၀၁၂ ။ စူရာ ယူစွပ်း တမန်တော်ယူစွပ် ကဏ္ဍ( မက္ကာမြို့တော်ကျ- အစောင် ၁၂၊ ၁၁၁ အာယသ်တော်)
မပြတ်မစဲ သနားကြင်နာ ညှာတာတော်မူသော မဟာကရုဏာတော်ရှင် ဖြစ်တော်မူသော အလ္လာဟ်အရှင်မြတ်၏ နာမံတော်ဖြင့် အစပြုပါ၏။
၀၁၂း ၁။ “အလစ်ဖ်၊ လာမ်၊ ရာ” ဤသည်တို့ကား အလွန်ထင်ရှားသော ကျမ်းဂန်၏ စာပိုဒ်များပင် ဖြစ်ကြပေသတည်း။
၀၁၂း ၂။ ဧကန်မလွဲ ငါအရှင်မြတ်သည် ယင်းကျမ်းဂန် ကို အသင်တို့နားလည်အံ့သောငှာ (စကားအဖွဲ့အနွဲ့ အသုံးအနှုန်း အလွန်ကောင်းသော)ကုရ်အာန်ကျမ်းတော်မြတ်အဖြစ် အရဗီဘာသာစာပေဖြင့် ချပေးသနားတော်မူခဲ့၏။
၀၁၂း ၃။ ငါအရှင်မြတ်သည် အသင့်ထံ ဤကုရ်အာန် ကျမ်းတော်မြတ်ကို ထုတ်ပြန်တော်မူခြင်းအားဖြင့် ငါအရှင်မြတ်သည် အသင်၏ရှေ့ဝယ်အကောင်းဆုံးသော အကြောင်းအတ္ထုပ်္ပ်္တိတစ်ခုကို ပြန်၍ ပြောကြားတော်မူလေသည်။ စင်စစ်သော်ကား အသင်သည် ထိုကုရ်အာန်မကျရောက်မီ အလျင်က (ဤ အကြောင်း အတ်္ထုပ်္ပတ်္တိကို) အလျင်း မသိသူတစ်ဦးပင် ဖြစ်ခဲ့ပေသတည်း။
၀၁၂း ၄။ (ပြန်လည်သတိရပါလေ) တရံရောအခါဝယ် (နဗီတမန်တော်)ယူစုဖ်သည် မိမိဖခမည်းတော် (နဗီ တမန်တော် ယအ်ကူဗ်)အား (ဤသို့)ပြောဆို လျှောက်ထားခဲ့လေသည်။ အို-ခမည်းတော်၊ ဧကန်စင်စစ် အကျွန်ုပ်သည် (အိမ်မက်တွင်) ကြယ်တာရာ (ဂြိုလ်နက္ခတ်)ဆယ့်တစ်လုံးကိုလည်းကောင်း၊ သူရိယနေကို လည်းကောင်း၊ လစန္ဒာကိုလည်းကောင်း၊ မိမိအား “စတ်ဂ်ျဒဟ်” ပျဝပ်ဦးချလျက် ရှိကြသည်ကိုတွေ့မြင်ခဲ့ရ ပါသတည်း။
၀၁၂း ၅။ (ထိုအခါ ခမည်းတော် နဗီတမန်တော်ယအ် ကူဗ်က ဤသို့)ပြန်ကြားခဲ့လေ၏။ အို-ချစ်သား၊ အသင်သည် မိမိအိပ်မက်ကို မိမိညီနောင်များရှေ့တွင် ပြော၍မပြလေနှင့်။ သို့ပြောပြခဲ့ပါလျှင် ၎င်းတို့သည် အသင်နှင့်ဆန့်ကျင်၍ အကြံအစည်တစ်ခုခုကို လျှို့ဝှက် ကြံစည်ကြပေလိမ့်မည်။ ဧကန်မလွဲ ရှိုင်တွာန်မိစ္ဆာ ကောင်သည်ကား လူတို့၏ အလွန်ထင်ရှားသော ရန်သူပင် ဖြစ်ချေသတည်း။
၀၁၂း ၆။ ၎င်းပြင် ဤသို့အားဖြင့် (ထိုကဲ့သို့ပင်) အသင့် အား အသင်၏အရှင်မြတ်သည် (နဗီတမန်တော်အဖြစ် ချီးမြှောက်ရန်)ရွေးချယ်တော်မူအံ့၊ ၎င်းပြင် ထိုအရှင်မြတ်သည် အသင့်အား အိပ်မက်ဒိဗ်ဓုမ်ကိုသင်ကြား ပို့ချတော်မူအံ့။ ထိုမှတစ်ပါး ထိုအရှင်မြတ်သည် မိမိ ကျေးဇူးတော်ကို ယခင် အသင်၏ဘိုးတော်၊ ဘေးတော်များဖြစ်သော(နဗီတမန်တော်)ဣဗ်ရာဟီမ်အားလည်းကောင်း၊ (နဗီတမန်တော်) ဣစ်ဟာက်အားလည်းကောင်း၊ အပြည့်အစုံ ချီးမြှင့်ပေးသနားတော်မူဘိ သကဲ့သို့ပင် အသင့်အားလည်းကောင်း၊ ယအ်ကူဗ်၏ သားသမီးများအား လည်းကောင်း၊ ထိုကျေးဇူးတော်ကို အပြည့်အစုံ ချီးမြှင့်ပေးသနားတော်မူအံ့၊ ဧကန်အမှန် အသင့်အား ဖန်ဆင်းမွေးမြူတော်မူသော အရှင်မြတ်သည် ဥာဏ်အမြော်အမြင်နှင့် ပြည့်စုံတော်မူသော အရှင်ဖြစ်တော် မူပေသတည်း။
၀၁၂း ၇။ ဧကန်မလွဲ (နဗီတမန်တော်)ယူစုဖ်နှင့် ထို (နဗီတမန်တော်)ယူစုဖ်၏နောင်တော်တို့(၏အကြောင်း အတ္ထုပ္ပတ်္တိ)တွင် (အမှန်တရားနှင့်ဥာဏ်ပညာကို လိုလား၍ ရှာဖွေစူးစမ်း) မေးမြန်းသူတို့အဖို့ (များစွာသော) သက်သေလက္ခဏာရပ်များ ရှိချေသတည်း။
၀၁၂း ၈။ တရံရောအခါ ထိုနောင်တော်များက ငါတို့သည် (အားအင်တောင့်တင်းသော) အုပ်စုကြီးတစ်ခု ဖြစ်ပါလျက် ယူစုဖ်နှင့် ၎င်း၏ညီသည်ငါတို့၏ ဖခင်ကြီးထံ၌ ငါတို့ထက်ပင် ပိုမို၍ ချစ်ခင်ယုယခြင်း ခံနေကြရသည်။ ဧကန်မုချ ငါတို၏ခမည်းတော်သည် ထင်ရှားစွာသောအထင်အရှား လွဲမှားနေချေပြီဟု အချင်းချင်း ပြောဆိုကြလေသည်။
၀၁၂း ၉။ (၎င်းတို့အနက် တစ်ဦးက ဤသို့ပြောဆို အကြံပေးခဲ့လေသည်။) အသင်တို့သည် ယူစုဖ်အား သတ်ပစ်ကြလေကုန်၊ သို့တည်းမဟုတ် ၎င်းအားတိုင်းတစ်ပါးသို့ (သွားရောက်)စွန့်ပစ်ခဲ့ကြလေကုန်၊ သို့မှသာလျှင် အသင်တို့၏ခမည်းတော်သည် အသင်တို့ ဘက်သို့ပြန်လှည့်၍မျက်နှာသာပေးရပေလိမ့်မည်၊ ထို့နောက် အသင်တို့သည် (အလ္လာဟ်အသျှင်မြတ် အထံတော်၌ မိမိတို့အပြစ်ကို ၀န်ချတောင်းပန်ကာ) ဖြောင့်မှန်သောလူစုပြန်၍ဖြစ်ကြလေကုန်။(လိမ့်မည်။)
၀၁၂း ၁၀။ ၎င်းတို့အနက် ပြောဆိုသူတစ်ဦးက (ဤသို့) ပြောဆိုပြန်၏။ (အချင်းတို့) အသင်တို့သည် ယူစုဖ်အား မသတ်ကြပါလေနှင့်၊ သို့ရာတွင် အကယ်၍ အသင်တို့သည် (တစ်စုံတစ်ရာကို မုချ) ပြုလုပ်ကြတော့မည့် သူများဖြစ်ကြပါလျှင် အသင်တို့သည် ၎င်းအား ရေတွင်း၏ စောက်နက်ထဲသို့ ပစ်ချကြလေကုန်၊ ၎င်းအား ခရီးသည်စုအနက်မှ တစ်ဦးဦးသည် (ထိုရေတွင်းထဲမှ) ဆယ်ယူသွားပေလိမ့်မည်ဖြစ်သတည်း။ 
၀၁၂း ၁၁။ (ထို့နောက်) ၎င်းတို့သည် (ဖခမည်းတော်ထံ သွားရောက်ပြီး ဤသို့)ပြောဆိုလျှောက်ထားကြကုန်၏။ အို-ကျွန်ုပ်တို့၏ဖခမည်းတော်၊ခမည်းတော်သည် ယူစုဖ်နှင့် ပတ်သက်၍ ကျွန်ုပ်တို့အပေါ်၌ အဘယ်ကြောင့် စိတ်မချပါသနည်း။ စင်စစ်သော်ကား ကျွန်ုပ်တို့သည် ၎င်းနှင့်ပတ်သက်၍ ကောင်းကျိုးကိုသာ လိုလားသူများ ဖြစ်ကြပါသည်။
၀၁၂း ၁၂။ (သို့ပါ၍) ခမည်းတော်သည် ယင်းယူစုဖ်အား နက်ဖြန်နံနက် ကျွန်ုပ်တို့နှင့်အတူ ပျော်ပျော်ရွှင်ရွှင် စားသောက် ကစားနိုင်ရန်အလို့ငှာလွှတ်ပါ။ ကျွန်ုပ်တို့သည် ဧကန်အမှန် ၎င်းအား (ဘေးရန်ခပ်သိမ်းတို့မှကာကွယ်)စောင့်ရှောက်မည့်သူများပင် ဖြစ်ကြပါသည်။
၀၁၂း ၁၃။ (ထိုအခါ ၎င်းတို့၏ခမည်းတော်က ဤသို့) ဖြေဆိုပြန်ကြားခဲ့လေသည်။ (အို-ငါ၏ချစ်သားတို့) ဧကန်စင်စစ် ငါသည် အသင်တို့ထိုယူစုဖ်အား ခေါ်ဆောင်သွားခြင်းအားဖြင့် ပူဆွေးရမည်မှာ ဧကန်မလွဲပင်။ ထိုမှတစ်ပါး အသင်တို့သည် ထိုယူစုဖ်အား သတိမမူမေ့လျော့နေစဉ်အခိုက် ၎င်းအား ၀ံပုလွေကိုက်စားမည် ကိုလည်း ငါသည် စိုးရိမ်မိပေသတည်း။
၀၁၂း ၁၄။ (ထိုအခါ နောင်တော်များက ဤသို့)လျှောက်ထားခဲ့ကြပြန်၏။ (အို-ဖခမည်းတော်) အမှန်စင်စစ် ကျွန်ုပ်တို့သည် ရင်းနှီးပွန်းတီးအားအင်တောင့်တင်းသော အုပ်စုတစ်စုပင် ဖြစ်ကြပါလျက် အကယ်၍ ထိုယူစုဖ်အား ၀ံပုလွေကိုက်စားခဲ့ပါလျှင် ကျွန်ုပ်တို့သည် အမှန်ပင်ပျက်စီးဆုံးပါးသူများသာ ဖြစ်ကြပါလိမ့်မည်။
၀၁၂း ၁၅။ ထို့နောက် ထိုနောင်တော်တို့သည် ထိုယူစုဖ်အား ခေါ်ဆောင်သွားကြပြီးလျှင် ၎င်းအားရေတွင်း၏ စောက်နက်ထဲတွင် ပစ်ချကြရန်တညီတညွတ်တည်း ပြဌာန်းခဲ့ကြသောအခါ ငါအရှင်မြတ်သည် ထိုယူစုဖ်ထံ (အို-ယူစုဖ်) အသင်သည် (တချိန်တွင်) ၎င်းတို့အား ၎င်းတို့၏ဤအပြုအမူကို အမှန်ပင် ထုတ်ဖော်၍ ပြောကြားမည်ဖြစ်၏။ သို့ရာတွင် (ထိုအချိန်တွင်) ၎င်းတို့သည် အသင်အား သိရှိ၍ မှတ်မိကြလိမ့်မည်မဟုတ်ကြောင်း အမိန့်တော် ထုတ်ပြန်တော်မူခဲ့ပေသတည်း။
၀၁၂း ၁၆။ ထို့နောက် ယင်းနောင်တော်များသည် ၎င်းတို့၏ ဖခမည်းတော်ထံသို့ ညဥ့်မှောင်ခါစအချိန်တွင် ငိုကြွေးလျက် (ပြန်)လာခဲ့ကြလေသည်။
၀၁၂း ၁၇။ (ခမည်းတော်ထံသို့ရောက်လတ်သော် ဤသို့) လျှောက်ထားခဲ့ကြသည်။ အို-ကျွန်ုပ်တို့၏ ဖခမည်းတော် ဧကန်အမှန် ကျွန်ုပ်တို့သည်ယူစုဖ်အား မိမိတို့၏ပစ္စည်း(အ၀တ်အစား)များ အနီးတွင် (အစောင့်) ထားခဲ့ပြီး အပြေးပြိုင်ရန် သွားခဲ့ကြပါသည်။ သို့ဖြစ် သောကြောင့် ထိုယူစုဖ်အား ၀ံပုလွေသည် ကိုက်စား ပစ်ပါသည်။ သို့ရာတွင် ကျွန်ုပ်တို့သည် (မည်မျှပင်) သစ္စာဝါဒီများဖြစ်ကြသော်လည်း ဖခမည်းတော်မှာမူကား ကျွန်ုပ်တို့အား ယုံကြည်မည် မဟုတ်ပါပေ။(တနည်း) ၎င်းတို့က (ဖခင်ကြီးထံ၌) လျှောက်ထားခဲ့ ကြသည်မှာ အို-ကျွန်တော်တို့၏ဖခင်၊ ဧကန်အမှန် ကျွန်တော်တို့သည် (သူ့ထက်ငါသာအောင်) အချင်းချင်း အပြေးပြိုင်၍လာခဲ့ကြပါသည်။ ၎င်းပြင် ယူစုဖ်ကို ကျွန်တော်တို့၏ပစ္စည်း(များ)အနီး၌ ထားခဲ့ကြပါသည်။ သို့ဖြစ်ပေရာ (ရုတ်တရက်) ၀ံပုလွေသည် သူ့ကို ကိုက်စားသွားပါသည်။ ကျွန်တော်တို့သည် အဘယ်မျှပင် မှန်ကန်သူများဖြစ်ကြသော်လည်း အသင် (ဖခင်ကြီး) ကား ကျွန်တော်တို့အား ယုံကြည်မည် မဟုတ်ပါ။
၀၁၂း ၁၈။ ထို့ပြင် ၎င်းတို့သည် ယင်းယူစုဖ်၏အင်္ကျီတွင် မဟုတ်မမှန်သောသွေးများကို (လိမ်းကျံ၍) ယူလာခဲ့ကြလေသည်။ (ထိုအခါဖခမည်းတော်က ဤသို့) ပြောဆို ဖြေကြားခဲ့လေသည်။ (အို-ချစ်သားတို့) ထိုသို့အလျင်းမဟုတ် စင်စစ်မှာကား အသင်တို့၏ စိတ်နှလုံးသည်အသင်တို့အဖို့ အကြောင်းတစ်ခုကို ပရိယာယ်ဆင်ပေးခဲ့ခြင်းသာ ဖြစ်ပေသည်။ သို့ဖြစ်ပေရာ (ငါ၏အဖို့မှာ) သည်းခံခြင်းသည်သာ ကောင်းမြတ်ပေတော့၏။ ထို့ပြင် အလ္လာဟ်အသျှင်မြတ်အထံတော်၌သာလျှင်အသင်တို့ လုပ်ကြံ ပြောပြကြသော အကြောင်းနှင့်စပ်လျဉ်း၍ ကူညီစောင်မတော်မူရန် တိုးလျှိုးတောင်းပန်အသနားခံပြီး ဖြစ်ချေသတည်း။ (တနည်း) အလ္လာဟ်အသျှင်မြတ်သည်ပင် ကူညီတော်မူသည် ဖြစ်ပါစေသတည်း။
၀၁၂း ၁၉။ ထို့နောက် ခရီးသည်တစ်စုသည် (ထိုရေ တွင်းရှိရာသို့) ရောက်ရှိလာခဲ့လေသည်။ တစ်ဖန် ထိုခရီးသည်တစ်စုသည် မိမိတို့၏ရေငင်သူအား (ထို ရေတွင်းမှရေငင်ရန် စေလွှတ်ခဲ့ကြလေသည်။ သို့ဖြစ်ပေရာ ထိုရေငင်သူသည် (ရေတွင်း၌) မိမိရေပုံးကို ချခဲ့လေသည်။ (ထို့နောက်ယူစုဖ်ကို မြင်လေသော်) ထိုရေငင်သူက (ခရီးသည်တစ်စုအား ဤသို့ ၀မ်းသာအားရစွာ ဟစ်အော်၍) အို-(အချင်းတို့) ဤသည်တွင် (အလွန်ချောလှသော) လုလင်ပျိုတစ်ဦး (တွေ့ရှိ ရပေရာ) အလွန်ဝမ်းမြောက်ဖွယ်ပင် ဖြစ်ပေသည် တကားဟု ပြောဆိုခဲ့လေသည်။ ထို့နောက်ယင်းခရီးသည်တစ်စုသည် ထိုယူစုဖ်အား ရောင်းကုန်ဝယ်ကုန်အဖြစ် လျှို့ဝှက်စွာထားရှိခဲ့ကြလေသည်။ သို့ရာတွင် အလ္လာဟ်အသျှင်မြတ်မှာမူကား ၎င်းတို့ ပြုမူလျက်ရိသည်တို့ကို ကောင်းမွန်စွာ သိရှိတော်မူသော အရှင်မြတ်ပင် ဖြစ်တော်မူခဲ့ပေသတည်း။
၀၁၂း ၂၀။ ထို့နောက် ထိုနောင်တော်များသည် ထိုယူစုဖ်အား အနည်းငယ်မျှသောအဖိုး ဒစ်ရ်ဟမ် ငွေဒင်္ဂါးများဖြင့် ရောင်းချခဲ့ကြလေသည်။ အမှန်မှာမူကား ၎င်းတို့သည် ယင်းယူစုဖ်အား မလိုလားသူများပင် ဖြစ်ခဲ့ကြကုန်သတည်း။
၀၁၂း ၂၁။ အီဂျစ်ပြည်မှ ထိုယူစုဖ်အား ၀ယ်သူကမိမိဇနီးအား “အသင်သည် ထိုယူစုဖ်ကို ဂုဏ်ရှိစွာ ဖြင့်ထားပါလေ၊ ၎င်းသည် ကျွန်ုပ်တို့အား အကျိုးပေးကောင်းပေးပါလိမ့်မည်။ သို့မဟုတ် ကျွန်ုပ်တို့သည် ၎င်းအား သားအဖြစ် မွေးစားထားကြမည်ဟု ပြောလေသည်။ ၎င်းပြင် ဤကဲ့သို့ပင် ငါအရှင်မြတ်သည် ယူစုဖ်အား (ထို) တိုင်းပြည်၌ နေရာပေးတော်မူခဲ့ လေသည်။ ၎င်းပြင် ငါအရှင်မြတ်သည် ထိုယူစုဖ်အား စကားများ၏ အနက်သဘောကို သင်ကြားပြသတော်မူရန် အလို့ငှာဖြစ်သည်။ ၎င်းပြင် အလ္လာဟ်အသျှင်မြတ်သည် မိမိ၏ကိစ္စ(အ၀၀)ကိုနိုင်နင်းတော်မူသော အရှင်မြတ်ဖြစ်သည်။ သို့ရာတွင် လူသားတို့အနက် အများစုသည် မသိကြပေ။ 
၀၁၂း ၂၂။ ထိုနောက် ယင်းယူစုဖ်သည် မိမိ ရင့်သန်သောအရွယ်သို့ ရောက်လတ်သော် ငါအရှင်မြတ်သည် ထိုယူစုဖ်အား စိုးမိုးအုပ်ချုပ်မှုကိုလည်းကောင်း၊ အသိပညာကိုလည်းကောင်း၊ ချီးမြှင့်ပေးသနားတော် မူခဲ့လေသည်။ စင်စစ်သော်ကား ငါအရှင်မြတ်သည် ကောင်းမြတ်သော သီလရှင်တို့အား ဤနည်းအတိုင်းပင် အကျိုးကျေးဇူးပေးတော်မူပေသတည်း။
၀၁၂း ၂၃။ ထို့နောက် အကြင်မိန်းမသည် ယင်းယူစုဖ်အား ၎င်း၏စိတ်သဘောနှင့်ဆန့်ကျင်ကာ ချော့မော့၍ မြှူဆွယ်ခဲ့လေသည်။ ယင်းယူစုဖ်သည် ထို မိန်းမ၏အိမ်တွင် (နေထိုင်လျက်ရှိခဲ့၏။) ၎င်းပြင် ထိုမိန်းမသည် တံခါးများကို (လုံခြုံစွာ) ပိတ်၍ (ယူစုဖ်အား) လာပါလေ၊ (ကျွန်ုပ် အသင့်အဖို့ အသင့်ရှိနေပြီ)ဟု ပြောဆို (ဖိတ်ခေါ်) ခဲ့လေသည်၊ (ထိုအခါ) ယင်းယူစုဖ်က (ဤသို့) ပြောဆို (ငြင်းဆန်) ခဲ့လေသည်။ (ကျွန်ုပ် ဤပြစ်မှုကို ကျူးလွန်ခြင်းမှ ကင်းလွတ်ရန်)အလ္လာဟ်အသျှင်မြတ်၏ အကာအကွယ်ကို ယူလိုပါသည်။ ဧကန်စင်စစ် ထိုအရှင်မြတ်သည် ကျွန်ုပ်အား ဖန်ဆင်းမွေးမြူတော်မူသော အရှင်မြတ်ပင် ဖြစ်တော်မူပေသည်။ ထိုအရှင်မြတ်သည် ကျွန်ုပ်၏နေရာထိုင်ခင်းကို ကောင်းမွန်စွာ ပြုလုပ်ပေးသနားတော်မူခဲ့လေသည်။ ဧကန်အမှန် မတော်မတရား ကျူးလွန်သော သူတို့သည် အောင်မြင်ကြသည်မဟုတ်ပေ။
၀၁၂း ၂၄။ ထို့ပြင် မလွဲဧကန် ထိုမိန်းမသည် ယင်းယူစုဖ်နှင့်ဆက်ဆံရန် ယတိပြတ် စိတ်ပြဋ္ဌာန်းခဲ့လေသည်။ အမှန်သော်ကား အကယ်၍သာ ထိုယူစုဖ်သည် မိမိအား ဖန်ဆင်းမွေးမြူတော်မူသော အရှင်မြတ်၏ သက်သေလက္ခဏာတော်ကို မတွေ့မမြင်ခဲ့ရပါလျှင် ၎င်းသည် လည်း ထိုမိန်းမနှင့် ဆက်ဆံရန် ကြံရွယ်ခဲ့ပေအံ့၊ ငါအရှင်မြတ်သည် (သာမည) မကောင်းမှုများကိုလည်းကောင်း၊ အလွန်စက်ဆုပ်ဖွယ်ရာဖြစ်သော အမှုကိစ္စများကိုလည်းကောင်း၊ ထိုယူစုဖ်နှင့် ကင်းဝေးစေတော်မူခြင်းငှာ၊ ဤအတိုင်းပင် ပြုလုပ်တော်မူခဲ့လေသည်။ ဧကန်စင်စစ် ထိုယူစုဖ်သည် ငါအရှင်မြတ် ရွေးချယ်ထားတော်မူသော အစေတော်များတွင် အပါအ၀င် ဖြစ်ချေသတည်း။
၀၁၂း ၂၅။ ထိုနောက် ၎င်းတို့နှစ်ဦးသည် တံခါးရှိရာသို့ (ရှေ့နောက်) ပြေးခဲ့ကြလေသည်။ ၎င်းပြင် ထိုမိန်းမသည် ယင်းယူစုဖ်၏ အင်္ကျီကိုနောက်မှ ဆုတ်ပစ်ခဲ့လေသည်။ ထို့နောက် ၎င်းတို့နှစ်ဦးသည် တံခါးဝ၌ ထိုမိန်းမ၏ခင်ပွန်းနှင့် တွေ့ရှိခဲ့လေသည်။ (ထိုအခါ) ယင်းမိန်းမက (ဤသို့) ပြောဆိုခဲ့လေသည်။ အသင်၏ အိမ်သူအိမ်သားအား မကောင်းကြံသူ၌ အကျဉ်းချထားခြင်းခံရသည်မှတစ်ပါး၊ သို့မဟုတ် ပြင်းပြနာကျင်ဖွယ်ဖြစ်သော ပြစ်ဒဏ်ပေးခြင်း (ကို ခံရသည်) မှတစ်ပါး၊ မည်သည့်ပြစ်ဒဏ်ရှိပါဦးမည်နည်း။
၀၁၂း ၂၆။ (ထိုအခါ) ယင်းယူစုဖ်က “ဤမိန်းမသည်သာလျှင် ကျွန်ုပ်အား ကျွန်ုပ်၏စိတ်သဘောနှင့် ဆန့်ကျင်ကာ ချော့မော့မြှူဆွယ်ခဲ့လေသည်”ဟု ပြောဆိုခဲ့လေသည်။ ၎င်းပြင် ယင်းမိန်းမ၏ ဆွေမျိုးများအနက်မှ သက်သေတစ်ဦးသည် (ဤသို့) သက်သေခံခဲ့လေ သည်။ အကယ်၍ ထိုယူစုဖ်၏အင်္ကျီမှာရှေ့မှစုတ်ပြဲ၍နေသည်ဖြစ်မူ ထိုမိန်းမသည် မှန်ကန်စွာပြောဆိုခဲ့သည်ဖြစ်သည်။ ၎င်းပြင် ယင်းယူစုဖ်သည် မုသား ပြောဆိုသူတစ်ဦးဖြစ်ပေသတည်း။
၀၁၂း ၂၇။ သို့ရာတွင် အကယ်၍သာ ထိုယူစုဖ်၏အင်္ကျီသည် နောက်မှစုတ်ပြဲ၍နေသည်ဖြစ်ပါမူ၊ ယင်းမိန်းမသည် မုသားပြောဆိုခဲ့သည်ဖြစ်သည်။ ၎င်းပြင် ထိုယူစုဖ်မှာမူကား မှန်ကန်စွာ ပြောဆိုသူတစ်ဦးပင် ဖြစ်ချေသတည်း။
၀၁၂း ၂၈။ ထို့နောက် (ယင်းမိန်းမ၏ခင်ပွန်းသည်) ထို ယူစုဖ်၏အင်္ကျီမှာ နောက်မှ စုတ်ပြဲ၍နေသည်ကို တွေ့မြင်လတ်သော် “ဤသည်အသင်မိန်းမတို့၏ စဉ်းလဲဥာဏ်သာဖြစ်သည်။ အသင်တို့၏ စဉ်းလဲဥာဏ်သည် ကြီးမားလှဘိ၏တကား”ဟု ပြောဆိုခဲ့လေ သတည်း။
၀၁၆း ၂၉။ (ထို့နောက် ဆက်လက် ပြောဆိုခဲ့ပြန်သည် မှာ) အို-ယူစုဖ်၊ အသင်သည် ဤသည်ကို လျစ်လျူ ရှုကာ လွှဲရှောင်၍သွားလော့။ ထို့ပြင်(အို-မိန်းမ) သင်သည် မိမိပြစ်မှုကို (၀န်ချတောင်းပန်၍)လွတ်ငြိမ်း ချမ်းသာခွင့် တောင်းခံလော့။ ဧကန်မလွဲ အသင်မသည်ပြစ်မှုကျူးလွန်သူတစ်ဦး ဖြစ်ချေသတည်း။ (ဟုပြောဆို ခဲ့လေ၏။)
၀၁၂း ၃၀။ ၎င်းပြင် မြို့တွင်း၌ရှိသော အချို့မိန်းမများသည်(မာယာဆင်၍ ဤသို့ပြစ်တင်)ပြောဆိုကြကုန်၏။ အဇိဇ်၏ကြင်ရာသည် မိမိကျွန်ကို၎င်း၏စိတ်သဘောနှင့် ဆန့်ကျင်ပြီး ချော့မော့ မြှူဆွယ်နေလေသည်။ ဧကန်စင်စစ် ထိုကျွန်သည် ၎င်း၏စိတ်နှလုံးကို ချစ် မေတ္တာအားဖြင့်ဖုံးလွှမ်းလျက် ရှိနေပေသည်။ ဧကန်အမှန် ကျွန်ုပ်တို့သည် ယင်းအဇိဇ်၏ကြင်ရာအား လွှဲချော်မှောက်မှားမှု၌ (ကျဆင်းနေသည်ကို) တွေ့မြင်ကြရပေသတည်း။
၀၁၂း ၃၁။ ထို့နောက် ယင်းအဇီဇ်၏ကြင်ရာသည် ထိုမိန်းမတို့၏ ဥာဏ်ဆင်မှုကို ကြားသိရလေသောအခါ ၎င်းတို့အား (မိမိတို့အိမ်သို့ဧည့်ခံကျွေးမွေးရန်) ဖိတ်ခေါ်ခဲ့လေသည်။ ထို့ပြင် ၎င်းတို့အဖို့ (သိုက်မြိုက်တင့်တယ်စွာ ထိုင်နိုင်ကြရန်) မှီအုံးများကို (ခင်း၍) အဆင့်ဆင့် ပြင်ဆင်ထားခဲ့လေသည်။ ထို့ပြင် ယင်းမိန်းမများအနက် အသီးသီးအား ဓားတစ်ချောင်းစီပေးပြီးနောက် (ယူစုဖ်အား) အသင်သည် ဤမိန်းမတို့၏ရှေ့သို့ ထွက်ခဲ့လော့ဟု ပြောဆိုခဲ့လေသည်။ သို့ဖြစ်ပေရာ ထိုမိန်းမတို့သည် ယူစုဖ်အား တွေ့မြင်ကြသောအခါ၊ ၎င်းနှင့်ပတ်သက်၍ အံ့ချီးမဆုံး ဖြစ်သွားခဲ့ကြကုန်၏။ ၎င်းပြင် ထိုမိန်းမတို့သည် မိမိတို့၏လက်များကို လှီးမိကြကုန၏် ။ ထို့နောက် ၎င်းတို့က အလ္လာဟ်အသျှင်မြတ်သည် အပြစ်ကင်းစင်တော်မူ၍ အံ့ချီးမဆုံးနိုင်တော်မူပါဘိတကား၊ ဤ သူသည် လူသားတစ်ဦးမဖြစ်နိုင်၊ ဤသူသည် ကောင်းချီးမင်္ဂလာနှင့်ပြည့်စုံသော ကောင်းကင်စေတမန်သာ ဖြစ်ပေသတည်းဟု တအံ့တသြ ပြောဆိုကြကုန်၏။
၀၁၂း ၃၂။ (ထိုအခါ) ယင်းမိန်းမက (ဤသို့ပြန်)ပြောခဲ့ လေ၏။ ဤသည်ပင် အကြင်သူတည်း၊ အသင်မိန်းမတို့သည် ကျွန်ုပ်အားထိုသူနှင့်ပက်သက်၍ ကဲ့ရဲ့ ပြစ်တင်ခဲ့ကြကုန်၏။ အမှန်စင်စစ်သော်ကား ကျွန်ုပ်သည်ပင် ၎င်းအား ၎င်း၏စိတ်သဘောနှင့် ဆန့်ကျင်၍ ချော့မော့မြှူဆွယ်ခဲ့လေသည်။ သို့တစေလည်း ၎င်းမှာမူကား လုံးဝအပြစ်ကင်းစင်စွာ နေခဲ့လေ၏။ သို့ရာတွင် အကယ်၍သာ ၎င်းသည် (အနာဂတ်တွင်) ကျွန်ုပ် အမိန့်ပေးလျက်ရှိသောအမှုကိစ္စကို မပြုလုပ်ခဲ့ပါလျှင် မလွဲဧကန် ၎င်းသည် အကျဉ်းချထားခြင်းခံရသည့် ပြင် ဂုဏ်အသရေနိမ့်ကျသူတစ်ဦးလည်း ဖြစ်ရလိမ့်မည် သာတည်း။
၀၁၂း ၃၃။ (ထိုအခါ) ယင်းယူစုဖ်က (အလ္လာဟ်အသျှင် မြတ်အထံတော်၌ ဤသို့) လျှောက်ထားပန်ကြား ခဲ့လေ၏။ အို-ကျွန်တော်မျိုးအား ဖန်ဆင်းမွေးမြူတော်မူသော အရှင်မြတ်၊ ထိုမိန်းမတို့သည် ကျွန်တော်မျိုးအား ဖိတ်ခေါ်လျက်ရှိသော ကိစ္စ(ကို လိုက်နာ ဆောင်ရွက်ရမည်) ထက်ကျွန်တော်မျိုးအဖို့ အကျဉ်းထောင်သည်ပင်သာ၍ နှစ်သက်ဖွယ်ရာဖြစ်ပါ၏။ စင်စစ်မှာမူကား အကယ်၍သာ အရှင်မြတ်သည် ထိုမိန်းမတို့၏ ပရိယာယ်မာယာကို ကျွန်တော်မျိုးထံမှ ကွေကွင်းစေတော်မမူခဲ့ပါလျှင် ကျွန်တော်မျိုးသည် ၎င်းတို့ဘက်သို့ ယိမ်းညွတ်သွားမိပါလိမ့်မည်။ ထိုအခါ ကျွန်တော်မျိုးသည် မသိမိုက်မဲသူတို့တွင် တစ်ဦးအပါအ၀င် ဖြစ်သွားပါလိမ့်မည်။
၀၁၂း ၃၄။ ထို့နောက် ယင်းယူစုဖ်အား ဖန်ဆင်းမွေးမြူတော်မူသော အရှင်မြတ်သည် ၎င်း၏လျှောက်ထား ပန်ကြားချက်ကိုသဘောတူလက်ခံတော်မူခဲ့လေသည်။ သို့ဖြစ်ပေရာ ထိုအရှင်မြတ်သည် ယင်းမိန်းမတို့၏ ပရိယာယ်မာယာကို ထိုယူစုဖ်ထံမှ ကွေကွင်းစေတော်မူခဲ့လေသည်။ ဧကန်မလွဲ ထိုအရှင်မြတ်သည် အကြွင်းမဲ့ကြားတော်မူသောအရှင်၊ အကြွင်းမဲ့သိတော် မူသောအရှင် ဖြစ်တော်မူပေသတည်း။
၀၁၂း ၃၅။ ထို့နောက်တစ်ဖန် ၎င်းတို့သည် (အပြစ်တစ်စုံ တစ်ရာမရှိကြောင်း) သက်သေခံ အထောက်အထားများကို တွေ့မြင်ကြပြီးနောက် ၎င်းတို့၌ ထိုယူစုဖ်အား ကာလအနည်းငယ်မျှ အကျဉ်းချထားရန် သင့်တော်သည်ဟု အတွေးပေါ်လာခဲ့လေသည်။ 
၀၁၂း ၃၆။ ၎င်းပြင် ထိုယူစုဖ်နှင့်အတူ လုလင်နှစ်ဦးသည်လည်း အကျဉ်းထောင်ထဲသို့ ၀င်ရောက်ခဲ့ကြလေသည်။ ထိုလုလင်နှစ်ဦးအနက်မှတစ်ဦးက (ယူစုဖ်အား) “ဧကန်စင်စစ် ကျွန်ုပ်သည် (အိပ်မက်တွင်) မိမိကိုယ်ကိုမိမိ စပျစ်ရည်ညှစ်နေသည်ဟု တွေ့မြင်ကြောင်း ပြောပြခဲ့လေသည်။ အခြားတစ်ဦးကမူ ဧကန်အမှန် ကျွန်ုပ်သည် မိမိကိုယ်ကို (အိပ်မက်တွင် တွေ့မြင်ခဲ့သည် မှာ) ကျွန်ုပ်သည် မိမိဦးခေါင်းထက်ဝယ် မုန့်(ဗျပ်)ကို ရွက်လျက်ရှိပေရာ ငှက်များသည် ထို့မုန့်များမှ (မိမိ တို့၏နှုတ်သီးများဖြင့်ထိုး၍) စားနေကြသည်ကို တွေ့မြင်ကြောင်း၊ အသင်သည် (ထိုအိပ်မက်)၏ဒိဗ်ဓုမ်ကို ကျွန်ုပ်တို့အားကြားသိစေပါလေ၊ ဧကန်မလွဲ ကျွန်ုပ်တို့သည် အသင့်အားသူတော်စင်တစ်ဦးဖြစ်ကြောင်း တွေ့မြင်ကြပါသည်ဟု ပြောဆိုခဲ့ကြလေသတည်း။
၀၁၆း ၃၇။ (ထိုအခါ) ယူစုဖ်က (ဤသို့)ပြောကြားခဲ့လေသည်။ အသင်တို့နှစ်ဦး ကျွေးမွေးခြင်း ခံကြရသော အစာအာဟာရသည် အသင်တို့နှစ်ဦးထံ ရောက်မလာမီပင် ကျွန်ုပ်သည် အသင်တို့အား ယင်းအိပ်မက်ကို ကြားသိစေလေ့ရှိပါမည်။ ဤကား ကျွန်ုပ်အား ကျွန်ုပ်၏အရှင်မြတ်က သင်ကြားတော်မူခဲ့သော ပညာများ အနက်မှ ဖြစ်ပေသည်။ အမှန်စင်စစ် ကျွန်ုပ်သည် (ယခင်မူလကပင်) အကြင်သူတို့၏ သာသနာကို စွန့်ထားခဲ့ပြီးဖြစ်ပေမည်။ ၎င်းတို့သည် အလ္လာဟ်အသျှင်မြတ်အားလည်း သက်ဝင်ယုံကြည်ကြသည် မဟုတ်ပေ၊ ထို့ပြင် ၎င်းတို့သည် နောင်တမလွန်ဘ၀ကိုလည်း မယုံကြည် သွေဖည်ငြင်းပယ်သူများပင် ဖြစ်ကြကုန်သတည်း။
၀၁၂း ၃၈။ ၎င်းပြင် ကျွန်ုပ်သည် မိမိဘေးတော်၊ ဘိုး တော်နှင့် ခမည်းတော်များ ဖြစ်ကြကုန်သော (နဗီ တမန်တော်) ဣဗ်ရာဟီမ်၊ (နဗီတမန်တော်)ဣစ်ဟာက်၊ နဗီတမန်တော် ယအ်ကူဗ်တို့၏ သာသနာကိုပင် လိုက်နာခဲ့ပေသည်။ ကျွန်ုပ်တို့အဖို့ မည်သည့် တစ်စုံတစ်ရာကိုမျှ အလ္လာဟ်အသျှင်မြတ်နှင့် တွဲဖက်နှိုင်းယှဉ် (ကိုးကွယ်) ရန် (လုံးဝ) မထိုက်ပေ။ ဤ(သည့် အယူဝါဒ)သည်ကား ကျွန်ုပ်တို့အပေါ်၌လည်းကောင်း၊ လူခပ်သိမ်းတို့ အပေါ်၌လည်းကောင်း၊ အလ္လာဟ်အသျှင်မြတ်၏ (ကြီးမားလှစွာသော) ကျေးဇူးတော် တစ်ရပ်ပင် ဖြစ်ချေသည်။ သို့ရာတွင် လူသားအနက် အများစုမှာမူ (ဤမျှကြီးမားလှသော) ကျေးဇူးတော်ကိုပင်မသိ တတ်ကြပေတကား။
၀၁၂း ၃၉။ အို-(ကျွန်ုပ်၏) အကျဉ်းထောင်ဖက် မိတ်ဆွေနှစ်ဦး အထူးထူး အပြားပြားသော ကိုးကွယ်ရာများပင် သာလွန်၍ကောင်းမြတ်ကြသလော၊ သို့တည်းမဟုတ် (အလုံးစုံတို့ထက်ဝယ်) နှိမ်နင်းလွှမ်းမိုးတော်မူသော တစ်ဆူတည်းသော အလ္လာဟ်အသျှင်မြတ်သည်ပင် သာလွန်၍ ကောင်းမြတ်တော်မူပါလေသလော။
၀၁၂း ၄၀။ (အမှန်စင်စစ်ကား) အသင်တို့သည် အလ္လာဟ်အသျှင်မြတ်အား စွန့်၍ အသင်တို့၏အဖ၊ ဘိုးဘေး များ၊ အပါအ၀င် မိမိတို့ကိုယ်တိုင်အမည်နာမ မှည့်ခေါ်ထားသည့် (ဘုရား) များကိုသာ ကိုးကွယ်နေကြကုန်၏။ (စင်စစ်ဆိုသော်) အလ္လာဟ်အသျှင်မြတ်သည် ၎င်းတို့ (အားကိုးကွယ်ရန်) နှင့် စပ်လျဉ်း၍ သက်သေခံ တစ်စုံတစ်ရာမျှပင် ချပေးတ်ာမူခဲ့သည် မဟုတ်ပေ။ အမိန့်အာဏာ (အလုံးစုံတို့) ကား အလ္လာဟ်အသျှင်မြတ်၌သာ ရှိပေသည်။ ထိုအရှင်မြတ်က “အသင်တို့သည် ထိုအရှင်မြတ်မှတစ်ပါး မည်သည့် တစ်စုံတစ်ရာကိုမျှ မကိုးကွယ်ကြရ” ဟု အမိန့်တော်ထုတ်ပြန်ချမှတ်တော် မူခဲ့လေသည်။ဤသည်သာလျှင် ဖြောင့်မတ် မှန်ကန်သော သာသနာတော်ပင်တည်း။ သို့ရာတွင် အများဆုံးသော လူတို့မှာကား မသိနားမလည်ကြပေ။ 
၀၁၂း ၄၁။ အို-အကျဉ်းထောင်ဖက် မိတ်ဆွေနှစ်ဦး၊ မည်သို့ပင်ဖြစ်စေ၊ အသင်တို့နှစ်ဦးအနက် တစ်ဦးမှာ မူ မိမိ၏သခင် (ဖြစ်သော ဘုရင်) အား (ရှေးယခင် အတိုင်းပင်) သေစာအရက်ကို ဆက်လက်၍ တိုက်ကျွေးရပေမည်၊ သို့ရာတွင် တခြားတစ်ဦးမှာမူကား လက်ဝါး ကပ်တိုင်သို့အတင်ခံရပြီးနောက် ငှက်များသည် ဦးခေါင်းကို (နှုတ်သီးဖြင့် ထိုး၍) စားကြပေလိမ့်မည်။ အသင်တို့နှစ်ဦး မေးမြန်းလျက် ရှိကြကုန်သောကိစ္စမှာ (ဤအတိုင်းပင်) ပြဌာန်းပြီးဖြစ်ခဲ့ပေသတည်း။
၀၁၂း ၄၂။ ၎င်းပြင် ထိုယူစုဖ်သည် ယင်းလုလင်နှစ်ဦး အနက်မှ လွတ်မြောက်မည့်သူဖြစ်သည်ကို ယုံကြည်သောသူအား “အသင်သည် မိမိသခင်(ဖြစ်သောဘုရင်မင်းမြတ်)ထံတွင် ကျွန်ုပ်၏အကျိုး အကြောင်းကို ဖော်ပြပြောဆိုပါလေ” ဟု ပြောဆိုမှာကြားခဲ့လေ၏။ သို့ရာတွင် ရှိုင်တွာန်မိစ္ဆာကောင်သည် ထိုလုလင်အား မိမိသခင် (ဘုရင်မင်းမြတ်)ရှေ့တွင် ထိုယူစုဖ်၏ အကြောင်း ပြောပြရန် မေ့လျော့စေခဲ့ရာထိုယူစုဖ်သည် အကျဉ်းထောင်ထဲတွင် နှစ်ကာလအတန်ကြာအောင် နေထိုင်ခဲ့ရလေသတည်း။
၀၁၂း ၄၃။ ထို့နောက် ဘုရင်က ဧကန်စင်စစ် ငါသည် အိပ်မက်တွင် ၀၀ဖြိုးဖြိုးရှိကြကုန်သော နွားမ ခုနစ်ကောင်ကို ပိန်ချုံးလျက်ရှိသော နွားမခုနစ်ကောင်တို့ ကစား၍နေကြသည်ကိုလည်းကောင်း၊ စိုစိမ်းသော စပါးနှံ ခုနစ်နှံနှင့် အခြားသွေ့ခြောက်လျက်ရှိကုန်သော (စပါးနှံခုနစ်နှံတို့ကို)လည်းကောင်း၊ မြင်မက်ခဲ့လေသည်။ အို-မှူးကြီးမတ်ရာတို့၊ အကယ်၍ အသင်တို့သည် အိပ်မက်ဒိဗ်ဓုမ်ကိုပြော၍ ပြတတ်ကြပါလျှင် ငါ၏ (ဤမည်သော)အိပ်မက်ဒိဗ်ဓုမ်ကို ငါ့အား တင်လျှောက်ကြလေကုန်ဟု ပြောကြားခဲ့လေ၏။
၀၁၂း ၄၄။ (ထိုရောကာလ) ယင်းမှူးကြီးမတ်ရာတို့က (အို-ဘုရင်မင်းမြတ် ဤကား) ဂယောင်ဂယက် မြင်မက်သော အိပ်မက်မျှသာဖြစ်ပါသည်။ ၎င်းပြင် ကျွန်တော်မျိုးတို့မှာမူကား ဂယောင်ဂယက် အိပ်မက်များ၏ဒိဗ်ဓုမ်ကို နားလည်သူများလည်း မဟုတ်ကြပါဟု လျှောက်ထားခဲ့ကြလေသတည်း။
၀၁၂း ၄၅။ ထိုအခါ ယင်း(အကျဉ်းချထားခြင်း ခံခဲ့ကြ သော) လုလင်နှစ်ဦးအနက် ပြန်၍ လွတ်မြောက်ခဲ့သော လုလင်သည် ကာလအတော်ကြာပြီးနောက်သော်မှပင် သတိရလာ၍ ထိုအိပ်မက်၏ဒိဗ်ဓုမ်ကို ဘုရင်မင်းမြတ်တို့အား ကျွန်တော်မျိုးတစ်ဆင့် ပြောပြပါမည်။ သို့ပါ၍ အရှင်မင်းမြတ်သည် ကျွန်တော်မျိုးအား သွားခွင့်ပြုတော်မူပါ ဟု လျှောက်ထားခဲ့လေ၏။ 
၀၁၂း ၄၆။ (အကျဉ်းထောင်သို့ ရောက်လတ်သော် ထိုလုလင်သည် တမန်တော်ယူစုဖ်အား ဤသို့ ပြောဆို လေ၏။) အို-ယူစုဖ်၊ အို-သစ္စာဝါဒ၊ီ အသင်သည် ကျွန်ုပ်တို့အား ၀၀ဖြိုးဖြိုးရှိသော နွားမခုနစ်ကောင်ကို ပိန်ချုံးသော နွားမခုနစ်ကောင်သည် စား၍နေသည်။ ၎င်းပြင် စိမ်းစိုသောစပါးနှံခုနစ်နှံနှင့် ခြောက်သွေ့သော စပါးခုနှစ်နှံဖြစ်ကုန်သည်။ (မြင်မက်သောအိပ်မက်)နှင့် စပ်လျဉ်း၍ (ဒိဗ်ဓုမ်ကို) ရှင်းလင်း ပြောပြပါလေ။ သို့မှသာလျှင် ကျွန်ုပ်သည် လူများထံပြန်နိုင်၍ လူများလည်း (အသင်၏ မြင့်မြတ်လှသောဂုဏ်အင်များကို) သိနားလည်နိုင်ကြပေမည်ဖြစ်သတည်း။
၀၁၂း ၄၇။ ထိုယူစုဖ်သည် (အိပ်မက်ဒိဗ်ဓုမ်ကို ဤသို့ ရှင်းလင်း၍) ပြောပြလေသည်။ အသင်တို့သည် (မိမိတို့စိုက်ပျိုးနေကျအတိုင်း) ခုနစ်နှစ်တိုင်တိုင် (မိမိ တို့ လယ်ယာများကို) အဆက်မပြတ် စိုက်ပျိုးကြလေကုန်။သို့ရှိရာ အသင်တို့သည် မိမိတို့ ရိတ်သိမ်း သောကောက်လှိုင်းများအနက် မိမိတို့စားသုံးရန်ဖြစ်သော အနည်းငယ်မျှမှအပ ကျန်ရှိသော ကောက်လှိုင်းများကို ကောက်လှိုင်းအတိုင်းပင် ထားရှိကြလေကုန်။
၀၁၂း ၄၈။ ထို့နောက် တစ်ဖန် (ဒုဗ်္ဘိက္ခန္တရကပ်ဆိုက်၍) ပြင်းထန်လှသော ခုနစ်နှစ်သည် ဆိုက်ရောက်လာပေမည်။ ထိုနှစ်ကာလ ခုနစ်နှစ်သည် အသင်တို့ (မျိုးစေ့အလို့ငှာ) သိမ်းထားကြသည့် အနည်းငယ်မျှ(သောရိက္ခာ) မှအပ အသင်တို့ ကြိုတင် စုဆောင်းထား သည့်(ရိက္ခာ) များကိုစားသုံးပစ်ကြပေမည်။
၀၁၂း ၄၉။ ထို့နောက်တစ်ဖန် နောက်တစ်နှစ် ရောက်လတ်သော် ထိုနှစ်တွင်မူ လူတို့သည် (ကောင်းမွန်စွာ) မိုးရွာသွန်းစေခြင်းကို ခံကြရသည့်ပြင်ထိုနှစ်တွင် ၎င်းတို့သည် စပျစ်ရည်များလည်း ညှစ်ကြပေမည် ဖြစ်သတည်း။ 
၀၁၂း ၅၀။ ထို့နောက် ဘုရင်မင်းက အသင်တို့သည် ထိုယူစုဖ်အား ငါ့ထံသို့ ပင့်ဆောင်ခဲ့ကြလေကုန် ဟု မိန့်ကြားခဲ့လေသည်။ တဖန်စေတမန်သည် ထိုယူစုဖ်ထံသို့ ရောက်ရှိလေသော် ထိုယူစုဖ်က (စေတမန်အား) အသင်သည် မိမိသခင်ထံသို့ ပြန်၍သွားပါလေ။ ထို့နောက် အသင်သည် ထိုဘုရင်အား “မိမိ လက်များကိုလှီးခဲ့ကြသော အမျိုးသမီးတို့၏ (လက်ရှိ) အခြေအနေသည် မည်သို့ရှိပါသနည်း” ဟု လျှောက်ထားမေးမြန်းပါလေ။ ဧကန်အမှန် ငါ့အား ဖန်ဆင်းမွေးမြူတော်မူသော အရှင်မြတ်သည် ထိုအမျိုးသမီးတို့၏ ပရိယာယ်မာယာကို ကောင်းစွာ သိရှိတော်မူသော အရှင်မြတ်ပင် ဖြစ်တော်မူပေသတည်း။
၀၁၂း ၅၁။ (ထိုအခါ) ဘုရင်မင်းမြတ်က (ထိုမိန်းမတို့အား) အသင်တို့သည် ယူစုဖ်အား ၎င်းကိုယ်တိုင်နှင့် ဆန့်ကျင်ကာ ချော့မော့၍မြှူဆွယ်ခဲ့ကြစဉ်အခါ၌ အသင်တို့၏ အဖြစ်မှန်သည် မည်သို့ရှိခဲ့သနည်းဟု မေးမြန်းလေ၏။ (ထိုအခါ) ယင်းမိန်းမတို့က အလ္လာဟ်အသျှင်မြတ်သည် အပြစ်ကင်းစေတော်မူ၍ အံ့ချီးမဆုံး ပြုနိုင်စွမ်းတော်မူပါဘိတကား။ ကျွန်ုပ်တို့သည် ထိုယူစုဖ်၏အပေါ်၌ မည်သည့်တစ်စုံတစ်ရာ မကောင်းမှု (ရှိသည်ကို) မသိရှိခဲ့ကြပါဟု လျှောက်ထားခဲ့ကြကုန်၏။ (ထိုရောကာလ) အဇီဇ်၏ကြင်ရာ သည်(ဤသို့) လျှောက်ထားခဲ့လေ၏။ ယခုသော်ကား (အဖြစ်အပျက်) အမှန်သည် ထင်ရှားသွားလေပြီ။ ကျွန်ုပ်သည်သာလျှင် ယင်းယူစုဖ်အား ၎င်းကိုယ်တိုင်နှင့် ဆန့်ကျင်၍ဖြစ်သည်။ ချော့မော့မြှူဆွယ်ခဲ့ပါသည်။ ၎င်းပြင် ဧကန်မလွဲ ထိုယူစုဖ်မှာမူကား သစ္စာဝါဒီတစ်ဦး မုချဖြစ်ပါသတည်း။
၀၁၂း ၅၂။ ဤ(သို့ အပြစ်ကင်းကြောင်းကို ထင်ရှားစေ ခြင်းသည်)ကား ထိုအဇိဇ်သည် ၎င်း၏နောက်ကွယ်ရာတွင် ၎င်းအား ကျွန်ုပ် အမှန်ပင်သစ္စာမဖောက်ခဲ့ကြောင်း ၎င်းပြင် ဧကန်အမှန် အလ္လာဟ်အသျှင်မြတ်သည် သစ္စာဖောက်သောသူတို့၏ အကြံအစည်ကို (အထမြောက်အောင်မြင်စေရန်အလို့ငှာ) နည်းလမ်း ပေးတော်မူသည် မဟုတ်ကြောင်း (ပိုမိုကောင်းမွန်စွာ) သိနားလည်ရန် ဖြစ်ပေသတည်း။
၀၁၂း ၅၃။ စင်စစ်သော်ကား ကျွန်ုပ်သည် မိမိကိုယ်ကို အပြစ်မှကင်းလွတ်သည်ဟု မဆိုလိုပေ။ အကြောင်းသော်ကား ဧကန်မလွဲ စိတ်နှလုံးများသည် မကောင်း မှုကိုအလွန် အမိန့်ပေး တိုက်တွန်းလေ့ရှိကြသောကြောင့်ပင်။ သို့ရာတွင် ကျွန်ုပ်အား ဖန်ဆင်းမွေးမြူ တော်မူသော အရှင်မြတ်ကသနားကရုဏာပြုတော် မူသည့် (စိတ်နှလုံးမှာမူ အပြစ်မှလွတ်ကင်းနိုင်ပေသည်။) မလွဲဧကန် ကျွန်ုပ်အား ဖန်ဆင်းမွေးမြူတော်မူသော အရှင်မြတ်သည် အလွန်တရာ လွတ်ငြိမ်းချမ်းသာခွင့် ပေးသနားတော်မူသောအရှင်၊ အလွန်တရာ သနားကရုဏာ ပြုတော်မူသော အရှင်မြတ်ပင်ဖြစ်တော် မူပေသတည်း။
၀၁၂း ၅၄။ ထိုအခါ ဘုရင်မင်းမြတ်က အသင်တို့သည် ထိုယူစုဖ်အား ငါ့ထံသို့ ပင့်ဆောင်ခဲ့ကြလေကုန်၊ ငါသည် ၎င်းအား မိမိအဖို့ ရွေးချယ်အံ့ဟု အမိန့်ပေးခဲ့လေသည်။ တစ်ဖန် ယင်းယူစုဖ်သည် ထိုဘုရင်နှင့် စကားပြောဆိုလေသောအခါ၊ ထိုဘုရင်က (ယူစုဖ်အား) အသင်သည် ယနေ့မှစ၍ ကျွန်ုပ်၏ထံတွင် မြင့်မြတ်သောဂုဏ်ဒြပ်နှင့်ပြည့်စုံသူ၊ ယုံကြည်စိတ်ချ အပ်သူဖြစ်သည်ဟု ချီးမြှင့်ပြောကြား မြှောက်စားခဲ့လေသတည်း။
၀၁၂း ၅၅။ (ထိုရောအခါ) ယင်းယူစုဖ်က အသင်သည် ကျွန်ုပ်အား တိုင်းပြည်၏ ဘဏ္ဍာတော်များအပေါ်၌ (ကြီးကြပ်အုပ်ထိန်းသူအဖြစ်) ခန့်အပ်ပါလေ။ ဧကန်စင်စစ် ကျွန်ုပ်သည် ထိန်းသိမ်းနိုင်သူ၊ အသိပညာနှင့် ပြည့်စုံသူပင်ဖြစ်သည်ဟု ပြောကြားခဲ့လေ၏။ 
၀၁၂း ၅၆။ စင်စစ်သော်ကား ငါအရှင်မြတ်သည် ဤနည်းအတိုင်းပင် ယူစုဖ်အား တိုင်းပြည်တွင် ထိုယူစုဖ်သည် ယင်းတိုင်းပြည်၌ မိမိနေလိုသောနေရာတွင် နေထိုင်ရန် အာဏာကို ချီးမြှင့်တော်မူခဲ့လေသည်။ ငါအရှင်မြတ်သည် မိမိအလိုရှိတော်မူသောသူ၌ မိမိကရုဏာတော်ကို သက်ရောက်စေတော်မူ၏။ ၎င်းပြင် ငါအရှင်မြတ်သည် ကောင်းမှုပြုလုပ်သူတို့၏အကျိုးကို အချည်းအနှီး ဖြစ်စေတော်မူသည် မဟုတ်ပေ။
၀၁၂း ၅၇။ သို့ရာတွင် အီမန်သက်ဝင်ယုံကြည်၍ (ပြစ်မှု ဒုစရိုက်များမှ) အမြဲတစေ ကြဉ်ရှောင်လျက်ရှိကြသောသူတို့အဖို့မှာကား နောင်တမလွန်ဘ၀၏ အကျိုးသည် အကောင်းဆုံးပင် ဖြစ်ပေသတည်း။
၀၁၂း ၅၈။ ထို့နောက် ယူစုဖ်၏ နောင်တော်တို့လည်း (အီဂျစ်သို့)လာခဲ့ကြပြီး၊ ယင်းယူစုဖ်၏ထံ ၀င်ရောက်ခဲ့ကြလေသည်။ ထိုအခါ ယင်းယူစုဖ်သည် ၎င်းတို့အား မှတ်မိခဲ့လေသည်။ သို့ရာတွင် ယင်းတို့မူကား ထိုယူစုဖ်အား မမှတ်မိကြပေ။
၀၁၂း ၅၉။ တစ်ဖန် ထိုယူစုဖ်သည် ၎င်းတို့အဖို့ (စားနပ် ရိက္ခာနှင့်စပ်လျဉ်း၍) စီမံအပ်သည့်ကိစ်္စများကို ၎င်းတို့အား အဆင်သင့်ဖြစ်အောင်စီမံ၍ ပေးခဲ့ပြီးသောအခါ (၎င်းတို့အား ဤသို့)ပြောကြားခဲ့လေသည်။ အသင်တို့သည် မိမိတို့ခမည်းတော်ဘက်မှ တော်စပ်သော အသင်တို့၏ညီတော်အား ကျွန်ုပ်ထံ ခေါ်ဆောင်ခဲ့ကြလေကုန်။ အသင်တို့သည် မမြင်ကြလေ သလော။ ကျွန်ုပ်သည် (စားနပ်ရိက္ခာ ဖြန့်ဖြူးရာတွင်)ခြင်တွယ်သော ပမာဏကို အပြည့်ခြင်၍ပေးသည့်ပြင် ကျွန်ုပ်သည် အကောင်းဆုံး ဧည့်ခံသူတစ်ဦးလည်း ဖြစ်ပေသတည်း။
၀၁၂း ၆၀။ သို့ဖြစ်ပေရာ အကယ်၍သာ အသင်တို့သည် ထိုညီတော်အား ကျွန်ုပ်ထံသို့ ခေါ်ဆောင်ခြင်းမပြုခဲ့ ကြပါလျှင် အသင်တို့အဖို့ ကျွန်ုပ်ထံတွင် ခြင်တွယ်ခြင်း အလျှင်း ရှိလိမ့်မည်မဟုတ်ပေ။ အသင်တို့သည် ကျွန်ုပ်ထံလည်း မချဉ်းကပ်ကြကုန်လင့်။
၀၁၂း ၆၁။ (ထိုအခါ)၎င်းတို့က ဧကန်စင်စစ် ကျွန်ုပ်တို့သည် ထိုညီတော်အား ၎င်း၏ခမည်းတော်ထံ တောင်းခံကြပါမည်။ ကျွန်ုပ်တို့သည် ဧကန်မလွဲ (ဤ အတိုင်းပင်) ပြုလုပ်ကြပါမည်ဟု ပြောဆိုဖြေကြား ခဲ့ကြလေသတည်း။
၀၁၂း ၆၂။ ၎င်းပြင် ထိုယူစုဖ်က မိမိအစေအပါးတို့အား (ဤသို့) ပြောဆို အမိန့်ပေးခဲ့လေသည်။ အသင်တို့ သည် ၎င်းတို့ အရင်းအနှီး ပြုလုပ်သောပစ္စည်းကို ၎င်းတို့၏ ခရီးဆောင်ပစ္စည်းများတွင် (လျှို့ဝှက်စွာ ပြန်၍ထည့်) ထားကြလေကုန်။ သို့မှသာလျှင် ၎င်းတို့သည် ထိုအရင်းအနှီးပြုလုပ်သော မိမိတို့ပစ္စည်းကို အိမ်သူအိမ်သားတို့ထံ ပြန်လည်ရောက်ရှိသောအခါ မှတ်မိကြကုန်မည်။ သို့မှသာလျှင် ၎င်းတို့သည် ပြန်လာနိုင်ကြရာကုန်မည်သတည်း။ 
၀၁၂း ၆၃။ ထို့နောက် ၎င်းတို့သည် မိမိတို့၏ ခမည်းတော်ထံသို့ ပြန်လည်ရောက်ရှိခဲ့ကြသောအခါ (ဤသို့) လျှောက်ထားခဲ့ကြကုန်၏။ အိုကျွန်တော်မျိုးတို့၏ ဖခမည်းတော်၊ ရိက္ခာသည် ကျွန်တော်မျိုးတို့(အား ရောင်းချခြင်း)မှ ပိတ်ထားပြီး ဖြစ်လေသည်။ သို့ဖြစ် ပေရာခမည်းတော်သည် ကျွန်တော်မျိုးတို့နှင့်အတူ ကျွန်တော်မျိုးတို့၏ ညီတော် (ဗင်န်ယာမီန်) အား စေလွှတ်တော်မူပါ။ ကျွန်တော်မျိုးတို့သည် (ရိက္ခာကို နောက်တစ်ဖန်) ခြင်တွယ်၍ ယူခဲ့ကြပါမည်။ ၎င်းပြင် ဧကန်မလွဲ ကျွန်တော်မျိုးတို့သည် ထိုညီတော်အား ကောင်းမွန်စွာ စောင့်ရှောက်ထိန်းသိမ်းမည့်သူများလည်း ဖြစ်ကြပါသည်။ 
၀၁၂း ၆၄။ (ထိုအခါ) ထိုခမည်းတော်သည် (ဤသို့) ပြန်ကြားခဲ့လေ၏။ ငါသည် အသင်တို့အပေါ်ဝယ် ယင်းညီတော်နှင့် ပတ်သက်၍ ယခင်က၎င်း၏ နောင်တော်(ယူစုဖ်) နှင့်ပတ်သက်၍ ယုံကြည်စိတ်ချဘိ သကဲ့သို့ပင် ယုံကြည်ရမည်သာဖြစ်သည်။ သို့ရာတွင် အလ္လာဟ်အရှင်မြတ်သည် အကောင်းဆုံးစောင့်ရှောက်တော်မူသောအရှင်၊ ကရုဏာပြုသူတို့တွင် ကရုဏာ အပြုဆုံးသောအရှင်၊ ဖြစ်တော်မူပေသတည်း။
၀၁၂း ၆၅။ ထို့နောက် ၎င်းတို့သည် မိမိတို့၏ ပစ္စည်းကို ဖွင့်ခဲ့ကြသောအခါ မိမိတို့ အရင်းအနှီးပြုသော ပစ္စည်းကို ၎င်းတို့အား ပြန်လည်ထည့်ပေးလိုက်သည်ကို တွေ့ရှိခဲ့ကြလေသည်။ (ထိုအခါ) ၎င်းတို့က (ဤသို့) လျှောက်ထားကြပြန်လေသည်။ အို-ကျွန်တော်မျိုးတို့၏ ဖခမည်းတော်၊ ကျွန်တော်မျိုးတို့ မည်သည့်အရာကို အလိုရှိကြပါသေးသနည်း၊ ဤသည် ကျွန်တော်မျိုးတို့ အရင်းအနှီးပြုသောပစ္စည်းပင် ဖြစ်ပါသည်။ ထိုအရင်းအနှီးပြုသော ပစ္စည်းသည်လည်း ကျွန်တော်မျိုးတို့အား ပြန်ပေးထားပြီး ဖြစ်ပါသည်။ ၎င်းပြင် ကျွန်တော်မျိုးတို့သည် မိမိတို့ အိမ်သူအိမ်သားများ အဖို့ (ထပ်မံ၍) စားနပ်ရိက္ခာများ ယူဆောင်လာကြပါမည်။ ထိုမှတစ်ပါး၊ ကျွန်တော်မျိုးတို့သည် မိမိတို့ ညီတော်အားလည်းထိန်းသိမ်းစောင့်ရှောက်ကြပါမည်။ ထို့ပြင် ကျွန်တော်မျိုးတို့သည် ကုလားအုတ်တစ်စီးစာ (စားနပ်ရိက္ခာ) ကိုလည်း ပိုမို၍ယူဆောင်လာကြပါမည်။ ဤကားလွယ်ကူစွာ ရရှိမည်ဖြစ်သောရိက္ခာပင် ဖြစ်ပါသည်။ (တစ်နည်း-ယခု ကျွန်တော်မျိုးတို့ ယူဆောင်လာခဲ့ကြသော) ဤ(ရိက္ခာ) သည်ကား အလွန်နည်းလှပါသည်။ 
၀၁၂း ၆၆။ (ထိုအခါ) ထိုဖခမည်းတော်က အသင်တို့သည် ငါ့အားအလ္လာဟ်အရှင်မြတ်ကို တိုင်တည်၍ အသင်တို့ကိုယ်တိုင် (ဘေးရန်များ) ၀န်းဝိုင်းခြင်းကို ခံကြရသည်မှအပ ယင်းညီတော်အား ငါ့ထံသို့ (ပြန်လည်၍ ခေါ်)ယူခဲ့ကြမည်ဟူ၍ တစ်စုံတစ်ရာ (ခိုင်မာသော) အာမခံချက် မပေးသမျှ ကာလပတ်လုံး ငါသည် ယင်းညီတော်အား အသင်တို့နှင့်အတူ အလျှင်းစေလွှတ်မည် မဟုတ်ဟု ပြောကြားခဲ့လေသည်။ ထို့နောက် ၎င်းတို့သည် ထိုဖခမည်းတော်အား မိမိတို့၏အာမခံချက်ကို ပေးခဲ့ကြသောအခါ ထိုဖခမည်းတော်က အလ္လာဟ်အရှင်မြတ်သည် ငါတို့ပြောဆိုကြကုန်သော အကြောင်းအရာ နှင့်စပ်လျဉ်း၍ လွှဲအပ်ခြင်းခံရတော်မူသော အရှင်မြတ်ပင် ဖြစ်တော်မူသည်ဟု ပြောဆိုခဲ့လေ၏။
၀၁၂း ၆၇။ ၎င်းပြင် ထိုဖခမည်းတော်က (ဆက်လက်၍ ဤုသို့) ပြောဆိုမှာကြားခဲ့ပြန်လေသည်။ အို-ငါ၏ (ချစ်) သားတို့၊ အသင်တို့သည်(အီဂျစ်မြို့တော်သို့ ၀င်သောအခါ) တံခါးပေါက် တစ်ပေါက်တည်းမှ မ၀င်ကြကုန်လင့်။ သို့ရာတွင် အသင်တို့သည် တခြားစီဖြစ်သော တံခါးများမှ ၀င်ကြေလေကုန်။ စင်စစ်သော်ကား ငါ (၏အကြံပေးချက်) သည် အသင်တို့အဖို့ အလ္လာဟ်အရှင်မြတ် (၏အလိုတော်) နှင့်ယှဉ်ပြိုင်၍ အနည်းငယ်မျှပင် အသုံးကျမည်မဟုတ်ပေ။ အမိန့်အာဏာသည်ကား အလ္လာဟ်အရှင်မြတ်မှတပါး အခြားမည်သူ တစ်ဦးတစ်ယောက်၌မျှ မရှိချေ။ စင်စစ်တမူကား ယုံကြည်အားထား လွှဲအပ်သူတို့သည် ထိုအလ္လာဟ်အရှင်မြတ် အပေါ်၌သာလျှင် ယုံကြည်အားထား လွှဲအပ်ထိုက်ပေသတည်း။
၀၁၂း ၆၈။ ထို့နောက် ၎င်းတို့သည် (အီဂျစ်မြို့တော်သို့) မိမိတို့အား မိမိတို့၏ဖခမည်းတော်က မှာကြားခဲ့သည့် နည်းအတိုင်း ၀င်ရောက်ခဲ့ကြသောအခါ (ထိုဖခမည်းတော် နဗီတမန်တော်ယအ်ကူဗ်၏) အကြံပေးချက်သည် ယအ်ကူဗ်၏စိတ်ထဲတွင် အလိုဆန္ဒတစ်ခု ရှိခဲ့သည်ကို ထိုယအ်ကူဗ်က ပြီးမြောက်အောင် ရွက်ဆောင်ကြည့်ခဲ့သည်မှအပ အလ္လာဟ်အရှင်မြတ်(၏ အလိုတော်)နှင့် ဆန့်ကျင်၍ လုံးဝအသုံးမ၀င်ခဲ့ချေ။ စင်စစ်မူကား မလွဲဧကန် ထိုယအ်ကူဗ်သည် ငါအရှင်မြတ်က ၎င်းအား ပညာသင်ကြားပို့ချတော် မူခဲ့သောကြောင့် ပညာရှင်တစ်ဦး အမှန်ပင် ဖြစ်ခဲ့ ပေသည်။ သို့ရာတွင် လူသားတို့အနက် အများစုမှာမူ မသိ နားမလည်ကြချေ။
၀၁၂း ၆၉။ တစ်ဖန် ၎င်းတို့သည် ယူစုဖ်၏ထံ ၀င်ရောက်ခဲ့ကြသောအခါ ထိုယူစုဖ်သည် မိမိညီတော်အား မိမိထံတွင် နေရာထိုင်ခင်းပေးခဲ့လေသည်။ (ထို့နောက်) ယင်းယူစုဖ်က ဧကန်စင်စစ် ငါသည် အသင်၏ နောင်တော် (ယူစုဖ်)ပင် ဖြစ်ပေသည်။ သို့ဖြစ်ပေရာ အသင်သည် ၎င်းတို့ပြုလုပ်ခဲ့ကြသော ကိစ္စရပ်များ နှင့်စပ်လျဉ်း၍ စိတ်ဒုက္ခမဖြစ်ပါလေနှင့်ဟု ပြောဆို (နှစ်သိမ့်စေ)ခဲ့လေသတည်း။
၀၁၂း ၇၀။ ထို့နောက် ထိုယူစုဖ်သည် ၎င်းတို့အဖို့ စီမံအပ်သည်တို့ကို အဆင်သင့်ဖြစ်အောင် စီမံ၍ပေးခဲ့ပြီးသောအခါ ရေဖလားကို မိမိညီတော်၏ခရီးဆောင်ပစ္စည်းထဲတွင် ထည့်လိုက်လေသည်။ ထို့နောက် ကြေညာသူတစ်ဦးက ““အို-ခရီးသည်စု၊ ဧကန်မလွဲ အသင်တို့သည် ခိုးသားများပင် ဖြစ်ကြကုန်သည်”” ဟု ကြေညာ (မောင်းခတ်)ခဲ့လေသည်။ 
၀၁၂း ၇၁။ (ထိုအခါ) ယင်းနောင်တော်များသည် ထိုကြေညာသူနှင့် အပေါင်းတို့ဘက်သို့ မျက်နှာလှည့်ကာ အသင်တို့သည် မည်သည့်အရာ ပျောက်ဆုံးနေပါသနည်းဟု (ပြန်လည်) ပြောဆို မေးမြန်းခဲ့ကြလေသည်။
၀၁၂း ၇၂။ ထိုကြေညာသူတို့က (ဤသို့) ပြောဆိုခဲ့ကြလေ၏။ ကျွန်ုပ်တို့ ဘုရင်မင်းမြတ်၏ ပမာဏခြင်ခွက် (ဖလား) ကို ပျောက်ဆုံးနေပါသည်ဟု ပြောဆို ခဲ့ကြလေသည်။ မည်သူမဆို ထိုခြင်ခွက် ပမာဏကို (ရှာဖွေ) ယူဆောင်ခဲ့ပါလျှင်၊ ၎င်း၏အဖို့ ကုလားအုတ် တစ်စီးစာ (စားနပ်ရိက္ခာ) သည်ရှိအံ့။ ထို့ပြင် ဤသည်နှင့်စပ်လျဉ်း၍ ကျွန်ုပ်သည် အာမခံသူဖြစ်သည်။
၀၁၂း ၇၃။ (ထိုအခါ) ၎င်းတို့က (ဤသို့) ပြောဆိုဖြေကြားခဲ့ကြလေသည်။ အလ္လာဟ်အရှင်မြတ်အား တိုင်တည်၍ ပြောအံ့၊ ကျွန်ုပ်တို့သည် တိုင်းပြည်တွင် ဆူပူသောင်းကျန်ရန်အတွက် လာခဲ့ကြသည် မဟုတ်ကြောင်း၊ ထို့ပြင် ကျွန်ုပ်တို့သည် ခိုးသားများလည်း မဟုတ်ကြောင်း၊ အသင်တုိ့သည် ကောင်းစွာ သိရှိခဲ့ကြပြီး ဖြစ်ကုန်၏။
၀၁၂း ၇၄။ ယင်းကြေညာသူတို့က သို့ဖြစ်လျှင် အကယ်၍ အသင်တို့သည် မုသာဝါဒီများဖြစ်ခဲ့ကြသော် ထို (ခိုးသား) ၏ ပြစ်ဒဏ်သည်မည်သို့ဖြစ်ပါမည်နည်းဟု ပြောဆို(မေးမြန်း)ခဲ့ကြလေ၏။
၀၁၂း ၇၅။ ၎င်းတို့က (ဤသို့) ပြောကြားခဲ့ကြလေသည်။ အကြင်သူသည် ထိုသူ၏ ခရီးဆောင်ပစ္စည်းတွင် ယင်းခြင်ခွက် (ရေဖလား) သည်တွေ့ရှိခဲ့သော် ထိုသူသည်ပင် မိမိ၏အစား ဖြစ်ပေမည်။ ကျွန်ုပ်တို့သည် ဤနည်းအတိုင်းပင် ပြစ်မှုကျူးလွန်သူတို့အား အစား ပေးလေ့ရှိကြကုန်၏။
၀၁၂း ၇၆။ ထို့နောက် ယင်းယူစုဖ်သည် မိမိညီတော်၏အိတ် (ကိုရှာဖွေခြင်း) မပြုမီအလျှင် ထိုနောင်တော်များ၏ အိတ်များကိုစတင် (ရှာဖွေ) ခဲ့လေသည်။ ထို့နောက် ယင်းယူစုဖ်သည် ထိုပမာဏကို မိမိညီတော်၏ အိတ်ထဲမှ ထုတ်ဆောင်ခဲ့လေ၏။ ဤအတိုင်းပင် ငါအရှင်မြတ်သည် ယူစုဖ်၏အကျိုးငှာ ကြံစည်တော်မူခဲ့လေ၏။ (အမှန်စင်စစ်မှာမူကား) ထိုယူစုဖ်သည် မိမိညီတော်အား (အီဂျစ်) ဘုရင်၏ စည်းမျဉ်းဥပဒေအရ ခေါ်ယူထားနိုင်သည် မဟုတ်ပေ။ သို့ရာတွင် အလ္လာဟ်အရှင်မြတ်သည် (ဤအတိုင်းပင်) အလိုရှိ တော်မူ၏။ ငါအရှင်မြတ်သည် မိမိအလိုရှိတော်မူသော သူအား အဆင့်အတန်းများစွာ မြှင့်တင်၍ ပေးတော်မူ၏။ အမှန်သော်ကား ပညာရှင်တိုင်း၏ထက်ဝယ် (၎င်းထက်) အလွန်တတ်မြောက်သော ပညာရှင်တပါးသည် ရှိချေသတည်း။
၀၁၂း ၇၇။ ၎င်းတို့က အကယ်၍ ဤညီငယ်သည် ခိုးဝှက်သည်ရှိသော် အံ့ဖွယ်ရာ မဟုတ်ပေ။ အကြောင်းမူကား ယင်း၏ နောင်တော် (ယူစုဖ်) သည်လည်း ယခင်က ခိုးဝှက်ခြင်းကိုပြုခဲ့ဖူးလေသည်ဟု ပြောဆိုခဲ့ကြပေသည်။ သို့ပါလျက် ယူစုဖ်သည် ယင်းပြောဆိုချက်ကို မိမိစိတ်ထဲ၌ပင် မျိုသိပ်၍ထားရှိခဲ့လေသည်။ ၎င်းပြင် ထိုစကားကို ၎င်းတို့ရှေ့တွင် ထုတ်ဖော် (ပြောဆို) ခြင်း မပြုခဲ့ချေ။ (သို့ရာတွင်) ထိုယူစုဖ်သည် (မိမိစိတ်ထဲတွင်) အသင်တို့သည် အဆင့်အတန်းအားဖြင့် ပိုမို၍ပင် ဆိုးရွားကြကုန်သည်။ စင်စစ်သော်ကား အလ္လာဟ်အရှင်မြတ်သည် အသင်တို့ပြောဆိုလျက်ရှိသည်ကို အသိဆုံးပင် ဖြစ်တော်မူပေသည်ဟု ပြောဆိုခဲ့ချေ သတည်း။
၀၁၆း ၇၈။ ၎င်းတို့က ပြောဆိုခဲ့ကြပြန်သည်မှာ ““အို-အဇီဇ်၊ ဧကန်စင်စစ် ထိုညီငယ်၌ အလွန်အိုမင်းအသက်အရွယ်ကြီးရင့်သော ဖခင်ကြီးတစ်ပါးရှိပါသည်။ သို့ဖြစ်ပေရာ အသင်သည် ၎င်း၏အစား ကျွန်ုပ်တို့အနက်မှ တစ်ဦးဦးကို ယူထားပါလေ။ ဧကန်စင်စစ် ကျွန်ုပ်တို့သည် အသင့်အား ကျေးဇူးပြုတတ်သူတစ်ဦး ဖြစ်သည်ဟူ၍ပင် မြင်ကြပေသည်။
၀၁၂း ၇၉။ (ထိုရောအခါ) ယင်းယူစုဖ်က (ဤသို့) ပြောဆိုဖြေကြားခဲ့၏။ ငါတို့သည် မိမိတို့ပစ္စည်းကို တွေ့ရှိသောသူမှတစ်ပါး အခြားသူအား ဖမ်းဆီးခြင်းကို မပြုမိကြရန် အလ္လာဟ်အရှင်မြတ်၏ ကာကွယ်စောင့်ရှောက်မှုကို ရှာဖွေကြပေသည်။ ဧကန်စင်စစ် ငါတို့သည် (ထို) သို့ (ပြုခဲ့ကြ)ပါလျှင် အမှန်ပင် မတရားသောသူများ ဖြစ်ကြမည်သာတည်း။
၀၁၂း ၈၀။ သို့ဖြစ်ပေရာ ထိုနောင်တော်များသည် ယင်း ယူစုဖ်ထံမှ မျှော်လင့်ချက် ကင်းမဲ့ခဲ့ကြသော အခါဝယ် (၎င်း၏ထံမှ) ဆုတ်ခွာခဲ့ကြကာ လျှို့ဝှက်တိုင်ပင်ကြပြန်သည်။ (ထိုအခါ) ၎င်းတို့အနက်မှ အကြီးဆုံးဖြစ်သူက (ဤသို့)ပြောဆိုခဲ့လေ၏။ (အို-ငါ့ညီတော်များ) အသင်တို့သည်အသင်တို့ဖခင်က အသင်တို့ထံမှ (ယင်းညီတော်နှင့် ပတ်သက်၍) အလ္လာဟ်အရှင်မြတ်အား တိုင်တည်စေပြီး (အခိုင်အမာ) ကတိဝန်ခံချက် ယူခဲ့သည်ကိုလည်းကောင်း၊ အသင်တို့သည် ယခင်က ယူစုဖ်နှင့် ပတ်သက်၍ (ကတိ)ပျက်ကွက် လစ်ဟင်းခဲ့ ကြသည်ကိုလည်းကောင်း၊ မသိခဲ့ကြပါသလော။ သို့ဖြစ်ပေရာ ငါ၏ဖခင်သည် ငါ့အား ခွင့်မပြုသမျှသော်လည်းကောင်း၊ အလ္လာဟ်အရှင်မြတ်သည် ငါ၏အဖို့စီရင်ဆုံးဖြတ်တော်မူခြင်း မပြုတော်မူသမျှသော် လည်းကောင်း၊ ငါသည် ဤ(အီဂျစ်) တိုင်းပြည်မှ အလျှင်း စွန့်ခွာမည်မဟုတ်ပေ။ စင်စစ်သော်ကား ထိုအလ္လာဟ်အရှင်မြတ်သည် အကောင်းဆုံး စီရင်ဆုံးဖြတ်တော်မူသော အရှင်မြတ်ပင် ဖြစ်တော်မူပေသည်တကား။ 
၀၁၂း ၈၁။ အသင်တို့သည် မိမိတို့၏ ဖခင်ထံသို့ ပြန်၍ သွားကြပြီးလျှင် (ဤသို့) ပြောဆိုလျှောက်ထားကြ လေကုန်၊ အို-မွေးသဖခင်၊ မလွဲဧကန် အသင်ဖခင်၏ သားတော်သည် ခိုးဝှက်ခဲ့ပါသည်။ ၎င်းပြင် ကျွန်တော်မျိုးတို့သည် မိမိတို့(မျက်မြင် ကိုယ်တွေ့) သိရှိခဲ့ကြသည်မှ တစ်ပါးအခြား တစ်စုံတစ်ရာကို သက်သေခံကြသည် မဟုတ်ပါ။ စင်စစ်မှာမူကား ကျွန်တော်မျိုးတို့သည် အကွယ်၌ရှိသော ကိစ္စများကို သိရှိကြသည်မဟုတ်ပါ။
၀၁၂း ၈၂။ ၎င်းပြင် အသင် (ဖခင်)သည် ကျွန်တော်တို့ နေထိုင်ခဲ့ကြသော (အီဂျစ်) မြို့သူမြို့သားများကို လည်းကောင်း၊ ကျွန်တော်မျိုးတို့နှင့် အတူလာခဲ့ကြသော ခရီးသည်စုကို လည်းကောင်း၊ စုံစမ်းမေးမြန်း၍ ကြည့်ပါ။ ဧကန်မလွဲ ကျွန်တော်တို့သည် သစ္စာဝါဒီ များပင်ဖြစ်ကြပါသတည်း။
၀၁၂း ၈၃။ ထို(အခါ) ဖခင်က ထိုသို့အလျှင်းမဟုတ်၊ အမှန်စင်စစ်မှာမူကား အသင်တို့၏ စိတ်နှလုံးသည်အသင်တို့အဖို့ အမှုကိစ္စတစ်ခုကို ကြံစည်ဖန်တီးခဲ့ခြင်းသာ ဖြစ်ပေသည်။ သို့ဖြစ်ပေရာ သည်းခံခြင်းသာလျှင် အကောင်းဆုံးပင်ဖြစ်ပေသည်။ အလ္လာဟ်အရှင်မြတ်သည် ၎င်းတို့အားလုံးတို့အား ငါ့ထံသို့ ပြန်လည်ရောက်စေတော်မူလိမ့်မည်ဟု မျှော်လင့်ရာ၏။ ဧကန်မလွဲ ထိုအရှင်မြတ်သည် အကြွင်းမဲ့ သိတော် မူသောအရှင်၊ ဥာဏ်အမြော်အမြင်နှင့် ပြည့်စုံတော်မူသောအရှင် ဖြစ်တော်မူပေသတည်း။
၀၁၂း ၈၄။ ထို့နောက်၊ ထိုခမည်းတော်သည် ၎င်းတို့ဘက်မှ မျက်နှာလွှဲခဲ့ပြီးလျှင် သြော်-ယူစုဖ်၊ ဖြစ်မှဖြစ်ရလေခြင်းဟု ပြောဆို (ညည်းညူ)ခဲ့လေသည်။ ၎င်းပြင် ယင်း၏မျက်စိနှစ်လုံးတို့မှာလည်း ၀မ်းနည်းပူဆွေးမှု ကြောင့် ဖြူ၍သွားခဲ့လေသည်။ သို့တစေလည်း ယင်းသည် (မိမိ)မျိုသိပ်လျက် ရှိနေခဲ့ရရှာလေသတည်း။
၀၁၂း ၈၅။ ယင်း(သား)တို့က (အို-ခမည်းတော်) အလ္လာဟ်အရှင်မြတ်၏ကစမ်၊ အသင်ခမည်းတော်သည် ယူစုဖ်အား အမြဲမပြတ် တမ်းတသတိရလျက်ပင် ရှိနေသည်ဖြစ်ရာ နောက်ဆုံးတွင်မူ အသင်ဖခင်သည် ကျန်းမာရေး ချွတ်ယွင်းသူသော်လည်းကောင်း၊ အသက်ဇီဝိန် ချုပ်ငြိမ်းသူသော်လည်းကောင်း၊ ဖြစ်ရပါတော့မည်ဟု ပြောဆိုကြကုန်၏။ 
၀၁၂း ၈၆။ (ထိုအခါ) ယင်းခမည်းတော်သည် (ဤသို့) ပြောဆိုဖြေကြားခဲ့လေ၏။ ငါသည် အလ္လာဟ်အရှင်မြတ်၏အထံတော်၌သာလျှင် မိမိစိတ်သောကဖြစ်မှုကို လည်းကောင်း၊ မိမိပူဆွေးမှုကိုလည်းကောင်း၊ လျှောက်ထားခြင်း ဖြစ်ပေသည်။ စင်စစ်မှာမူကား ငါသည် အလ္လာဟ်အရှင်မြတ်ထံတော်မှ အသင်တို့ မသိကြသော အရာကို သိရှိရပေသတည်း။ 
၀၁၂း ၈၇။ အို-ငါ၏ချစ်သားတို့၊ အသင်တို့သည် ယူစုဖ် အားလည်းကောင်း၊ ယင်းယူစုဖ်၏ညီငယ်အားလည်းကောင်း၊ သွား၍ရှာဖွေစုံစမ်းကြလေကုန်၊ ထိုမှတပါး အသင်တို့သည် အလ္လာဟ်အရှင်မြတ်၏ ကရုဏာတော် မှ မျှော်လင့်ချက် မကင်းကြကုန်လင့်၊ ဧကန်မလွဲ ကာဖိရ်သွေဖည်ငြင်းပယ် သူတို့သည်သာလျှင် အလ္လာဟ်အရှင်မြတ်၏ကရုဏာတော်မှ မျှော်လင့်ချက် ကင်းကြပေသတည်း။ 
၀၁၂း ၈၈။ တစ်ဖန် ၎င်းတို့သည် ထိုယူစုဖ်ထံသို့ ၀င်ရောက်ခဲ့ကြသောအခါ (ဤသို့) ပြောဆိုလျှောက် ထားခဲ့ကြကုန်၏။ အို-အဇီဇ်၊ ကျွန်ုပ်တို့၌လည်းကောင်း၊ ကျွန်ုပ်တို့၏ အိမ်သူအိမ်သားတို့၌လည်း ကောင်း၊ (ငတ်မွတ်ခြင်း) ဘေးဒုက္ခသည် ဆိုက်ရောက် နေပါသည်။ ၎င်းပြင် ကျွန်ုပ်တို့သည် အနည်းငယ်မျှသော အရင်းအနှီးပစ္စည်းကိုသာ ယူဆောင်လာခဲ့ကြပါသည်။ သို့ပါ၍ အသင်အဇီဇ်သည် ကျွန်ုပ်တို့အား(စားနပ် ရိက္ခာကို) အပြည့်ခြင်၍ပေးပါ၊ ၎င်းပြင် ကျွန်ုပ်တို့ အပေါ်၌ မေတ္တာလည်းထားပါ။ ဧကန်မလွဲ အလ္လာဟ်အရှင်မြတ်သည် မေတ္တာတရားထားရှိသူတို့အား အကျိုးကျေးဇူးကို ချီးမြှင့်တော်မူပါ၏။
၀၁၂း ၈၉။ ထို(ရောအခါဝယ်) ယူစုဖ်က (၎င်းတို့အား ဤသို့) ပြောဆို မေးမြန်းခဲ့လေသည်။ အသင်တို့သည် မိမိတို့မသိမိုက်မဲသူများ ဖြစ်ခဲ့ကြစဉ်အခါက မိမိတို့သည် ယူစုဖ်နှင့်လည်းကောင်း၊ ယင်းယူစုဖ်၏ ညီငယ်အားလည်းကောင်း၊ မည်သည့်အပြုအမူကို ပြုမူခဲ့ကြသည်ကို အသင်မှတ်မိကြသေးသလော။
၀၁၂း ၉၀။ (ထိုအခါ) ၎င်းတို့က “ဧကန်စင်စစ် အသင်သည်ပင် ယူစုဖ်ဖြစ်ပါသလော” ဟု ပြောဆိုခဲ့ကြလေသည်။(ထိုအခါ) ထိုယူစုဖ်က “ကျွန်ုပ် ယူစုဖ်ပင် ဖြစ်သည်။ ဤသည် ကျွန်ုပ်၏ ညီတော်ပင်ဖြစ်သည်။ ဧကန်အမှန် အလ္လာဟ်အရှင်မြတ်သည်ကျွန်ုပ်တို့ အပေါ်ဝယ် ကျေးဇူးပြုတော်မူခဲ့လေသည်။ စင်စစ်ဧကန် မည်သူမဆို ပြစ်မှုဒုစရိုက်များမှ ကြဉ်ရှောင်အံ့၊ ၎င်းပြင် ခန်္တီတရားထားရှိအံ့။ သို့ဖြစ်လျှင် အကယ်စင်စစ် အလ္လာဟ်အရှင်မြတ်သည် ကောင်းမြတ်သော သီလကို ဆောက်တည်သူတို့၏ အကျိုးကျေးဇူးကို အချည်းနှီး ဖြစ်စေတော်မူမည် မဟုတ်ဟု ပြောကြားခဲ့လေသည်။
၀၁၂း ၉၁။ ၎င်းတို့က အလ္လာဟ်အရှင်မြတ်၏ ကစမ်၊ မလွဲဧကန် အလ္လာဟ်အရှင်မြတ်သည် အသင့်အား ကျွန်ုပ်တို့ထက် မြင့်မြတ်စေတော်မူခဲ့လေသည်။ ၎င်းပြင် အမှန်စင်စစ် ကျွန်ုပ်တို့သည်သာလျှင် မှားယွင်းသူများ ဖြစ်ကြပေသည်ဟု (၀န်ခံ)ပြောဆိုကြလေသတည်း။
၀၁၂း ၉၂။ ထို(အခါ) ယူစုဖ်က ယနေ့ အသင်တို့အပေါ် ၌ လုံးဝ ပြစ်တင်ခြင်းမရှိချေ။ အလ္လာဟ်အရှင်မြတ်သည် အသင်တို့အား အပြစ်မှ ချမ်းသာပေးသနားတော် မူပါစေ။ စင်စစ်မှာမူကား ထိုအရှင်မြတ်သည် သနားကြင်နာသူ အပေါင်းတို့ထက် သာလွန်၍ သနားကြင်နာတော်မူဆုံးသော အရှင်မြတ်ပင် ဖြစ်တော်မူပေသည်ဟု ပြောဆိုခဲ့လေသတည်း။
၀၁၂း ၉၃။ အသင်တို့သည် အကျွန်ုပ်၏ ဤအင်္ကျီကို ယူသွားကြလေကုန်။ ထို့နောက် အသင်တို့သည် ယင်းအင်္ကျီကို အကျွန်ုပ်၏ ဖခမည်းတော်၏မျက်နှာ ပေါ်သို့တင်ကြလေကုန်။ ထိုဖခမည်းတော်သည် စက္ခု အလင်းရရှိလာအံ့။ ၎င်းပြင် အသင်တို့သည် မိမိတို့၏အိမ်သူအိမ်သားများအားလုံးကို(လည်း) အကျွန်ုပ်၏ထံသို့ (ခေါ်)ဆောင်၍ လာခဲ့ကြလေကုန်။ 
၀၁၂း ၉၄။ တစ်ဖန် ခရီးသည်တစ်စုသည် (အီဂျစ်ပြည် မှ) ထွက်ခွာခဲ့လေသောအခါ ၎င်းတို့၏ ခမည်းတော်က အကယ်၍ အသင်တို့သည်ငါ့အား သူငယ်ပြန်သည် မယူဆကြပါလျှင် ဧကန်စင်စစ် ငါသည် ယူစုဖ်၏ အနံ့ကို ရနေပေသည်ဟု ပြောဆိုခဲ့လေ၏။
၀၁၂း ၉၅။ ၎င်းတို့က အလ္လာဟ်အရှင်မြတ်၏ ကစမ်၊ ဧကန်မလွဲ အသင်သည် မိမိ ရှေးဟောင်းလွဲမှားမှု၌ပင် ရှိနေပေသေးသည်ဟု ပြောဆိုကြကုန်၏။
၀၁၂း ၉၆။ တစ်ဖန် ၀မ်းမြောက်ဖွယ်သတင်းကို ယူဆောင်၍ လာသောသူသည် (ခမည်းတော်ထံသို့) ရောက်ရှိလာသောအခါ၊ ၎င်းသည်ယင်းအင်္ကျီကို ထိုခမည်းတော်၏ မျက်နှာပေါ်သို့ တင်ခဲ့လေသည်၊ သို့ဖြစ်ပေရာ ယင်းခမည်းတော်သည် ပြန်၍ စက္ခုအလင်းရရှိလာခဲ့လေသည်၊ ထို(အခါ) ယင်းခမည်းတော်က (ဤသို့)ပြောဆိုခဲ့လေသည်၊ ငါသည် အသင်တို့အား အလ္လာဟ်အရှင်မြတ်ထံတော်မှ အသင်တို့ မသိနားမလည်သော ပညာကို ဧကန်စင်စစ် သိနားလည်သည်ဟု ပြောဆိုခဲ့သည် မဟုတ်ပါလော။
၀၁၂း ၉၇။ (ထိုအခါ ယင်းသားတော်များက) အို-ကျွန် တော်မျိုး၏ဖခမည်းတော်၊ ဖခမည်းတော်သည် ကျွန်တော်မျိုးတို့အဖို့ ကျွန်တော်မျိုးတို့၏ ပြစ်မှုတို့မှ လွတ်ငြိမ်းချမ်းသာခွင့် ရရှိစေအံ့သောငှာ အသနားခံ၍ ပေးတော်မူပါ၊ ဧကန်မလွဲ ကျွန်တော်မျိုးတို့သည်ပင်လျှင် အပြစ်မကင်းသူများ ဖြစ်ကြပါသည်ဟု ပြောဆို လျှောက်ထားခဲ့ကြကုန်သတည်း။
၀၁၂း ၉၈။ ထိုဖခမည်းတော်က (ဤသို့) ပြောဆိုဖြေကြား ခဲ့လေသည်။ ငါသည် မကြာမြင့်မီ အသင်တို့အဖို့ မိမိအရှင်မြတ်အထံတော်မှ လွတ်ငြိမ်းချမ်းသာခွင့်ကို အသနားခံ၍ ပေးအံ့၊ ဧကန်စင်စစ် ထိုအရှင်မြတ်သည် အလွန်တရာ လွတ်ငြိမ်းချမ်းသာခွင့် ပေးသနားတော်မူသောအရှင်၊ အလွန်တရာ သနားကြင်နာတော်မူသော အရှင်မြတ် ဖြစ်တော်မူပေသတည်း။
၀၁၂း ၉၉။ ထို့နောက် တစ်ဖန်၊ ၎င်းတို့ (သားအမိ သားအဖအားလုံးတို့) (အီစ်ရာအီလီတစ်မျိုးသားလုံး တို့)သည် ယူစုဖ်ထံသို့ ၀င်ရောက်ခဲ့ကြလေသောအခါ ထိုယူစုဖ်သည် မိမိခမည်းတော် မယ်တော်နှစ်ပါးကို မိမိထံတွင် နေရာချ၍ပေးခဲ့လေသည်။ ၎င်းပြင် ယင်းယူစုဖ်က (ဤသို့)ပြောဆိုလျှောက်ထားခဲ့လေသည်။ (အို-ခမည်းတော် မယ်တော်တို့၊ ခမည်းတော် မယ်တော် နှင့် နောင်တော်တို့အားလုံး) အီဂျစ်မြို့ထဲသို့ ကြွမြန်းတော်မူကြပါ၊ အလ္လာဟ်အရှင်မြတ်သည် အလိုရှိတော် မူပါလျှင် ဘေးရန်ကင်းငြိမ်းစွာ (နေထိုင်ကြရပါမည် ဖြစ်ပါသည်)။
၀၁၂း ၁၀၀။ ထို့ပြင် ယင်းယူစုဖ်သည် မိမိခမည်းတော် နှင့်မယ်တော် နှစ်ပါးတို့အား ရာဇပလ္လင်ထက်ဝယ် သမ္ပယ်စေခဲ့လေသည်။ ထို့နောက် ယင်း(ခမည်းတော် နှင့်နောင်တော်) အားလုံးတို့သည် ထိုယူစုဖ်၏ ရှေ့ဝယ် ညွှတ်ခဲ့ကြလေသည်။ ဦးချခဲ့ကြလေသည်။ ထိုအခါ ယင်းယူစုဖ်က အို-ကျွန်ုပ်၏ ဖခမည်းတော်၊ ဤသည်ပင်ကျွန်ုပ် ရှေးဦးမဆွက မြင်မက်ခဲ့သော အိပ်မက်၏ ဒိဗ်ဓုမ်ဖြစ်ပါသည်၊ မလွဲဧကန် ကျွန်ုပ်၏အရှင်မြတ်သည်ထိုအိမ်မက်ကို အမှန်ဖြစ်အောင် ပြုပေးတော်မူခဲ့လေသည်။ ၎င်းပြင် ဧကန်မလွဲထိုအရှင်မြတ်သည် ကျွန်ုပ်၏အပေါ်၌ ကျွန်ုပ်အား အကျဉ်းထောင်မှအပြင်သို့ ထုတ်တော်မူခဲ့သည့်အချိန်တွင်ကျေးဇူးပြုတော် မူခဲ့လေသည်။ ထိုမှတပါး ရှိင်တွာန်မိစ္ဆာကောင်သည် ကျွန်ုပ်နှင့် ကျွန်ုပ်၏ နောင်တော်တို့၏ စပ်ကြားဝယ် နှောင့်ယှက်ဖျက်ဆီးခဲ့သည့်နောက်တွင် ထိုအရှင် မြတ်သည် အသင်(ခမည်းတော်၊ မယ်တော်နှင့် နောင်တော်) တို့ အားလုံးကို တောကျေးမှ (ထုတ်၍ယဉ်ကျေးတိုးတက် လျက်ရှိသော ဤမြို့တော်သို့) ယူဆောင်တော်မူခဲ့လေသည်။ အကယ်စင်စစ် ကျွန်ုပ်၏ အရှင်မြတ်သည် မိမိအလိုရှိတော်မူသည်ကို သိမ်မွေ့စွာ စီမံ၍ပေးတော်မူသောအရှင် ဖြစ်တော်မူပေသည်။ ဧကန်အမှန် ထိုအရှင်မြတ်သည် အရာခပ်သိမ်းတို့ကို အကြွင်းမဲ့ သိတော်မူသောအရှင်၊ ဉဏ်အမြော်အမြင်နှင့် ပြည့်စုံတော်မူသောအရှင်၊ ဖြစ်တော်မူပေသတည်း။
၀၁၂း ၁၀၁။ အို-ကျွန်တော်မျိုးအား ဖန်ဆင်းတော်မူသော အရှင်၊ ဧကန်မလွဲ အရှင်မြတ်သည် ကျွန်တော်မျိုးအား စိုးမိုးအုပ်ချုပ်မှုကိုချီးမြှင့်ပေးသနားတော်မူခဲ့ပါသည်။ ထိုမှတစ်ပါး အရှင်မြတ်သည် ကျွန်တော်မျိုးအား အိပ်မက်များ၏ ဒိဗ်ဓုမ်ကိုလည်း သင်ကြားပေးတော်မူခဲ့ပါသည်။ “အို-မိုးကောင်းကင်များနှင့် ပထ၀ီမြေကို ဖန်ဆင်းတော်မူသောအရှင်၊ အရှင်မြတ်သည် (ဤ)ပစ္စုပ္ပန် လောကီဘ၀၌လည်းကောင်း၊ နောင် တမလွန်ဘ၀၌လည်းကောင်း၊ ကျွန်တော်မျိုး၏ကိစ္စအ၀၀ကို စီမံပေးတော်မူသောအရှင်မြတ်ပင် ဖြစ်တော်မူပါသည်။ အရှင်မြတ်သည် ကျွန်တော်မျိုးအား (မုစ်လင်မ်) အမိန့်တော်ကို လိုက်နာသူ အဖြစ်နှင့် ကျွန်တော်မျိုး၏အသက်ဇီဝိန်ကို နှုတ်သိမ်းတော်မူပါ၊ထိုမှတစ်ပါး အရှင်မြတ်သည် ကျွန်တော်မျိုးအား သူတော်စင်တို့နှင့်အတူ တွဲဖက်၍ ပေးတော်မူပါ။ 
၀၁၂း ၁၀၂။ ဤအကြောင်း အတ္ထုပ္ပတိ်္တသည်ကား အကွယ်၌ရှိသော သတင်းများအနက်မှပင် ဖြစ်ပေသည်။ ငါအရှင်မြတ်သည် ယင်းအကြောင်းအတ္ထုပ္ပတိ်္တကို အသင်(မုဟမ္မဒ်)ထံသို့ ၀ဟ်ယ်ဖြင့် ပေးပို့တော်မူလေသည်။ စင်စစ်တစ်မူကား ထိုသူတို့သည် မိမိတို့ အရေးကိစ္စကို တစ်စည်းတစ်လုံးတည်း ဆုံးဖြတ်စဉ်အခါ၌ လည်းကောင်း၊ ထိုသူတို့သည် ကြံစည်လျက် ရှိနေကြစဉ်အခါ၌လည်းကောင်း၊ အသင်(မုဟမ္မဒ်)သည် ထိုသူတို့ထံ၌ရှိခဲ့သည်မဟုတ်ပေ။
၀၁၂း ၁၀၃။ အမှန်စင်စစ် အသင်သည် (၎င်းတို့ သက်ဝင် ယုံကြည်ကြရန်) မည်မျှပင်တပ်မက်ငြားလည်း (၎င်းတို့အနက်) အများဆုံးသောသူတို့မှာမူကား မုအ်မင်န် သက်ဝင်ယုံကြည်သူများ ဖြစ်ကြမည်မဟုတ်ချေ။ 
၀၁၂း ၁၀၄။ အမှန်သော်ကား အသင်သည် ၎င်းတို့ထံမှ ဤတရားဓမ္မဟောကြားခြင်းနှင့် စပ်လျဉ်း၍ အခကြေးငွေ တစ်စုံတစ်ရာကိုမျှ တောင်းသည်မဟုတ်ပေ။ ဤ (ကုရ်အာန်ကျမ်းတော်) သည်ကား စကြာဝဠာ ခပ်သိမ်းတို့အဖို့ ဆုံးမသြ၀ါဒသာလျှင် ဖြစ်ပေသတည်း။ 
၀၁၂း ၁၀၅။ စင်စစ်မူကား မိုးကောင်းကင်များ၌လည်းကောင်း၊ ပထ၀ီမြေ၌လည်းကောင်း၊ မြောက်မြားစွာသော သက်သေလက္ခဏာများ ရှိကြပေသည်။၎င်းတို့သည် ယင်းသက်သေလက္ခဏာများဘက်မှ ဖြတ်ကျော်၍ သွားကြလေသည်။ သုိ့ရာတွင် ၎င်းတို့သည် ယင်းသက်သေ လက္ခဏာများမျက်နှာလွှဲသွားသူများ ဖြစ်လျက် ရှိကြကုန်သတည်း။
၀၁၂း ၁၀၆။ စင်စစ်သော်ကား ၎င်းတို့အနက် များစွာသော သူတို့သည် အလ္လာဟ်အရှင်မြတ်အား တစ်စုံတစ်ရာကို ထိုအရှင်မြတ်နှင့် တွဲဖက်နှိုင်းယှဉ်ကိုးကွယ်ခြင်း မပြုဘဲ သက်ဝင်ယုံကြည်ကြသည် မဟုတ်ပေတကား။
၀၁၂း ၁၀၇။ ထိုသူတို့သည် မိမိတို့၌ အလ္လာဟ်အရှင်မြတ်၏ ထံတော်မှ (တစ်မျိုးသားလုံးကို) ဖုံးလွှမ်းမည့် ပြစ်ဒဏ်သည် သက်ရောက်မည်ကို လည်းကောင်း၊ သို့တည်းမဟုတ် ယင်းသူတို့ အမှုမဲ့အမှတ်မဲ့ ရှိနေကြစဉ် ကိယာမတ်သည် ရုတ်တရက်အားဖြင့် ဆိုက်ရောက်မည်ကိုလည်းကောင်း၊ စိုးရိမ်ခြင်းမရှိဘဲ စိတ်ချ၍ နေကြလေသလော။ 
၀၁၂း ၁၀၈။ (အို-နဗီတမန်တော် အသင်သည် (၎င်းတို့အား ဤသို့)ပြောကြားပါလေ။ ဤသည်သာလျှင် ငါ၏ လမ်းစဉ်ဖြစ်ပေသည်။ ငါသည်(လူခပ်သိမ်းတို့အား) အလ္လာဟ်အရှင်မြတ်ဘက်သို့ ဖိတ်ခေါ်သည်။ ငါနှင့် တကွ၊ ငါ၏နောက်လိုက်တို့သည်လည်း အလွန်ထင်ရှား ခိုင်လုံသော သက်သေသာဓကအပေါ်၌ တည်ရှိနေကြပေသည်။ ထို့ပြင် အလ္လာဟ်အရှင်မြတ်သည် (ချို့တဲ့မှု အပေါင်းတို့မှ) သန့်ရှင်း စင်ကြယ်တော် မူသောအရှင် ဖြစ်တော်မူပေသည်။ ထိုမှတစ်ပါးငါသည် တစ်စုံတစ်ရာကို အလ္လာဟ်အရှင်မြတ်နှင့် တွဲဖက်နှိုင်းယှဉ် ကိုးကွယ်သောသူတို့အနက်မှ မဟုတ်ချေ။ 
၀၁၂း ၁၀၉။ စင်စစ်သော်ကား ငါအရှင်မြတ်သည် မြို့ရွာများ၌ နေထိုင်ကြကုန်သော သူတို့အနက်မှ ယောက်ျားများကိုသာလျှင်(ရစူလ်တမန်တော်များအဖြစ်) စေလွှတ်တော်မူ၍ ၎င်းတို့ထံသို့ ၀ဟ်ယ်ပို့တော် မူခဲ့လေသည်။ (သို့ပါလျက်) ဤသူတို့သည် ကမ္ဘာမြေပေါ်ဝယ် လှည့်လည်သွားလာခြင်းကို မပြုကြလေသလော။ ထိုသို့ လှည့်လည်သွားလာကြပါလျှင် ၎င်းတို့သည် မိမိတို့အလျင် ရှိခဲ့ဖူးကြသော သူတို့၏ နောက်ဆုံး အကျိုးသည် မည်ကဲ့သို့ ရှိခဲ့သည်ကို ရှုမြင်ကြပေမည်။ အမှန်စင်စစ်သော်ကား နောင်တမလွန်ဘ၀၏ နေရာထိုင်ခင်းသည် ပြစ်မှုဒုစရိုက်များမှ ကြဉ်ရှောင်သော သူတို့အဖို့ အကောင်းဆုံးပင်ဖြစ်ပေသည်။ သို့ပါလျက် အသင်တို့သည် (ဤမျှပင်) နားမလည်ကြ လေသလော။
၀၁၂း ၁၁၀။ နောက်ဆုံးတွင် ရစူလ်တမန်တော်များသည် မျှော်လင့်ချက်ကင်း၍ အမျိုးသားတို့ကလည်း ယင်းရစူလ်တမန်တော်များသည် အလိမ်ခံခဲ့ကြရလေပြီ ဟုထင်မှတ်ခဲ့ကြသောအခါ ငါအရှင်မြတ်၏ အကူအညီသည် ယင်းရစူလ်တမန်တော်များထံ (ရုတ်တရက်) ရောက်ရှိခဲ့လေသည်။ ထိုအခါ ငါအရှင်မြတ် အလိုရှိတော်မူသောသူသည် ကယ်တင်ခြင်းကို ခံခဲ့ရလေသည်။ စင်စစ်သော်ကား ငါအရှင်မြတ်၏ ပြစ်ဒဏ်သည် ပြစ်မှုကျူးလွန်သူတို့အပေါ်မှ ပယ်ရှားသွားသည် မဟုတ်ချေတကား။
၀၁၂း ၁၁၁။ မချွတ်ဧကန် ၎င်းတို့၏အကြောင်း အတ္ထုပ္ပတိ်္တများတွင် ဆင်ခြင်သိမြင် နားလည်သူတို့အဖို့ (အကြီးအကျယ်) သင်ခန်းစာသည်ရှိချေသည်။ (ဤကုရ်အာန်ကျမ်းတော်မြတ်သည်) ကြံဖန် လီဆယ်ထားသော ကျမ်းမဟုတ်၊ ယင်း၏အလျင် ရှိနေသော(ကျမ်းများ) ကိုအတည်ပြုသောကျမ်းသည် လည်းကောင်း၊ အရာခပ်သိမ်းတို့ကို အသေးစိတ် ရှင်းလင်းမှုသည် လည်းကောင်း၊ သက်ဝင်ယုံကြည် သူတို့အဖို့ တရားဓမ္မညွှန်ကြားမှုသည် လည်းကောင်း၊ ကရုဏာတော်သည် လည်းကောင်း၊ ဖြစ်ချေသတည်း။
No comments:
Post a Comment