား ထို(တမန်တော်မြတ်)သည် အမှန်တရားကို ယူဆောင်ခဲ့သည့်ပြင် (အခြားသော) ရစူလ် တမန်တော် အပေါင်း တို့အားလည်း (ဟုတ်မှန် ကြောင်း) ယုံကြည် ထောက်ခံခဲ့ပေသတည်း။

၀၃၇း ၃၈။ ဧကန်မလွဲ အသင်တို့အားလုံးသည် နာကျင် ဖွယ်ဖြစ်သော ပြစ်ဒဏ်ကို မြည်းစမ်းကြရမည့်သူများ အမှန်ပင် ဖြစ်ကြကုန်၏။

၀၃၇း ၃၉။ သို့ရာတွင် အသင်တို့သည် မိမိတို့ကျင့်မူလျက် ရှိခဲ့ကြသောအမှုကိစ္စများ၏ အစားပေးခြင်းကိုသာလျှင် ခံကြရပေမည်။

၀၃၇း ၄၀။ သို့ရာတွင် ရွေးခြယ်ခြင်းကို ခံခဲ့ကြရသော အလ္လာဟ်အရှင်မြတ်၏ ကျွန်များသည်၊

၀၃၇း ၄၁။ ထိုသူတုိ့အဖို့မှာမူကား သတ်မှတ်ပြီးဖြစ်သော အစာအာဟာရသည် ရှိပေသည်။

၀၃၇း ၄၂။ သစ်သီးဝလံများပင်၊ ထိုမှတစ်ပါး ၎င်းတို့သည် ဂုဏ်အင် ချီးမြှင့်ခံကြရသူများ ဖြစ်ကြပေမည်။

၀၃၇း ၄၃။ စည်းစိမ်ချမ်းသာနှင့် ပြည့်စုံသောဥယျာဉ်များ၌၊

၀၃၇း ၄၄။ သလွန်များထက်ဝယ် မျက်နှာချင်းဆိုင် ထိုင်လျက် ရှိကြပေမည်။

၀၃၇း ၄၅။ ၎င်းတို့ရှေ့ဝယ် သွင်သွင်စီးလျက်ရှိသော အရက်ဖြင့်ပြည့်လျှံနေသော ဖလားသည် လှည့်ပတ် လျက်ရှိချေမည်။

၀၃၇း ၄၆။ အရောင်အသွေးဖြူသော၊ သောက်သုံးသူအဖို့ အရသာနှင့်ပြည့်စုံသော၊

၀၃၇း ၄၇။ ထိုအရက်ကြောင့် မူးဝေခြင်း-ခေါင်းခဲခြင်း လည်း ရှိမည်မဟုတ်ပေ။ ထိုနည်းတူစွာ ယင်းအရက် ကြောင့် ၎င်းတို့သည် သတိလစ် ကြရမည်လည်း မဟုတ်ပေ။

၀၃၇း ၄၈။ ထိုမှတစ်ပါး ၎င်းတို့ထံတွင် မျက်စိကို အောက် သို့ နှိမ့်ချထားသော၊ မျက်စိပြူး၍ လှပသောကြင်ဘက်များလည်း ရှိကြပေမည်။

၀၃၇း ၄၉။ ထိုကြင်ဘက်များမှာကား လျှို့ဝှက်ဖုံးအုပ်လျက် ထားရှိသော ဥများပမာ ဖြစ်ကြကုန်အံ့သတည်း။


၃၇း ၅၀။ ထို့နောက် ၎င်းတို့သည် မိမိတို့အချင်းချင်း တစ်ဦးဘက်သို့ တစ်ဦးလှည့်ကာ အပြန်အလှန် မေးမြန်းကြပေမည်။

၀၃၇း ၅၁။ ၎င်းတို့အနက် ပြောဆိုသူတစ်ဦးက (ဤသို့) ပြောဆိုပေမည်။ ကျွန်ုပ်တွင် အဖော်တစ်ယောက် ရှိခဲ့ဖူး၏။

၀၃၇း ၅၂။ ထိုအဖော်သည် ကျွန်ုပ်အား ပြောဆို(မေးမြန်း) လေ့ရှိ၏။ အသင်သည်လည်း (ကိယာမတ် ရှင်ပြန် ထမည့်နေ့ကို) ယုံကြည်ထောက်ခံသူတစ်ဦး ဖြစ်လေသလော။

၀၃၇း ၅၃။ ကျွန်ုပ်တို့သည် သေဆုံး၍(အသားအရေတို့မှာ) မြေကြီးဖြစ်သွားပြီးလျှင် အရိုးများသာလျှင် ကျန်ရစ် သောအခါ အမှန်ပင် ကျွန်ုပ်တို့သည် အစားပေးခြင်း ခံကြရသူများ ဖြစ်ကြရမည်လော။

၀၃၇း ၅၄။ (ထိုအခါ) ထိုအရှင်မြတ်သည် မိန့်ကြားတော်မူ ပေမည်။ (တစ်နည်း) ဂျန္နတ် သုခဘုံ၌ အတူရှိနေ သောအဖော်တစ်ဦးက ပြောဆိုပေမည်။ အသင်တို့သည် (ထိုအဖော်အား)ချောင်း၍ ကြည့်လိုကြ လေသလော။

၀၃၇း ၅၅။ ထို့နောက် ထိုသူသည် ချောင်း၍ကြည့်သော အခါ ထိုအဖော်အား ဂျဟန္နမ် ငရဲဘုံ၏အလယ်၌ တွေ့မြင်ပေမည်။

၀၃၇း ၅၆။ (ထိုအခါ) ၎င်းသည် ထိုအဖော်အား (ဤသို့) ပြောဆိုပေမည်။ အလ္လာဟ်အရှင်မြတ်၏ ကစမ် ဧကန်စင်စစ် အသင်သည် ကျွန်ုပ်အား ဖျက်ဆီးလု နီးနီး ဖြစ်ခဲ့ပေသည်။

၀၃၇း ၅၇။ အမှန်သော်ကား အကယ်၍သာ ကျွန်ုပ်အား ဖန်ဆင်းမွေးမြူတော်မူသော အရှင်မြတ်၏ ကျေးဇူးတော် သာလျှင် မရှိခဲ့မူ အမှန်ပင် ကျွန်ုပ်သည်လည်း ဖမ်းဆီး အရေးယူခြင်းခံခဲ့ကြရသောသူတို့တွင် အပါအ၀င် ဖြစ်မည်သာ။

၀၃၇း ၅၈။ သို့ဖြစ်လျှင် ကျွန်ုပ်တို့သည် သေဆုံးကြအံ့သော သူများ မဟုတ်တော့ပြီလော။

၀၃၇း ၅၉။ ကျွန်ုပ်တို့သည် ပထမအကြိမ် သေဆုံးခဲ့ကြခြင်း မှအပ၊ ၎င်းပြင် ကျွန်ုပ်တို့သည် ပြစ်ဒဏ်ပေးခြင်း ခံကြရမည့်သူများလည်း မဟုတ်ပြီ။

၀၃၇း ၆၀။ ဧကန်မလွဲ ဤသည်ပင်လျှင် ကြီးကျယ်စွာသော အောင်မြင်မှုတည်း။

၀၃၇း ၆၁။ (ကောင်းမြတ်သော အကျင့်သီလများကို) ကျင့်မူ ဆောက်တည်ကြသောသူတို့သည် ဤကဲ့သို့ သော (အောင်မြင်မှုရယူရန်) အလို့ငှာကျင့်မူ ဆောက် တည်ကြရာသတည်း။

၀၃၇း ၆၂။ ဤသည့်ဧည့်ခံပွဲသည် ပိုမို၍ကောင်းမြတ်လေ သလော၊ သို့တည်းမဟုတ် ရှားစောင်းကြီး ဆူးပင်သည် ပိုမို၍ ကောင်းမြတ်လေသလော။

၀၃၇း ၆၃။ ဧကန်အမှန် ငါအရှင်မြတ်သည် ယင်းသစ်ပင် ကို မတရားကျူးလွန်ကြသော သူတို့အဖို့ စမ်းသပ်မှု တစ်ရပ်ပင် ပြုလုပ်တော်မူခဲ့၏။

၀၃၇း ၆၄။ ဧကန်စင်စစ် ၎င်းမှာ ဂျဟန္နမ် ငရဲဘုံ၏ အရင်း၌ပေါက်ရောက်သော သစ်ပင်တစ်ပင်ဖြစ်လေ၏။

၀၃၇း ၆၅။ ယင်းသစ်ပင်၏အသီးမှာ ရှိုင်တွာန် မိစ္ဆာ ကောင်များ၊ မြွေများ၏ပါးပျဉ်းများကဲ့သို့ပင်ဖြစ်ပေ၏။

၀၃၇း ၆၆။ သို့ဖြစ်ပေရာ ဧကန်အမှန် ၎င်းတို့သည် ယင်း သစ်ပင်မှ အမှန်ပင် စားသုံးကြပေမည်။ ထို့နောက် ၎င်းတို့သည် ယင်းသစ်ပင်ဖြင့် ၀မ်းဗိုက်များကို ဖြည့်ကြပေမည်။

၀၃၇း ၆၇။ ထို့နောက် ထိုသူတို့သည် ၎င်း၏အပေါ်၌ ၀ါ(ထိုအပင်ကို စားသုံးဖြည့်တင်းပြီးနောက်) ကျိုက်ကျိုက်ဆူပွက်သောရေနွေးကို ရောစပ်(၍သောက်စေ) ခြင်းကို ခံကြရပေမည်။

၀၃၇း ၆၈။ ထို့နောက် ဧကန်မုချ ၎င်းတို့သည် ဂျဟန္နမ် ငရဲဘုံသို့ အမှန်ပင် ပြန်ကြရပေမည်။

၀၃၇း ၆၉။ ဧကန်စင်စစ် ၎င်းတို့သည် မိမိတို့၏အဘ၊ ဘိုး၊ ဘေးတို့အား လမ်းမှားသူများအဖြစ် တွေ့ရှိခဲ့ ကြကုန်၏။

၀၃၇း ၇၀။ သို့ဖြစ်ပေရာ ၎င်းတို့သည် ထိုအဘ၊ ဘိုး၊ ဘေးတို့၏ခြေရာများပေါ်၌ လျင်မြန်စွာ ပြေးလျှောက် ခဲ့ကြလေသတည်း။

၀၃၇း ၇၁။ အမှန်သော်ကား မုချဧကန် ၎င်းတို့အလျင် လည်း ရှေးသူဟောင်းတို့အနက် များစွာသောသူတို့မှာ လမ်းမှားခဲ့ကြကုန်၏။

၀၃၇း ၇၂။ စင်စစ်သော်ကား ဧကန်မလွဲ ငါအရှင်မြတ် သည် ၎င်းတို့တွင် သတိပေးနှိုးဆော်သူတို့အား စေလွှတ် တော်မူခဲ့၏။

၀၃၇း ၇၃။ သို့ဖြစ်ပေရာ (အို-နဗီတမန်တော်) အသင် သည် သတိပေး နှိုးဆော်ခြင်းခံခဲ့ကြရသောသူတို့၏ နောက်ဆုံးအကျိုးမှာ မည်ကဲ့သို့ ဖြစ်ခဲ့သည်ကိုရှုပါလေ။

၀၃၇း ၇၄။ သို့ရာတွင် ရွေးချယ်ခြင်း ခံခဲ့ကြရသော အလ္လာဟ်အရှင်မြတ်၏ကျွန်များမှာမူကား (လွတ်မြောက် ခဲ့ကြပေသတည်း)။

၀၃၇း ၇၅။ ၎င်းပြင် ဧကန်မလွဲ (နဗီတမန်တော်) နူးဟ် သည် ငါအရှင်မြတ်အား ဟစ်ခေါ်ခဲ့လေရာ ငါ အရှင်မြတ်သည် (နူးဟ်၏ ပန်ကြားချက်ကို) အဘယ်မျှ လောက် ကောင်းစွာ နားထောင်တော်မူသောအရှင် မြတ် ဖြစ်တော်မူဘိသနည်း။

၀၃၇း ၇၆။ ထို့ပြင် ငါအရှင်မြတ်သည် ထိုနူးဟ်အားလည်း ကောင်း၊ ထိုနူးဟ်၏ အိမ်သူအိမ်သားများအား လည်းကောင်း၊ ကြီးကျယ်လှစွာသော ပူပင်သောကမှ လွတ်မြောက်စေတော်မူခဲ့သည်။

၀၃၇း ၇၇။ ထိုမှတစ်ပါး ငါအရှင်မြတ်သည် ထိုနူးဟ်၏ အဆက်အနွယ်ကိုသာလျှင် (မသေမကြေ မပျောက် မပျက်) ကျန်ရစ်စေတော်မူခဲ့၏။
၀၃၇း ၇၈။ ၎င်းပြင် ငါအရှင်မြတ်သည် နောင်လာနောက်သားတို့တွင် ထို နူးဟ် နှင့်ပတ်သက်၍ (၎င်းအား ကောင်းမွန်စွာ သတိရစေခြင်းကို) ရှိစေတော်မူခဲ့၏။

၀၃၇း ၇၉။ ခပ်သိမ်းကုန်သော ကမ္ဘာသူ ကမ္ဘာသားများ တွင် နူးဟ် ၏အပေါ်ဝယ် စလာမ် ချမ်းမြေ့ သာယာမှုသည် ကျရောက်ပါစေ။

၀၃၇း ၈၀။ ဧကန်မလွဲ ငါအရှင်မြတ်သည် သူတော်ကောင်း တို့အား ဤနည်းအတိုင်းပင် အစားပေးတော်မူ၏။

၀၃၇း ၈၁။ ဧကန်စင်စစ် ထိုနူးဟ်သည် ငါအရှင်မြတ်၏ မုအ်မင်န် သက်ဝင်ယုံကြည်ကုန်သောကျွန်တို့တွင် အပါအ၀င်ဖြစ်၏။

၀၃၇း ၈၂။ ထို့နောက် ငါအရှင်မြတ်သည် အခြားသော သူတို့အား နှစ်မြှုပ်တော်မူခဲ့ပေသတည်း။

၀၃၇း ၈၃။ ထို့ပြင် ဧကန်မလွဲ ထို(နဗီတမန်တော်) နူးဟ်၏လမ်းစဉ်ကိုလိုက်သူတို့တွင် (နဗီတမန်တော် အီဗ်ရာဟီမ် သည်လည်း တစ်ဦးအပါအ၀င်ဖြစ်၏။

၀၃၇း ၈၄။ (ပြန်လည်သတိရကြလေကုန်၊) အကြင်အခါ ၀ယ် ထိုအီဗ်ရာဟီမ်သည် (ဒွိဟသံသယ စသောရောဂါ များ) ကင်းရှင်းသော စိတ်နှလုံးနှင့်တကွ မိမိအား ဖန်ဆင်းမွေးမြူတော်မူသောအရှင်မြတ်ဘက်သို့ လှည့်ခဲ့ လေ၏။

၀၃၇း ၈၅။ တစ်ရံရောအခါဝယ် ထို (နဗီတမန်တော်) အီဗ်ရာဟီမ်သည် မိမိဖခင်အားလည်းကောင်း၊ မိမိ အမျိုးသားတို့အားလည်းကောင်း၊ ပြောဆို (မေးမြန်း) ခဲ့၏။ အသင်တို့သည် မည်သည့်အရာကို ကိုးကွယ် နေကြသနည်း။

၀၃၇း ၈၆။ အသင်တို့သည် အလ္လာဟ်အရှင်မြတ်အားစွန့်၍ (မိမိတို့ကိုယ်တိုင်) ကြံဖန်ပြုလုပ်ထားသောကိုးကွယ်ရာ များကို (ဆည်းကပ်ကိုးကွယ်ရန်) လိုလားကြလေသလော။

၀၃၇း ၈၇။ သို့ဖြစ်လျှင် စကြာဝဠာခပ်သိမ်းတို့ကို ဖန်ဆင်း မွေးမြူတော်မူသော အရှင်မြတ်နှင့် ပတ်သက်၍ အသင်တို့သည် မည်သို့ ယူဆကြပေသနည်း။

၀၃၇း ၈၈။ ထို့နောက် အီဗ်ရာဟီမ်သည် ကြယ်နက်္ခတ် များကို တစ်ချက်စူးစိုက်၍ ကြည့်ခဲ့လေ၏။



၀၃၇း ၈၉။ ထို့နောက် ဧကန်အမှန် ငါသည် စိတ် ထိခိုက်သူ ဖြစ်သည်ဟု ပြောဆိုခဲ့လေ၏။

၀၃၇း ၉၀။ ထို့နောက် ၎င်းတို့သည် ထိုအီဗ်ရာဟီမ်၏ထံမှ ကျောခိုင်းလျက် လှည့်ပြန်ခဲ့ကြကုန်၏။

၀၃၇း ၉၁။ ထို့နောက် ထိုအီဗ်ရာဟီမ်သည် ထိုအမျိုးသား တို့၏ ကိုးကွယ်ရာ(ဆင်းတု)များထံ ၀င်ရောက်ခဲ့ပြီး လျှင် (ဤသို့)ပြောဆိုခဲ့၏။ အသင်တို့သည် အဘယ် ကြောင့် မစားကြသနည်း။

၀၃၇း ၉၂။ အသင်တို့သည် မည်သည့်အကြောင်းကြောင့် စကားမပြောကြသနည်း။

၀၃၇း ၉၃။ တစ်ဖန်ထိုအီဗ်ရာဟီမ်သည် ယင်းဆင်းတု တော်များအပေါ်သို့ အရှိန်ပြင်းစွာ သွားရောက်၍ လက်ယာလက်ဖြင့် ရိုတ်ခတ်လေတော့၏။

၀၃၇း ၉၄။ ထို့နောက် ၎င်းအမျိုးသားတို့သည် ထို အီဗ်ရာဟီမ်၏ထံသို့ အပြေးအလွှားလာခဲ့ကြလေသည်။

၀၃၇း ၉၅။ ထိုအခါ ထိုသူ(အီဗ်ရာဟီမ်)က (ဤသို့) ပြောကြားခဲ့၏။ အသင်တို့သည် မိမိတို့ကိုယ်တိုင် ထုလုပ်ထားကြသောအရာများကို ဆည်းကပ် ကိုးကွယ် ကြလေသလော။

၀၃၇း ၉၆။ စင်စစ်သော်ကား အလ္လာဟ်အရှင်မြတ်သည် သာလျှင် အသင်တို့အားလည်းကောင်း၊ အသင်တို့ ပြုလုပ်ကျင့်မူကြသော အရာဝတ္ထုများကို လည်းကောင်း၊ (အားလုံးကိုပင်) ဖန်ဆင်းတော်မူခဲ့၏။

၀၃၇း ၉၇။ ထို(အခါ) အမျိုးသားတို့က အသင်တို့သည် ထိုအီဗ်ရာဟီမ်၏အဖို့ အဆောက်အအုံတစ်ခုကို တည် ဆောက်ပြီးလျှင်၊ ၎င်းအား မီးတောက်မီးလျှံအတွင်းသို့ ပစ်ချကြလေကုန် ဟု ပြောဆိုခဲ့ကြကုန်၏။

၀၃၇း ၉၈။ အချုပ်မှာ ၎င်းတို့သည် ထိုအီဗ်ရာဟီမ်နှင့် ပတ်သက်၍ မကောင်းသောအကြံအစည်ကို ကြံရွယ် ခဲ့ကြသော်လည်း ငါအရှင်မြတ်သည် ၎င်းတို့အား (အရေး)နိမ့်စေတော်မူခဲ့ပေသတည်း။

၀၃၇း ၉၉။ ထို့နောက် ထိုအီဗ်ရာဟီမ်သည် (ဤသို့) ပြောကြားခဲ့လေ၏။ ဧကန်အမှန် ငါသည် ငါ့အား ဖန်ဆင်းမွေးမြူတော်မူသော အရှင်မြတ်အထံတော်သို့ သွားတော့မည်။ ထိုအရှင်မြတ်သည် ငါ့အား (လိုရာ ပန်းတိုင်သို့) အမှန်ပင် ပို့ဆောင်တော်မူပေမည်။

၀၃၇း ၁၀၀။ အို-ကျွန်တော်မျိုးအား ဖန်ဆင်း မွေးမြူ တော်မူသောအရှင်၊ အရှင်မြတ်သည် ကျွန်တော်အား သူတော်ကောင်း (သား)တစ်ယောက် ချီးမြှင့် ပေးသနားတော်မူပါ။

၀၃၇း ၁၀၁။ သို့ဖြစ်ပေရာ ငါအရှင်မြတ်သည် ထိုအီဗ်ရာဟီမ် အား ခန်္တီတရားနှင့် ပြည့်စုံသောသားတော်တစ်ပါး၊ (ချီးမြှင့်တော်မူမည် ဖြစ်ကြောင်း) ၀မ်းမြောက်ဖွယ် သတင်းပေးတော်မူခဲ့၏။

၀၃၇း ၁၀၂။ ၎င်းနောက် ထိုသားတော်သည် ထိုအီဗ်ရာဟီမ် နှင့်အတူ သွားလာပြေးလျှောက်နိုင်သော အရွယ်သို့ ရောက်သောအခါ ထိုအီဗ်ရာဟီမ်သည် (ဤသို့) ပြောကြားခဲ့လေ၏။ အို-ချစ်သား ငါသည် ဧကန်မလွဲ အသင့်အား လှီးဖြတ်နေသည်ကို အိပ်မက်တွင် ဧကန် အမှန် မြင်မက်သည်။ သို့ဖြစ်ပေရာ အသင်သည် မည်သို့ ထင်မြင်ယူဆသနည်း စဉ်းစားပါလေ။ ထို(အခါ) သားတော်က အို-ခမည်းတော်၊ ခမည်းတော်သည် ပေးတော်မူခြင်းခံရသော အမိန့်တော် ကိုသာ လိုက်နာဆောင်ရွက်ပါ၊ အင်န်ရှာအလ္လာဟ် (အလ္လာဟ်အရှင်မြတ် အလိုရှိတော်မူခဲ့ပါလျှင်) ခမည်း တော်သည် ကျွန်တော့်အား ခန်္တီတရား ထားရှိသူ တစ်ဦးအဖြစ် အမှန်ပင် တွေ့ရှိပါလိမ့်မည်ဟု ပြန်ကြား ခဲ့လေ၏။

၀၃၇း ၁၀၃။ ထို့နောက် ထို(သားအဖ) နှစ်ပါးလုံးသည် အမိန့်တော်ကို လိုက်နာပြီး ထိုအီဗ်ရာဟီမ်သည် (လှီးဖြတ်ရန်) ထိုသားတော်အား မှောက်လျက် လှဲခဲ့လေသောအခါ။

၀၃၇း ၁၀၄။ ငါအရှင်မြတ်သည် ၎င်းအား (ဤသို့) အသံပြု တော်မူခဲ့၏။ အို-အီဗ်ရာဟီမ်၊

၀၃၇း ၁၀၅။ ဧကန်မလွဲ အသင်သည် အိပ်မက်ကို အမှန် အကန် ဆောင်ရွက်ခဲ့လေပြီ။ ဧကန်အမှန် ငါအရှင်မြတ် သည် သူတော်ကောင်းတို့အား ဤနည်းအတိုင်းပင် အစားပေးလေ့ရှိတော်မူ၏။

၀၃၇း ၁၀၆။ ဧကန်မလွဲ ဤသည် ထင်ရှားစွာသောစမ်းသပ် မှုတစ်ရပ် အမှန်ပင်ဖြစ်၏။

၀၃၇း ၁၀၇။ ၎င်းပြင် ငါအရှင်မြတ်သည် ကြီးကျယ် မြင့်မြတ်လှစွာသော သတ်ဖြတ်အပ်သည့်သားကောင် တစ်ကောင်ဖြင့် (အစားထိုး၍) ထိုသားတော်အား ရွေးယူတော်မူခဲ့၏။

၀၃၇း ၁၀၈။ ၎င်းပြင် ငါအရှင်မြတ်သည် နောင်လာနောက် သားတို့တွင် ထိုအီဗ်ရာဟီမ်နှင့်ပတ်သက်၍ (၎င်းအား ကောင်းမွန်စွာ သတိရခြင်းကို) ရှိစေတော်မူခဲ့၏။

၀၃၇း ၁၀၉။ အီဗ်ရာဟီမ်၏အပေါ်ဝယ် စလာမ် ချမ်းမြေ့ သာယာမှုသည် ကျရောက်ပါစေ။

၀၃၇း ၁၁၀။ ဧကန်မလွဲ ငါအရှင်မြတ်သည် သူတော်ကောင်း တို့အား ဤနည်းအတိုင်းပင် အစားပေးလေ့ရှိတော်မူ၏။

၀၃၇း ၁၁၁။ ဧကန်စင်စစ် ထိုအီဗ်ရာဟီမ်သည် ငါအရှင်မြတ် ၏ မုအ်မင်န် သက်ဝင်ယုံကြည်ကြကုန်သော ကျွန်တို့အနက် အပါအ၀င်ဖြစ်၏။

၀၃၇း ၁၁၂။ ၎င်းပြင် ငါအရှင်မြတ်သည် ထိုအီဗ်ရာဟီမ် အား အစ်ဟာက် နှင့်ပတ်သက်၍ နဗီတမန်တော် တစ်ပါး၊ သူတော်ကောင်းတစ်ပါးဖြစ်မည့်အကြောင်း ၀မ်းမြောက်ဖွယ်သတင်း မိန့်ကြားတော်မူခဲ့၏။

၀၃၇း ၁၁၃။ ထိုမှတစ်ပါး ငါအရှင်မြတ်သည် ထိုအီဗ်ရာဟီမ် ၏အပေါ်၌လည်းကောင်း၊ အစ်ဟာက် ၏အပေါ်၌ လည်းကောင်း၊ ချမ်းသာကြောင်းကို ချပေးသနားတော် မူခဲ့၏။ သို့ရာတွင် ၎င်းတို့နှစ်ဦး၏ သားမြေးတို့အနက် သူတော်ကောင်းလည်းရှိ၏။ မိမိကိုယ်ကို မိမိ အထင် အရှား နှိပ်စက်ကလူ ပြုသူလည်းရှိချေသတည်း။

၀၃၇း ၁၁၄။ ထိုမှတစ်ပါး မလွဲဧကန် ငါအရှင်မြတ်သည် (နဗီတမန်တော်) မူစာ ၏အပေါ်၌လည်းကောင်း၊ (နဗီတမန်တော်) ဟာရူန် ၏အပေါ်၌လည်းကောင်း၊ ကျေးဇူးပြုတော်မူခဲ့၏။

၀၃၇း ၁၁၅။ ထို့ပြင် ငါအရှင်မြတ်သည် ထို မူစာ နှင့် ဟာရူန် နှစ်ဦးတို့အားလည်းကောင်း၊ ထိုနှစ်ဦးတို့ ၏အမျိုးသားတို့အား လည်းကောင်း၊ ကြီးကျယ်စွာသော ပူပင်သောကမှ ကယ်တင်တော်မူခဲ့၏။

၀၃၇း ၁၁၆။ ထို့ပြင် ငါအရှင်မြတ်သည် ၎င်းတို့အား ကူညီ စောင်မတော်မူခဲ့ရာ ၎င်းတို့သည်ပင်လျှင် အောင်မြင်သူ များ ဖြစ်ခဲ့ကြကုန်၏။

၀၃၇း ၁၁၇။ ထို့ပြင် ငါအရှင်မြတ်သည် ထိုမူစာနှင့်ဟာရူန် နှစ်ဦးစလုံးကို ရှင်းလင်းပြတ်သားသော(တောင်ရာတ်) ကျမ်းဂန်ကို ချီးမြှင့်ပေးသနားတော်မူခဲ့၏။

၀၃၇း ၁၁၈။ ထိုမှတစ်ပါး ငါအရှင်မြတ်သည် ထိုမူစာနှင့် ဟာရူန်နှစ်ဦးစလုံးအား ဖြောင့်မတ်မှန်ကန်သော တရားလမ်းကို ညွှန်ကြားပြသတော်မူခဲ့၏။

၀၃၇း ၁၁၉။ ၎င်းပြင် ငါအရှင်မြတ်သည် နောက်လာနောက် သားတို့တွင် ၎င်းတို့နှစ်ဦးစလုံးနှင့်ပတ်သက်၍ (၎င်းတို့ နှစ်ဦးစလုံးအား ကောင်းမွန်စွာ သတိရခြင်းကို) ရှိစေတော်မူခဲ့၏။

၀၃၇း ၁၂၀။ စလာမ် ငြိမ်းချမ်းသာယာမှုသည် မူစာ၏ အပေါ်၌လည်းကောင်း၊ ဟာရူန်၏အပေါ်၌လည်း ကောင်း၊ ကျရောက်ပါစေ။

၀၃၇း ၁၂၁။ ဧကန်မလွဲ ငါအရှင်မြတ်သည် ဤနည်းအတိုင်း ပင် သူတော်ကောင်းတို့အား အစားပေးလေ့ရှိတော်မူ၏။

၀၃၇း ၁၂၂။ ဧကန်စင်စစ် ထိုနှစ်ဦးစလုံးသည် ငါအရှင်မြတ် ၏ မုအ်မင်န် သက်ဝင်ယုံကြည်ကြကုန်သော ကျွန်တို့တွင် အပါအ၀င် ဖြစ်ကြ ကုန်သတည်း။

၀၃၇း ၁၂၃။ ထိုမှတစ်ပါး ဧကန်စင်စစ် အီလ်ယာစ် သည် ရစူလ် တမန်တော်တို့တွင် အမှန်ပင် တစ်ဦး အပါ အ၀င်ဖြစ်၏။

၀၃၇း ၁၂၄။ တစ်ရံရောအခါဝယ် အီလ်ယာစ် သည် မိမိ အမျိုးသားတို့အား (ဤသို့) ပြောကြားခဲ့လေ၏။ (အချင်းတို့၊) အသင်တို့သည် (အလ္လာဟ်အရှင်မြတ် အား) မကြောက်ရွံ့ကြလေသလော။

၀၃၇း ၁၂၅။ အသင်တို့သည် အကောင်းဆုံး ဖန်ဆင်းတော် မူသော အရှင်မြတ်အား စွန့်ထားကြ၍ ဗအ်လ် (ဟုမည်တွင်သော ဆင်းတု)ကို ဟစ်ခေါ်(တသ ကိုး ကွယ်ဆည်းကပ်)ကြလေသလော။

၀၃၇း ၁၂၆။ အသင်တို့အား ဖန်ဆင်းမွေးမြူတော်မူသော အရှင်၊ ထိုနည်းတူစွာ အသင်တို့၏ ရှေးဟောင်းအဘ၊ ဘိုး၊ ဘေးများအား ဖန်ဆင်းမွေးမြူတော်မူသောအရှင် ဖြစ်တော်မူသော အလ္လာဟ်အရှင်မြတ်အား (စွန့်ထား ကြ၍)။

၀၃၇း ၁၂၇။ သို့တစေလည်း ၎င်းတို့သည် ထို(နဗီတမန် တော်) အီလ်ယာစ်အား မုသာဝါဒီဟူ၍ စွပ်စွဲငြင်းပယ် ခဲ့ကြပေရာ၊ ဧကန်စင်စစ် ၎င်းတို့သည် (ငါအရှင်မြတ် ၏) ရှေ့တော်မှောက်သို့ သွင်းခြင်းခံကြရမည့်သူများ အမှန်ပင် ဖြစ်ကြကုန်၏။

၀၃၇း ၁၂၈။ သို့ရာတွင် ရွေးချယ်ခြင်း ခံခဲ့ကြရလေသော အလ္လာဟ်အရှင်မြတ်၏ ကျွန်တို့မှာမူကား (ကောင်းမြတ်သော အကျိုးကျေးဇူးကို ခံစားကြရပေမည်)။

၀၃၇း ၁၂၉။ စင်စစ် ငါအရှင်မြတ်သည် ထိုအီလ်ယာစ်နှင့် ပတ်သက်၍ နောင်လာနောက်သားတို့တွင် (၎င်းအား ကောင်းမွန်စွာ သတိရခြင်းကို) ရှိစေတော်မူခဲ့၏။

၀၃၇း ၁၃၀။ စလာမ် ငြိမ်းချမ်း သာယာမှုသည် အီလ်ယာစီန် ၏အပေါ်ဝယ် ကျရောက်ပါစေ။

၀၃၇း ၁၃၁။ ဧကန်မလွဲ ငါအရှင်မြတ်သည် သူတော်ကောင်း တို့အား ဤနည်းအတိုင်းပင် အစားပေးလေ့ရှိတော်မူ၏။

၀၃၇း ၁၃၂။ စင်စစ်ဧကန် ထို အီလ်ယာစီန် သည် ငါ အရှင်မြတ်၏ သက်ဝင်ယုံကြည်ကုန်သောကျွန်တို့တွင် တစ်ဦး အပါအ၀င် ဖြစ်ချေသတည်း။

၀၃၇း ၁၃၃။ ထိုမှတစ်ပါး ဧကန်မလွဲ လူတ် သည်လည်း ရစူလ် တမန်တော်တို့တွင် အပါအ၀င်ဖြစ်လေ၏။

၀၃၇း ၁၃၄။ အကြင်အခါဝယ် ငါအရှင်မြတ်သည် ထို လူတ် အားလည်းကောင်း၊ ထို လူတ် ၏ အိမ်သူ အိမ်သား အားလုံးတို့ကိုလည်းကောင်း၊ ကယ်တင်တော် မူခဲ့၏။

၀၃၇း ၁၃၅။ သို့ရာတွင် အမယ်အိုတစ်ဦးမှာ ကျန်ရစ်ခဲ့သူ တို့တွင် ပါဝင်ခဲ့၏။

၀၃၇း ၁၃၆။ ထို့နောက် ငါအရှင်မြတ်သည် အခြားသော သူတို့အား ဖျက်ဆီးတော်မူခဲ့၏။

၀၃၇း ၁၃၇။ စင်စစ်ဆိုသော် မုချဧကန် အသင်တို့သည် နေ့အခါ၌ ၎င်းတို့၏(ပျက်စီးနေသောမြို့ရွာ)အနီးမှ ဖြတ်သန်း သွားလာလျက်ပင် ရှိကြကုန်၏။

၀၃၇း ၁၃၈။ ထိုနည်းတူစွာ (အသင်တို့သည်) ညဥ့်အခါ၌ လည်း (ဖြတ်သန်းသွားလာလျက် ရှိကြပေသည်၊) သို့ပါလျက် အသင်တို့သည် (မစဉ်းစားမဆင်ခြင်) မသိ နားမလည်ကြလေသလော။

၀၃၇း ၁၃၉။ ထိုမှတစ်ပါး ဧကန်အမှန် ယူနွတ်စ် သည်လည်း ရစူလ် တမန်တော်တစ်ဦးဖြစ်ခဲ့၏။

၀၃၇း ၁၄၀။ အခါတစ်ပါး၌ ထို ယူနွတ်စ် သည် ကုန်စည် အပြည့်တင်ထားသော သင်္ဘော၏အနီးသို့ ပြေး၍ သွားခဲ့လေ၏။

၀၃၇း ၁၄၁။ ထို့နောက် ထို ယူနွတ်စ် သည် (သင်္ဘော သားများ) မဲစာရေးတံချရာတွင် ပါဝင်မဲချစေခဲ့ရာ၊ ၎င်းမှာ အရေးရှုံးနိမ့်သူ ဖြစ်ခဲ့ရလေ၏။

၀၃၇း ၁၄၂။ ထို့နောက် ထိုယူနွတ်စ်သည် မိမိကိုယ်ကို မိမိအပြစ်တင်လျက်ရှိနေစဉ် ငါးသည် ၎င်းအား မျိုခဲ့လေ၏။

၀၃၇း ၁၄၃။ စင်စစ်သော်ကား အကယ်၍သာ ထို ယူနွတ်စ် သည် (ငါအရှင်မြတ်) စင်ကြယ်သန့်ရှင်းတော်မူ ကြောင်း မြွက်ဆိုသူ မဖြစ်ခဲ့မူ။

၀၃၇း ၁၄၄။ အမှန်ပင် ထို ယူနွတ်စ် သည် ကိယာမတ် ရှင်ပြန်ထမည့်နေ့တိုင်အောင် ထိုငါး၏ ၀မ်းဗိုက်ထဲ၌ သာ နေခဲ့ရပေမည်။

၀၃၇း ၁၄၅။ ထို့နောက် ငါအရှင်မြတ်သည် ထို ယူနွတ်စ် အား လွင်တီးပြင်၌ချတော်မူခဲ့ရာ ၎င်းမှာ နွမ်းရိလျက် ရှိခဲ့၏။

၀၃၇း ၁၄၆။ ထို့ပြင် ငါအရှင်မြတ်သည် ၎င်း၏အပေါ်၌ နွယ်တက်သော အပင်တစ်ပင်ကို ပေါက်ရောက်စေတော် မူခဲ့၏။

၀၃၇း ၁၄၇။ ထို့နောက် ငါအရှင်မြတ်သည် ၎င်းအား (လူဦးရေ)တစ်သိန်း သို့မဟုတ် တစ်သိန်းကျော်ရှိ အမျိုးသားတို့ထံ (ရစူလ်တမန်တော်အဖြစ်) စေလွှတ်တော်မူခဲ့၏။

၀၃၇း ၁၄၈။ ထိုအခါ ၎င်းအမျိုးသားတို့သည် အီမာန် သက်ဝင်ယုံကြည်ခဲ့ကြပေရာ ငါအရှင်မြတ်သည် ၎င်းတို့ အား သတ်မှတ်ပြီးဖြစ်သော အချိန်ကာလတိုင်အောင် အကျိုးကျေးဇူးခံစားခွင့် ပေးသနားတော်မူခဲ့ပေ သတည်း။

၀၃၇း ၁၄၉။ ယခုသော် အသင်သည် ၎င်းတို့အား မေးမြန်း ပါလေ။ အသင့်အား ဖန်ဆင်းမွေးမြူတော်မူသော အရှင်မြတ်၌ သမီးမိန်းကလေးများ ရှိကြ၍၊ ၎င်းတို့၌ မူကား သားယာက်ျားကလေးများ ရှိကြလေသလော။

၀၃၇း ၁၅၀။ သို့တည်းမဟုတ် ငါအရှင်မြတ်သည် မလာအိ ကဟ် ကောင်းကင်တမန်တို့အား မိန်းမများအဖြစ် ဖန်ဆင်းတော်မူခဲ့ သည်ကို လည်းကောင်း၊ သို့ ကြည့်ရှု လျက် ရှိခဲ့ကြလေသလော။

၁၅၁။ ကောင်းစွာ မှတ်ယူကြလေကုန်။ ဧကန်အမှန် ၎င်းတို့သည် မိမိတို့၏ လီဆယ်မှုဖြင့်သာ ပြောဆို နေကြသည်။

၀၃၇း ၁၅၂။ အလ္လာဟ်အရှင်မြတ်သည် (သားသမီး) မွေးဖွားတော်မူသည် ဟု။ သို့ရာတွင် စင်စစ်ဧကန် ၎င်းတို့သည် မုသာဝါဒီများပင် ဖြစ်ကြကုန်၏။

၀၃၇း ၁၅၃။ အလ္လာဟ်အရှင်မြတ်သည် သမီးမိန်းကလေး များအား သားယောက်ျားကလေးများထက် ဦးစားပေး တော်မူခဲ့သလော။

၀၃၇း ၁၅၄။ အသင်တို့၌ မည်သို့သော အကြောင်းပြချက် ရှိသနည်း။ အသင်တို့သည် မည်သို့ အဆုံးအဖြတ် ပေးကြသနည်း။

၀၃၇း ၁၅၅။ အသင်တို့သည် ဆင်ခြင်သုံးသပ်ခြင်း မပြုကြ လေသလော။

၀၃၇း ၁၅၆။ သို့တည်းမဟုတ် အသင်တို့၌ ထင်ရှားစွာ သောသက်သေ အထောက်အထား တစ်စုံတစ်ရာ ရှိလေသလော။

၀၃၇း ၁၅၇။ သို့ရှိခဲ့လျှင် အကယ်၍ အသင်တို့သည် သစ်္စာ ၀ါဒီများ ဖြစ်ကြပါမူ မိမိတို့၏ကျမ်းဂန်ကို ယူလာ (တင်ပြ)ကြလေကုန်။

၀၃၇း ၁၅၈။ ထိုမှတစ်ပါး ၎င်းတို့သည် (မိမိတို့၏ စိတ်ကူး ဖြင့်) ထိုအရှင်မြတ်နှင့် ဂျင်န်(န်)သတ္တ၀ါတို့၏ အကြားဝယ် ဆွေမျိုးတော်စပ်မှုကို ဖန်တီးခဲ့ကြကုန်၏။ အမှန်စင်စစ်သော်ကား ဂျင်န်(န်)သတ္တ၀ါတို့ ကိုယ်တိုင် မိမိတို့မှာ (ပြစ်ဒဏ်၌) အမှန်ပင် အဆင်သင့် ရောက်ရှိစေခြင်း ခံကြရမည့်သူများ ဖြစ်ကြသည်ကို ကောင်းစွာ သိရှိပြီး ဖြစ်ကြကုန်၏။

၀၃၇း ၁၅၉။ အလ္လာဟ်အရှင်မြတ်သည် ၎င်းတို့ ကြံဖန်ပြောဆိုကြသည်တို့မှ လုံးဝ ကင်းရှင်းစင်ကြယ်တော်မူ၏။

၀၃၇း ၁၆၀။ သို့ရာတွင် ရွေးချယ်ပြီးဖြစ်သော အလ္လာဟ် အရှင်မြတ်၏ကျွန်များမှာမူကား (ပြစ်ဒဏ်မှ ကင်းလွတ် ကြကုန်အံ့သတည်း)။

၀၃၇း ၁၆၁။ သို့ဖြစ်ရာ အသင်တို့သည်လည်းကောင်း၊ အသင်တို့၏ ဆည်းကပ် ကိုးကွယ်ရာတို့သည် လည်းကောင်း။

၀၃၇း ၁၆၂။ အသင်တို့သည် (အားလုံးစုရုံးလျက်ပင်) ထို အရှင်မြတ်ဘက်မှ သွေးဆောင်နိုင်ကြသူများ မဟုတ် ကြပေ။ (တစ်နည်း) ထိုအသင်တို့၏ ကိုးကွယ်ရာဘက်သို့ သွေးဆောင်နိုင်ကြသူများမဟုတ်ကြပေ။

၀၃၇း ၁၆၃။ ဂျဟန္နမ် ငရဲဘုံ၌ ကျရောက်အံ့သောသူမှ တစ်ပါး အခြားမည်သူတစ်ဦးတစ်ယောက်ကိုမျှပင်။

၀၃၇း ၁၆၄။ (ကောင်းကင်တမန်များ)က စင်စစ်သော်ကား ကျွန်ုပ်တို့အနက် အသီးသီးအဖို့ အဆင့်အတန်း တစ်ခုစီ သတ်မှတ်ပြီး ဖြစ်သည်။

၀၃၇း ၁၆၅။ ၎င်းပြင် ဧကန်မလွဲ ကျွန်ုပ်တို့သည် စီတန်း၍ နေကြသူများပင် ဖြစ်ကြကုန်သည်။

၀၃၇း ၁၆၆။ ထိုမှတစ်ပါး ဧကန်စင်စစ် ကျွန်ုပ်တို့သည် (အလ္လာဟ်အရှင်မြတ်) စင်ကြယ် သန့်ရှင်းတော်မူကြောင်း မြွက်ဆိုသူများပင် ဖြစ်ကြကုန်သည်။ (ဟု ဆိုကြသည်)။

၀၃၇း ၁၆၇။ စင်စစ်သော်ကား ဧကန်မလွဲ ထို(မုရ်ှရစ်က်) တို့သည် (ဤသို့)ပြောဆိုလျက် ရှိခဲ့ကြကုန်၏။

၀၃၇း ၁၆၈။ ဧကန်အမှန် အကယ်၍သာ ကျွန်ုပ်တို့ထံ၌ ရှေးသူဟောင်းတို့၏ဆုံးမသြ၀ါဒ တစ်စုံတစ်ရာရှိခဲ့မူ။

၀၃၇း ၁၆၉။ အမှန်ပင် ကျွန်ုပ်တို့သည် ရွေးချယ်ခြင်း ခံကြရ သော အလ္လာဟ်အရှင်မြတ်၏ကျွန်များပင် ဖြစ်ကြမည်။

၀၃၇း ၁၇၀။ သို့ပါလျက် ၎င်းတို့သည် ယင်းဆုံးမသြ၀ါဒကို ငြင်းပယ်ခဲ့ကြကုန်၏။ သို့ဖြစ်ပေရာ ၎င်းတို့သည် မကြာမြင့်မီပင် သိရှိကြရမည်။

၀၃၇း ၁၇၁။ အမှန်သော်ကား ငါအရှင်မြတ်၏ ရစူလ် တမန်တော်များဖြစ်ကြသော ကျွန်တို့နှင့်ပတ်သက်၍ ငါအရှင်မြတ်၏ အမိန့် ဗျာဒိတ်တော်သည် ရှေးဦး မဆွကပင် သတ်မှတ်ပြီးဖြစ်ခဲ့ပြီ။

၀၃၇း ၁၇၂။ ဧကန်အမှန် ၎င်းတို့သည်သာလျှင် ကူညီစောင်မခြင်း ခံကြရမည့်သူများ ဖြစ်ကြောင်း။

၀၃၇း ၁၇၃။ စင်စစ်သော်ကား ဧကန်အမှန် ငါအရှင်မြတ်၏ တပ်မတော်သည်သာလျှင် လွှမ်းမိုးမည်ပင်။

၀၃၇း ၁၇၄။ သို့ဖြစ်ပေရာ (အို-နဗီတမန်တော်) အသင်သည် ၎င်းတို့အား အချိန်ကာလ အနည်းငယ်တိုင်အောင် လျစ်လျူရှု၍ နေပါလေ။

၀၃၇း ၁၇၅။ ထိုမှတစ်ပါး အသင်သည် ၎င်းတို့အား ကြည့် နေပါလေ။ ထို့နောက် မကြာမြင့်မီပင် ၎င်းတို့သည် လည်း မြင်ကြရပေမည်။

၀၃၇း ၁၇၆။ ၎င်းတို့သည် ငါအရှင်မြတ်၏ ပြစ်ဒဏ်ကို အလျင်စလို တောင်းဆိုကြလေသလော။

၀၃၇း ၁၇၇။ စင်စစ်သော်ကား ယင်းပြစ်ဒဏ်သည် ၎င်းတို့ ၏အိမ်ဝင်းထဲ၌ ကျရောက်လာသောအခါ သတိပေး နှိုးဆော်ခြင်းခံကြရသောသူများ၏ နံနက်အချိန်ပင် အချိန်မှာ အလွန်ဆိုးရွားလှသော နံနက်အချိန်ပင် ဖြစ်ချိမ့်မည်။

၀၃၇း ၁၇၈။ (အို-နဗီတမန်တော်၊) အသင်သည် ၎င်းတို့ အား အချိန်ကာလ အနည်းငယ်တိုင်အောင် လျစ်လျူ၍ နေပါလေ။

၀၃၇း ၁၇၉။ ထို့ပြင် အသင်သည် ကြည့်၍သာနေပါလေ။ ထို့နောက် ၎င်းတို့သည်လည်း မကြာမြင့်မီပင် မြင်ကြ ရကုန်အံ့သတည်း။

၀၃၇း ၁၈၀။ အသင့်အား ဖန်ဆင်း မွေးမြူတော်မူသော၊ အနန္တဂုဏ်ထူးရှင် ဖြစ်တော်မူသော အရှင်မြတ်သည် ၎င်းတို့ ကြံဖန်ပြောဆိုကြသည်တို့မှ လုံးဝ ကင်းရှင်း စင်ကြယ်တော်မူပါဘိတကား။

၀၃၇း ၁၈၁။ ၎င်းပြင် ချမ်းမြေ့သာယာမှုသည် ရစူလ် တမန်တော်တို့အပေါ်ဝယ် ကျရောက်ပါစေသော်။

၀၃၇း ၁၈၂။ ထိုမှတစ်ပါး ချီးမွမ်းထောပနာ အလုံးစုံတို့သည် စကြာဝဠာခပ်သိမ်းတို့ကို ဖန်ဆင်းမွေးမြူတော်မူသော အရှင်မြတ်နှင့်သာ အပ်စပ်ပေ သတည်း။

No comments: