၀၁၈ ။ စူရာ ကဟ်ဖ်း ကဏ္ဍ ( မက္ကာမြို့တော်ကျ- အစောင် ၁၅၊ ၁၁၈ အာယသ်တော်)
မပြတ်မစဲ သနားကြင်နာ ညှာတာတော်မူသော မဟာကရုဏာတော်ရှင် ဖြစ်တော်မူသော အလ္လာဟ်အရှင်မြတ်၏ နာမံတော်ဖြင့် အစပြုပါ၏။ 
၀၁၈ ။ ၁။ ချီးမွမ်းထောပနာအပေါင်းတို့သည် အကြင် အလ္လာဟ်အရှင်မြတ်နှင့်သာ သက်ဆိုင်၏။ ထိုအရှင်မြတ်သည် မိမိကျွန်(မုဟမ္မဒ်)၏အပေါ်ဝယ် ကျမ်းတော်မြတ် (ကုရ်အာန်)ကို ချပေးသနားတော်မူခဲ့၏။ ၎င်းပြင် ထိုအရှင်မြတ်သည် ယင်း(ကုရ်အာန်)ကျမ်းတော်၌ မည်သည့်(ဝေ့၀ိုက်)ကွေ့ကောက်မှုကိုမျှ ထားရှိတော် မမူခဲ့ချေ။
၀၁၈ ။ ၂။ အမှန်မှာ ထိုကျမ်းဂန်ကို ဖြောင့်မတ်စွာ ပြုစုထားတော်မူခဲ့ပေသည်။ ထိုအရှင်မြတ်အထံတော်မှ (ကျရောက်အံ့သော) ပြင်းထန်လှသောပြစ်ဒဏ်မှ သတိပေးအံ့သောငှာလည်းကောင်း၊ ကောင်းမြတ်သော အကျင့်သီလများကို ကျင့်မူဆောက်တည်ကြကုန်သော မုအ်မင်န်သက်ဝင်ယုံကြည်သူတို့အား ယင်းတို့အဖို့ အလွန်မွန်မြတ်လှစွာသော အကျိုးဆုလာဘ်ရှိသည်ဟု သတင်းကောင်း ပေးအံ့သောငှာလည်းကောင်း။
၀၁၈ ။ ၃။ (၎င်းတို့သည်) ယင်း(ဂျန္နတ်သုခဘုံတည်းဟူသော) အကျိုးဆုလာဘ်၌ အမြဲထာဝစဉ် နေထိုင်လျက် ရှိကြပေမည်။
။ ၀၁၈ ။ ၄။ အလ္လာဟ်အရှင်မြတ်သည် သားတော်တစ်ပါး မွေးစားတော်မူခဲ့သည်ဟု ပြောဆိုကြကုန်သော သူတို့အား သတိပေးနှိုးဆော်အံ့သောငှာလည်းကောင်း။
၀၁၈ ။ ၅။ (စင်စစ်) ထိုသူတို့လည်း ဤ(စွပ်စွဲချက်)နှင့် စပ်လျဉ်း၍ မည်သည့်သက်သေသာဓက တစ်စုံတစ်ရာမျှပင် မရှိပေ။ ထိုနည်းတူစွာ၎င်းတို့၏ အဘ၊ ဘိုး၊ ဘေးတို့၌လည်း (မည်သည့် အသိပညာ သက်သေသာဓက တစ်စုံတစ်ရာမျှပင် မရှိချေ။ ၎င်းတို့၏ နှုတ်မှထွက်သောစကားသည် အလွန်ကြီးကျယ်လှပေသည်။ ၎င်းတို့သည် မဟုတ်မမှန် မုသား(စကား) ကိုသာ ပြောဆိုကြကုန်သတည်း။
၀၁၈ ။ ၆။ သို့ဖြစ်ရာ (အို-နဗီတမန်တော်) အကယ်၍ ၎င်းတို့သည် ဤကျမ်းတော်ကို မယုံကြည်ခဲ့ကြပါလျှင် အသင်သည် ၎င်းတို့ (သွေဖည်ငြင်းပယ်ခဲ့ကြပြီး) နောက်တွင် မိမိကိုယ်ကို မိမိပင် ၀မ်းနည်း ပူဆွေးသော အားဖြင့် ပျက်စီးစေမည့်ဟန်တူပေသည်။(သေလုမတတ် ပူပန်သောကများနေဟန်တူသည်)။
၀၁၈ ။ ၇။ ဧကန်မလွဲ ငါအရှင်မြတ်သည် လူတို့အား ၎င်းတို့အနက် မည်သူသည် အကျင့်အမူအားဖြင့် အကောင်းဆုံး ဖြစ်သည်ကို စမ်းသပ်တော်မူအံ့သောငှါ၊ ပထ၀ီမြေပေါ်၌ရိကုန်သော အရာဝတ္ထုများကို ငါအရှင်ြမတ်သည် ယင်း ပထ၀ီမြေ၏ အလှူများ ပြုလုပ်တော်မူခဲ့လေ၏။
၀၁၈ ။ ၈။ တစ်ဖန် ဧကန်မလွဲ ငါအရှင်မြတ်သည် ယင်း ပထ၀ီမြေပေါ်၌ ရှိရှိသမျှတို့ကို အမှန်ပင် သွေ့ခြောက်သောမြေပြင်အတိ ပြုလုပ်တော်မူမည့်အရှင်မြတ်လည်း ဖြစ်တော်မူပေသတည်း။
၀၁၈ ။ ၉။ ဧကန်စင်စစ် ဥမင်လိုဏ်ခေါင်းတွင် ခို(အောင်း ခဲ့)သူတို့သည်ရေးသားထားသော သင်ပုန်းရှင်တို့နှင့် ရကီမ်မြို့သားတို့သည်ငါအရှင်မြတ်၏ သက်သေ လက္ခဏာများအနက် ထူးဆန်းအံ့ဖွယ်ဖြစ်သည်ဟု အသင်ထင် မှတ်လေလော့။
၀၁၈ ။ ၁၀။ (ပြန်လည် အောက်မေ့သတိရပါလေ)၊ အကြင်အခါဝယ် ထိုလူငယ်တို့သည် ဥမင်လိုဏ်ခေါင်းသို့ (သွားရောက်) ခိုအောင်းခဲ့လေသည်။ထို့နောက် ၎င်းတို့သည် ကျွန်တော်မျိုးတို့အားဖန်ဆင်း မွေးမြူတော် မူသောအရှင်၊ အရှင်မြတ်သည် ကျွန်တော်မျိုးတို့အား မိမိအထံတော်မှကရုဏာတော်ကို ချီးမြှင့်ပေးသနားတော်မူပါ။ ထိုမှတစ်ပါး အရှင်မြတ်သည် ကျွန်တော်မျိုးတို့ အဖို့ ကျွန်တော်မျိုးတို့၏အရေးကိစ္စ၌ ဖြောင့်မတ်မှုကို ပေးသနားတော်မူပါဟု လျှောက်ထား(အသနား)ခံခဲ့ကြကုန်၏။
၀၁၈ ။ ၁၁။ သို့ဖြစ်ပေရာ ငါအရှင်မြတ်သည် ၎င်းတို့၏ နားပေါ်၌ ဥမင်လိုဏ်ခေါင်းတွင် ရေတွက်ထားသော နှစ်ပေါင်းများစွာအထိ (တံဆိပ်)ရိုက်နှိပ် (ငိုက်မည်းခြင်း၏) အဖုံးအကာကို ချထားတော်မူခဲ့လေသည်။ (၀ါ) အိပ်ပျော်စေ တော်မူခဲ့လေသည်။
၀၁၈ ။ ၁၂။ ထိုနောက် ငါအရှင်မြတ်သည် ၎င်းတို့အား ထိုအုပ်စုနှစ်စုအနက် မည်သည့်အုပ်စုသည် ၎င်းတို့ နေထိုင်ခဲ့ကြသော (အချိန်ကာလ၏)အဆုံးအစွန်ကို ရေတွက်မှတ်သားခဲ့သည်ကို သိအံ့သောငှာ ပြန်နိုး စေတော်မူခဲ့ပေ သတည်း။
၀၁၈ ။ ၁၃။ (အို-နဗီတမန်တော်) ငါအရှင်မြတ်သည် အသင့်အား ၎င်းတို့၏ အတ္ထုပတိ်္တအကြောင်းကို မှန်ကန်စွာ ပြောပြတော်မူလေသည်။ ဧကန်အမှန် ၎င်းတို့သည် မိမိတို့ကို ဖန်ဆင်းမွေးမြူတော်မူသော အရှင်မြတ်အား သက်ဝင် ယုံကြည်ခဲ့ကြကုန်သော လုလင်အချို့ပင် ဖြစ်ခဲ့ကြကုန်၏။ထို့ပြင် ငါအရှင်မြတ်သည် ၎င်းတို့၌ တရားလမ်းမှန် ရရှိမှုကို တိုးပွားများပြားစေတော် မူခဲ့ပေသည်။
၀၁၈ ။ ၁၄။ ထိုမှတစ်ပါး ၎င်းတို့သည် (မိမိတို့ဘုရင်၏ ရှေ့ဝယ် သို့မဟုတ် လူများ၏ရှေ့ဝယ်) မားမားမတ်မတ် ရပ်တည်ခဲ့ကြသောအခါငါအရှင်မြတ်သည် ၎င်းတို့၏ စိတ်နှလုံးကို ကြံ့ခိုင်စေတော်မူခဲ့လေသည်။ ထိုအခါ ၎င်းတို့သည် (ဤသို့) ပြောကြားခဲ့ကြလေသည်။“ကျွန်ုပ်တို့၏အရှင်ကား မိုးကောင်းကင်ကိုလည်းကောင်း၊ ပထ၀ီမြေကို လည်းကောင်း၊ ဖန်ဆင်းတော်မူသောအရှင်ပင် ဖြစ်တော်မူပေသည်။(သို့ဖြစ်ရာ) ကျွန်ုပ်တို့သည် ထိုအရှင်မြတ်မှ တစ်ပါး မည်သူတစ်ဦးတစ်ယောက်ကိုမျှ ကိုးကွယ်ရာအဖြစ် အလျှင်းဟစ်ခေါ်(တသကိုးကွယ်ဆည်းကပ်) ကြမည်မဟုတ်ကြောင်း၊ ထိုသို့ (ပြုခဲ့ကြသည်) ဖြစ်လျှင် ဧကန်မလွဲ ကျွန်ုပ်တို့သည် အလွန့်အလွန် လွန်ကဲသောအမှုကိစ္စကို၊အမှန်တရားနှင့် အလွန်ဝေးကွာ ကမ်းလှမ်းသောစကားကို၊ ပြောဆို (ကျူးလွန်)သူများပင် ဖြစ်သွားကြမည်ဖြစ်ကြောင်း””။
၀၁၈ ။ ၁၅။ (ကျွန်ုပ်တို့၏) ဤအမျိုးသားတို့သည် ထိုအရှင်မြတ်မှတစ်ပါး အခြားကိုးကွယ်ရာများ ပြုလုပ်ခဲ့ကြကုန်၏။ ၎င်းတို့သည် ယင်း(ကိုးကွယ်ရာ)တို့(ကို ခ၀ပ်ကိုးကွယ်ခြင်း)နှင့် ပတ်သက်၍ ထင်ရှားသော သက်သေသာဓက တစ်စုံတစ်ရာကို အဘယ်ကြောင့် ယူဆောင် (တင်ပြ)ခြင်းကို မပြုကြသနည်း။ သို့ဖြစ်ပေရာ အလ္လာဟ်အရှင်မြတ်အပေါ်၌ မဟုတ်မမှန် မုသားကို လီဆယ်စွပ်စွဲသောသူထက် သာလွန် မတရားသောသူဟူ၍ တစ်ဦးတစ်ယောက်မျှပင် မရှိပေတကား။
၀၁၈ ။ ၁၆။ ထို့နောက် (ယင်းလုလင်တို့အနက် အချို့က အချို့အား)အသင်တို့သည် ယင်း(အမျိုးသား)တို့ထံမှလည်းကောင်း၊အလ္လာဟ်အရှင်မှတစ်ပါး ထိုသူတို့ ကိုးကွယ်ဆည်းကပ်ကြကုန်သော ကိုးကွယ်ရာများ ထံမှလည်းကောင်း၊ ခွဲခွာနောက်ဆုတ်ခဲ့ကြပြီးဖြစ်ပေရာအသင်တို့သည် (ထို)ဥမင်လိုဏ်ခေါင်းသို့ (သွားရောက်) ခိုလှုံကြလေကုန်။အသင်တို့အား မွေးမြူဖန်ဆင်းတော်မူသော အရှင်မြတ်သည် မိမိကရုဏာတော်ကို အသင်တို့အပေါ်ဝယ် ဖြန့်၍ပေးသနားတော်မူပေမည်။ ၎င်းပြင်ထို အရှင်မြတ်သည် အသင်တို့အဖို့ အသင်တို့၏ အရေးကိစ္စကို အထူး အကျိုးကျေးဇူးရှိစေရန် စီမံ၍ ပေးတော်မူမည် ဖြစ်သည်။
၀၁၈ ။ ၁၇။ ၎င်းပြင် (အို-နဗီတမန်တော်) အသင်သည် နေထွက်သောအခါ ထိုနေသည် ထို(လုလင်)တို့၏ လိုဏ်ဂူမှ လက်ယာဘက်သို့ညွှတ်၍နေသည်ကို လည်းကောင်း၊ တစ်ဖန် ထိုနေသည် (ပြန်)၀င်သောအခါ လက်ဝဲဘက်သို့ (ကျော်ထွက်ကာ) ထိုသူတို့အား ရှောင်ကွင်း၍သွားသည်ကိုလည်းကောင်း၊ တွေ့မြင်ရမည် ဖြစ်၏။ စင်စစ် ၎င်းတို့သည် ယင်းလိုဏ်ဂူတွင် ကျယ်ဝန်းသော နေရာ၌ပင်ရှိခဲ့ကြကုန်၏။ဤသည်ကား အလ္လာဟ်အရှင်မြတ်၏ လက္ခဏာတော်များအနက် လက္ခဏာတော်တစ်ရပ်ပင်ဖြစ်၏။ အလ္လာဟ်အရှင်မြတ် တရားလမ်းမှန်ကို ညွှန်ပြသော သူသည်သာလျှင် တရားလမ်းမှန်ကို ရရှိသူဖြစ်၏။ သို့ရာတွင် ထိုအရှင်မြတ်က လမ်းမှားစေတော်မူသော သူမှာမူကား ထိုသူအား ကူညီရိုင်းပင်းမည်ဖြစ်သော၊ တရားလမ်းမှန်ညွှန်ပြသော အဆွေခင်ပွန်းဟူ၍ တစ်ဦးတစ်ယောက်မျှပင် အသင် အလျှင်းတွေ့ရှိလိမ့်မည်မဟုတ်ပေတကား။
၀၁၈ ။ ၁၈။ ထို့ပြင် (အို-နဗီတမန်တော်) အသင်သည် ၎င်းတို့အား (တွေ့မြင်ရပါလျှင်) နိုးနေကြသူများဟူ၍ပင် ထင်မှတ်ပေမည်။ စင်စစ်၎င်းတို့သည် အိပ်ပျော်၍ နေကြသူများပင်ဖြစ်ကြကုန်၏။ ၎င်းပြင် ငါအရှင်မြတ်သည်ပင် ထိုသူတို့အား လက်ယာဘက်သို့လည်းကောင်း၊လက်ဝဲဘက်သို့လည်းကောင်း၊ ပြောင်း၍ပေးတော်မူ၏။ ထိုမှတစ်ပါး ၎င်းတို့၏ခွေးသည် တံခါးဝ၌ မိမိ လက်နှစ်ဖက်ကို ဖြန့်(ခင်း)လျက်ရှိခဲ့၏။(အို-နဗီတမန်တော်) အကယ်၍သာ အသင်သည် ၎င်းတို့အား ချောင်းကြည့်ခဲ့ပါမူ အမှန်ပင် အသင်သည် ၎င်းတို့ဘက်မှ ကျောခိုင်း၍ထွက်ပြေးသည့်ပြင် ၎င်းတို့အား ထိတ်လန့်မှုသည်လည်း အမှန်ပင် အသင်၌ ပြည့်လျှံ၍ သွားခဲ့မည်သာတည်း။
၀၁၈ ။ ၁၉။ ၎င်းပြင် ဤနည်းနှင်နှင် ငါအရှင်မြတ်သည် ထိုသူတို့အား ၎င်းတို့အချင်းချင်း တစ်ဦးကိုတစ်ဦး မေးမြန်းကြအံ့သောငှာ (ပြန်လည်၍)နိုးထစေတော် မူခဲ့၏။ (ထိုအခါ) ၎င်းတို့အနက် ပြောဆိုသူတစ်ဦး က အသင်တို့သည် အဘယ်မျှလောက် (အချိန်ကာလ တိုင်အောင် အိပ်ပျော်)နေခဲ့ကြသနည်းဟု ပြောဆိုမေးမြန်းခဲ့ရာ ထိုသူတို့(အနက် အချို့)က ကျွန်ုပ်တို့သည် တစ်နေ့ သို့မဟုတ် နေ့၏တစ်စိတ်တစ်ဒေသမျှပင်အိပ်နေခဲ့ကြပါသည်ဟု ဖြေကြားခဲ့လေသည်။(ထိုအခါ) ၎င်း(တို့အနက် အချို့သူ)တို့ကမူ (ဤသို့)ပြောဆိုခဲ့ကြလေသည်။ (စင်စစ်) အသင်တို့ အိပ်ပျော်နေခဲ့ကြသော အချိန်ကာလကိုအသင်တို့အား ဖန်ဆင်းမွေးမြူတော်မူသောအရှင်မြတ်သည်သာလျှင် အသိဆုံးပင် ဖြစ်တော်မူ၏။သို့ဖြစ်ပေရာ အသင်တို့သည် (ယခု) မိမိတို့ အနက် တစ်ဦးဦးကို မိမိတို့၏ ဤငွေဒင်္ဂါးကိုပေး၍ မြို့ထဲသို့ စေလွှတ်ကြလေကုန်။ သို့စေလွှတ်ခဲ့လျှင် မည်သည့် အစားအစာသည် အစင်ကြယ်ဆုံးဖြစ်သည်ကို ကြည့်ရှုပြီးနောက် ထိုသူသည် စားဖွယ်အချို့ကို အသင်တို့ထံ ယူဆောင်လာခဲ့ရမည်။ သို့ရာတွင် ထိုသူသည် (မြို့ထဲသို့သွားရာ၌ မြို့သူမြို့သားတို့သည် လုံးဝဒွိဟသံသယ မဖြစ်ကြစေရန်) ပရိယာယ် ကျင့်သုံးရမည်။ ၎င်းပြင် ထိုသူသည် အသင်တို့နှင့် ပတ်သက်၍ မည်သူတစ်ဦးတစ်ယောက်ကိုမျှ မသိစေရ။
၀၁၈ ။ ၂၀။ အဘယ်ကြောင့်ဆိုသော် အကယ်၍ ၎င်းတို့သည် အသင်တို့နှင့်ပတ်သက်၍ သိသွားခဲ့ကြပါလျှင် ထိုသူတို့သည် အသင်တို့အား ခဲဖြင့်ပစ်ပေါက်၍ သတ်ခြင်းကိုသော်လည်းကောင်း၊ မိမိတို့၏ဘာသာ၊ သာသနာတွင်းသို့ ပြန်လည်သိမ်းသွင်းခြင်းကိုသော် လည်းကောင်း၊ ပြုလုပ်ကြမည်ဖြစ်သောကြောင့်ပင်၊ စင်စစ်သော်ကား (အကယ်၍သာ ထိုကဲ့သို့ ဖြစ်ခဲ့ရပါလျှင်) အသင်တို့သည် မည်သည့်အခါမျှပင် အောင်မြင် ကြမည်မဟုတ်ပေ။
၀၁၈ ။ ၂၁။ စင်စစ်သော်ကား ဤနည်းနှင်နှင် ငါအရှင်မြတ်သည် (ထိုခေတ်ရှိ လူသားတို့အား) ၎င်းတို့နှင့် ပတ်သက်၍ သိစေတော်မူခဲ့လေ၏။သို့မှသာလျှင် (လူတို့သည်) အလ္လာဟ်အရှင်မြတ်၏ ကတိတော် မှန်ကန်ကြောင်းကိုလည်းကောင်း၊ ကိယာမတ်ရှင်ပြန် ထမည့်နေ့နှင့်စပ်လျဉ်း၍ ဒွိဟသံသယ အလျှင်းမရှိ ကြောင်းကိုလည်းကောင်း၊ သိရှိကြပေမည်။ (ပြန်လည် အောက်မေ့သတိရကြပေကုန်)။ အကြင်အခါဝယ်ထို(ခေတ် ထိုကာလ၌ ရှိခဲ့ကြသော) သူတို့သည် ယင်း(လုလင်)တို့၏ အရေးကိစ္စနှင့် စပ်လျဉ်း၍ ငြင်းခုံ နေကြကုန်၏။ ထိုအခါ (ကာဖိရ်သွေဖည်ငြင်းပယ်သူ တို့က) ထို(လုလင်)တို့၏အနီးတွင် အဆောက်အအုံ တစ်ခုခုကို တည်ဆောက်ကြလေကုန်ဟု ပြောဆိုခဲ့ကြကုန်၏။သို့ရာတွင် မိမိတို့၏အရေးကိစ္စ၌ အောင်မြင်ခဲ့ကြကုန်သော(အာဏာပိုင် မုအ်မင်န်သက်ဝင်ယုံကြည်) သူတို့က ကျွန်ုပ်တို့မူကားယင်း(လုလင်)တို့၏အနီးတွင် ၀တ်ကျောင်းတစ်ခုကို မုချ တည်ဆောက်ကြမည်ဟု ပြောဆိုခဲ့ကြကုန်သတည်း။
၀၁၈ ။ ၂၂။ မကြာမြင့်မီပင် (အချို့သူတို့က ယင်းလုလင်တို့မှာ) သုံးဦးဖြစ်ခဲ့ကြသည်။ ၎င်းတို့အနက် စတုတ္ထမှာ ၎င်းတို့၏ခွေးဖြစ်သည်ဟုပြောဆိုကြပေမည်။ထို့ပြင် (အချို့ သူတို့ကမူ)ငါးဦး ဖြစ်ခဲ့ကြ သည်၊၎င်းတို့အနက် ဆဋ္ဌမမှာ ၎င်းတို့၏ခွေးဖြစ်ခဲ့သည်ဟု ပြောဆိုကြမည်။သို့ရာတွင် (အချို့သူတို့မှာ မူကား) ခုနစ်ဦး ဖြစ်ခဲ့ကြသည်။ ထို့ပြင် ၎င်းတို့အနက် အဋ္ဌမမှာ ၎င်းတို့၏ခွေး ဖြစ်ခဲ့ကြသည်ဟု ပြောဆိုကြပေမည်။(အို-နဗီတမန်တော်) အသင်သည် (ဤသို့) ပြောကြားပါလေ။ (အချင်းတို့၊ စင်စစ်) ငါ့အား ဖန်ဆင်းမွေးမြူတော်မူသော အရှင်မြတ်သည်သာလျှင် ၎င်းတို့၏အရေအတွက်ကို အသိဆုံးဖြစ်တော်မူ၏။ အနည်းငယ်မျှသောသူတို့မှအပ၊ ၎င်း(တို့၏ အရေအတွက်)ကို မည်သူမျှမသိပေ။ သို့ဖြစ်ပေရာ (အို-နဗီတမန်တော်) အသင်သည် ၎င်းတို့နှင့်ပတ်သက်၍ အပေါ်ယံအားဖြင့် ငြင်းခုံခြင်းမှတစ်ပါး(အကြီးအကျယ်) ငြင်းခုံ(ဆွေးနွေး)ခြင်းကိုမူကား မပြုပါလေနှင့်။ ထိုမှတပါး အသင်သည် ၎င်းတို့နှင့်ပက်သက်၍ ထို(ကျမ်းဂန်ရရှိသူ)တို့အနက် မည်သူတစ်ဦး တစ်ယောက်ကိုမျှ မေးမြန်းခြင်းကိုလည်း မပြုပါလေနှင့်။
၀၁၈ ။ ၂၃။ ၎င်းပြင် (အို-နဗီတမန်တော်) အသင်သည် မည်သည့် တစ်စုံတစ်ရာနှင့်မျှ စပ်လျဉ်း၍ ဧကန်အမှန် ငါသည် ယင်းကိစ္စကိုနက်ဖြန်ပြုလုပ်အံ့ ဟူ၍ အလျှင်း မပြောဆိုပါလေနှင့်။
၀၁၈ ။ ၂၄။ ““သို့ရာတွင် အလ္လာဟ်အရှင်မြတ် အလိုရှိတော် မူပါလျှင်”” (ပြုလုပ်အံ့ဟု ပြောပါလေ)။ ထိုမှတစ်ပါး အသင်သည် မေ့လျော့၍သွားခဲ့သော် (ပြန်လည်၍ သတိရလာသောအခါ ချက်ချင်း) မိမိအား ဖန်ဆင်း မွေးမြူတော်မူသော အရှင်မြတ်ကို အောက်မေ့တသ သတိရပါလေ။၎င်းပြင် အသင်သည် (၎င်းတို့အား အချင်းတို့၊) ငါ့အား ဖန်ဆင်းမွေးမြူတော်မူသော အရှင်မြတ်သည် တရားလမ်းညွှန်ရာ၌ ဤသည်ထက်ပိုမို၍ နီးစပ်သောအရာကို ညွှန်ပြတော်မူတန်ရာသည်ဟု ပြောကြားပါလေ။
၀၁၈ ။ ၂၅။ စင်စစ် (ယင်းလုလင်)တို့သည် မိမိတို့၏ ဥမင်လိုဏ်ခေါင်းတွင် နှစ်ပေါင်းသုံးရာနှင့် ကိုးနှစ်တိုင်တိုင် နေခဲ့ကြကုန်၏။
၀၁၈ ။ ၂၆။ (အို-နဗီတမန်တော်) အသင်သည်(၎င်းတို့အား အချင်းတို့) ယင်း(လုလင်)တို့နေခဲ့ကြသောအချိန်ကာလ နှစ်ပရိစ္ဆေဒကို အလ္လာဟ်အရှင်မြတ်သည်သာလျှင် အသိဆုံးဖြစ်တော်မူကြောင်း၊ (စင်စစ်) မိုးကောင်းကင်များရှိ ဖုံးကွယ်လျက်ရှိကုန်သောအရာများကိုလည်းကောင်း၊ ပထ၀ီမြေရှိဖုံးကွယ်လျှက်ရှိကုန်သော အရာများကို လည်းကောင်း၊ သိစွမ်းနိုင်မှုသည် အလ္လာဟ်အရှင်မြတ် ၌သာရှိနေပေရာ၊ ထိုအရှင်မြတ်သည် အဘယ်မျှမြင်တော်မူသောအရှင်၊ အဘယ်မျှ ကြားတော်မူသောအရှင် ဖြစ်တော်မူကြောင်း၊ ထိုသူတို့အဖို့ ထိုအရှင်မြတ်မှ တစ်ပါး ကိစ္စအ၀၀ကို ပြီးစီးအောင်ပြုလုပ်၍ပေးမည့် သူဟူ၍ တစ်ဦးတစ်ယောက်မျှ မရှိကြောင်း၊ စင်စစ် ထိုအရှင်မြတ်သည် မိမိအမိန့်ပြဋ္ဌာန်းမှုတွင် မည်သူ တစ်ဦးတစ်ယောက်ကိုမျှပင် ဖက်စပ်ပါဝင်စေတော်မူသည် မဟုတ်ကြောင်း၊ ပြောကြားပါလေ။
၀၁၈ ။ ၂၇။ ထို့ပြင် (အို-နဗီတမန်တော်) အသင်သည် မိမိအား ဖန်ဆင်းမွေးမြူတော်မူသော အရှင်မြတ်၏ ကျမ်းဂန်မှ မိမိထံသို့ ထုတ်ပြန်တော်မူခြင်းခံရသော အမိန့်တော်များကို (၎င်းတို့ရှေ့ဝယ်) ဖတ်ကြားပါလေ။ထိုအရှင်မြတ်၏ အာယတ်တော်များကို ပြောင်းလဲမည့်သူဟူ၍ တစ်ဦးတစ်ယောက်မျှပင် မရှိချေ။ စင်စစ် အသင်သည် ထိုအရှင်မြတ်(အထံတော်)မှတစ်ပါး ခိုကိုးရာဟူ၍ အလျှင်း တွေ့ရှိလိမ့်မည်မဟုတ်ပေ။
၀၁၈ ။ ၂၈။ ၎င်းပြင် (အို-နဗီတမန်တော်) အသင်သည် မိမိကိုယ်ကို အကြင်သူတို့နှင့်အတူ ချုပ်တည်း၍ထား ပါလေ။ ထိုသူတို့သည် မိမိတို့အားဖန်ဆင်းမွေးမြူ တော်မူသောအရှင်မြတ်ကို ထိုအရှင်မြတ်၏ အလိုတော်ကိုသာရည်စူး၍ နံနက်ယံ၌လည်းကောင်း၊ ညနေချမ်း၌ လည်းကောင်း၊ဟစ်ခေါ် (တသ သတိရ)ကြကုန်၏။ထိုမှတစ်ပါး အသင်သည် ဤလောကီဘ၀၏ တင့်တယ်မှုကို ရည်စူးလျက် မိမိ၏ မျက်စိနှစ်လုံးကို၎င်းတို့ ဘက်မှ (ပြန်)မလှည့်ပါလေနှင့် (လျစ်လျူမပြုပါနှင့်၊)ထို့ပြင် အသင်သည် အကြင်သူ၏စကားကို မလိုက်နာပါလေနှင့်။ ငါအရှင်မြတ်သည် ထိုသူ၏ စိတ်နှလုံးကို ငါအရှင်မြတ်အား အောက်မေ့တသသတိရခြင်းမှ မေ့လျော့စေတော်မူခဲ့၏။ ၎င်းပြင် ထိုသူသည် မိမိအလိုဆန္ဒကိုသာ လိုက်နာလျက် ရှိနေလေ၏။ စင်စစ်သော်ကား ၎င်း၏အရေးကိစ္စမှာ အလွန်အကျွံပင် ဖြစ်နေချေသတည်း။
၀၁၈ ။ ၂၉။ ထိုမှတစ်ပါး (အို-နဗီတမန်တော်) အသင်သည် (၎င်းတို့အား ဤသို့)ပြောကြားပါလေ။ (အချင်းတို့) အမှန်တရားသည် အသင်တို့အားဖန်ဆင်းမွေးမြူတော်မူသော အရှင်မြတ်အထံတော်မှ ရောက်ရှိလာခဲ့ချေပြီ။သို့ဖြစ်ပေရာ မည်သူမဆို ယုံကြည်လိုလျှင် ယုံကြည် နိုင်၏။ထိုနည်းတူစွာ မည်သူမဆို ငြင်းပယ်လိုလျှင် ငြင်းပယ်နိုင်၏။ ဧကန်မလွဲ ငါအရှင်မြတ်သည် မတရားကျူးလွန်သူတို့အဖို့ (ငရဲ)မီးကိုအသင့်ပြုလုပ်၍ ထားတော်မူလေသည်။ ထိုမီး၏ တံတိုင်းများသည် ၎င်းတို့အား ၀န်းဝိုင်းလျက်ရှိချေမည်။ထို့ပြင် အကယ်၍ ၎င်းတို့သည် ရေတောင်းကြလျှင် အရည်ကျိုထားသော ခဲရည်ကဲ့သို့သောရေပေး ခြင်းကိုခံကြရပေမည်။ ထိုရေသည်(သောက်သုံးသူတို့ ၏)မျက်နှာများကို လောင်ကျွမ်းစေမည် ဖြစ်ပေသည်။ ထိုရေသည် အဘယ်မျှလောက် ဆိုးရွားလှသောရေဖြစ်၍ထိုငရဲဘုံမှာလည်း အဘယ်မျှလောက် ဆိုးရွားလှသော နားရာနေရာပင် ဖြစ်ချေသနည်း။
၀၁၈ ။ ၃၀။ ဧကန်စင်စစ် အကြင်သူတို့သည် သက်ဝင်ယုံကြည်ခဲ့ကြကုန်၏။ ၎င်းပြင် ထိုသူတို့သည် ကောင်းမြတ်သော အကျင့်သီလများကိုလည်းကျင့်မူ ဆောက်တည်ခဲ့ကြကုန်၏။ ဧကန်စင်စစ် ငါအရှင်မြတ် သည် အကျင့်သီလ ကောင်းမြတ်သောသူ၏ ကုသိုလ် အကျိုးကိုဆုံးရှုံးစေတော်မူသည် မဟုတ်ပေ။
၀၁၈ ။ ၃၁။ ဤသူများပင်၊ ၎င်းတို့အဖို့ ထာဝစဉ်တည်သော ဥယျာဉ်များသည် ရှိကြပေမည်။ ၎င်းတို့အောက်မှ စမ်းရေချောင်းများသည် စီးတွေလျက်ရှိကြပေမည်။၎င်းတို့သည် ထိုဥယျာဉ်များ၌ ရွှေလက်ကောက်များဖြင့် တန်ဆာဆင်ယင်ပေးခြင်းကို ခံကြရပေမည်။ ထိုမှ တစ်ပါး ထိုသူတိုသည် ပါးလွှာသော ပိုးဖျင်မှလည်းကောင်း၊ ထူသော ပိုးဖျင်များမှလည်းကောင်း၊ အစိမ်းရောင် (အ၀တ်အစားများကို) ၀တ်ဆင်ကြပေမည်။(ထိုသူတို့သည်) ယင်းဥယျာဉ်များတွင် သလွန်များပေါ်၌ မှီလျက်ရှိကြပေမည်။ ထို(ကုသိုလ်)အကျိုးသည် အဘယ်မျှလောက် ကောင်းမြတ်သော ကုသိုလ်အကျိုး ဖြစ်၍ ထိုဥယျာဉ်သည်လည်း အဘယ်မျှလောက် ကောင်းမြတ်လှစွာသော နားရာနေရာပင် ဖြစ်ချေသနည်း။
၀၁၈ ။ ၃၂။ ထို့ပြင် (အို-နဗီတမန်တော်) အသင်သည် ၎င်းတို့အား လူနှစ်ယောက်၏ ဥပမာကို ခိုင်းနှိုင်း၍ ပြပါလေ။ ငါအရှင်မြတ်သည်၎င်းတို့နှစ်ဦးအနက် တစ်ဦးအား စပျစ်ခြံနှစ်ခြံကို ချီးမြှင့်ပေးသနားတော် မူခဲ့လေသည်။ ထို့ပြင် ငါအရှင်မြတ်သည် ယင်းခြံနှစ်ခြံ ကိုစွန်ပလွံပင်များဖြင့် ခြံရံ၍ ပေးတော်မူခဲ့သည်။ ထိုမှတစ်ပါး ငါအရှင်မြတ်သည် ထိုခြံနှစ်ခြံ၏အကြားတွင် လယ်တစ်ခုကိုလည်း ချီးမြှင့်ပေးသနားတော်မူခဲ့ လေသည်။
၀၁၈ ။ ၃၃။ ထိုခြံနှစ်ခြံမှာ မိမိတို့၏ အသီးအနှံများကို အနည်းငယ်မျှပင် လျော့နည်းစေခြင်းမရှိပဲ (ရာသီမလပ်) သီးပွင့်၍ ပေးလျက်ပင်ရှိခဲ့ကြ၏။ထိုမှတစ်ပါး ငါအရှင်မြတ်သည် ထိုခြံနှစ်ခြံ၏အကြားဝယ် ချောင်းတစ်ခုကိုလည်း စီးထွက်စေတော်မူခဲ့ပေသည်။
၀၁၈ ။ ၃၄။ ထိုမှတစ်ပါး ထိုသူ၌ (ယင်းလယ်ယာ ဥယျာဉ် များအပြင် အခြားသော)ဥစ္စာပစ္စည်းများလည်း ရှိခဲ့ပေရာ၊၎င်းက မိမိအဖော်အား ထိုအဖော်နှင့် စကားပြောလျက်ရှိစဉ် ““ကျွန်ုပ်သည် အသင့်ထက် ဥစ္စာပစ္စည်း အားဖြင့်လည်း (ချမ်းသာကြွယ်ဝ)ပိုမိုများပြားသူ ဖြစ်သည့်ပြင် ခြွေရံသင်းပင်းအားဖြင့်လည်း (အသင့် ထက်)ပိုမို များပြားသူပင်ဖြစ်ကြောင်း”” ပြောဆိုခဲ့လေသည်။
၀၁၈ ။ ၃၅။ ၎င်းနောက် ထိုသူသည် မိမိဥယျာဉ်သို့ မိမိကိုယ်ကို မိမိ နှိပ်စက်သူအဖြစ် ၀င်ရောက်လျက် (ဤ သို့) ပြောဆိုခဲ့လေသည်။ကျွန်ုပ်မူကား ဤဥယျာဉ်သည် မည်သည့်အခါ၌မျှ ပျက်စီးလိမ့်မည်မထင်။
၀၁၈ ။ ၃၆။ ထိုနည်းတူစွာ ကျွန်ုပ်သည် ကိယာမတ် ဖြစ်လိမ့်မည် ဟူ၍လည်းမထင်၊ သို့ရာတွင် အကယ်၍ ကျွန်ုပ်သည် မိမိအားဖန်ဆင်းမွေးမြူတော်မူသော အရှင်မြတ်အထံတော်သို့ ပြန်ပို့ခြင်းကို ခံခဲ့ရသည့် တိုင်လည်း၊ ဧကန်မလွဲ ကျွန်ုပ်သည် ယင်းဥယျာဉ်ထက် ပိုမို၍ကောင်းမြတ်သောနေရာကိုပင် ရရှိအံ့သတည်း။
၀၁၈ ။ ၃၇။ (ထိုအခါ) ၎င်း၏အဖော်သည် ၎င်းအား ဖြေကြားသောအားဖြင့် (ဤသို့) ပြောဆိုခဲ့လေ၏။ (အို-ချစ်ဆွေ) အသင်သည် အကြင်အရှင်မြတ်အား သွေဖည် ငြင်းပယ်ခဲ့လေသလော။ ထိုအရှင်မြတ်သည် အသင့်အား (ဦးစွာပထမ) မြေကြီးဖြင့် ဖန်ဆင်းတော်မူခဲ့လေသည်။ ထိုနောက် သုတ်ရည်တစ်စက်ဖြင့် (သန္ဓေတည်စေ)ပြီးနောက် အသင့်အား ယောက်ျားအဖြစ် ပြီးမြောက်စုံလင်အောင် စီမံဆောင်ရွက်တော်မူခဲ့ပေသည်။
၀၁၈း ၃၈။ သို့ရာတွင် ထိုအရှင်မြတ်သည် ကျွန်ုပ်အား ဖန်ဆင်းမွေးမြူတော်မူသောအလ္လာဟ်အရှင်မြတ်ပင် ဖြစ်တော်မူ၏။ ၎င်းပြင် ကျွန်ုပ်သည်မိမိအား ဖန်ဆင်း မွေးမြူတော်မူသောအရှင်မြတ်နှင့် မည်သူတစ်ဦး တစ်ယောက်ကိုမျှ တွဲဖက်နှိုင်းယှဉ် ကိုးကွယ်သည်လည်းမဟုတ်ပေ။
၀၁၈း ၃၉။ ၎င်းပြင် အသင်သည် မိမိဥယျာဉ်သို့ ၀င်ရောက်ခဲ့စဉ်အခါက (မာရှာအလ္လာဟ်လာကူးဝသ အစ်လ္လာဗစ် အလ္လာဟ်)““ဤသည် အလ္လာဟ်အရှင်မြတ် အလိုရှိတော်မူသောအရာတည်း၊ အလ္လာဟ်အရှင်မြတ်၏ အကူအညီ မရှိလျှင် မည်သို့မျှ စွမ်းဆောင်နိုင်ခြင်းမရှိပါ”” ဟုအဘယ့်ကြောင့် မဆိုခဲ့ပါသနည်း။ အကယ်၍ အသင်သည် ကျွန်ုပ်အား အသင့်ထက် ပစ္စည်းဥစ္စာအားဖြင့် လည်းကောင်း၊ သားသမီးဥစ္စာအားဖြင့်လည်းကောင်း နည်းပါးသူဖြစ်သည်ဟု မြင်နေပါလျှင်။
၀၁၈ ။ ၄၀။ သို့မြင်နေသော်လည်း ကျွန်ုပ်အား ဖန်ဆင်းမွေးမြူတော်မူသောအရှင်မြတ်သည် အသင်၏ဥယျာဉ်ထက် ပိုမိုကောင်းမြတ်သော(ဥယျာဉ်ကို) ကျွန်ုပ်အား ချီးမြှင့်ပေးသနားတော်မူ၍ (အသင်၏) ထိုဥယျာဉ်ပေါ်၌ မိုးကောင်ကင်မှ မိုးကြိုးလောင်မီး ဘေးအန္တရာယ်တစ်စုံတစ်ရာကို ချတော်မူတန်ရာ၏။ သို့ဖြစ်လျှင် (အသင် ၏) ထိုဥယျာဉ်မှာ ချောမွတ်သော မြေပြင်တစ်ခုသာ ဖြစ်သွားအံ့သတည်း။
၀၁၈ ။ ၄၁။ သို့တည်းမဟုတ် (အသင် ဥယျာဉ်အနီး၌ရှိ သော) ချောင်းရေသည် (မြေကြီးအောက်သို့) နက်ဝင်သွားတန်ရာ၏။ သို့ဖြစ်လျှင်အသင်သည် ထိုရေကို အလျှင်းရှာဖွေ(ထုတ်ယူ)နိုင်မည် မဟုတ်ပေတကား။
၀၁၈ ။ ၄၂။ ထို့နောက် ထိုသူ၏ ဥစ္စာပစ္စည်း (ခြံဥယျာဉ် စသည်)များသည် (ဘေးအန္တရာယ်များ၏) ၀န်းဝိုင်းခြင်းကိုခံခဲ့ရလေသည်။ သို့ဖြစ်ရာထိုသူသည် ယင်းဥယျာဉ်၌ (မိမိ)သုံးစွဲခဲ့သော (စရိတ်ကြေးငွေ အားလုံး ဆုံးရှုံးပျက်ပြုန်းခဲ့)ရသည့်အတွက် (၀မ်းနည်းသော အားဖြင့်)မိမိလက်ဝါးနှစ်ဖက်ကို ပွတ်သက်လျက် ရှိနေလေတော့၏။
၀၁၈ ။ ၄၃။ ၎င်းပြင် ယင်းဥယျာဉ်မှာမူကား မိမိ ရာဇမတ်ကာများ အပေါ်၌ ပြိုကျသွား၏။ ထိုအခါ ၎င်းမှာ ““သြော်-ငါသည် မိမိအားဖန်ဆင်းမွေးမြူတော်မူသော အရှင်မြတ်နှင့် မည်သူတစ်ဦးတစ်ယောက်ကိုမျှ တွဲဖက် နှိုင်းယှဉ် ကိုးကွယ်ခြင်းမပြုခဲ့ပါလေသော် တော်လေစွ”” ဟု(၀မ်းနည်းပက်လက်) ပြောဆို ညည်းညူ မြည်တမ်းလျက်ရှိချိမ့်မည်။ ၎င်းပြင် ထိုသူ၌ အလ္လာဟ်အရှင်မြတ်နှင့် ယှဉ်ပြိုင်၍ ၎င်းအား ယိုင်းပင်းကူညီ နိုင်သော အုပ်စုဟူ၍လည်း အလျှင်းမရှိခဲ့ပေ။ ထို့ပြင် ၎င်း(ကိုယ်တိုင်) လည်း (ယင်းပြစ်ဒဏ်မှ လွတ်ကင်းအောင်) တတ်စွမ်းနိုင်ခြင်းမရှိခဲ့ချေတကား။
၀၁၈ ။ ၄၄။ ထိုကဲ့သို့သော အချိန်အခါမျိုးတွင် ကြည့်ရှုစောင်မနိုင်စွမ်းသည် အစစ်အမှန် ဖြစ်တော်မူသော အလ္လာဟ်အရှင်မြတ်၌သာ ရှိပေသည်။ နောက်ဆုံးအကျိုး ချီးမြှင့်တော်မူရာ၌လည်း အမွန်မြတ်ဆုံးသော အရှင်မြတ်ပင် ဖြစ်တော်မူပေသတည်း။
၀၁၈ ။ ၄၅။ ထိုမှတစ်ပါး (အို-နဗီတမန်တော်) အသင်သည် ၎င်းတို့အား [လောကီဘ၀၏ ဥပမာကို ခိုင်းနှိုင်း၍ ပြပါလေ။(ဤလောကီသက်တမ်းမှာ) အကြင်အရာနှင့်တူ၏]။ [တစ်နည်း-လောကီဘ၀၏ ဥပမာကို အကြင်ရေနှင့်တူကြောင်း ခိုင်းနှိုင်း၍ပြပါလေ၊] ငါအရှင်မြတ်သည် ထိုရေကို မိုးကောင်းကင်မှ ရွာသွန်းစေတော်မူခဲ့၏။ တစ်ဖန် ထိုရေနှင့်မြေမှပေါက်ရောက်သော သစ်ပင်ငယ်များတို့သည် ရောယှက်၏။ ထို့နောက် ယင်းသစ်ပင်ငယ်များသည် သွေ့ခြောက်ကျေမွသွားခဲ့ရာ လေများသည် ယင်းသစ်ပင်များကို လွင့်စေ၏။စင်စစ်သော်ကား အလ္လာဟ်အရှင်မြတ်သည် အရာခပ်သိမ်းတို့ကို စွမ်းဆောင်နိုင်တော်မူသော အရှင်မြတ်ပင် ဖြစ်တော်မူပေသည်။
၀၁၈ ။ ၄၆။ ဥစ္စာပစ္စည်းများသည်လည်းကောင်း၊ သားသမီးများသည်လည်းကောင်း၊ လောကီဘ၀၏ တင့်တယ်မှုမျှပင် ဖြစ်ပေသည်။ သို့ရာတွင် ဆက်လက်၍ အမြဲတစေ တည်အံ့သော ကောင်းမြတ်သော အကျင့်သီလတို့မှာ မူကား၊ အသင့်အား ဖန်ဆင်းမွေးမြူတော်မူသော အရှင်မြတ်အထံတော်တွင် ကုသိုလ် အကျိုးအားဖြင့်လည်း အကောင်းဆုံးပင် ဖြစ်ကြပေသည်။ မျှော်လင့်ချက်အားဖြင့်လည်း အကောင်းဆုံးပင်ဖြစ်ပေသတည်း။
၀၁၈ ။ ၄၇။ ၎င်းပြင် အကြင်နေ့ကို(လည်းသတိရသင့်၏၊) ငါအရှင်မြတ်သည် (ထိုနေ့တွင်) တောင်များကို ရွေ့ရှား စေတော်မူမည်။ ထို့ပြင် အသင်သည် ကမ္ဘာမြေကို လွင်ပြင်ထီးထီးအဖြစ် တွေ့မြင်ပေမည်။ ထိုမှတစ်ပါး ငါအရှင်မြတ်သည် ထို(လူသားအားလုံး)တို့ကို ၎င်းတို့အနက် တစ်ဦးတစ်ယောက်ကိုမျှ ချန်ထားခြင်းမရှိပဲ စုရုံးစေတော်မူပေမည်။
၀၁၈ ။ ၄၈။ ထိုမှတစ်ပါး ၎င်းတို့သည် မိမိတို့အား ဖန်ဆင်း မွေးမြူတော်မူသော အရှင်မြတ်၏ရှေ့တော်မှောက်တွင် စီတန်း(ရပ်စေ)လျက်(ရှေ့တော်သို့)သွင်းစေခြင်းကို ခံကြရမည်။ (ထိုအခါ ငါအရှင်မြတ်သည် ဤသို့မိန့်ကြား တော်မူပေမည်။) အသင်တို့သည် ငါအရှင်မြတ် အသင်တို့အား ရှေးဦးမဆွ ပထမအကြိမ်က ဖန်ဆင်းတော်မူဘိ သကဲ့သို့ပင် ငါအရှင်မြတ်အထံတော်သို့ လာခဲ့ကြချေပြီ၊ သို့ရာတွင် အမှန်စင်စစ်အသင်တို့သည် မိမိတို့အတွက် ငါအရှင်မြတ်က (ရှင်ပြန်ထကြရန်) မည်သည့်အချိန် မည်သည့်နေရာကိုမျှ သတ်မှတ်တော်မူလိမ့်မည် မဟုတ်ဟူ၍ ထင်မှတ်နေခဲ့ကြကုန်သတည်း။
၀၁၈ ။ ၄၉။ ၎င်းပြင် (မှတ်တမ်း)စာအုပ်များသည် (ထိုသူ တို့ရှေ့တွင်) ချထားလျက်ရှိပေမည်။ ထိုအခါ အသင်သည် အပြစ်ရှိသူတို့အားယင်း(မှတ်တမ်း)စာအုပ်များ၌ (ရေးသား၍ထားသော) အကြောင်းအရာများကြောင့် ထိတ်လန့်လျက် ရှိနေကြသည်ကို တွေ့မြင်ပေမည်။ ထို့ပြင်၎င်းတို့က ““သြော်-ကျွန်ုပ်တို့ အကျိုးနည်းရလေခြင်း၊ ဤ(မှတ်တမ်း)စာအုပ်သည် မည်သို့သော စာအုပ်ပါနည်း။ဤစာအုပ်သည် မည်သည့် သေးငယ်သော (ပြစ်မှု) တစ်စုံတစ်ရာကိုမျှလည်းကောင်း၊ မည်သည့် ကြီးလေးသော (ပြစ်မှု)တစ်စုံတစ်ရာကိုမျှ လည်းကောင်း၊ ခြွင်းချန်ထားခြင်းမပြုပဲ ရေတွက် (မှတ်သား ထား)ခဲ့လေသည်။”” ဟု ပြောဆိုမြည်တမ်း ညည်းညူကြပေမည်။ ထိုမှတစ်ပါး ၎င်းတို့သည် မိမိတို့ ကျင့်မူခဲ့ သမျှတို့ကိုလည်း (မိမိတို့)ရှေ့ဝယ် အသင့်ရောက်ရှိ နေသည်ကို တွေ့ရှိကြရပေမည်။
သို့ရာတွင် အသင့် အား ဖန်ဆင်းမွေးမြူတော်မူသော အရှင်မြတ်မှာမူကား မည်သူတစ်ဦး တစ်ယောက်ကိုမျှ မတရား ပြုလုပ်တော်မူမည်မဟုတ်ပေ။
၀၁၈ ။ ၅၀။ ၎င်းပြင် (ပြန်လည်၍ သတိရကြလေကုန်၊) တစ်ရံရောအခါဝယ် ငါအရှင်မြတ်သည် ကောင်းကင် တမန်တို့အား ““အသင်တို့သည်အာဒမ်၏အရှေ့ဝယ် ဦးချကြလေကုန်”” ဟု မိန့်ကြားတော်မူခဲ့ပေရာ ဣဗ်လိစ် မှတစ်ပါး ကောင်းကင်တမန်အပေါင်းတို့သည် ဦးချခဲ့ ကြကုန်၏။ယင်းဣဗ်လီစ်မှာမူကား ဂျင်န်သတ္တ၀ါတို့ အနက်မှဖြစ်ခဲ့ရာ ၎င်းသည် မိမိအား ဖန်ဆင်းမွေးမြူ တော်မူသော အရှင်မြတ်၏ အမိန့်တော်ကိုသွေဖည်ခဲ့ လေ၏။ သို့ပါလျက် အသင်တို့သည် ငါအရှင်မြတ်အား စွန့်၍ ယင်းဣဗ်လီစ်ကိုလည်းကောင်း၊ ယင်းဣဗ်လီစ်၏ သားမြေးတို့ကိုလည်းကောင်း၊အဆွေခင်ပွန်းများ ပြုလုပ် ကြလေသလော၊ အမှန်စင်စစ် ၎င်းတို့မှာမူကား အသင်တို့ ၏ရန်သူများပင်ဖြစ်ကြကုန်၏။ မတရား ကျူးလွန်သူတို့၏အကျိုးသည် အလွန် ဆိုးရွားလှပေသည်တကား။
၀၁၈ ။ ၅၁။ ငါအရှင်မြတ်သည် ယင်းရှိုင်တွာန်မိ်္ဆာကောင် တို့အား မိုးကောင်းကင်များကို ဖန်ဆင်းတော်မူရာ၌ လည်းကောင်း၊ ပထ၀ီမြေကို ဖန်ဆင်းတော်မူရာ၌လည်း ကောင်း၊ အဆင်သင့် ခေါ်ထားတော်မူခဲ့သည်မဟုတ်ပေ။ ထိုနည်းတူစွာ ၎င်းတို့အား ဖန်ဆင်းတော်မူရာ၌လည်း (အဆင့်သင့်ခေါ်ထားခြင်းကို ပြုတော်)မမူခဲ့ချေ၊ အမှန် စင်စစ်သော်ကား ငါအရှင်မြတ်သည် (သူတစ်ပါးကို) လမ်းလွဲစေ သောသူတို့အား (မိမိ)လက်ရုံးအဖြစ် ပြုတော်မူမည့်အရှင်မြတ် မဟုတ်ပေ။
၀၁၈ ။ ၅၂။ ထိုနည်းတူစွာ အကြင်နေ့ကိုလည်း (သတိ ထားကြလေကုန်) ထိုအရှင်မြတ်သည် (ထိုနေ့တွင် မုရ်ှရစ်က်တို့အား) အသင်တို့သည် မိမိတို့ယုံကြည် (ကိုးကွယ်)ခဲ့ကြသော ငါအရှင်မြတ်၏ တွဲဖက်များကို ဟစ်ခေါ်ကြလေကုန်ဟု မိန့်ကြားတော်မူလေသောအခါ ၎င်းတို့သည် ယင်းတွဲဖက်များကို ဟစ်ခေါ်ကြပေမည်။ သို့ရာတွင် ယင်းတွဲဖက်များမှာမူကား ၎င်းတို့အား ပြန်၍ထူးကြမည် မဟုတ်ပေ။ ၎င်းပြင် ငါအရှင်မြတ်သည်ယင်း(မုရ်ှရစ်က်တို့နှင့် ၎င်းတို့၏ကိုးကွယ်ရာ) တို့၏စပ်ကြားတွင် အကွယ်အကာတစ်ခု ချထားတော် မူပေမည်။
၀၁၈ ။ ၅၃။ ထိုမှတစ်ပါး အပြစ်ရှိသူတို့သည် (ဂျဟန္နမ်ငရဲ) မီးကို တွေ့မြင်ကြသောအခါ ၎င်းတို့သည် ဧကန်မလွဲ မိမိတို့မှာ ယင်းမီးထဲသို့ ကျဆင်းအံ့သောသူများပင် ဖြစ်ကြသည်ဟု ယုံကြည်ကြပေမည်။ သို့ရာတွင် ၎င်းတို့သည် ယင်းမီး(ဘေးမှ) လွဲရှောင်နိုင်ရန် နေရာ တစ်စုံတစ်ခုကိုမျှတွေ့ရှိကြမည် မဟုတ်ပေ။
၀၁၈ ။ ၅၄။ ၎င်းပြင် ငါအရှင်မြတ်သည် ဤကုရ်အာန် ကျမ်းတော်မြတ်တွင် လူတို့၏အကျိုးငှာ ဥပမာ ပုံဆောင်ချက် အလုံးစုံတို့ကို အနည်းနည်းအဖုံဖုံဖြင့် မိန့်ကြားတော်မူခဲ့ပေသည်။ စင်စစ် လူသားတို့မှာ အရာခပ်သိမ်းတို့ထက် အငြင်းအသန်ဆုံးပင် ဖြစ်ကြကုန်သတည်း။
၀၁၈ ။ ၅၅။ စင်စစ် လူတို့အား ၎င်းတို့ထံ တရားလမ်းမှန် ရောက်ရှိခဲ့ပြီးနောက် သက်ဝင်ယုံကြည်ခြင်းမှလည်းကောင်း၊ မိမိတို့အား ဖန်ဆင်းမွေးမြူတော်မူသော အရှင်မြတ်အထံတော်တွင် လွတ်ငြိမ်းခွင့်ကို အသနားခံ ပန်ကြားခြင်းမှလည်းကောင်း၊ (မည်သည့်အရာကမျှပင်) တားဆီးခဲ့သည့်မဟုတ်ပေ။ သို့ရာတွင် ထိုသူတို့သည် မိမိတို့ထံ ရှေးသူဟောင်းတို့(ထံ ရောက်ရှိခဲ့သည့် စီရင်ချက်)ကဲ့သို့သော စီရင်ချက်သည် ရောက်ရှိလာခဲ့ခြင်းကိုသော်လည်းကောင်း၊ မိမိတို့ထံ အမျိုးမျိုးသော ပြစ်ဒဏ်များသည် ဆိုက်ရောက်လာခြင်းကိုသော် လည်းကောင်း၊ (စောင့်မျှော်၍ပင်နေခဲ့ကြကုန်သတည်း၊)
၀၁၈ ။ ၅၆။ စင်စစ်သော်ကား ငါအရှင်မြတ်သည် ရစူလ် တမန်တော်တို့အား သတင်းကောင်းပြောကြားသူများ သတိပေးနှိုးဆော်သူများအဖြစ်သာလျှင် စေလွှတ်တော်မူ၏။ သို့ရာတွင် ကာဖိရ် သွေဖည်ငြင်းပယ်သောသူတို့မှာမူကား မတရားသဖြင့် အငြင်းအခုံ ပြုကြကုန်၏။ (သို့အငြင်းအခုံပြုကြခြင်းမှာ ၎င်းတို့သည် အငြင်းခုံမှု ဖြင့် အမှန်တရားကို ချွတ်ချော်စေအံ့သောငှာ (ဖြစ်ပေသည်)။ ၎င်းပြင် ထိုသူတို့သည် ငါအရှင်မြတ်၏သက်သေ လက္ခဏာတော်များကို လည်းကောင်း၊ မိမိတို့ သတိပေးနှိုးဆော်ခြင်း ခံကြရသည်များကိုလည်းကောင်း၊ ပြက်ရယ်ဖွယ်များ ပြုလုပ်ခဲ့ကြ ကုန်သတည်း။
၀၁၈ ။ ၅၇။ အမှန်စင်စစ်သော်ကား အကြင်သူထက် မတရားသောသူသည် မည်သူရှိအံ့နည်း။ ထိုသူသည် မိမိအား ဖန်ဆင်းမွေးမြူတော်မူသောအရှင်မြတ်၏ သက်သေလက္ခဏာတော်များဖြင့် ဆုံးမခြင်းကို ခံခဲ့ရသော်လည်း ထိုသူသည် ယင်းသက်သေလက္ခဏာတော်များမှ မျက်နှာလွှဲခဲ့လေသည်။ ၎င်းပြင် ထိုသူသည် ၎င်း၏ လက်နှစ်ဘက်က ကြိုတင်ပို့နှင့်ပြီးဖြစ်သည့် (ပြစ်မှုဒုစရိုက်)များကိုလည်း မေ့ပျောက်ခဲ့ပေသည်။ဧကန်စင်စစ် ငါအရှင်မြတ်သည် ထို(ကဲ့သို့ သော)သူတို့၏ စိတ်နှလုံးများပေါ်ဝယ် ထိုသူတို့သည် ယင်း(အမှန်တရား)ကိုနားမလည်နိုင်ကြရန် အဖုံးအအုပ်များကိုလည်းကောင်း၊ ထိုသူတို့၏ နားပင်းမှုကို လည်းကောင်း၊ ပြုလုပ်တော်မူခဲ့၏။ စင်စစ် အကယ်၍အသင်သည် ၎င်းတို့အား တရားလမ်းမှန်သို့ ဖိတ်ခေါ်ငြားသော်လည်း ၎င်းတို့သည် ဤအခြေအနေတွင် မည်သည့်အခါ၌မျှပင် လမ်းမှန်ကိုအလျင်း ရရှိကြမည် မဟုတ်ပေ။
၀၁၈ ။ ၅၈။ ဧကန်မလွဲ အသင်အား ဖန်ဆင်းမွေးမြူတော် မူသောအရှင်မြတ်သည် အလွန်တရာလွတ်ငြိမ်းချမ်းသာခွင့် ပေးတော်မူသောအရှင်၊ ကရုဏာတော်ရှင်ဖြစ်တော် မူပေသည်။ အကယ်၍သာ ထိုအရှင်မြတ်သည် ၎င်းတို့အား ၎င်းတို့ ရှာဖွေဆည်းပူးခဲ့ကြကုန်သော ပြစ်မှုဒုစရိုက်များကြောင့် ဖမ်းဆီးအရေးယူတော်မူပါလျှင် အမှန်ပင် ထိုအရှင်မြတ်သည် ၎င်းတို့အပေါ်၌ ပြစ်ဒဏ်ကို အစောတလျင် ကျရောက်စေတော်မူခဲ့ပေမည်။သို့ရာတွင် စစ်စစ်မှာမူကား ၎င်းတို့အဖို့ ချိန်းချက်ထားသောအချိန် တစ်ချိန်သည် ရှိနေပေရာ ၎င်းတို့သည် ထိုပြစ်ဒဏ်(ကို ခံစားကြရသည်)မှတစ်ပါး ထွက်ပြေး လွတ်မြောက်ရန် နေရာဌာန တစ်စုံတစ်ခု ကိုမျှပင် အလျင်းတွေ့ရှိမည် မဟုတ်ပေတကား။
၀၁၈ ။ ၅၉။ စင်စစ် ဤသည်(တို့သည်) အကြင်မြို့(သူ) ရွာ(သား)များပင်။ ငါအရှင်မြတ်သည် ၎င်းတို့အား ၎င်းတို့ မတရားကျူးလွန်ခဲ့ကြသောအခါ ဖျက်ဆီးတော်မူခဲ့၏။ အမှန်သော်ကား ငါအရှင်မြတ်သည် ၎င်းတို့ ပျက်စီးကြရန်အလို့ငှာ ချိန်းချက်ထားသောကာလ တစ်ခုကိုပြုလုပ်သတ်မှတ်တော်မူခဲ့ပေသတည်း။
၀၁၈ ။ ၆၀။ ၎င်းပြင် (ပြန်လည်အောက်မေ့ သတိရကြ လေကုန်)။ တစ်ရံရောအခါဝယ် (နဗီတမန်တော်)မူစာသည် မိမိနောက်ပါတပည့်အား ငါသည် မြစ်နှစ်သွယ်ဆုံရာသို့ ရောက်ရှိသည့်တိုင်အောင် မရပ်မနား သွား ပေမည်၊ သို့တည်းမဟုတ် ငါသည် နှစ်ရှည်လများ သွား၍ပင် နေမည်ဟု ပြောကြားခဲ့လေသည်။
၀၁၈ ။ ၆၁။ ထိုနောက် ၎င်း(မူစာနှင့် နောက်ပါတပည့်) နှစ်ဦးစလုံးသည် ထိုမြစ်နှစ်သွယ်ဆုံရာသို့ ရောက်ရှိခဲ့ကြသောအခါ ၎င်းတို့နှစ်ဦးသည် မိမိတို့၏ငါးကို မေ့သွားခဲ့ကြ၏။ စင်စစ် ယင်းငါးသည် မြစ်ထဲတွင် မိမိလမ်းကို အက်ကြောင်းရှည်ကြီး ပြုလုပ်လျက် လျှောဆင်း၍သွားခဲ့လေသည်။
၀၁၈ ။ ၆၂။ တစ်ဖန် ယင်း(မူစာနှင့် နောက်ပါတပည့်)နှစ်ဦး သည် (ယင်းမြစ်နှစ်သွယ်ဆုံရာမှ) ရှေ့သို့ကျော်လွန် လာခဲ့ကြသောအခါ ထိုမူစာကမိမိ နောက်ပါတပည့်အား နံနက်စာကို ကျွန်ုပ်ထံ ယူခဲ့လော့၊ ဧကန်မလွဲ ကျွန်ုပ်တို့သည် မိမိတို့၏ ဤခရီးကြောင့် မောပန်းကြရ ချေပြီဟု ပြောဆိုခဲ့လေသည်။
၀၁၈ ။ ၆၃။ (ထိုအခါ) ယင်းနောက်ပါတပည့်က (ဤသို့) ပြောဆို ဖြေကြားခဲ့လေသည်။ ကျွန်ုပ်တို့သည် ကျောက်ဆောင်၏အနီးတွင်နားခဲ့ကြသည်ကို (ကိုယ်တော်) သတိရပါလိမ့်မည်။ ထိုအခါ ကျွန်ုပ်သည် ဧကန်မလွဲ ငါး(၏ ထူးဆန်းအံ့ဖွယ်သောအကြောင်း)ကိုကိုယ်တော်အား ပြောပြရန်မေ့သွားခဲ့ပါသည်။ အမှန်သော်ကား ကျွန်ုပ်အား ယင်း(အကြောင်း)ကို သတိမရနိုင်ရန် ရှိုင်တွာန်မိစ္ဆာကောင်ကသာလျှင် မေ့လျော့စေခဲ့ပါသည်။ စင်စစ် ယင်းငါးသည် မြစ်ထဲတွင် မိမိလမ်းကို ထူးဆန်းအံ့သြစွာ ပြုလုပ်၍ သွားခဲ့ပါသည်။
၀၁၈ ။ ၆၄။ (ထိုအခါ) ယင်းမူစာက ထို(နေရာ)သည်ပင် ကျွန်ုပ်တို့ ရှာဖွေနေသော(နေရာ)ဖြစ်သည်ဟု ပြောဆိုခဲ့လေသည်။ ထို့နောက်၎င်းတို့နှစ်ဦးစလုံးသည် မိမိတို့ ခြေရာများပေါ်၌ ခြေထပ်၍ နောက်သို့ ပြန်ခဲ့ကြလေသည်။
၀၁၈ ။ ၆၅။ ထိုအခါ ထိုနှစ်ဦးသည် ငါအရှင်မြတ်၏ ကျွန်များအနက် ကျွန်တစ်ပါးကို တွေ့ရှိကြလေသည်။ ငါ အရှင်မြတ်သည် ထိုကျွန်အားမိမိအထံတော်မှ အထူးကျေးဇူးတော်တစ်ရပ်ကို ချီးမြှင့် ပေးသနားတော် မူခဲ့၏။၎င်းပြင် ငါအရှင်မြတ်သည် (အထူး)ပညာတစ်ရပ်ကို လည်းထိုကျွန်အား သင်ကြား၍ ပေးတော်မူခဲ့လေ သတည်း။
၀၁၈ ။ ၆၆။ မူစာသည် (ငါအရှင်မြတ်၏) ထိုကျွန်အား အသင်သည် မိမိသင်ကြားပို့ချခြင်းခံရသည့် ဆင်ခြင်တုံတရားအနက်မှ ကျွန်ုပ်အားလည်းသင်ပေးပါရန် ကျွန်ုပ်အသင်နှင့်အတူ လိုက်နိုင်ပါသလောဟု ပြောဆို (မေတ္တာရပ်ခံ)ခဲ့လေ၏။
၀၁၈ ။ ၆၇။ ၎င်းက ဧကန်အမှန် အသင်သည် ကျွန်ုပ်နှင့် အတူ အလျင်းသည်းခံ(၍နေ)နိုင်မည် မဟုတ်ဟု ပြောဆိုဖြေကြားခဲ့လေသည်။
၀၁၈ ။ ၆၈။ စင်စစ် အသင်သည် အသိပညာအားဖြင့် မိမိ မငုံမိသောကိစ္စနှင့် စပ်လျဉ်း၍ အသို့လျှင်သည်းခံ၍ နေနိုင်ပါအံ့နည်း။
၀၁၈ ။ ၆၉။ (ထိုအခါ) ယင်းမူစာက အလ္လာဟ်အရှင်မြတ် အလိုရှိတော်မူပါလျှင် အသင်သည် ကျွန်ုပ်အား သည်းခံသူ တစ်ဦးဖြစ်သည်ကို တွေ့ရှိပါလိမ့်မည်။ ထိုမှတစ်ပါး ကျွန်ုပ်သည် အသင်၏ မည်သည့် အမိန့်ကိုမျှပင် သွေဖည်မည် မဟုတ်ပါဟု ပြောဆိုခဲ့လေသည်။
၀၁၈ ။ ၇၀။ ၎င်းက (ဤသို့)ပြောကြားခဲ့၏။ အကယ်၍ အသင်သည် ကျွန်ုပ်နှင့်အတူ လိုက်ခဲ့ပါလျှင် အသင်သည် ကျွန်ုပ်အား မည်သည့်အရာနှင့်မျှစပ်လျဉ်း၍ ကျွန်ုပ်ကိုယ်တိုင် အသင့်အား ထိုအရာကို စတင်ပြောဆို ရှင်းလင်းခြင်း မပြုသမျှကာလပတ်လုံး မေးမြန်းခြင်းကို မပြုပါနှင့်။
၀၁၈း ၇၁။ ထို့နောက် ၎င်း(မူစာနှင့်ခိသ်ွရ်)တို့နှစ်ဦးသည် လျှောက်သွားကြပြီး နောက်ဆုံးတွင် ၎င်းတို့နှစ်ဦးသည် ရွက်သင်္ဘောပေါ်သို့စီးနင်းကြသောအခါ ယင်း(ခိသ်ွရ်) သည် ထိုရွက်သင်္ဘောကို ဖောက်ခဲ့လေသည်။ (ထိုအခါ) ယင်း(မူစာ)က (ဤသို့)ပြောဆိုခဲ့လေသည်။ အသင်သည် ဤသင်္ဘောကို သင်္ဘောပေါ်၌ပါရှိသော သူတို့အား နစ်မြုပ်စေအံ့သောငှာ ဖောက်ခဲ့လေသလော။ ဧကန်မလွဲ အသင်သည် အလွန်ဆိုးရွားသော အပြုအမူတစ်ရပ်ကို ပြုလုပ်ခဲ့ချေပြီတကား။
၀၁၈ ။ ၇၂။ ယင်း (ခိသ်ွရ်) က (ဤသို့) ပြောဆိုခဲ့လေ၏။ (အချင်းမူစာ)ဧကန်အမှန် အသင်သည် ကျွန်ုပ်နှင့်အတူ အလျင်းသည်းခံ၍ နေနိုင်မည်မဟုတ်ကြောင်း ကျွန်ုပ် ပြောကြားခဲ့သည် မဟုတ်ပါလော။
၀၁၈ ။ ၇၃။ ယင်း(မူစာက) အသင်သည် ကျွန်ုပ် မေ့လျော့ခဲ့သော ကိစ္စနှင့်စပ်လျဉ်း၍ ကျွန်ုပ်အား အရေးမယူပါလေနှင့်၊ ၎င်းပြင် အသင်သည်ကျွန်ုပ်၏ (ဤ) ကိစ္စတွင် ကျွန်ုပ်အပေါ်၌ ကျပ်တည်းမှုမပြုပါနှင့်ဟု ပြောဆိုခဲ့လေသည်။
၀၁၈ ။ ၇၄။ ထိုနောက် တစ်ဖန် ၎င်း(မူစာနှင့်ခိသ်ွရ်)တို့ နှစ်ဦးသည် (ရှေ့သို့ဆက်လက်၍ လျှောက်သွားခဲ့ကြပြန်ရာ သူငယ်တစ်ယောက်ကို တွေ့ကြသောအခါ ယင်း(ခိသ်ွရ်)က ထိုသူငယ်အား သတ်ဖြတ်ခဲ့လေ၏။ (ဤသည်တွင်) ထို(မူစာ)က (အချင်း ခိသ်ွရ်) အသင်သည် သန့်စင်သောအသက်တစ်ချောင်းကို မည်သည့် အသက်တစ်ချောင်း(၏ သက်စားသတ်ခြင်း)မျှ မဟုတ်ဘဲ (မတရားသဖြင့်) သတ်ဖြတ်ခဲ့လေသလော၊ ဧကန်မလွဲ အသင်သည် အလွန့်အလွန် ဆိုးရွားလှသော အမှုတစ်ရပ်ကို ကျူးလွန်ပြုလုပ်ခဲ့ချေပြီတကား ဟု ပြောဆိုခဲ့လေသတည်း။
၀၁၈ ။ ၇၅။ ၎င်း(ခိသ်ွရ်)က (ဤသို့) ပြောဆိုခဲ့ပြန်၏။ (အချင်း-မူစာ) ဧကန်အမှန် အသင်သည် ကျွန်ုပ်တို့နှင့်အတူ အလျှင်း သည်းခံ၍နေနိုင်မည်မဟုတ်ကြောင်း ကျွန်ုပ်အသင်အား ပြောကြားခဲ့သည် မဟုတ်ပါလော။
၀၁၈ ။ ၇၆။ ယင်း(မူစာ)က (အချင်း-ခိသ်ွရ်) အကယ်၍ ကျွန်ုပ်သည် ဤသည့်နောက်တွင် အသင်အား တစ်စုံတစ်ရာနှင့်စပ်လျဉ်း၍ မေးမြန်းခဲ့ပါလျှင်အသင်သည် ကျွန်ုပ်အား (မိမိနှင့်)အတူ မထားပါနှင့်၊ ဧကန်မလွဲ အသင်သည် ကျွန်ုပ်ထံမှ ခွင့်လွှတ်ရန်အကြောင်းပြချက် (၏အဆုံးစွန်)သို့ရောက်ခဲ့ချေပြီဟု ပြောဆိုခဲ့၏။
၀၁၈ ။ ၇၇။ တစ်ဖန် ၎င်းတို့နှစ်ဦးသည် (ရှေ့သို့ဆက်လက် ၍) လျှောက်သွားခဲ့ကြပြန်ရာ မြို့တစ်မြို့မှ မြို့သား တို့ထံ ရောက်လာခဲ့ကြသောအခါ၎င်းတို့နှစ်ဦးက ယင်းမြို့သားတို့ထံ (ဧည့်ခံကျွေးမွေးရန်မေတ္တာရပ်ခဲ့ကြ၏။) ထိုအခါ ယင်းမြို့သားတို့က ၎င်းတို့နှစ်ဦးအား ဧည့်ခံ(ကျွေးမွေး)ခြင်းကို ငြင်းပယ်ခဲ့ကြလေသည်။ ထို့နောက် ၎င်းတို့နှစ်ဦးသည် ထိုမြို့တွင်း၌ တံတိုင်း တစ်ခုကိုတွေ့ရှိခဲ့ကြ၏။ ထိုတံတိုင်းမှာ ပြိုကျအံ့ဆဲဆဲဖြစ်နေလေရာ ယင်း(ခိသ်ွရ်)က ထိုတံတိုင်းကို ဖြောင့်မတ်စွာ ရပ်တည်စေခဲ့လေသည်။(ထိုအခါ) ယင်း(မူစာ)က (အချင်း-ခိသ်ွရ်) အကယ်၍ အသင်သည် အလိုရှိခဲ့ပါမူ ဤ(တံတိုင်း တည့်မတ်ပေးရေး)နှင့်စပ်လျဉ်း၍အမှန်ပင် လုပ်ခကို ယူနိုင်ခဲ့ပေသည်ဟု ပြောဆိုခဲ့လေသည်။
၀၁၈ ။ ၇၈။ (ထိုအခါ) ယင်း(ခိသ်ွရ်)က (အချင်း-မူစာ၊) ဤသည်ကား အသင်နှင့်ကျွန်ုပ် ခွဲခွာရန်(အချိန်)ပင်တည်း။ ယခုသော်ကား ကျွန်ုပ်သည်အသင် သည်းမခံနိုင်ခဲ့သောကိစ္စနှင့် စပ်လျဉ်း၍ အဖြစ်မှန်ကို အသင့်အား သိစေပါတော့မည်ဟုပြောဆိုခဲ့လေသတည်း။![[18_79.gif]](https://blogger.googleusercontent.com/img/b/R29vZ2xl/AVvXsEhFH32up-nI4gnykckUm-6WfKM-orfGl-h_3NG0-0BQAgqgc6vmgPuxDqenX0212aaXMJ8ShBKVXMrXWNUzTMXPljZ05ggQeBRIBWqJRNA6-5g9E6hmmCvHcpjCia_bcQSCMMehuvAsooCF/s1600/18_79.gif)
၀၁၈ ။ ၇၉။ စင်စစ် ထိုရွက်သင်္ဘောကား မြစ်ထဲတွင် လုပ်ကိုင်(စားသောက်)ကြရရှာသော သူဆင်းရဲများ၏ ရွက်သင်္ဘောပင် ဖြစ်ခဲ့ပေရာ ကျွန်ုပ်သည် ယင်းရွက် သင်္ဘော၌ အပြစ်အနာအဆာရှိစေရန် ရည်ရွယ်ခဲ့ ပေသည်။ အကြောင်းသော်ကား ၎င်းတို့(ရောက်ရှိကြမည့်)ရှေ့(စခန်း)တွင် ဘုရင်တစ်ပါးရှိသည်။ ထိုဘုရင်သည် (အပြစ်အနာအဆာကင်းသော) ရွက်သင်္ဘော မှန်သမျှကို အဓမ္မနည်းနှင့် လုယူ
သိမ်းပိုက်လေ့ရှိသောကြောင့် ပင်တည်း။
၀၁၈ ။ ၈၀။ ၎င်းပြင် ထိုသူငယ်ကား ၎င်း၏မိဘနှစ်ပါးမှာ မုအ်မင်န် သက်ဝင်ယုံကြည်သူများ ဖြစ်ခဲ့ကြရာ ယင်းသူငယ်သည် (မိမိ)၏ဆိုးသွမ်းမှုဖြင့်လည်းကောင်း၊ သွေဖည်မှုဖြင့်လည်းကောင်း၊ ထိုမိဘနှစ်ပါးအား ဖိစီး လွှမ်းမိုးမည်ကို ကျွန်ုပ်သိရှိခဲ့ပေသည်။
၀၁၈ ။ ၈၁။ သို့ဖြစ်ပေရာ ၎င်းတို့နှစ်ဦးအား ၎င်းတို့၏ အရှင်မြတ်က ထိုသူငယ်ထက် (အကျင့်စာရိတ္တ) စင်ကြယ်သန့်ရှင်းရာတွင် ပိုမိုကောင်းမြတ်၍(မိဘနှစ်ပါးအား) ချစ်ခင်မြတ်နိုး သဂြိုဟ်ထောက်ပံ့ ရာတွင်လည်း ပိုမိုထူးကဲသော (သားသမီးမျိုးကို) အစားပေးတော်မူရန် ကျွန်ုပ်ရည်ရွယ်ခဲ့ပေသတည်း။
၀၁၈ ။ ၈၂။ ထို့ပြင် ယင်းတံတိုင်းကား ထိုမြို့မှ မိဘမဲ့ သူငယ်နှစ်ဦးတို့၏ တံတိုင်းပင်ဖြစ်ခဲ့ပေသည်။ ၎င်းပြင် ယင်းတံတိုင်း၏ အောက်တွင်ထိုသူငယ်နှစ်ဦးအဖို့ စုဆောင်းထားသော ဘဏ္ဍာပစ္စည်းသည် ရှိနေပေသည်။ ထိုမှတစ်ပါး ထိုသူငယ်နှစ်ဦး၏ဖခင်မှာလည်း သူမွန်သူမြတ်တစ်ပါးပင် ဖြစ်ခဲ့ပေရာ အသင့်အား ဖန်ဆင်းမွေးမြူတော်မူသော အရှင်မြတ်သည် ၎င်းတို့နှစ်ဦး မိမိတို့လားမြောက်သော အရွယ်သို့ရောက်ကြသောအခါ အသင်အား ဖန်ဆင်းမွေးမြူတော်မူသောအရှင်မြတ်၏ ကရုဏာတော်အားဖြင့် မိမိတို့၏ဘဏ္ဍာပစ္စည်းကို ဖော်ထုတ်ယူကြရန်ရည်ရွယ်တော်မူခဲ့ပေသည်။စင်စစ် ကျွန်ုပ်သည် ဤကိစ္စကို မိမိသဘောနှင့် ပြုလုပ်ခဲ့သည် မဟုတ်ပေ။ ဤသည် အသင်သည်းခံ၍ မနေနိုင်ခဲ့သောကိစ္စ၏ အဖြစ်မှန်ပင် ဖြစ်ပေသည်တကား။
၀၁၈ ။ ၈၃။ ထိုမှတစ်ပါး ၎င်း(ကုရိုက်ရ်ှအမျိုးသား)တို့သည် ဇုလ်ကရ်နိုင်န်နှင့်ပတ်သက်၍ အသင့်အား မေးမြန်းကြလေသည်။ (အိုနဗီတမန်တော်)အသင်သည် ၎င်းတို့အား (အချင်းတို့၊) ငါသည် ယခုပင် ယင်း(ဇုလ်ကရ်နိုင်န်)၏ (အကြောင်းများ)အနက် အကြောင်းတစ်ခုကိုအသင်တို့ရှေ့ဝယ် ပြန်၍ ပြောပြမည်ဟူ၍ ပြောကြားပါလေ။
၀၁၈ ။ ၈၄။ ဧကန်မလွဲ ငါအရှင်မြတ်သည် ယင်းဇုလ်ကရ် နိုင်န်အား ကမ္ဘာမြေ၀ယ် အုပ်ချုပ်မှု အာဏာပေးတော် မူခဲ့၏။ ထိုမှတစ်ပါး ငါအရှင်မြတ်သည် ၎င်းအား အရာခပ်သိမ်းတို့အနက်မှ (လိုအပ်သော) ဥစ္စာပစ္စည်း လက်နက်ကိရိယာကို (တစ်နည်း) အရာခပ်သိမ်းတို့နှင့် စပ်လျဉ်း၍နည်းလမ်းကို (တစ်နည်း) ဥစ္စာပစ္စည်း လက်နက်ကိရိယာ အမျိုးမျိုးကို ချီးမြှင့်ပေးသနားတော် မူခဲ့၏။
၀၁၈ ။ ၈၅။ သို့ဖြစ်ပေရာ ယင်းဇုလ်ကရ်နိုင်န်သည် လမ်းတစ်ခုကို လိုက်ခဲ့လေသည်။
၀၁၈ ။ ၈၆။ နောက်ဆုံးတွင် ယင်းဇုလ်ကရ်နိုင်န်သည် နေ၀င်သောနေရာသို့ ရောက်ရှိခဲ့သောအခါ ထိုနေကို မည်းနက်နောက်ကျိ (ရွှံ့ပုပ်ထူသော)အိုင်တစ်ခုတွင် ၀င်နေဘိကဲ့သို့ တွေ့မြင်လေ၏။၎င်းပြင် ထိုအိုင်၏ အနီးတွင် လူမျိုးတစ်မျိုးကိုလည်း တွေ့ရှိလေသည်။ (ထိုအခါ)ငါအရှင်မြတ်သည် (ယင်း ဇုလ်ကရ်နိုင်န် အား) ““အို-ဇုလ်ကရ်နိုင်န်၊ အသင်သည် (ဤအမျိုး သားတို့အား) ပြစ်ဒဏ်ခတ်ခြင်း ကိုသော်လည်းကောင်း၊ ယင်းတို့နှင့်ပတ်သက်၍ ထောက်ထားညှာတာခြင်းကိုသော်လည်းကောင်း၊ (ဤနှစ်ခုအနက် မိမိ ကြိုက်နှစ်သက်ရာကို) ပြုနိုင်ခွင့်ရှိသည်”” ဟု မိန့်ကြားတော် မူခဲ့ပေသည်။
၀၁၈ ။ ၈၇။ ယင်းဇုလ်ကရ်နိုင်န်က (ထိုအမျိုးသားတို့အား ဤသို့) ပြောဆို (ကြေညာ) ခဲ့လေသည်။ (အချင်းတို့) အသင်တို့အနက် မည်သူမဆိုမတရားပြုမြဲ ပြုနေခဲ့ပါလျှင် ကျွန်ုပ်သည် မကြာမြင့်မီပင် ထိုသူအား ပြစ်ဒဏ်စီရင်ပေမည်။ ထို့နောက် ထိုသူသည် မိမိအားဖန်ဆင်းမွေးမြူတော်မူသော အရှင်မြတ်အထံတော်သို့ ပြန်လည်၍ ရောက်စေခြင်းကို ခံရပေမည်။ ထိုအခါ ထိုအရှင်မြတ်သည် ၎င်းအားပြင်းထန်သော ပြစ်ဒဏ်ကို စီရင်တော်မူပေလိမ့်မည်။
၀၁၈ ။ ၈၈။ သို့ရာတွင် မည်သူမဆို သက်ဝင်ယုံကြည်၍ ကောင်းမြတ်သောအကျင့်သီလများကို ကျင့်မူဆောက်တည်ခဲ့ပါမူ ထိုသူ၏အဖို့ အကျိုးအားဖြင့် အကောင်းဆုံးသောအရာပင် ရှိပေမည်။ ထိုမှတစ်ပါး အမှန်ပင် ကျွန်ုပ်သည်လည်း မိမိ အမိန့်ထုတ်ပြန်ချက်တွင် နူးညံ့သောစကားကိုပြောဆိုပေအံ့သတည်း။
၀၁၈ ။ ၈၉။ ထိုနောက် ယင်းဇုလ်ကရ်နိုင်န်သည် (အခြားသော) လမ်းတစ်ခုကို လိုက်ပြန်လေ၏။
၀၁၈ ။ ၉၀။ နောက်ဆုံးတွင် ယင်းဇုလ်ကရ်နိုင်န်သည် နေထွက်ရာနေရာသို့ ရောက်ရှိခဲ့သောအခါ ထိုနေကို အကြင်လူမျိုးတစ်မျိုး၏အပေါ်၌ ထွက်နေဘိသကဲ့သို့ တွေ့ရှိခဲ့လေသည်။ ငါအရှင်မြတ်သည် ထိုလူမျိုး၏ ယင်းနေ၏ ဤမှာဘက်တွင် အကွယ်အကာတစ်စုံ တစ်ရာကိုမျှ ပြုလုပ်၍ပေးတော်မူခဲ့သည် မဟုတ်ချေ။ 
၀၁၈ ။ ၉၁။ (ဇုလ်ကရ်နိုင်န်၏ အထ္ထုပတ်္တိအကြောင်းကား) ဤအတိုင်းပင်ဖြစ်၏။ စင်စစ်ဧကန် ငါအရှင်မြတ်သည် ယင်းဇုလ်ကရ်နိုင်န်ထံ၌ ရှိသမျှ(သော လက်နက်ကိရိယာအလုံးစုံ)တို့ကို တစ်ခုမကျန် သိရှိတော်မူပေ သတည်း။
၀၁၈ ။ ၉၂။ ထို့နောက် ယင်းဇုလ်ကရ်နိုင်န်သည် (အခြားသော)လမ်းတစ်ခုကို လိုက်ခဲ့ပြန်လေ၏။
၀၁၈ ။ ၉၃။ နောက်ဆုံးတွင်ယင်းဇုလ်ကရ်နိုင်န်သည် တောင်နှစ်လုံး၏အကြားသို့ ရောက်ရှိခဲ့သောအခါ ယင်းတောင်နှစ်လုံး၏ ဤမှာဘက်တွင်စကားနားမလည်နိုင်ကြသော လူမျိုးတစ်မျိုးကို တွေ့ရှိခဲ့လေသည်။
၀၁၈ ။ ၉၄။ ယင်းလူမျိုးတို့က အို-ဇုလ်ကရ်နုင်ိန်၊ ဧကန်မလွဲ ယအ်ဂျူဂ်ျနှင့် မအ်ဂျူဂ်ျတုိ့သညဤအရပ်ဒေသတွင် ဆူပူသောင်းကျန်း လုယက်တိုက်ခိုက် ဖျက်ဆီးသူများပင် ဖြစ်ကြပါသည်။ သို့ပါ၍ အသင်သည် ကျွန်ုပ်တို့နှင့် ၎င်းတို့၏အကြားတွင် အကာအကွယ်တစ်ခုကို ပြုလုပ်ပေးရန် ကျွန်ုပ်တို့သည် အသင့်အား ကုန်ကျစရိတ်ကို စုဆောင်း၍ ပေးကြရပါမည်လောဟု ပြောဆိုကြ၏။
၀၁၈ ။ ၉၅။ ယင်းဇုလ်ကရ်နိုင်န်က (၎င်းတို့အား ဤသို့ ပြောဆို ဖြေကြားခဲ့လေ၏။ (အချင်းတို့၊) ဤသည်နှင့် စပ်လျဉ်း၍ ကျွန်ုပ်၏အရှင်မြတ်ကကျွန်ုပ်အား ချီးမြှင့်တော်မူခဲ့သောစွမ်းအင်သည်ပင် အလွန်များပြားလှ၏။ သို့ဖြစ်ပေရာ အသင်တို့သည် ကျွန်ုပ်အား (မိမိတို့၏ လုပ်အားဖြင့်သာကူညီကြလေကုန်။ ကျွန်ုပ်သည် အသင်တို့နှင့် ၎င်းတို့၏အကြားဝယ် အလွန်ခိုင်ခံ့ မြင့်မားသောတံတိုင်းကို ပြုလုပ်၍ ပေးမည်။
၀၁၈ ။ ၉၆။ အသင်တို့သည် သံပြား (သံတို၊ သံစ၊ သံတုံး) များကိုသာ ကျွန်ုပ်ထံယူဆောင်ခဲ့ကြလေကုန်၊ နောက်ဆုံးတွင် တောင်နှစ်လုံးထိပ်ဖျားနှစ်ခုအကြားတွင် (ယင်းသံပြား၊ သံတိုသံစ၊ သံတုံးများကို) တညီတညွတ်တည်းဖြစ်အောင် ပြုလုပ်ခဲ့သောအခါ ယင်းဇုလ်ကရ်နိုင်န်က (အချင်းတို့၊ယခု) အသင်တို့သည် (ယပ်ခတ်) လေမှုတ်ကြလေကုန်ဟု ပြောဆိုညွှန်ကြားခဲ့၏။နောက်ဆုံးတွင် ယင်းသံပြားများကို (ရဲရဲ တောက်) မီးခဲများ ဖြစ်စေခဲ့သောအခါ (တစ်ဖန်) ယင်းဇုလ်ကရ်နိုင်န်က (အချင်းတို့)အသင်တို့သည် အရည်ကျိုထားသော ကြေးနီကို ကျွန်ုပ်တို့ထံ ယူခဲ့ကြလေကုန်။ (ယင်း အရည်ကျိုထားသောကြေးနီကို) ဤ(ရဲရဲတောက်လျက်ရှိသော)သံပြားပေါ်၌ ကျွန်ုပ် သွန်းလောင်းအံ့ဟု ပြောဆိုခဲ့လေ၏။
၀၁၈ ။ ၉၇။ ထို(တံတိုင်းကြီးကို ပြုလုပ်၍ ပြီးစီးသော) အခါ ထို(ယအ်ဂျူဂ်ျနှင့်မအ်ဂျူဂ်ျ)တို့မှာ ယင်းတံတိုင်းကြီးကို ကျော်တက်ခြင်းကိုလည်းကောင်း၊ ဖောက်ထွင်းခြင်းကိုလည်းကောင်း၊ မပြုစွမ်းနိုင်ခဲ့ကြချေ။
၀၁၈ ။ ၉၈။ ထိုအခါ ယင်းဇုလ်ကရ်နိုင်န်က ဤသည်ကား ကျွန်ုပ်အား ဖန်ဆင်းမွေးမြူတော်မူသော အရှင်မြတ်၏ ကရုဏာတော်ပင်တည်း။ တစ်ဖန်ကျွန်ုပ်အား ဖန်ဆင်းမွေးမြူတော်မူသောအရှင်မြတ် ချိန်းချက်ထား တော်မူသော အချိန်ကာလ ဆိုက်ရောက်လာသောအခါ ထိုအရှင်မြတ်သည် ဤတံတိုင်းကို ဖြိုဖျက်တော်မူအံ့။ စင်စစ် ကျွန်ုပ်အား ဖန်ဆင်းမွေးမြူတော်မူသော အရှင်မြတ်၏ ချိန်းချက်မှုသည် မှန်ကန်သောချိန်းချက်မှုပင်ဖြစ်သည်ဟု ပြောကြားခဲ့လေသတည်း။
၀၁၈ ။ ၉၉။ စင်စစ်ဧကန် ငါအရှင်မြတ်သည် ယင်း(ယအ် ဂျူဂ်ျနှင့်မအ်ဂျူဂ်ျလူမျိုး)တို့အနက် တစ်ဦးကိုတစ်ဦး၏အပေါ်၌ လှိုင်းလိပ်ကဲ့သို့ပင်တိုးဝှေ့ထပ်ဆင့်လျက် ရှိစေတော်မူပေမည်။ ၎င်းပြင် တံပိုးခရာမှုတ်ပြီးသောအခါ ငါအရှင်မြတ်သည် ၎င်းတို့အားလုံးကို စုရုံးတော် မူပေမည်။
၀၁၈ ။ ၁၀၀။ ထိုမှတစ်ပါး ငါအရှင်မြတ်သည် ထိုနေ့တွင် ဂျဟန္နမ်ငရဲဘုံကို ကာဖိရ် သွေဖည်ငြင်းပယ်ကြကုန်သောသူတို့ရှေ့ဝယ် အထင်အရှားပြတော်မူပေမည်။
၀၁၈ ။ ၁၀၁။ အကြင် (ကာဖိရ် သွေဖည်ငြင်းပယ်သော)သူ တို့သည် ထိုသူတို့၏မျက်စိများမှာ ငါအရှင်မြတ်အား အောက်မေ့သတိရခြင်းမှ ဖုံးအုပ်လျက်ပင် ရှိခဲ့ကြ၏။ ထို့ပြင် ၎င်းတို့သည် (ယင်းကုရ်အာန်ကျမ်းမြတ်တော်ကို နားဝင်အောင်) နားထောင်နိုင်ခြင်းလည်း မရှိခဲ့ကြချေ။ ၀၁၈ ။ ၁၁၀။ (အို-နဗီတမန်တော်) အသင်သည် (၎င်းတို့အား ဤသို့)ပြောကြားပါလေ။ (အချင်းတို့) ငါသည် အသင်တို့ကဲ့သို့ပင် လူသားတစ်ဦးမျှသာလျှင် ဖြစ်သည်။ အသင်တို့၏ ကိုးကွယ်ရာအရှင်မြတ်သည် တစ်ဆူတည်းသော ကိုးကွယ်ရာအရှင်မြတ်ပင် ဖြစ်တော်မူကြောင်း၊ ငါ့ထံသို့ဝဟ်ယ်အမိန့်တော် ကျရောက်လာ(ခြင်းသည် သာလျှင် ငါ၏ထူးခြားချက် ဖြစ်)ချေသည်။ သို့ဖြစ်ပေရာ မိမိအား ဖန်ဆင်းမွေးမြူတော် မူသောအရှင်မြတ်နှင့် တွေ့ဆုံရန် မျှော်လင့်လျက်ရှိသောသူသည် ကောင်းမြတ်သော အကျင့်သီလများကို ကျင့်မူဆောက်တည်ရပေမည်။ ၎င်းပြင် ထိုသူသည် မိမိအား ဖန်ဆင်းမွေးမြူတော်မူသောအရှင်မြတ်အား ခ၀ပ်ကိုးကွယ်ရာ၌ မည်သူတစ်ဦးတစ်ယောက်ကိုမျှပင် တွဲဖက်ယှဉ်တွဲ (ကိုးကွယ်)ခြင်း မပြုရချေ။ 
၀၁၈ ။ ၁၀၂။ သို့ပါလျက် ကာဖိရ် သွေဖည်ငြင်းပယ်သော သူတို့က ၎င်းတို့သည် ငါအရှင်မြတ်အားစွန့်၍ ငါ အရှင်မြတ်၏ကျွန်များကို (မိမိတို့၏)ကိုးကွယ်ရာများ ပြုလုပ်ခဲ့ကြမည်ဟု ထင်မှတ်ကြလေသလော။ (သို့ဖြစ်လျှင်) ဧကန်စင်စစ် ငါအရှင်မြတ်သည် ဂျဟန္နမ်ငရဲဘုံကို ကာဖိရ်သွေဖည်ငြင်းပယ်သောသူတို့အဖို့ ဧည့်ခံရာဌာနအဖြစ် အဆင့်သင့်ပြုလုပ်၍ ထားရှိတော်မူပြီး ဖြစ်(ကြောင်း၊ ကောင်းစွာ မှတ်ယူအပ်ကြ)ပေသည်။
၀၁၈ ။ ၁၀၃။ (အို-နဗီတမန်တော်) အသင်သည် (၎င်းတို့ အား အချင်းတို့၊) ငါသည် အသင်တို့အား အကျင့်အမူ အားဖြင့် လုံးဝဆုံးရှုံးသောသူတို့နှင့်ပတ်သက်၍ အသင်တို့အား အသိပေးရမည်လောဟု ပြောကြားပါလော။
၀၁၈ ။ ၁၀၄။ (ထိုသူကား) အကြင်သူများပင်တည်း။ [၎င်းတို့၏ (ကောင်းမှု ကုသိုလ်များနှင့်စပ်လျဉ်းသော) ကြိုးပမ်းဆောင်ရွက်မှုသည်လောကီဘ၀၌ပင် အချည်းနှီး ဖြစ်ခဲ့ရလေပြီ၊] [(တစ်နည်း) ၎င်းတို့၏ လောကီဘ၀နှင့်စပ်လျဉ်းသော ကြိုးပမ်းဆောင်ရွက်မှုသည် အချည်းနှီးပင်ဖြစ်ခဲ့လေပြီ၊] [(တစ်နည်း) ၎င်းတို့၏ ကြိုးပမ်းဆောင်ရွက်မှုသည် လောကီရေး၌ပင် ပျက်ပြုန်းခဲ့ရချေပြီ၊] သို့ပါလျှက် ၎င်းတို့သည် ဧကန်အမှန်မိမိတို့မှာ ကောင်းမြတ်သောအပြုအမူများကိုပင် ပြုလုပ်နေကြသည်ဟု ထင်မှတ်ကြ၏။
၀၁၈ ။ ၁၀၅။ ဤသူများပင် အကြင်သူများတည်း။ ထိုသူတို့သည် မိမိတို့အား ဖန်ဆင်းမွေးမြူတော်မူသော အရှင်မြတ်၏ သက်သေလက္ခဏာတော်များကိုလည်းကောင်း၊ ထိုအရှင်မြတ်နှင့် တွေ့ဆုံကြရမည်ကိုလည်း ကောင်း၊ ငြင်းပယ်ခဲ့ကြလေသည်။သို့ဖြစ်ပေရာ ၎င်းတို့၏ အကျင့်အမူများမှာ အချည်းနှီးပင် ဖြစ်ခဲ့ကြပေသည်။ သို့ဖြစ်ပေရာ ငါအရှင်မြတ်သည်လည်း ကိယာမတ် ရှင်ပြန်ထမည့်နေ့တွင် မည်သည့်အလေးချိန်ကိုမျှပင် ၎င်းတို့အဖို့ သတ်မှတ်၍ ပေးတော်မူမည် မဟုတ်ပေ။
၀၁၈ ။ ၁၀၆။ ဤသည် (၀ါ) ဂျဟန္နမ်ငရဲဘုံသည်ပင် ၎င်းတို့ ၏အကျိုးတည်း။ အဘယ်ကြောင့်ဆိုသော် ထိုသူတို့ကား သွေဖည်ငြင်းပယ်ခဲ့ကြသည့်ပြင် ငါအရှင်မြတ် သက်သေလက္ခဏာများကိုလည်းကောင်း၊ ငါအရှင် မြတ်၏ရစူလ်တမန်တော်များကိုလည်းကောင်း၊ ပြက်ရယ်ဖွယ်ရာများလည်း ပြုလုပ်ခဲ့ကြသောကြောင့်ပင်။
၀၁၈ ။ ၁၀၇။ ဧကန်မလွဲ အကြင်သူတို့သည် သက်ဝင် ယုံကြည်ခဲ့ကြကုန်၏။ ၎င်းပြင် ထိုသူတို့သည် ကောင်းမြတ်သော အကျင့်သီလများကိုလည်းကျင့်မူဆောက် တည်ခဲ့ကြကုန်၏။ ထိုသူတို့အဖို့ ဖစ်ရ်ဒေါက်စ်တည်း ဟူသောဥယျာဉ်သည် ဧည့်ခံရာဌာနအဖြစ် (အဆင်သင့်) ရှိကြပေသတည်း။
၀၁၈ ။ ၁၀၈။ (ထိုသူတို့သည်) ယင်းဥယျာဉ်တွင် ထာဝစဉ် နေထိုင်သူများအဖြစ် (၀င်ရောက်နေထိုင်ကြရပေမည်၊) ထိုသူတို့သည် ယင်းဥယျာဉ်များမှလုံးဝ ရွှေ့ပြောင်းလိုကြမည် မဟုတ်ပေတကား။
၀၁၈ ။ ၁၀၉။ (အို-နဗီတမန်တော်) အသင်သည် (၎င်းတို့အား ဤသို့) ပြောကြားပါလေ။ (အချင်းတို့) အကယ်၍ ငါ့အား ဖန်ဆင်းမွေးမြူတော်မူသောအရှင်မြတ်၏ အာယတ်တော်များ(ကို ရေးသားရန်)အလို့ငှာ သမုဒ္ဒရာ ပင်လယ်(အားလုံးတို့)သည်ပင် မင်ရည်များ ဖြစ်ခဲ့အံ့ငြားသော်လည်း၊ ၎င်းပြင် အကယ်၍ ငါတို့သည် ယင်းပင်လယ်များကဲ့သို့ (အခြားပင်လယ်များ)ကိုပင် အကူအညီအဖြစ် (ထပ်မံ၍) ယူခဲ့အံ့ငြားသော်လည်းငါ့အား ဖန်ဆင်းမွေးမြူတော်မူသော အရှင်မြတ်၏ အာယတ်တော်များကား ကုန်ဆုံးခြင်းမရှိဘဲ၊ (ထိုထိုသော) သမုဒ္ဒရာ ပင်လယ်များသည်သာလျှင် ကုန်ခန်း၍ သွားအံ့သတည်း။ 
၀၁၈ ။ ၁၀၀။ ထိုမှတစ်ပါး ငါအရှင်မြတ်သည် ထိုနေ့တွင် ဂျဟန္နမ်ငရဲဘုံကို ကာဖိရ် သွေဖည်ငြင်းပယ် ကြကုန်သောသူတို့ရှေ့ဝယ် အထင်အရှားပြတော်မူပေမည်။
No comments:
Post a Comment