၀၁၀ ။ စူရာ ယူနွစ်း တမန်တော်ယူနွစ် ကဏ္ဍ ( မက္ကာမြို့တော်ကျ- အစောင် ၁၀၊ ၁၀၉ အာယသ်တော်)
အနန္တကရုဏာတော်ရှင် ဖြစ်တော်မူသော၊ အစဉ်မပြတ် သနားကြင်နာတော်မူသော အလ္လာဟ်အသျှင်မြတ်၏ နာမံတော်ဖြင့် အစပြုပါ၏။
၀၁၀း ၁။ အလာစ်ဖ်၊ လမ်၊ ရာ၊ ဤသည် ဉာဏ်ပညာနှင့်ပြည့်စုံသော (ခိုင်မာသော) ကျမ်းတော်မြတ်၏ အာယတ်တော်များပင်တည်း။
၀၁၀း ၂။ ငါအသျှင်မြတ်သည် ၎င်းတို့အနက်မှပင် လူတဦး၏ထံသို့ ““ အသင်သည် လူခပ်သိမ်းတို့အား သတိပေးနှိုးဆော်ပါလေ”” ဟူ၍လည်းကောင်း၊ ““မုအ်မင်န် သက်ဝင်ယုံကြည်သူတို့အား ထိုသူတို့၏ အသျှင်မြတ် အထံတော်၌ ထိုသူတို့အဖို့ မြင့်မြတ်သော အဆင့်အတန်း ရှိသည်ဟု သတင်းကောင်း ပြောကြားပါလေ”” ဟူ၍လည်းကောင်း၊ ““၀ဟီ”” အမိန့်ဗျာဒိတ်တော် ချပေးတော်မူခြင်းသည် လူတို့၌ အံ့သြဖွယ် ဖြစ်နေပါသလော ကာဖိရ် သွေဖည်ငြင်းပယ်သော သူတို့ကမူ (ထိုသူနှင့်ပတ်သက်၍) “ဤသူကား ထင်ရှားသော စုန်းကဝေ အမှန်ပင်ဖြစ်သည်” ဟု ပြောဆိုကြကုန်သတည်း။
၀၁၀း ၃။ ဧကန်စင်စစ် အသင်တို့အား ဖန်ဆင်းမွေးမြူတော်မူသော အသျှင်မြတ်သည် အလ္လာဟ်အသျှင်မြတ်ပင် ဖြစ်တော်မူ၏၊ ထိုအသျှင်မြတ်သည် မိုးကောင်းကင်များကိုလည်းကောင်း၊ ပထ၀ီမြေကိုလည်းကောင်း၊ ခြောက်ရက်တွင် ဖန်ဆင်းတော်မူခဲ့လေသည်။ ထို့နောက် ထိုအသျှင်မြတ်သည် ““အရ်ရ်ှ”” ပလ္လင်တော်ထက်၌ တည်နေတော်မူခဲ့လေသည်။ ထိုအသျှင်မြတ်သည်ပင် အမှုကိစ္စ အရပ်ရပ်တို့ကို စီမံခန့်ခွဲတော်မူ၏။မည်သူမဆို ထိုအသျှင်မြတ် ခွင့်ပြုတော်မူပြီးမှသာလျှင် ကြားဝင်အသနားခံ ပေးနိုင်မည်ဖြစ်၏။ ထိုအသျှင်မြတ်သည်ပင် အသင်တို့အား ဖန်ဆင်းမွေးမြူတော်မူသော အလ်္လာဟ်အသျှင် ဖြစ်တော်မူပေသည်။ သို့ဖြစ်ပေရာ အသင်တို့သည် ထိုအသျှင်မြတ်အား သာလျှင် ခ၀ပ်ကိုးကွယ်ကြလေကုန်။ သို့ပါလျက် အသင်တို့သည် သတိတရား မရရှိကြသေးသလော။
၀၁၀း ၄။ ထိုအသျှင်မြတ် အထံတော်သို့သာလျှင် အသင်တို့အားလုံး (စုရုံးလျက်) ပြန်လည်ရောက်ရှိကြ မည်ဖြစ်၏။ (ဤသည်အလ္လာဟ်အသျှင်မြတ် အထံတော်မှ မှန်ကန်စွာ ကတိပြုတော်မူခြင်းပင် ဖြစ်ပေ၏။ ဧကန်စင်စစ် ထိုအသျှင်မြတ်သည်ပင် ဖန်ဆင်းခြင်းခံရသည်များကို ပထမအကြိမ်လည်း စတင် ဖန်ဆင်းတော်မူခဲ့လေသည်။ ထို့နောက် ထိုအသျှင်မြတ်သည်ပင်လျှင် ယင်းဖန်ဆင်းခြင်း ခံရသည်များကို တဖန် ပြန်၍ ဖန်ဆင်းတော်မူမည်ဖြစ်သည်။ (ဤသို့ တဖန် ပြန်၍ ဖန်ဆင်းတော်မူခြင်းကား) ထိုအသျှင်မြတ်သည်အီမာန်သက်ဝင်ယုံကြည်မှု ထားရှိ ကြသော ကောင်းမြတ်သောအကျင့်သီလများကို ဆောက်တည်ကြသော သူတို့အား တရားမျှတစွာဖြင့် အကျိုးပေးတော်မူခြင်းငှာ ဖြစ်ချေသည်။ သို့ရာတွင် ““ကာဖိရ်”” မယုံမကြည် သွေဖည်ငြင်းပယ်သူတို့၌မူကား ၎င်းတို့သည် သွေဖည် ငြင်းပယ်လျက် ရှိခဲ့ကြသောကြောင့် လွန်စွာ ဆူပွက်ပူလောင်သော ရေနွေးကို သောက်သုံးခြင်းသည် လည်းကောင်း၊ နာကျင်ဖွယ်ဖြစ်သောပြစ်ဒဏ်သည် လည်းကောင်း၊ ရှိချေအံ့သတည်း။
၀၁၀း ၅။ ထို(အလ္လာဟ်)အသျှင်မြတ်သည်ပင်လျှင် နေကို ထွန်းတောက်စွာလည်းကောင်း၊ လကို လင်းဝင်းစွာ လည်းကောင်း၊ ပြုလုပ်တော်မူခဲ့သောအသျှင် ဖြစ်တော်မူပေသည်။ ထို့ပြင် ထိုအသျှင်မြတ်သည် နှစ်များ၏ အရေအတွက်ကိုလည်းကောင်း၊ စာရင်းကိုလည်းကောင်း၊ အသင်တို့ သိနားလည်ကြအံ့သောငှာ၊ ယင်းလစန္ဒာ (သွားလာရန်) စခန်းများကို သတ်မှတ်၍ ပေးတော်မူခဲ့လေသည်။ အလ္လာဟ်အသျှင်မြတ်သည် ဤသည်တို့ကို မှန်ကန်သော ရည်ရွယ်ချက်နှင့်သာလျှင် ဖန်ဆင်းတော်မူခဲ့လေသည်။ ထိုအသျှင်မြတ်သည် သိနားလည်သူတို့အကျိုးငှာ သက်သေလက္ခဏာရပ်တို့ကို အသေးစိတ် ရှင်းလင်းဖော်ပြတော်မူလေသည်။
၀၁၀း ၆။ ဧကန်မလွဲ ညဥ့်နှင့်နေ့တို့၏ ပြောင်းလွဲမှု၌ လည်းကောင်း၊ မိုးကောင်းကင်များနှင့် ပထ၀ီမြေတွင် အလ္လာဟ်အသျှင်မြတ် ဖန်ဆင်းထားတော်မူသော အရာများ၌လည်းကောင်း၊ (အလ္လာဟ်အသျှင်မြတ်အား) ကြောက်ရွံ့ရိုသေ ခန့်ညားသူတို့အဖို့ သက်သေလက္ခဏာများသည် ဧကန်မုချရှိချေသည်။
၀၁၀း ၇။ ဧကန်အမှန် အကြင်သူတို့သည် ငါအသျှင်မြတ်နှင့် တွေ့ဆုံခြင်းကို မမျှော်လင့်ကြချေ။ ထို့ပြင် ၎င်းတို့သည် လောကီဘ၀ကိုပင် ကျေနပ်၍ ထိုလောကီဘ၀နှင့်ပင် နှစ်သိမ့်စိတ်ဝင်စားကာ အာရုံစိုက်၍ နေခဲ့ကြလေသည်။ ၎င်းပြင် အကြင်သူတို့သည် ငါအသျှင်မြတ်၏ သက်သေလက္ခဏာများကို မေ့လျော့၊ လျစ်လျူရှုသူများ ဖြစ်ကြကုန်၏။
၀၁၀း ၈။ ထိုသူများပင် ၎င်းတို့သည် (ပြစ်မှုဒုစရိုက်များ ကို) ရှာဖွေ ဆည်းပူးလျက် ရှိခဲ့ကြသောကြောင့် ၎င်းတို့၏ ခိုကိုးရာဌာနသည်““ဂျဟန္နမ်””ငရဲဘုံပင် ဖြစ်လတ်္တံ့။
၀၁၀း ၉။ ဧကန်စင်စစ် အကြင်သူများသည် သက်ဝင်ယုံကြည်ခဲ့ကြ၏။ ၎င်းပြင် ထိုသူများသည် ကောင်းမြတ်သော အကျင့်သီလများကို ပြုလုပ်ဆောက်တည်ကြ၏၊ ၎င်းတို့အား ၎င်းတို့ကို ဖန်ဆင်းမွေးမြူတော် မူသောအသျှင်မြတ်သည် ၎င်းတို့၏ ““အီမာန်”” သက်ဝင်ယုံကြည်မှုကြောင့် ချမ်းသာသခုနှင့်ပြည့်စုံသော ဥယျာဉ်များသို့ ပို့ဆောင်တော်မူမည် ဖြစ်သည်၊ ၎င်းတို့(နေထိုင်ရာ)အောက်၌ စမ်းရေချောင်းများ စီးတွေလျက် ရှိပေမည်။
၀၁၀း ၁၀။ ယင်းသုခဘုံ နန်းဥယျာဉ်များတွင် ထိုသူတို့၏ စကားသည် “အို-အလ္လာဟ်အသျှင်မြတ်၊ အသျှင်မြတ်သည် သန့်ရှင်းစင်ကြယ်တော်မူပါ၏”ဟူ၍လည်းကောင်း၊ ထိုသူတို့၏နှုတ်ခွန်းဆက်ခြင်းသည် “စလာမ်” ဟူ၍လည်းကောင်း၊ ထိုသူတို့၏နောက်ဆုံး (နိဂုံးချုပ်) စကားသည်““ချီးမွမ်းထောမနာပြုခြင်း အပေါင်းတို့အား စကြ၀ဠာခပ်သိမ်းတို့ကို ဖန်ဆင်းမွေးမြူတော်မူသော အလ္လာဟ်အသျှင်မြတ်နှင့်သာ အပ်စပ်သည်”” ဟူ၍ လည်းကောင်း ဖြစ်အံ့သတည်း။
၀၁၀း ၁၁။ စင်စစ်သော်ကား အကယ်၍သာ အလ္လာဟ်အသျှင်မြတ်သည် လူများထံသို့ ၎င်းတို့အကောင်းကို အလျင်စလို ပြုလုပ်ကြဘိသကဲ့သို့ အဆိုးကို ဖြစ်စေတော်မူပါလျှင် (၎င်းတို့အား ပြစ်ဒဏ်ပေးတော်မူရန် ကတိသည် ပြီးဆုံးခန်းသို့ ရောက်ပြီး ဖြစ်ချေအံ့)။ (တနည်း) (၎င်းတို့အဖို့ ပိုင်းခြားအပ်သော ကာလအပိုင်းအခြားသည်ကား ဧကန်မလွဲ ပြီးဆုံးခဲ့ပြီး ဖြစ်ချေအံ့။) သို့ရာတွင် ငါအသျှင်မြတ်သည် ငါအသျှင်မြတ်နှင့် တွေ့ဆုံခြင်းကို မမျှော်လင့်သူတို့အား ၎င်းတို့၏ ခေါင်းမာမှု၌ပင်တဝေ့လည်လည် ဖြစ်ရှိနေကြရန် စွန့်ပစ်၍ ထားရှိတော်မူပေသတည်း။ (တနည်း) ၎င်းပြင် အကယ်၍သာ အလ္လာဟ်အသျှင်မြတ်သည် လူများထံသို့ ၎င်းတို့အကောင်းကို အလျင်အမြန် တောင်းဆိုသကဲ့သို့ အဆိုးကိုပို့ဆောင် (သက်ရောက်) စေတော်မူပါလျှင် ၎င်းတို့၏ သက်တမ်းသည် မုချအဆုံးသတ်ပြီး ဖြစ်ချေမည်။ သို့ရာတွင် ငါအသျှင်မြတ်သည် ငါအသျှင်မြတ်နှင့်တွေ့ရမည်ကို မမျှော်လင့်သောသူများအား ၎င်းတို့၏ မောက်မာဆိုးသွမ်းမှု၌ တဝေ့လည်လည် ဖြစ်ရှိနေကြရန် စွန့်ပစ်၍ ထားတော်မူသည်။
၀၁၀း ၁၂။ သို့ရာတွင် လူသား၌ ဘေးဒုက္ခ(အချို့) ဆိုက်ရောက်လာသောအခါ ၎င်းသည် ငါအသျှင်မြတ် အား လဲလျောင်းလျက်ဖြစ်စေ၊ ထိုင်လျက်ဖြစ်စေ မတ်တတ်ရပ်လျက်ဖြစ်စေ ဟစ်ခေါ်လေတော့၏။တဖန် ငါအသျှင်မြတ်သည် ၎င်း၏ဘေးဒုက္ခကို ကင်းဝေးပပျောက်စေတော်မူခဲ့သည်ရှိသော် ၎င်းသည် ငါအသျှင်မြတ်အား မိမိ၌ဆိုက်ရောက်ခဲ့သော ဘေးဒုက္ခအတွက် (တစ်ကြိမ်တစ်ခါမျှ) ဟစ်ခေါ်ခြင်း မပြုခဲ့ဘိသကဲ့သို့ပင် ဖြစ်သွားပြန်၏။ ဤကဲ့သို့ပင် စည်းမဲ့ကမ်းမဲ့ပြုလုပ်သော သူတို့အမြင်၌ ၎င်းတို့ ပြုလုပ်လျက် ရှိခဲ့သည်များသည် လှပတင့်တယ်စွာ တွေ့မြင်ရလေသတည်း။
၀၁၀း ၁၃။ ထို့ပြင် ဧကန်မလွဲ ငါအသျှင်မြတ်သည် အသင်တို့အလျင် (များစွာသော) အမျိုးနွယ်များကို ၎င်းင်းတို့ မတော်မတရားကျူးလွန်ခဲ့ကြသောအခါ ဖျက်ဆီးတော်မူခဲ့လေသည်၊ အမှန်စင်စစ်သော်ကား ၎င်းတို့ထံ ၎င်းတို့၏ ရစူလ်တမန်တော်များသည် ထင်ရှားလှစွာသောသက်သေ၊ လက္ခဏာတော်များကို ယူဆောင်လာခဲ့ကြကုန်၏။ စင်စစ်သော်ကား ၎င်းတို့သည် သက်ဝင်ယုံကြည်ကြမည့်သူများ မဟုတ်ကြချေ။ ငါအသျှင်မြတ်သည် ပြစ်မှုကျူးလွန်သူတို့အား ဤကဲ့သို့ပင် အစားပေးတော်မူလေသည်။
၀၁၀း ၁၄။ ထို့နောက် ငါအသျှင်မြတ်သည် ၎င်းတို့၏ နောက်တွင် အသင်တို့ မည်သို့ပြုလုပ်ကြသည်ကို ကြည့်ရှုတော်မူရန် အသင်တို့အား ကမ္ဘာမြေပြင်ဝယ် ကိုယ်စားလှယ်များ ပြုလုပ်တော်မူသည်။ 
၀၁၀း ၁၅။ ၎င်းပြင် ထိုသူတို့ရှေ့ဝယ် ငါအသျှင်မြတ်၏ ထင်ရှားလှစွာသော အာယတ်တော်များကို ဖတ်ကြားခဲ့သောအခါ၊ ငါအသျှင်မြတ်နှင့်တွေ့ဆုံရန် မမျှော်လင့်သောသူတို့က ““အသင်သည် ဤမှတပါး အခြား ကုရ်အာန်ကိုယူခဲ့ပါလေ၊ သို့တည်းမဟုတ် ဤသည်ကိုပင် ပြောင်းလဲ၍ပေးပါလေ”” ဟုပြောဆိုကြကုန်၏။အသင်သည် (၎င်းတို့အား ဤသို့) ပြောကြားပါလေ၊ (အချင်းတို့) ငါ၏အဖို့ ဤကုရ်အာန်၌ မိမိ၏ စိတ်အလိုအလျောက် ပြောင်းလဲခွင့် မရှိချေ၊ ငါသည် မိမိထံ ညွှန်ကြားခြင်းခံရသော အမိန့်ကိုသာ လိုက်နာ၏။ အကယ်၍ ငါသည် မိမိအသျှင်မြတ်၏အမိန့်တော်ကို ဖီဆန်မိပါလျှင် ကြီးကျယ်သော (ကိယာမတ်)နေ့၏အပြစ်ဒဏ်ကို ငါစိုးရိမ်မိသည်။
၀၁၀း ၁၆။ (အို-နဗီတမန်တော်) အသင်သည် (၎င်းတို့အား ဤသို့) ပြောကြားပါလေ။ (ဟယ်-အချင်းတို့) ““အကယ်၍ အလ္လာဟ်အသျှင်မြတ်သည်(ဤအတိုင်း) အလိုရှိတော်မူခဲ့ပါလျှင် ငါသည်လည်း ထို(ကုရ်အာန်) ကို အသင်တို့ရှေ့ဝယ် ဖတ်ကြားနိုင်မည် မဟုတ်။ ထိုအသျှင်မြတ်သည်လည်း အသင်တို့အား ယင်း(ကုရ် အာန်)နှင့် စပ်လျင်း၍ အသိပေးတော်မူမည်မဟုတ်။ တဖန် ဧကန်စင်စစ် ငါသည် ထို (ကုရ်အာန် မကျရောက်မီ) အလျင်ကလည်း အသင်တို့အထဲတွင် တစ်သက်တာမျှ နေခဲ့ပြီး ဖြစ်ပေသည်။ သို့ပါလျက် အသင်တို့သည် နားမလည်ကြလေသလော””
၀၁၀း ၁၇။ သို့ဖြစ်ပေရာ အကြင်သူထက် ပိုမို၍ မတရားသောသူသည် မည်သူရှိဦးမည်နည်း။ ထိုသူသည် အလ္လာဟ်အသျှင်မြတ်အပေါ်၌ မုသားကို ကြံဖန်လီဆယ်၍ စွပ်စွဲခဲ့လေသည်။ သို့တည်းမဟုတ် ထိုသူသည် ထိုအသျှင်မြတ်၏ သက်သေလက္ခဏာတော်များကိုမဟုတ်မမှန်ဟူ၍ ငြင်းပယ်ခဲ့လေသည်။ ဧကန်စင်စစ် ပြစ်မှုကျူးလွန်သူတို့သည် အောင်မြင်မှု အလျင်းရရှိကြမည် မဟုတ်ပေတကား။ 
၀၁၀း ၁၈။ စင်စစ်သော်ကား ၎င်းတို့သည် အလ္လာဟ်အသျှင်မြတ်အား စွန့်ပယ်၍ အကြင်အရာများကို ကိုးကွယ်ဆည်းကပ်ကြလေသည်။ ထိုအရာများသည် ၎င်းတို့အား အကျိုးယုတ်စေနိုင်ကြသည်လည်း မဟုတ်ပေ။ ထို့ပြင် ထိုအရာများသည် ၎င်းတို့အား အကျိုးဖြစ်ထွန်းစေနိုင်ကြသည်လည်း မဟုတ်ပေ။ ထိုမှတပါး ၎င်းတို့က “ဤသည်တို့ကား ကျွန်ုပ်တို့အား အလ္လာဟ အသျှင်မြတ်အထံတော်၌ ကြားဝင် အသနားခံပေးမည့် အရာများပင်ဖြစ်ကြသည်” ဟု ပြောဆိုကြကုန်၏။ (အို-နဗီတမန်တော်) အသင်သည် (၎င်းတို့အား ဤသို့) ပြောကြားပါလေ။ (အချင်းတို့) ““အသင်တို့သည် အလ္လာဟ်အသျှင်မြတ်အား မိုးကောင်းကင်များ၌လည်းကောင်း၊ ပထ၀ီမြေ၌လည်းကောင်း၊ ထိုအသျှင်မြတ် သိတော်မမူသောအရာနှင့် စပ်လျဉ်း၍ သတင်းပေးကြသလော။ ထိုအသျှင်မြတ်သည် သန့်ရှင်းစင်ကြယ်တော် မူသည့်အပြင် ထိုအသျှင်မြတ်သည် ၎င်းတို့ တွဲဖက်နှိုင်းယှဉ် ကိုးကွယ်ကြကုန်သောအရာများထက် မြင့်မြတ်တော်မူပေသတည်း။
၀၁၀း ၁၉။ စင်စစ်သော်ကား လူသားတို့သည် (ယခင် မူလက) ဘာသာဝါဒ တူညီသော လူတစုတည်း သာလျှင် ဖြစ်ခဲ့ကြကုန်၏။ ထို့နောက် ၎င်းတို့သည် (ဘာသာဝါဒ၌) သဘောကွဲလွဲခဲ့ကြကုန်၏။ စင်စစ် သော်ကား အကယ်၍သာ အသင့်အား ဖန်ဆင်းမွေးမြူတော်မူသော အသျှင်မြတ်အထံတော်မှ စကားတရပ် သည် ရှေးဦးပထမကပင် ရှိနှင့်ခဲ့ပြီး မဖြစ်ပါလျှင် မုချဧကန် ၎င်းတို့အချင်းချင်း သဘောကွဲလွဲနေသောအရာနှင့်စပ်လျဉ်း၍ စီရင်ဆုံးဖြတ်ပြီး ဖြစ်ချိမ့်မည်။
၀၁၀း ၂၀။ ထိုမှတပါး ၎င်းတို့သည် (ဤသို့) ပြောဆိုကြ ကုန၏် ။ အဘယ်ကြောင့် ထို(ရစူလ်တမန်တော် မြတ်) ၏အပေါ်၌ ၎င်း၏အသျှင်မြတ်အထံတော်မှ သက်သေ လက္ခဏာ တစုံတရာ မကျရောက်ခဲ့ပါသနည်း။ သို့ဖြစ် ပေရာ (အို-နဗီတမန်တော်) အသင်သည် (၎င်းတို့အား ဤသို့)ဖြေကြားပါလေ။ (အချင်းတို့) “အကယ်စင်စစ် အကွယ်၌ရှိသမျှတို့ကို အလ္လာဟ်အသျှင်မြတ်သာလျှင် ပိုင်ဆိုင်တော်မူ၏။ သို့ဖြစ်ပေရာ အသင်တို့သည် စောင့်မျှော်၍နေကြလေကုန်။ ငါသည်လည်း အသင်တို့ နှင့်အတူ စောင့်မျှော်သူတို့တွင် တဦးအပါအ၀င်ဖြစ်ချေသတည်း”။
၀၁၀း ၂၁။ အမှန်သော်ကား ငါအသျှင်မြတ်သည် လူတို့ အား ၎င်းတို့၌ ဘေးဒုက္ခ ဆိုက်ရောက်ခဲ့ပြီးနောက် (မိမိ၏) ကရုဏာတော်(၏ အရသာ)ကို မြည်းစမ်းစေ တော်မူသော် ရုတ်တရက် ၎င်းတို့၌ ငါအသျှင်မြတ်၏ သက်သေလက္ခဏာတော်များနှင့် စပ်လျဉ်း၍ အကြံအစည်များပေါ်လာလေ့ရှိပေသည်။ (အို-နဗီတမန်တော်) အသင်သည် (၎င်းတို့အား) “အလ္လာဟ်အသျှင်မြတ် သည် အကြံအစည်ပြုရာ၌(၎င်းတို့ထက်) ပိုမို၍ပင် လျင်မြန်တော်မူသောအသျှင် ဖြစ်တော်မူသည်” ဟု ပြောကြားပါလေ။ ဧကန်အမှန် ငါအသျှင်မြတ်၏ (ကောင်းကင်) စေတမန်များသည် အသင်တို့ ကြံစည်လျက်ရှိသည် တို့ကို ရေးမှတ်လျက်ရှိကြပေသတည်း၊
၀၁၀း ၂၂။ ထိုအသျှင်မြတ်သည် အကြင်အသျှင်မြတ်ပင်၊ ထိုအသျှင်မြတ်သည် အသင်တို့အား ကုန်းကြောင်း၌ လည်းကောင်း၊ သမုဒ္ဒရာပင်လယ်ရေကြောင်း၌ လည်းကောင်း၊ ခရီးသွားလာစေတော်မူ၏။ သို့ဖြစ်သော ကြောင့် အသင်တို့သည် သင်္ဘောများတွင် ရှိနေကြသောအခါ သင်္ဘောများသည် လေညင်းလေပြည်ဖြင့် ၎င်းတို့အား သယ်ဆောင်သွားလေ၏။ ၎င်းတို့သည်လည်း ထိုလေပြည်ကြောင့် ၀မ်းမြောက်ဝမ်းသာ ဖြစ်လျက်ရှိကြ၏။ ထိုအခါ (ရုတ်တရက်) ထိုသင်္ဘောများကို လေပြင်းမုန်တိုင်းသည် ရိုက်ခတ်လာ၍ လှိုင်းတံပိုးများသည် ၎င်းတို့အပေါ်၌ အဖက်ဖက်မှ လွှမ်းမိုးလာသဖြင့် ၎င်းတို့သည် ဧကန်မလွဲ မိမိတို့မှာ ၀ိုင်းဝန်းခြင်းကို ခံကြရလေပြီဟု ထင်မှတ်ခဲ့ကြလေသည်။ (ထိုအခါ) ၎င်းတို့သည်အလ္လာဟ်အသျှင်မြတ်အား ထိုအသျှင်မြတ်၌သာလျှင် (အာရုံစူးစိုက်) သဒ်္ဓါကြည်ဖြူလျှက် (အို-အသျှင်) ““အကယ်၍ အသျှင်မြတ်သည် ကျွန်တော်မျိုးတို့အား ဤ (ဘေးအန္တရာယ်) မှလွတ်မြောက်စေတော် မူပါလျင်ဧကန်မလွဲ ကျွန်တော်မျိုးတို့သည် ကျေးဇူးတော်ကို သိတတ်ကြသော သူတို့တွင် အပါအ၀င် ဖြစ်ကြပါမည်”” ဟု ဟစ်ခေါ်ဆုတောင်းကြ၏။
၀၁၀း ၂၃။ တစ်ဖန် အကြင်အခါဝယ် ထိုအသျှင်မြတ်သည် ၎င်းတို့အား လွတ်မြောက်စေတော်မူသောအခါ ရုတ်တရက် ချက်ချင်းပင် ၎င်းတို့သည် ကမ္ဘာမြေပြင်ဝယ် မတရားသဖြင့် စည်းကမ်းကျူးလွန်ကြကုန်၏။““အို-လူအပေါင်းတို့ အသင်တို့၏ စည်းကမ်းကျူးလွန်မှုသည် အသင်တို့အပေါ်၌သာ (ပြန်လည်ကျရောက်မည်)ဖြစ်သည်။ (အသင်တို့သည်) လောကီဘ၀၏ (အနည်းငယ်မျှသော) အကျိုးကျေးဇူးကို (ခံစားလျက် ရှိကြကုန်လော့)။ ထို့နောက် အသင်တို့သည် ငါအသျှင်မြတ်၏အထံတော်သို့သာလျှင် ပြန်ကြရပေမည်။ ထိုအခါ ငါအသျှင်မြတ်သည် အသင်တို့အား အသင်တို့ ပြုလုပ်လျက်ရှိခဲ့ကြသည်များကို ပြသတော်မူမည် ဖြစ်သတည်း။
၀၁၀း ၂၄။ (ဤမျက်မှောက်) လောကီဘ၀၏ ဥပမာသည်ကား အကြင်ရေ၏ ဥပမာကဲ့သို့ ဖြစ်ချေသည်။ ငါအသျှင်မြတ်သည် ထိုရေကိုမိုးကောင်းကင်မှ ချပေး (ရွာသွန်းစေ) တော်မူခဲ့လေသည်။ တစ်ဖန် ထိုရေကြောင့် ပထ၀ီမြေမှ လူတို့သည်လည်းကောင်း၊ ခြေလေးချောင်းသတ္တ၀ါတို့သည် လည်းကောင်း စားသုံးကြကုန်သော အပင်ငယ်များသည် ရောယှက်၍ ထွက်လာလေသည်။ နောက်ဆုံးတွင် ပထ၀ီမြေသည် မိမိ ၀တ်စား တန်ဆာကို ယူ၍ (လှပတင့်တယ်စွာ) တန်ဆာဆင်ယင်ပြီး၊ ထိုမြေကို ပိုင်ဆိုင်သူတို့က ၎င်းတို့သည် ထို(ပေါက်ရောက်သမျှတို့)ကို (မိမိတို့ စိတ်ထင်တိုင်း) သုံးစွဲနိုင်ကြပြီဟု ထင်မြင်ယူဆလာကြသည်။ ထိုအခါ (ရုတ်တရက်) ငါအသျှင်မြတ်၏ အမိန့်တော်သည် ထိုလယ်ယာဥယျာဉ်များသို့ ညဥ့်၌ ဖြစ်စေ၊ နေ့၌ဖြစ်စေ၊ ရောက်ရှိလာလေတော့၏၊ ပြီးနောက် ငါအသျှင်မြတ်သည် ယင်းလယ်ယာဥယျာဉ်များကို ရိပ်သိမ်းပြီးပမာ ဖြစ်စေတော်မူလေသော် ထိုလယ်ယာဥယျာဉ်များသည် ယမန်နေ့ကလုံးဝ မရှိသကဲ့သို့ပင် ဖြစ်သွားချေသည်။ ငါအသျှင်မြတ်သည် ထိုကဲ့သို့ပင် သက်သေလက္ခဏာတော်များကို စဉ်းစားဆင်ခြင်ချင့်ချိန်သူတို့ အကျိုးငှာ အသေးစိတ် ရှင်းလင်းဖော်ပြတော် မူလေသတည်း။
၀၁၀း ၂၅။ စင်စစ်သော်ကား အလ္လာဟ်အသျှင်မြတ်သည် (လူခပ်သိမ်းတို့အား) ငြိမ်းချမ်းရေး ဘုံဗိမာန်သို့ ဖိတ်ခေါ်တော်မူလေသည်။ ၎င်းပြင်ထိုအသျှင်မြတ်သည် မိမိအလိုရှိတော်မူသောသူအား ဖြောင့်မတ် မှန်ကန်သော တရားလမ်းစဉ်သို့ပို့ဆောင်တော်မူ၏။ 
၀၁၀း ၂၆။ ကောင်းမှုကို ပြုခဲ့ကြသောသူတို့အဖို့ ကောင်းမြတ်သောအကျိုး (၀ါ) “ဂျန္နတ်” သုခဘုံ ရှိသည့်ပြင် အပို(ဆုလာဘ်များ)လည်းရှိချေသည်။ ထိုမှတပါး ၎င်းတို့၏မျက်နှာများကို မြူ၊ဖုန်များ ဖုံးလွှမ်းမည် မဟုတ်။ ကျိုးယုတ်ရှက်ရ ဂုဏ်သိက္ခာကျခြင်းသည်လည်း ဖုံးလွှမ်းမည်မဟုတ်ပေ။ ထိုသူတို့သည်ပင် “ဂျန္နတ်” သုခဘုံသားများ ဖြစ်ကြကုန်၏။ ၎င်းတို့သည် ယင်း “ဂျန္နတ်” သုခဘုံတွင် ထာဝစဉ်နေထိုင်စံမြန်း ကြမည့်သူများ ဖြစ်ကြကုန်သတည်း။
၀၁၀း ၂၇။ သို့ရာတွင် မကောင်းမှု ဒုစရိုက်များကို ရှာဖွေဆည်းပူးကြကုန်သော သူတို့မူကား (၎င်းတို့ ရှာဖွေ ဆည်းပူးခဲ့ကြကုန်သော) မကောင်းမှုများ၏ အကျိုးသည် ထိုမကောင်းမှုနှင့် ထပ်တူထပ်မျှပင် ဖြစ်ချေသည်၊ ထို့ပြင် ကျိုးယုတ်ရှက်ရ၊ ဂုဏ်သိက္ခာကျခြင်းသည် လည်း၎င်းတို့အား ဖုံးလွှမ်းမည်ဖြစ်သည်။ ၎င်းတို့အား အလ္လာဟ်အသျှင်မြတ်၏ (ပြစ်ဒဏ်)မှ ကယ်တင်မည့်သူဟူ၍ တစ်ဦးတစ်ယောက်မျှ ရှိလိမ့်မည်မဟုတ်ပေ။ ၎င်းတို့၏မျက်နှာများမှာကား မည်းမှောင်နေသော ညဥ့်၏အပိုင်းအစများဖြင့် ဖုံးအုပ်ခြင်း ခံရဘိသကဲ့သို့ ရှိကြပေမည်။ ထိုသူတို့သည် ငရဲသားများ ဖြစ်ကြပေသည်။ ၎င်းတို့သည် ငရဲဘုံ၌ အမြဲ ထာဝစဉ် နေထိုင် ခံစားကြရမည့်သူများပင် ဖြစ်ကြကုန်သတည်း။
၀၁၀း ၂၈။ ၎င်းပြင် အကြင်နေ့ကို (သတိရပါလေ) ငါအသျှင်မြတ်သည် (ထိုနေ့တွင်) ၎င်းတို့အားလုံးကို စုရုံးစေတော်မူမည်။ ထိုနောက်ငါအသျှင်မြတ်သည် (အခြားအရာများကို ငါအသျှင်မြတ်နှင့်) တွဲဖက်နှိုင်းယှဉ် ကိုးကွယ်ကြသူတို့အား ““အသင်တို့နှင့် အသင်တို့ယှဉ်တွဲကိုးကွယ်ခဲ့ကြသော ပေါင်းဖော်ပေါင်းဖက်တို့သည် မိမိတို့၏နေရာတွင်ပင် ရပ်တည်၍ နေကြလေကုန်”” ဟုမိန့်ကြားတော်မူမည်။ ထို့နောက် ငါအသျှင်မြတ်သည် ၎င်းတို့အား အချင်းချင်းကွဲစေတော်မူမည်။ (ထိုအခါ) ၎င်းတို့ တွဲဖက်နှိုင်းယှဉ်၍ ကိုးကွယ်ခဲ့ကြကုန်သော ပေါင်းဖော်ပေါင်းဖက်တို့က (၎င်းတို့အား) ““အသင်တို့သည် ငါတို့အား ကိုးကွယ်ခဲ့ကြသည်မဟုတ်”” ဟု ပြောဆိုကြလတ်္တံ့။
၀၁၀း ၂၉။ သို့ဖြစ်ပေရာ အသင်တို့၏ ကိုးကွယ်မှုကို ငါတို့ (အလျင်း) မသိခဲ့ကြောင်း အလ္လာဟ်အသျှင်မြတ် သည် ပင် ငါတို့နှင့် အသင်တို့၏စပ်ကြားဝယ် သက်သေအဖြစ် လုံလောက်တော်မူပေသတည်း။
၀၁၀း ၃၀။ ထိုနေရာတွင် လူတိုင်းလူတိုင်းသည် မိမိတို့ တင်ကြိုပို့နှင့်ခဲ့ပြီးဖြစ်သောအပြုအမူများကို စမ်းသပ် (မျက်ဝါးထင်ထင် သိရှိတွေ့မြင်)ကြမည် ဖြစ်ပေသည်။ ထို့ပြင် ၄င်းတို့သည် မိမိတို့၏အသျှင် သခင်အစစ် အမှန် ဖြစ်တော်မူသော အလ္လာဟ်အသျှင်မြတ် အထံတော်သို့ပြန်ပို့ခြင်းကို ခံကြရပေမည်။ ထိုမှတစ်ပါး ၎င်းတို့ ကြံဖန်လီဆယ်ခဲ့သမျှတို့သည် ၎င်းတို့ထံမှ ကွယ်ပျောက်သွားကြမည်သာ ဖြစ်သတည်း။
၀၁၀း ၃၁။ (အို-နဗီတမန်တော်) အသင်သည် (၎င်းတို့အား) ဤသို့ ပြောဆိုမေးမြန်းကြပါလေ၊ ““အချင်းတို့ အသင်တို့အား အာကာသမိုးကောင်းကင်မှလည်းကောင်း၊ ပထ၀ီမြေကြီးမှ လည်းကောင်း၊ မည်သူမည်ဝါ စားနပ်ရိက္ခာ ထောက်ပံ့လေသနည်း။ သို့တည်းမဟုတ် မည်သူသည်နားများနှင့် မျက်စိများကို စိုးပိုင်ပါသနည်း။ ထိုနည်းတူစွာ မည်သူသည် သက်ရှိကိုသက်မဲ့မှ ထွက်စေ၍ သက်မဲ့ကို သက်ရှိမှ ထွက်စေသနည်း။ ထိုမှတစ်ပါး မည်သူသည် အမှုကိစ္စအ၀၀ကို စီမံခန့်ခွဲ လေသနည်း”” ဟု မေးမြန်းပါလေ။ ထိုအခါ ၎င်းတို့က ““အလ္လာဟ်အသျှင်မြတ်”” ဟူ၍ပင် မုချ ပြောဆိုဖြေ ကြားကြပေမည်။ သို့ဖြစ်ပေရာ အသင်သည် (၎င်းတို့ အား) ““အချင်းတို့ သို့ပါလျက် အသင်တို့သည် (တစုံတရာကို အလ္လာဟ်အသျှင်မြတ်နှင့် တွဲဖက် နှိုင်းယှဉ်ကိုးကွယ်ခြင်းမှ) မရှောင်ကြဉ်ကြလေသလော”” ဟု မေးမြန်းပါလေ။
၀၁၀း ၃၂။ သို့ဖြစ်လေရာ အသင်တို့၏ အသျှင်အစစ် အမှန်သည် အလ္လာဟ်အသျှင်မြတ်ပင် ဖြစ်တော်မူပေသည်။ အသင်တို့အား ဖန်ဆင်းမွေးမြူတော်မူသော အသျှင်မြတ်သည် အစစ်အမှန်ပင်။ သို့ဖြစ်သောကြောင့် အမှန်တရား (ထင်ရှားပြီးသည်) ၏နောက် အမှားမှအပ အခြားမည်သည့်အရာ ရှိလေတော့သနည်း။ သို့ပါလျက် အသင်တို့သည် အဘယ်သို့ ပြန်လှည့်၍ သွားကြပါသနည်း။ 
၀၁၀း ၃၃။ ဤအတိုင်းပင် အသင့်အား ဖန်ဆင်းမွေးမြူ တော်မူသော အသျှင်မြတ်၏စကားတော်သည် အမိန့်တော်ကို ဖီဆန်ခဲ့သူနှင့် ပတ်သက်၍ အတည်ဖြစ် သွားခဲ့ချေပြီ။ အဘယ်ကြောင့်ဆိုသော် ၎င်းတို့သည် “အီမာန်” သက်ဝင်ယုံကြည်ကြမည် မဟုတ်သောကြောင့် ပင်တည်း။
၀၁၀း ၃၄။ (အို-နဗီတမန်တော်)အသင်သည် (၎င်းတို့အား) ““အချင်းတို့၊ အလ္လာဟ်အသျှင်မြတ်နှင့် တွဲဖက်၊နှိုင်းယှဉ် ကိုးကွယ်ကြသူ အသင်တို့အနက်(သက်ရှိသက်မဲ့အပေါင်းတို့အား) ပထမအကြိမ် စတင်ဖန်ဆင်း၍ ထို(သက်ရိသှ က်မဲ့အပေါင်းတို့ သေကြေပျက်စီးကြပြီး)နောက် ယင်းဖန်ဆင်းခြင်းကို တဖန် ဒုတိယအကြိမ်လည်း ပြန်၍ပြုလုပ်မည့်သူဟူ၍ ရှိလေသလော”” ဟု မေးမြန်းပါလေ။ (ထို့နောက်) အသင်က ပင် (၎င်းတို့အား ဤသို့)ပြောကြားပါလေ။ အလ္လာဟ်အသျှင်မြတ်သည် သာလျှင် (သက်ရှိသက်မဲ့ အပေါင်း တို့ကို) ပထမအကြိမ်လည်း စတင် ဖန်ဆင်းတော်မူ၏။ တဖန်ထို (သက်ရှိသက်မဲ့အပေါင်းတို့ သေကြေပျက်စီး ကြပြီး) နောက်လည်း ထိုအသျှင်မြတ်သည်ပင် ဒုတိယအကြိမ် ပြန်လည်ဖန်ဆင်းတော် မူမည်ဖြစ်သည်။ သို့ပါလျက် အသင်တို့သည် အဘယ်သို့ ပြန်လှည့်(၍ ထွက်သွား) ကြရသနည်း။
၀၁၀း ၃၅။ (အို-နဗီတမန်တော်) အသင်သည် (၎င်းတို့အား) ““အချင်းတို့၊ (အလ္လာဟ်အသျှင်မြတ်နှင့်) တွဲဖက်နှိုင်းယှဉ် ကိုးကွယ်ကြသူအသင်တို့တွင် မှန်ကန်ရာသို့ လမ်းညွှန်မည့်သူ တဦးတယောက်မျှ ရှိလေသလော”” ဟု မေးမြန်းပါလေ။ (တဖန်) အသင်ကပင် (၎င်းတို့အားဤသို့)ပြန်၍ ပြောကြားပါလေ။ (အချင်းတို့) ““အလ္လာဟ်အသျှင်မြတ်ပင် မှန်ကန်ရာသို့ လမ်းညွှန်တော်မူ၏။ သို့ဖြစ်ပေရာ မှန်ကန်ရာသို့ လမ်းညွှန်တော် မူသောအသျှင်မြတ်သည် လိုက်နာခြင်းကို ပို၍ ခံထိုက်တော်မူပါသလော၊ သို့တည်းမဟုတ် မိမိကိုယ်တိုင် လမ်းညွှန်ခြင်းကိုမခံရက မှန်ကန်သောတရားလမ်းကို မရရှိသောသူသည် လိုက်နာခြင်းကို ပို၍ ခံထိုက်လေသလော။ သို့ဖြစ်ပေရာ (ဤသည်တို့ကို အလ္လာဟ်အသျှင်မြတ်နှင့် တွဲဖက်ကိုးကွယ်ကြရန်) အသင်တို့တွင် မည်သည့်အကြောင်း ရှိသနည်း။ အသင်တို့သည် မည်ကဲ့သို့ ဆုံးဖြတ်ကြပါသနည်း။””
၀၁၀း ၃၆။ စင်စစ် ၎င်းတို့အနက် အများဆုံးသော သူတို့သည် (မိမိတို့၏) ထင်မြင်ယူဆချက်ကိုသာ လိုက်နာ ကြကုန်၏။ အမှန်စင်စစ်သော်ကား ထင်မြင်ချက်သည် အမှန်နှင့်ဆန့်ကျင်၍ အနည်းငယ်စိုးစဉ်းမျှပင် အကျိုး ပေးသည်မဟုတ်ပေ။ ဧကန်အမှန် အလ္လာဟ်အသျှင်မြတ်သည် ၎င်းတို့ပြုမူလျက်ရှိသည်တို့ကို အကြွင်းမဲ့ သိရှိတော်မူသော အသျှင်မြတ်ပင် ဖြစ်တော်မူပေသတည်း။
၀၁၀း ၃၇။ စင်စစ်သော်ကား ဤကုရ်အာန်ကျမ်းတော်မြတ်သည် အလ္လာဟ်အသျှင်မြတ်အပြင် (အခြားသူ တဦးဦးက) လီဆယ်ဖန်တီးထားသော ကျမ်းမြတ်မဟုတ်ပေ၊ စင်စစ်မှာမူကား (ဤကုရ်အာန်ကျမ်းတော် မြတ်သည်) မိမိအလျင်(ရှိခဲ့ဖူးသော ကျမ်းများကို) ခိုင်ခံ့စေသော ကျမ်းဖြစ်၏။ အတည်ပြု သတ်မှတ်ရေး သားထားပြီးဖြစ်သော အမိန့်ပညတ်တော်များကို အသေးစိတ် ရှင်းလင်းဖော်ပြထားသော ကျမ်းလည်း ဖြစ်၏။ ဤကုရ်အာန်ကျမ်းတော်မြတ်တွင် ဒွိဟသံသယလည်း လုံးဝမရှိချေ။ စကြ၀ဠာခပ်သိမ်းကို ဖန်ဆင်းမွေးမြူ တော်မူသော အသျှင်မြတ်အထံတော်မှ(ကျရောက်လာသော ကျမ်းတော်မြတ်အမှန်ပင်) ဖြစ်ပေသတည်း။
၀၁၀း ၃၈။ ၎င်းတို့က““ထို(နဗီတမန်တော်မုဟမ်္မဒ်)သည် ယင်းကုရ်အာန်ကျမ်းတော်မြတ်ကို လီဆယ် ဖန်တီးခဲ့သည်”” ဟုပြောဆိုကြလေသလော။(အို-နဗီတမန် တော်) အသင်သည် (၎င်းတို့အား ဤသို့ ပြောကြားပါ လေ။ (အချင်းတို့) ““သို့ဖြစ်လျှင် အသင်တို့သည် ယင်း (ကုရ်အာန်ကျမ်းတော်မြတ်ကဏ္ဍ)နှင့် တူသော ကဏ္ဍတစ်ခုကိုပင် (စီကုံးရေးသား၍) ယူဆောင်လာ ခဲ့ကြလေကုန်၊ ၎င်းပြင် အကယ်၍ အသင်တို့သည် ““သစ္စာဝါဒီ-မှန်ကန်စွာ ပြောဆိုကြသူများဖြစ်ကြလျှင် အသင်တို့သည် အလ္လာဟ်အသျှင်မြတ် အပြင် မိမိတို့ခေါ်ယူနိုင်ကြကုန်သော (ကူညီဆောင်မမည့်) သူတို့အားလည်း ခေါ်ယူခဲ့ကြလေကုန်””။
၀၁၀း ၃၉။ ထိုသို့အလျင်းမဟုတ်၊ စင်စစ်မူကား ၎င်းတို့သည် မိမိတို့ကိုယ်တိုင် မသိနားမလည်သောအရာကို (စဉ်းစားဆင်ခြင်ခြင်း မပြုဘဲ)မဟုတ်မမှန်ဟူ၍ စွပ်စွဲငြင်းပယ်ခဲ့ကြကုန်၏။ ထို့ပြင် ၎င်းတို့ထံ ယင်း၏ အကျိုးသည်လည်း ရောက်ခဲ့သည်မရှိချေ။ ဤနည်းနှင် ၎င်းတို့အလျင် ရှေးအထက်ကျော်ကာရီ၌ ရှိခဲ့ကြသောသူတို့ကလည်း မဟုတ်မမှန်ဟူ၍ ငြင်းပယ် ခဲ့ဖူးကြလေသည်။ သို့ဖြစ်ပေရာ (အိုနဗီတမန်တော်)မတရားသောသူတို့သည် မည်သို့မည်ပုံ အကျိုးခံစား ခဲ့ကြရသည်ကို အသင်သည် ကြည့်ရှုဆင်ခြင်ပါလေ။
၀၁၀း ၄၀။ ထို့ပြင် ၎င်းတို့တွင် ယင်း(ကုရ်အာန်ကျမ်းတော်မြတ်)ကို ယုံကြည်မည့်သူများလည်း ရှိကြမည်။ ထိုနည်းအတူ ၎င်းတို့တွင် ထို(ကုရ်အာန်ကျမ်းတော်မြတ်) ကို မယုံကြည်မည့်သူများလည်း ရှိကြမည်။ စင်စစ်တမူကား အသင့်အား ဖန်ဆင်းမွေးမြူတော်မူသော အသျှင်မြတ်သည် ပျက်စီးရာပျက်စီးကြောင်း ပြုလုပ်သောသူတို့အား အသိဆုံးသောအသျှင်မြတ်ပင် ဖြစ်တော်မူပေသတည်း။
၀၁၀း ၄၁။ ၎င်းပြင် (အို-နဗီတမန်တော်) အကယ်၍ ထိုသူတို့သည် အသင့်အား မဟုတ်မမှန်ဟူ၍ စွပ်စွဲငြင်းပယ် လျက်ရှိကြပါလျှင် အသင်သည် (၎င်းတို့အား ဤသို့) ဖြေကြားပါလေ။ (အချင်းတို့) ““ငါ၏ အပြုအမူသည် ငါ၏အဖို့သာဖြစ်၍ အသင်တို့၏ အပြုအမူသည် အသင်တို့အဖို့သာ ဖြစ်ချေသည်။ အသင်တို့သည် ငါပြုသမျှနှင့် (မည်သို့မျှမဆိုင်၊ လုံးဝ)လွတ်ကင်းသူများ ဖြစ်ကြကုန်၏။ ငါသည်လည်းအသင်တို့ပြုသမျှတို့နှင့် (မည်သို့မျှမဆိုင်၊ လုံးဝ) လွတ်ကင်းသူဖြစ်သည်။
၀၁၀း ၄၂။ ထိုမှတစ်ပါး ၎င်းတို့တွင် (အမြင်အားဖြင့်) အသင့်ဘက်သို့ နားစွင့်နေကြသူများလည်း ရှိကြကုန်၏။ သို့ဖြစ်ပေရာ အသင်သည် နားပင်းနေသော သူတို့အား (၎င်းတို့သည် အသိဉဏ်ကိုအသုံးမပြုဘဲ ရှိနေကြပါလျက်) ကြားအောင်ပြုနိုင်ပါသလော။
၀၁၀း ၄၃။ ထိုနည်းတူစွာ ၎င်းတို့တွင် (အမြင်အားဖြင့်) အသင့်အား ကြည့်နေသူများလည်း ရှိကြပေသည်။ သို့ဖြစ်ပေရာ အသင်သည် မျက်စိကန်းနေသောသူတို့အား (၎င်းတို့သည် ဉာဏ်မျက်စိဖြင့် မမြင်ကြပါလျက်) တရားလမ်းမှန်ကို ညွှန်ပြနိုင်ပါသလော။
၀၁၀း ၄၄။ ဧကန်စင်စစ် အလ္လာဟ်အသျှင်မြတ်သည် လူသားတို့အား အနည်းငယ်စိုးစဉ်းမျှပင် နှိပ်စက်ကလူ ပြုတော်မူသည် မဟုတ်ပေ။ စင်စစ်မှာမူကား လူတို့သည် မိမိကိုယ်တိုင် မိမိတို့ကိုယ်ကို နှိပ်စက်ကလူ ပြုကြကုန်သတည်း။
၀၁၀း ၄၅။ ထို့ပြင် (အသင်သည် ၎င်းတို့အား) အကြင်နေ့ကို သတိပေးပါလေ။ ထိုနေ့တွင် ထိုအသျှင်မြတ်သည် ၎င်းတို့အားစုရုံးတော်မူပေမည်။ ထိုအခါ ၎င်းတို့သည် (မိမိတို့မှာ လောကတွင်) နေ့၏တစ်နာရီ ခန့်မျှသာ နေခဲ့ကြရသည်(ဟု ထင်မှတ်ကြပေမည်)။ ၎င်းတို့သည် အချင်းချင်း တစ်ဦးကို တစ်ဦးလည်း မှတ်မိကြပေမည်။ (သို့သော်ငြားလည်း တစ်ဦးသည် တစ်ဦးအဖို့ အသုံးကျမည်မဟုတ်ချေ)။အလ္လာဟ်အသျှင်မြတ်နှင့် တွေ့ဆုံခြင်းကို မဟုတ်မမှန်ဟူ၍ ငြင်းပယ်သောသူတို့သည် ဧကန်မလွဲ ကျိုးယုတ် ဆုံးရှုံးကြခဲ့လေပြီတကား။ စင်စစ်သော်ကား ၎င်းတို့သည် တရားလမ်းမှန်ကို ရရှိအံ့သောသူများ မဟုတ်ခဲ့ကြပေ။
၀၁၀း ၄၆။ စင်စစ်သော်ကား အကယ်၍ ငါအသျှင်မြတ်သည် ၎င်းတို့အား ငါအသျှင်မြတ် ကတိထားတော်မူခဲ့သော ပြစ်ဒဏ်အချို့ကို အသင့်အား ပြတော်မူသည် ဖြစ်စေ၊ သို့တည်းမဟုတ် ငါအသျှင်မြတ်သည် အသင့် အား (ထိုပြစ်ဒဏ်မကျရောက်မီ) သေဆုံးတော်မူသည် ဖြစ်စေ၊နောက်ဆုံးတွင် ၎င်းတို့၏ ပြန်လည်ရာဌာနသည် ငါအသျှင်မြတ်ထံတော်၌ပင် ရှိပေသည်။ ပြီးနောက် အလ္လာဟ်အသျှင်မြတ်သည် ၎င်းတို့ပြုလုပ် ကြသည်တို့ကိုလည်း သိတော်မူသောအသျှင်မြတ်ပင် ဖြစ်တော်မူပေသတည်း။
၀၁၀း ၄၇။ စင်စစ်သော်ကား လူမျိုးတိုင်းအဖို့ တမန်တော် တစ်ပါးသည် ရှိခဲ့လေသည်။ တစ်ဖန် ၎င်းတို့အား အကြောင်းကြားမည့် တမန်တော်ရောက်ရှိခဲ့သောအခါ ၎င်းတို့၏ အကြားတွင် တရားမျှတစွာပင် စီရင်ဆုံးဖြတ်ပြီး ဖြစ်ခဲ့သည်သာတည်း။ ထို့ပြင် ၎င်းတို့သည်မတရားပြုလုပ်ခြင်းကို လုံးဝ ခံကြရသည် မဟုတ်ပေ။
၀၁၀း ၄၈။ ထိုမှတစ်ပါး ၎င်းတို့က ““အကယ်၍ အသင်တို့သည် မှန်ကန်စွာ ပြောဆိုသော သစ္စာဝါဒီများ ဖြစ်ကြပါလျှင် ဤ(ပြစ်ဒဏ်ကျရောက်ခြင်းနှင့် စပ်လျဉ်းသည့်) ကတိသည် မည်သည့်အခါ၌ အတည် ဖြစ်အံ့နည်း”” ဟု ပြောဆိုကြကုန်သတည်း။
၀၁၀း ၄၉။ (အို-နဗီတမန်တော်) အသင်သည် (၎င်းတို့အား ဤသို့)ပြောကြားပါလေ၊ (အချင်းတို့) ““ငါသည် အလ္လာဟ်အသျှင်မြတ် အလိုရှိတော်မူသော အရေးကိစ္စမှတစ်ပါး မိမိကိုယ်နှင့် ပတ်သက်၍ မည်သည့်ကျိုးယုတ်၊ ဆုံးရှုံးစေခြင်းကိုမျှလည်းကောင်း၊ မည်သည့် အကျိုးကျေးဇူး ဖြစ်ထွန်းစေခြင်းကိုမျှလည်းကောင်း၊ ပိုင်ဆိုင်သည် မဟုတ်ပေ။ လူမျိုးတိုင်းတွင် သတ်မှတ်ပိုင်းခြားအပ်သော အချိန်ကာလသည်ရှိ၏။ ၎င်းတို့၏ သတ်မှတ်ပိုင်းခြားအပ်သော အချိန်ကာလ ရောက်ရှိလာသောအခါ ၎င်းတို့သည် တစ်နာရီခန့်မျှပင် ရွှေ့ဆိုင်းနိုင်ကြသည်လည်း မဟုတ်၊ စောနိုင်ကြသည်လည်း မဟုတ်ပေ။””
၀၁၀း ၅၀။ (အို-နဗီတမန်တော်) အသင်သည် (၎င်းတို့ အား ဤသို့)ပြောကြားပါလေ။ (အချင်းတို့) ““အကယ် ၍ အသင်တို့၌ ထိုအသျှင်မြတ်၏ ပြစ်ဒဏ်သည် ညဥ့်အချိန်၌ဖြစ်စေ၊ နေ့အချိန်၌ဖြစ်စေ၊ (ရုတ်တ ရက်) ဆိုက်ရောက်လာခဲ့ပါလျှင် အသင်တို့သည် မည်သို့ယူဆ ကြမည်ကို ငါ့အားပြောပြကြလေကုန်။ (သို့ပါ လျက်) ပြစ်မှုကျူးလွန်သူတို့သည် မည်သည့်အတွက်ကြောင့် ထိုပြစ်ဒဏ်ကျရောက်ရန် အလျင်လိုကြသနည်း။
၀၁၀း ၅၁။ အဘယ်သို့ပါနည်း၊ ထိုပြစ်ဒဏ်ကျရောက်လာသည့် နောက်မှသာ အသင်တို့သည် ယင်းပြစ်ဒဏ်ကို ယုံကြည်ကြမည်လော၊ ယခုပင်(ယုံကြည်ကြလေ) လော့၊ အမှန်စင်စစ်သော်ကား အသင်တို့သည် ထိုပြစ်ဒဏ်နှင့် စပ်လျဉ်း၍ ဧကန်မလွဲ အလျင်လိုခဲ့လျက် ရှိနေကြကုန်သတည်း။
၀၁၀း ၅၂။ ထိုနောက် (မိမိကိုယ်ကို) နှိပ်စက်ကလူ ပြုခဲ့ကြသောသူတို့သည် (ဤသို့ ပြောဆိုခြင်းကို ခံကြရပေမည်။) ““အသင်တို့သည် အစဉ်ထာဝရတည်အံ့သော အပြစ်ဒဏ်၏ (အရသာ) ကို မြည်းစမ်းကြလေကုန်။ အသင်တို့သည် မိမိတို့ရှာဖွေ ဆည်းပူးခဲ့ကြသည်တို့မှတစ်ပါး မည်သည်ကိုမျှ အစားပေးခြင်းကို ခံကြရသည် မဟုတ်ပေတကား။””
၀၁၀း ၅၃။ ၎င်းပြင် ထိုသူတို့သည် အသင့်အား ““ဤ(ပြစ်ဒဏ်ကျရောက်မည့်) ကိစ္စသည် မှန်ကန်ပါသလော””ဟု သတင်းမေးမြန်း စုံစမ်းကြကုန်သည်။ အသင်သည် (၎င်းတို့အား ဤသို့)ဖြေကြားပါလေ။ ““ဟုတ်ပေသည်(ငါသည်) မိမိအား ဖန်ဆင်းမွေးမြူတော်မူသောအသျှင်မြတ်အား တိုင်တည်၍ပြောကြားအံ့၊ ဧကန်မလွဲ ဤကိစ္စသည် အမှန်သာလျှင် ဖြစ်သည်။ ထို့ပြင် အသင်တို့သည် (မိမိတို့၌ ထိုပြစ်ဒဏ် မကျရောက်စေရန်) တားဆီးထားနိုင်ကြမည့်သူများလည်း မဟုတ်ကြပေ။
၀၁၀း ၅၄။ ထို့ပြင် အကယ်၍ (မိမိတို့ကိုယ်ကို မိမိတို့ပင်) နှိပ်စက်ကလူ ပြုကြကုန်သော “မုရ်ှရစ်က်”(ဘုရားအများ ကိုးကွယ်) သူ အသီးသီးတို့တွင် ကမ္ဘာအ၀န်းနှင့်အမျှ အရာအားလုံးပိုင်ခဲ့လျှင် ထိုအရာအားလုံးတို့ကို လျော်ကြေးအဖြစ်ပေး(၍ ပြစ်ဒဏ်မှ လွတ်မြောက်) လိုကြပေအံ့။၎င်းပြင် ထိုသူတို့သည် ပြစ်ဒဏ်ကို (ဦးစွာပထမ) မြင်ကြရသောအခါတွင် (မိမိတို့ စိတ်ထဲမှ လျှို့ဝှက်စွာ) နောင်တရ (၀မ်းနည်း)ကြကုန်အံ့။ ထို့ပြင်(ထိုနေ့တွင်) ၎င်းတို့၏အကြားဝယ် တရားမျှတစွာ စီရင်ဆုံးဖြတ်ပြီး ဖြစ်အံ့။ စင်စစ်သော်ကား ၎င်းတို့သည် မတရားပြုလုပ်ခြင်းကို (အနည်းငယ် စိုးစဉ်းမျှပင်) ခံကြရမည်မဟုတ်ပေ။
၀၁၀း ၅၅။ သတိပြုကြလေကုန်၊ ဧကန်စင်စစ် မိုးကောင်းကင်များ၌ရှိကုန်သော အရာဝတ္ထု အလုံးစုံတို့သည် လည်းကောင်း၊ ပထ၀ီမြေ၌ရှိကုန်သောအရာဝတ္ထု အလုံးစုံတို့သည်လည်းကောင်း၊ အလ္လာဟ်အသျှင်မြတ် ပိုင်ဆိုင်တော်မူသော အရာဝတ္ထုချည်းသာ ဖြစ်ကြပေသည်။ သတိပြုကြလေကုန်၊ ဧကန်မလွဲ အလ္လာဟ်အသျှင်မြတ် ထားရှိတော်မူသော ကတိတော်သည် မှန်ကန်သောကတိတော်ပင်ဖြစ်၏။ သို့ရာတွင်၎င်းတို့အနက် အများစုသည် မသိနားမလည်ကြချေ။
၀၁၀း ၅၆။ ထိုအသျှင်မြတ်သည်သာလျှင် အသက်ရှင်စေတော်မူ၏။ ထိုနည်းတူစွာ ထိုအသျှင်မြတ်သည်ပင် အသက်သေစေတော်မူ၏။ ထိုမှတစ်ပါး ထိုအသျှင်မြတ် ထံတော်သို့ပင် အသင်တို့သည် ပြန်လည်၍ ရောက်ရှိ ကြရပေမည်။
၀၁၀း ၅၇။ အို-လူအပေါင်းတို့ မုချဧကန် အသင်တို့ထံသို့ အသင်တို့အား ဖန်ဆင်းမွေးမြူတော်မူသော အသျှင်မြတ်အထံတော်မှ ဆုံးမသြ၀ါဒတော်သည်လည်းကောင်း၊ ရင်များတွင်ရှိသော (ဝေဒနာများ)ကို ပျောက်ကင်းစေသော ဆေးသည်လည်းကောင်း၊ ““မုအ်မင်န်”” သက်ဝင်ယုံကြည်သူတို့အဖို့ တရားပြလမ်းညွှန်ခြင်းသည် လည်းကောင်း၊ ကရုဏာတော်သည်လည်းကောင်း ရောက်ရှိလာခဲ့လေပြီ။
၀၁၀း ၅၈။ (အို-နဗီတမန်တော်) အသင်သည် (၎င်းတို့ အား ဤသို့)ပြောကြားပါလေ။ (အချင်းတို့) ““အလ္လာဟ် အသျှင်မြတ်၏ ကျေးဇူးတော်ကြောင့်လည်းကောင်း၊ ထိုအသျှင်မြတ်၏ ကရုဏာတော်ကြောင့် လည်းကောင်း၊ ဤသည်တို့ကိုအကြောင်းပြု၍ လူသားတို့သည် ၀မ်းမြောက်သင့်ကြပေသည်။ ထို(ကျေးဇူးတော်ကရုဏာတော်) သည်ကား ၎င်းတို့ စုဆောင်းလျက်ရှိကုန်သော (လောကီ) ဥစ္စာပစ္စည်းများထက် လွန်စွာပိုမို၍ ကောင်းမြတ်ပေသတည်း။
၀၁၀း ၅၉။ (အို-နဗီတမန်တော်) အသင်သည် (၎င်းတို့အားဤသို့)ပြောကြားပါလေ။ (အချင်းတို့ အသို့နည်း) ““အသင်တို့သည် (ငါ့အား ပြောကြားလေကုန်၊) အလ္လာဟ်အသျှင်မြတ်က ပေးသနားတော်မူခဲ့သော စားနပ်ရိက္ခာတို့ကို၊ ထို(သို့ ချပေးသနားတော်မူပြီး) နောက်တွင် အသင်တို့သည် ယင်းစားနပ်ရိက္ခာများအနက်မှ အချို့ကို ““ဟရာမ်”” (စားပိုင်ခွင့်မရှိ)ဟူ၍ လည်းကောင်း၊ (အချို့ကို) ““ဟလာလ်”” (စားပိုင်ခွင့် ရှိသည်) ဟူ၍လည်းကောင်း၊ သတ်မှတ်ခဲ့ကြသည်ကို စေ့စေ့စဉ်းစားဆင်ခြင်ပြီး ဖြစ်ကြလေသလော။ (အို-နဗီတမန်တော်) အသင်သည် (၎င်းတို့အားဤသို့) ပြောဆိုမေးမြန်းပါလေ။ (အချင်းတို့) အသို့ပါနည်း၊ အလ္လာဟ်အသျှင်မြတ်သည် အသင်တို့အား ခွင့်ပြုတော်မူခဲ့ပါသလော၊ သို့တည်းမဟုတ် အသင်တို့သည် အလ္လာဟ်အသျှင်မြတ်အပေါ်၌ လီဆယ်စွပ်စွဲကြလေ သလော။
၀၁၀း ၆၀။ ထို့ပြင် ““ကိယာမတ်”” ရှင်ပြန်ထမည့်နေ့နှင့် စပ်လျဉ်း၍ အလ္လာဟ်အသျှင်မြတ်အပေါ်၌ မုသားကို လီဆယ်စွပ်စွဲကြကုန်သော သူတို့၏ထင်မြင်ယူဆချက်သည် မည်သို့ရှိသနည်း။ ဧကန်စင်စစ် အလ္လာဟ်အသျှင်မြတ်သည် လူတို့အပေါ်၌ အမှန်ပင် ကျေးဇူးတော်ရှင် ဖြစ်တော်မူပေသည်။ သို့ရာတွင် ၎င်းတို့အနက် အများဆုံးသော သူတို့မူကား ကျေးဇူးတော်ကို မသိတတ်ကြချေ။
၀၁၀း ၆၁။ (အို-နဗီတမန်တော်) အသင်သည် မည်သည့် အခြေအနေ၌မဆို ရှိနေသည်ကိုလည်းကောင်း၊ ထို အခြေအနေတွင် အသင်သည် ကုရ်အာန်ကျမ်းတော်မြတ်ကို ရွတ်ဖတ်သရဇ္ဈယ်လျက် ရှိနေသည်ကို လည်းကောင်း၊ အသင်တို့သည် မည်သည့် အလုပ်မျိုးကိုမဆို ပြုလုပ်လျက်ရှိနေကြသည်ကိုလည်းကောင်း၊ အသင်တို့ ထိုကိစ္စကို အာရုံစိုက်၍ စတင်ဆောင်ရွက်ကြသော အချိန်အခါတွင် ငါအသျှင်မြတ်သည် အသင်တို့အပေါ်ဝယ် အသိသက်သေ ဖြစ်တော်မူသည်သာတည်း။ စင်စစ်သော်ကား ပထ၀ီမြေ၌လည်း ကောင်း၊ မိုးကောင်းကင်၌လည်းကောင်း၊ ရှိသည့်အနည်းငယ် စိုးစဉ်းမျှ (သောအရာဝတ္ထု) သည်ပင်လျှင် အသင့်အား ဖန်ဆင်းမွေးမြူတော်မူသော အသျှင်မြတ်၏ အသိမှ ပျောက်ကွယ်နေသည်မဟုတ်ပေ။ ထိုမှတစ်ပါး ယင်းထက်သေးငယ်သော (အရာဝတ္ထုသည်) လည်းကောင်း၊ (ယင်းထက်) ကြီးသော (အရာဝတ္ထုသည်) လည်းကောင်း၊ ထင်ရှားစွာသော (မှတ်တမ်းတော်) စာအုပ်တွင် (ရေးသားပြီး) ရှိနေသည်သာတည်း။
၀၁၀း ၆၂။ (အို-ကြားနာသူ အပေါင်းတို့ အသင်တို့သည်) သတိပြုကြလေကုန်၊ အလ္လာဟ်အသျှင်မြတ်၏ အဆွေတော်တို့အပေါ်၌မူကား တစ်စုံတစ်ရာ ကြောက်ရွံ့ စိုးရိမ်ဖွယ်ရာလည်း ရှိလိမ့်မည်မဟုတ်ပေ၊ ထို့ပြင် ၎င်းတို့သည် ၀မ်းနည်းပူဆွေးကြမည်လည်း မဟုတ်ချေ။
၀၁၀း ၆၃။ ၎င်း(အဆွေတော်) တို့သည် အကြင်သူတို့ပင် ထိုသူတို့သည် “အီမာန်” ယုံကြည်မှုထားရှိကြသည့်ပြင် (ပြစ်မှုဒုစရိုက်များမှလည်း) ရှောင်ကြဉ်လျက် ရှိခဲ့ကြကုန်သတည်း။ 
၀၁၀း ၆၄။ ယင်း(အဆွေတော်)တို့အဖို့ လောကီဘ၀တွင် လည်းကောင်း၊ တမလွန်ဘ၀တွင် လည်းကောင်း၊ ၀မ်းမြောက်ဖွယ်ရာ သတင်းကောင်းသည်ရှိပေသည်။ အလ္လာဟ်အသျှင်မြတ်၏ အာယတ်တော်များ၌ ပြောင်းလဲခြင်း အလျင်းမရှိချေ။ ဤသည်သာလျှင် ကြီးကျယ် မြင့်မြတ်လှစွာသောအောင်မြင်မှုပေတည်း။
၀၁၀း ၆၅။ (အို-နဗီတမန်တော်) အသင့်အား ၎င်းတို့၏ ပြောဆိုမှုသည် ၀မ်းနည်းပူဆွေးခြင်းမဖြစ်စေရ၊ ဧကန်စင်စစ် တန်ခိုးသတ်္တိ (သြဇာအာဏာ)အလုံးစုံတို့သည် အလ္လာဟ်အသျှင်မြတ်၌သာ ရှိကုန်၏။ ထိုအသျှင်မြတ်သည် (ပြောဆိုမှုအလုံးစုံတို့ကို) အကြွင်းမဲ့ ကြားတော်မူသောအသျှင် (အရာခပ်သိမ်းတို့ကို) အကြွင်းမဲ့သိမြင်တော်မူသော အသျှင်မြတ်ပင် ဖြစ်တော်မူပေသည်။
၀၁၀း ၆၆။ (အို-ကြားနာရသူ အပေါင်းတို့) အသင်တို့သည် (ကောင်းစွာ) သတိမူကြလေကုန်၊ ဧကန်အမှန် မိုးကောင်းကင်၌ ရှိသူတို့ကိုလည်းကောင်း၊ ကမ်္ဘာမြေပြင်ဝယ်ရှိသူတို့ကိုလည်းကောင်း၊ အလ္လာဟ်အသျှင်မြတ်သည်သာလျှင် ပိုင်ဆိုင်တော်မူ၏။ စင်စစ်သော်ကား အလ္လာဟ်အသျှင်မြတ် အပြင်အခြားကို နှိုင်းယှဉ်ဘက်များအဖြစ် ဟစ်ခေါ်ကိုးကွယ်ကြကုန်သော သူတို့သည် (မိမိတို့၏) ထင်မြင်ယူဆချက်မှအပ အခြား တစုံတရာကိုလိုက်နာကြသည် မဟုတ်ပေ။ စင်စစ်မူကား ၎င်းတို့သည် ရမ်းဆ(ကျင့်ကြံ) နေကြသည်သာတည်း။
၀၁၀း ၆၇။ ထိုအသျှင်မြတ်သည် အကြင်အသျှင်မြတ်ပင် ဖြစ်တော်မူ၏။ ထိုအသျှင်မြတ်သည် အသင်တို့အဖို့ ညဥ့်ကို အသင်တို့ အိပ်စက်နားနေကြရန်လည်းကောင်း၊ နေ့ကို မြင်နိုင်စွမ်းရှိစေသောအရာအဖြစ်လည်း ကောင်း၊ ပြုလုပ် ဖန်ဆင်းတော်မူခဲ့ပေသည်။ ဤ (မည်သော)အချက်တို့တွင် (အာရုံစိုက်လျှင်) ကြားနာသူတို့အဖို့ သက်သေသာဓကများသည် ရှိချေသတည်း။
၀၁၀း ၆၈။ ထိုသူတို့က “အလ္လာဟ်အသျှင်မြတ်၌” သားရှိသည်ဟု ပြောဆိုကြကုန်၏။ ထိုအသျှင်မြတ်သည် (ဖန်ဆင်းထားခြင်း ခံရသူတို့နှင့်အကြောင်းစပ်ဆိုင်ခြင်း၊ အမျိုးတော်စပ်ခြင်းတို့မှ လုံးဝ) ကင်းရှင်း စင်ကြယ်တော်မူ၏။ ထိုအသျှင်မြတ်သည် လိုလား၊ တောင့်တခြင်း ကင်းမဲ့တော်မူသော အသျှင်မြတ် ဖြစ်တော်မူ၏။ မိုးကောင်းကင်များ၌ ရှိသမျှတို့သည် လည်းကောင်း၊ ပထ၀ီမြေ၌ရှိသမျှ တို့သည လည်းကောင်း၊ ထိုအသျှင်မြတ် ပိုင်ဆိုင်တော်မူသော အရာများသာတည်း။ အသင်တို့၌ ဤ(မဟုတ်မမှန်သော ပြောဆို စွပ်စွဲမှု)နှင့်စပ်လျဉ်း၍ မည်သည့်သက်သေသာဓကမျှပင် မရှိချေ။ အသင်တို့သည် မိမိတို့မသိနားမလည် သောစကားကို အလ္လာဟ်အသျှင်မြတ်အပေါ်၌ လီဆယ်၍ ပြောဆိုကြလေသလော။
၀၁၀း ၆၉။ (အို-နဗီတမန်တော်) အသင်သည် (၎င်းတို့ အား ဤသို့)ပြောကြားပါလေ။ (အချင်းတို့) စင်စစ်ဧကန် အလ္လာဟ်အသျှင်မြတ်အပေါ်၌ မုသားကို လီဆယ်စွပ်စွဲကြကုန်သော သူတို့သည် အလျင်း အောင်မြင်ကြမည် မဟုတ်ပေတကား။
၀၁၀း ၇၀။ (၎င်းတို့အဖို့) လောကီဘ၀တွင် အကျိုးခံစားခြင်း အနည်းငယ်မျှသာ ရှိပေသည်။ ထို့နောက် ၎င်းတို့သည် ငါအသျှင်မြတ်အထံတော်တို့သာလျှင် ပြန်လည်ရောက်ရှိရပေမည်။ ထို့နောက် ငါအသျှင်မြတ်သည် ၎င်းတို့အား ၎င်းတို့ သွေဖည်ငြင်းပယ်လျက်ရှိခဲ့ကြသောကြောင့် ပြင်းထန်စွာသော ပြစ်ဒဏ်(၏ ရသာ)ကို မြည်းစမ်းစေတော်မူမည် ဖြစ်ပေသတည်း။
၀၁၀း ၇၁။ ထို့ပြင် (အို-နဗီတမန်တော်) အသင်သည် ၎င်းတို့၏ရှေ့ဝယ် (နဗီတမန်တော်) “နူးဟ်” ၏ အတ္ထုပ္ပတ်္တိ အကြောင်းကို ဖတ်ကြားပါလေ။ တရံရောအခါဝယ် (နဗီတမန်တော်) “နူးဟ်” သည် မိမိအမျိုးသား တို့အား (ဤသို့)ပြောကြားခဲ့လေသည်။ ““အို-ငါ၏အမျိုးသားတို့၊ အကယ်၍ငါ၏ ရပ်တည်ခြင်းသည် လည်းကောင်း၊ အလ္လာဟ်အသျှင်မြတ်၏ အာယတ်တော်များဖြင့် ငါ၏ဆုံးမသြ၀ါဒပေးခြင်းသည် လည်းကောင်း၊ အသင်တို့အပေါ်၌ ၀န်လေးနေပါလျှင် ငါသည် အလ္လာဟ်အသျှင်မြတ်အပေါ်၌သာ ယုံပုံ လွှဲအပ်ပြီးဖြစ်ပေရာအသင်တို့သည် (ငါ့အားချေမှုန်း ရန်) မိမိတို့၏ အကြံအစည်များကို မိမိတို့၏ တွဲဖက် နှိုင်းယှဉ်ကိုးကွယ်ရာများနှင့် ပူးပေါင်း၍ ပြဋ္ဌာန်းကြလေကုန်။ ထို့နောက် အသင်တို့၏ (ယင်း) အကြံအစည်များသည်လည်း အသင်တို့အပေါ်ဝယ် ဖုံးအုပ်လျက် မရှိပါစေနှင့်၊ ထို့နောက် အသင်တို့သည် ငါနှင့် ပတ်သက်၍ စီမံဆောင်ရွက်ကြလေကုန်။ ၎င်းပြင် အသင်တို့သည် ငါ့အားရွှေ့ဆိုင်းခွင့်ပင် မပေးကြကုန်လင့်။””
၀၁၀း ၇၂။ သို့ရာတွင် အကယ်၍ အသင်တို့သည် မျက်နှာလွှဲ၍ သွားခဲ့ပါမူ ငါသည် အသင်တို့ထံ (မိမိ၏ ဆုံးမသြ၀ါဒပေးခြင်းနှင့် စပ်လျဉ်း၍)တစ်စုံတစ်ရာ အခပေးရန် တောင်းဆိုခဲ့ဖူးသည် မဟုတ်ပေ။ ငါ့အား အစားပေးရန် တာဝန်ကား အလ္လာဟ်အသျှင်မြတ်အပေါ်၌သာ ရှိပေသည်။ ၎င်းပြင်ငါသည် “မုစ်လင်မ်” (အမိန့်တော်ကို လိုက်နာသူ)တို့တွင် တဦး အပါအ၀င် ဖြစ်ရန် အမိန့်ပေးတော်မူခြင်းကို ခံခဲ့ရလေသတည်း၊
၀၁၀း ၇၃။ သို့ပါလျက် ယင်း(နဗီတမန်တော်နူးဟ်၏) အမျိုးတို့သည် ထို(နဗီတမန်တော်)နူးဟ်အား မဟုတ် မမှန်ဟူ၍ ငြင်းပယ်ခဲ့ကြကုန်၏။ ထို့နောက် ငါ အသျှင်မြတ်သည် ထို(နဗီတမန်တော်)နူးဟ်အားလည်း ကောင်း၊ ထို(နဗီတမန်တော်)နူးဟ်နှင့်အတူ သင်္ဘော ပေါ်တွင်(စီးနင်း)လိုက်ပါခဲ့ကြကုန်သောသူတို့အား လည်းကောင်း၊ (ရေဘေးမှ)ကယ်တော်မူခဲ့လေသည်။ ၎င်းပြင် ငါအသျှင်မြတ်သည် ထို(နဗီ တမန် တော်နူးဟ်နှင့်အတူ လိုက်ပါခဲ့သော)သူတို့အား (ကမ္ဘာမြေပြင်ဝယ် ရေဘေးသင့်၍ သေကြေပျက်စီးသွားခဲ့ကြသောသူတို့၏) အရိုက်အရာ ဆက်ခံသူများ ပြုလုပ်တော်မူခဲ့လေသည်။ ထို့ပြင် ငါအသျှင်မြတ်၏ သက်သေလက္ခဏာတော်များကိုမဟုတ်မမှန်ဟူ၍ ငြင်းပယ်ခဲ့ကြသောသူတို့အား ငါအသျှင်မြတ်သည် နစ်မြုပ်စေတော်မူခဲ့လေသည်။ သို့ဖြစ်ပေရာ သတိပေးနှိုးဆော်ခြင်းခံကြရသောသူတို့၏ နောက်ဆုံးအကျိုးဆက် သည် မည်သို့မည်ပုံရှိခဲ့သည်ကို အသင်သည် ဆင်ခြင်သုံးသပ်ပါလေ။
၀၁၀း ၇၄။ ထို့နောက် ငါအသျှင်မြတ်သည် ထို(နဗီတမန် တော်) နူးဟ် မရှိသည့်နောက်တွင် (အခြားသော) ရစူလ်တမန်တော်များကို ထိုရစူလ်တမန်တော်များ၏ အမျိုးသားများထံ စေလွှတ်တော်မူခဲ့လေသည်။ သို့ဖြစ်ပေရာ ထိုရစူလ်တမန်တော်များသည် ၎င်းင်းတို့ထံ ထင်ရှားစွာသောသက်သေသာဓကများကို ယူဆောင် လာခဲ့ကြလေသည်။ သို့ရာတွင် (ယခုသော်) ထို အမျိုးသားများသည် မိမိတို့ရှေးဦးမဆွက မဟုတ်မမှန်ဟူ၍ ငြင်းပယ်ခဲ့ကြသောကြောင့် ယုံကြည်ကြရန် မဖြစ်တော့ပေ။ ငါအသျှင်မြတ်သည် စည်းကမ်းကျူး လွန်သောသူတို့၏ စိတ်နှလုံးပေါ်တွင်ဤအတိုင်းပင် တံဆိပ်ခတ်နှိပ်တော်မူလေ့ရှိပေသတည်း။
၀၁၀း ၇၅။ ထို့နောက် ငါအသျှင်မြတ်သည် ထိုရစူလ် တမန်တော်များ မရှိသည့်နောက်တွင် (နဗီတမန်တော်) မူစာ အားလည်းကောင်း၊ (နဗီတမန်တော်)ဟာရွန် အားလည်းကောင်း၊ ငါအသျှင်မြတ်၏ သက်သေ လက္ခဏာတော်များနှင့်တကွ ဖစ်ရ်အောင်န်နှင့် ၎င်း၏အကြီးအကဲများထံသို့ စေလွှတ်တော်မူခဲ့လေသည်။ သို့သော် ၎င်းတို့သည် မောက်မာပလွှားခဲ့ကြလေသည်။ စင်စစ်သော်ကား ၎င်းတို့သည် ပြစ်မှုကျူးလွန် လေ့ ရှိသော အမျိုးသားများ ဖြစ်ခဲ့ကြကုန်သတည်း။
၀၁၀း ။၇၆ သို့ဖြစ်ပေရာ ၎င်းတို့ထံ ငါအသျှင်မြတ် အထံတော်မှ အမှန်တရား (တန်ခိုးပြာဋိဟာ)သည် ရောက်လာသောအခါ ၎င်းတို့က ““ဤသည်ဧကန်မလွဲ စုန်းပယောဂ အတတ်ပင်ဖြစ်သည်”” ဟူ၍ ပြောဆိုခဲ့ ကြလေသတည်း။
၀၁၀း ၇၇။ (ထိုအခါ နဗီတမန်တော်)မူစာက (ဤသို့) ပြောဆိုဖြေကြားခဲ့လေသည်။ (အချင်းတို့) ““အသင်တို့ သည် အမှန်တရားနှင့်စပ်လျဉ်း၍ထိုအမှန်တရားသည် အသင်တို့ထံ ရောက်လာခဲ့ပြီးမှ (“ဤသည် စုန်းပယောဂ ဖြစ်သည်” ဟု) ပြောဆိုကြလေသလော၊ ဤသည်စုန်းပယောဂအတတ် ဖြစ်ပါသလော၊ အမှန်စင်စစ် သော်ကား စုန်းကဝေတို့သည် (မည်သည့်အခါမျှ) အောင်မြင်ကြသည် မရှိချေတကား။””
၀၁၀း ၇၈။ ၎င်းတို့က (နဗီတမန်တော်မူစာအား ဤသို့) ပြောဆိုကြပြန်လေသည်။ (အို-မူစာ) ““အသင်သည် ကျွန်ုပ်တို့၏ အဘ၊ ဘိုး၊ ဘေးများ၏မ်းစဉ်မှ ကျွန်ုပ်တို့အား လွှဲဖယ်ရန်လည်းကောင်း၊ တိုင်းပြည်တွင် ခေါင်းဆောင်မှုသည် အသင်တို့နှစ်ဦး၌သာ ရှိအံ့သော ငှာလည်းကောင်း၊အသင် ကျွန်ုပ်တို့ထံ ရောက်ရှိခဲ့ လေသလော။ စင်စစ်သော်ကား ကျွန်ုပ်တို့သည် အသင်တို့နှစ်ဦးအား (မည်သည့်အခါ၌မျှ) ယုံစားကြမည့်သူများ မဟုတ်ချေ””
၀၁၀း ၇၉။ ထို့နောက် ဖစ်ရ်အောင်န်က (မိမိမှူးကြီး မတ်ရာတို့အား) ““အသင်တို့သည် တတ်မြောက်ကျွမ်း ကျင်သော စုန်းကဝေခပ်သိမ်းတို့ကိုငါတို့ထံ ခေါ်သွင်း ခဲ့ကြလေကုန်”” ဟု အမိန့်ထုတ်ပြန်ခဲ့လေသတည်း။
၀၁၀း ၈၀။ တစ်ဖန် စုန်းကဝေတို့ လာရောက်ကြသောအခါ (နဗီတမန်တော်) မူစာက ၎င်းင်းတို့အား ““အသင်တို့သည် မိမိတို့ ပစ်ချကြမည့်အရာများကိုပစ်ချကြလေကုန်”” ဟု ပြောဆိုခဲ့လေသည်။
၀၁၀း ၈၁။ ထို့နောက် ၎င်းတို့သည် (မိမိတို့ ပစ်ချလို သောကြိုးများကို မြေ၀ယ်)ပစ်ချခဲ့ကြသောအခါ (နဗီတမန်တော်)မူစာက (၎င်းတို့အားဤသို့)ပြောဆို ခဲ့ကြလေသည်။ ““အသင်တို့ ယူဆောင်ခဲ့ကြသောအရာ များကား စုန်းပယောဂအတတ်ပင် ဖြစ်ပေသည်။ ဧကန်မလွဲ အလ္လာဟ်အသျှင်မြတ်သည် ယခု မကြာမီပင် ဤစုန်းပယောဂများကို အချည်းနှီး ဖြစ်စေတော်မူမည်။ စင်စစ်ဧကန်အလ္လာဟ်အသျှင် မြတ်သည် (တန်ခိုးပြာဋိဟာနှင့် ပြိုင်ဆိုင်၍) ပျက်စီးရာပျက်စီးကြောင်း ပြုလုပ်သောသူတို့၏ လုပ်ငန်းကို အဆင်ပြေအောင်ပြုလုပ်ပေးသနားတော် မူသည် မဟုတ်ပေ။””
၀၁၀း ၈၂။ စင်စစ်သော်ကား ပြစ်မှုကျူးလွန်သူများသည် (မည်မျှပင်)မကျေနပ်မနှစ်သက်ကြလင့်ကစား အလ္လာဟ် အသျှင်မြတ်သည် အမှန်ကိုမိမိပြဋ္ဌာန်းချက်များနှင့် အညီ အမှန်ပင် ဖြစ်စေတော်မူပေသည်တကား။ 
၀၁၀း ၈၃။ ထို့နောက် နဗီတမန်တော်မူစာအား ထို (နဗီတမန်တော်မူစာ)၏ အမျိုးသားတို့ အနက်မှ ဖစ်ရ်အောင်န်နှင့် မိမိတို့၏အနက်မှ အကြီးအကဲတို့ သည် မိမိတို့အား အန္တရာယ်ပြုကြမည်ဟု စိုးရိမ်ကြီးစွာ ရှိနေကြသဖြင့် လူတစ်စုသာလျှင် ယုံစား (ယုံကြည် ထောက်ခံ) ခဲ့ကြလေသည်။ စင်စစ်မှာမူကား ဖစ်ရ်အောင်န်သည် (ထိုစဉ်အခါက) တိုင်းပြည်တွင် လွှမ်းမိုးကြီးစိုးနေသူ ဖြစ်ခဲ့သည့်ပြင်၊ ဧကန်စင်စစ် ၎င်းသည် ကျူးကျော်လွန်ကဲသူတစ်ဦးလည်း ဖြစ်ခဲ့ ပေသတည်း။
၀၁၀း ၈၄။ ထို့ပြင် (နဗီတမန်တော်)မူစာသည် (မိမိ အမျိုးသားတို့အား ဤသို့)ပြောကြားခဲ့လေသည်။ ““အို-ငါ၏အမျိုးသားတို့ အကယ်၍အသင်တို့သည် အလ္လာဟ်အသျှင်မြတ်အား သက်ဝင်ယုံကြည်ကြပြီး အမှန်ပင် ““မုစ်လင်မ်”” အမိန့်တော်ကို နာခံသူများ ဖြစ်ကြပါလျှင်အသင်တို့သည် (မိမိတို့၏အရေးကိစ္စ အ၀၀တွင်) ထိုအသျှင်မြတ်အပေါ်၌သာလျှင် ယုံကြည် အားထားကြလေကုန်””။
၀၁၀း ၈၅။ ထိုအခါ နဗီတမန်တော်မူစာ၏ အမျိုးသားတို့က ““အို-နဗီတမန်တော်(မူစာ၊) ကျွန်တော်မျိုး တို့သည် အလ္လာဟ်အသျှင်မြတ်အပေါ်၌သာလျှင်ယုံကြည်အားထားကြပါပြီ”” ဟုပြောဆိုပြန်ကြားခဲ့ပြီး (အလ္လာဟ်အသျှင်မြတ်အထံတော်၌) ““အို-ကျွန်တော်မျိုးတို့အား ဖန်ဆင်းမွေမြူးတော်မူသောအသျှင်မြတ်၊ အသျှင်မြတ်သည် ကျွန်တော်မျိုးတို့အား နှိပ်စက်ကလူ ပြုမူကြကုန်သောသူတို့၏ အနှိပ်စက် ခံကြရသူများအဖြစ် ပြုတော်မမူပါနှင့်””။ (ဟူ၍လည်းကောင်း၊)
၀၁၀း ၈၆။ ထိုမှတစ်ပါး အသျှင်မြတ်သည် မိမိ၏ ကရုဏာတော်နှင့် ကျွန်တော်မျိုးတို့အား ကာဖိရ် မယုံမကြည် သွေဖည်ငြင်းပယ်သော သူတို့(၏အန္တရာယ်များ)မှ ကယ်တင်တော်မူပါ”” (ဟူ၍ လည်းကောင်း၊) ပန်ကြားခဲ့ကြလေသတည်း။
၀၁၀း ၈၇။ ၎င်းပြင် ငါအသျှင်မြတ်သည် (နဗီတမန်တော်) မူစာ၏ထံသို့လည်းကောင်း၊ ထို(နဗီတမန်တော်) မူစာ၏နောင်တော် (နဗီတမန်တော်)ဟာရွန်ထံသို့ လည်းကောင်း၊ (ဤကဲ့သို့) အမိန့်တော်ချမှတ်တော် မူခဲ့လေသည်။ ““အသင်တို့နှစ်ဦးသည် မိမိတို့၏ အမျိုးသားများ(ဖြစ်ကုန်သောအစ္စရာအီလီမျိုးနွယ် တို့)အဖို့ အီဂျစ်ပြည်တွင်ပင် နေအိမ်များကို သတ်မှတ် ကြလေကုန်။ ၎င်းပြင် အသင်တို့သည် မိမိတို့၏ နေအိမ်များကို“ဆွလာတ်” ၀တ်ပြုရာဌာနများ (“မတ်စ်ဂျစ်ဒ်” ဗလီဝတ်ကျောင်းတော်များ) ပြုလုပ်ကြ လေကုန်။ ထို့ပြင် အသင်တို့သည် “ဆွလာတ်ဝတ်ပြုမှုကို ဆောက်တည်ကြလေကုန်။ ထိုမှတစ်ပါး (အို-နဗီတမန်တော်)မူစာ အသင်သည် မုအ်မင်န် သက်ဝင် ယုံကြည်သောသူတို့အား (၎င်းတို့ခံစားရလျက် ရှိနေသော ဘေးအန္တရာယ်များမှ မကြာမီအတွင်း လွတ်မြောက်ကြတော့မည်ဖြစ်ကြောင်း) ၀မ်းမြောက် ဖွယ် သတင်းကောင်းပြောကြားပါလေ။
၀၁၀း ၈၈။ ထို့ပြင် (နဗီတမန်တော်)မူစာသည် (ဤသို့) လျှောက်ထားပန်ကြားခဲ့လေသည်။ အို-ကျွန်တော်မျိုး တို့၏အသျှင် ဧကန်စင်စစ်အသျှင်မြတ်သည် ဖစ်ရ်အောင်န်နှင့် ၎င်း၏မှူးမတ်တို့ကို ဤပစ္စက္ခ လောကီဘ၀တွင် (တစ်ခဏမျှ ခံစားအပ်သော) ခမ်းနားသိုက်မြိုက်မှုကိုလည်းကောင်းပစ္စည်းဥစ္စာများကို လည်းကောင်း၊ ပေးသနားတော်မူခဲ့ပါသည်။ အို-ကျွန်တော်မျိုးတို့၏အသျှင်၊ ထို(ကဲ့သို့ပေးသနားတော် မူခြင်း)ကြောင့် ၎င်းတို့သည် (သူတစ်ပါးအား) အသျှင်မြတ်၏လမ်းတော်မှ ချွတ်ချော်တိမ်းပါး စေကြကုန်၏။ အို-ကျွန်တော်မျိုးတို့၏အသျှင်၊ အသျှင်မြတ် သည် ၎င်းတို့၏ပစ္စည်းဥစ္စာများကို ဖျက်ဆီးတော်မူပါ၊ ထို့ပြင် အသျှင်မြတ်သည် ၎င်းတို့၏စိတ်နှလုံးများ ကိုလည်း မာကျောစေတော်မူပါ၊ သို့ဖြစ်လျှင် ၎င်းတို့ သည် နာကျင်ဖွယ်ဖြစ်သော ပြစ်ဒဏ်ကို မမြင်သမျှ ကာလပတ်လုံးသက်ဝင်ယုံကြည်ကြမည် မဟုတ်ပါ။ (တနည်း) သို့ဖြစ်ပေရာ ၎င်းတို့သည် နာကျင်ဖွယ် ဖြစ်သောပြစ်ဒဏ်ကို မမြင်ကြသမျှ ကာလပတ်လုံး သက်ဝင်ယုံကြည် ကြခြင်း မရှိနိုင်ကြရန် အသျှင်မြတ် သည် ၎င်းတို့၏စိတ်နှလုံးများကို ခက်ထန်မာကျော စေတော်မူပါ။
၀၁၀း ၈၉။ (ထိုအခါ) ထိုအသျှင်မြတ်သည် (ဤသို့) မိန့်ကြားတော်မူခဲ့လေသည်။ (အို-နဗီတမန်တော်မူစာ နှင့် နဗီတမန်တော်ဟာရွန်)““အသင်တို့နှစ်ဦး၏ ဆုတောင်းပန်ကြားချက်သည် သဘောတူခြင်းကို ခံခဲ့ရလေပြီ၊ သို့ဖြစ်ပေရာ အသင်တို့နှစ်ဦးသည် တည်ကြည်ကြံ့ခိုင်စွာရှိကြလေကုန်၊ ထို့ပြင် အသင်တို့ နှစ်ဦးသည် မသိနားမလည်သော သူတို့၏လမ်းကို မလိုက်ကြကုန်လင့်။
၀၁၀း ၉၀။ ထို့ပြင် ငါအသျှင်မြတ်သည် အစ္စရာအီလီ မျိုးနွယ်ဝင်တို့အား (ပင်လယ်နီ) တစ်ဖက်ကမ်းမှ တစ်ဖက်ကမ်းသို့ ရောက်စေတော်မူခဲ့လေသည်။ ထို့နောက် ယင်အစ္စရာအီလီ မျိုးနွယ်ဝင်တို့၏နောက်သို့ “ဖစ်ရ်အောင်န်” နှင့် ထိုဖစ်ရ်အောင်န် ဗိုလ်ခြေဗိုလ်ပါ တို့သည်မတရားပြုမူရန်လည်းကောင်း၊ နိုင်ထက်စီးနင်း ပြုလုပ်ရန်လည်းကောင်း၊ လိုက်ခဲ့ကြကုန်၏။ နောက်ဆုံးတွင် ထိုဖစ်ရ်အောင်သည် နစ်မြုပ် အံ့ဆဲဆဲ ဖြစ်ခဲ့သောအခါတွင် ““ကျွန်တော်မျိုးသည် လည်း အစ္စရာအီလီမျိုးနွယ်ဝင်တို့သက်ဝင် ယုံကြည် ကြကုန်သော အသျှင်မြတ်မှတစ်ပါး ခ၀ပ်ကိုးကွယ်ရာ အသျှင်မြတ်ဟူ၍ အလျင်းမရှိကြောင်း သက်ဝင် ယုံကြည်ပါပြီ။ ထို့ပြင် ကျွန်တော်မျိုးသည် “မုစ်လင်မ်” အမိန့်တော်ကို လိုက်နာသောသူတို့တွင် တစ်ဦးအပါ အ၀င် ဖြစ်ပါပြီ”” ဟု ပြောဆိုခဲ့လေသတည်း။
၀၁၀း ၉၁။ (ထိုအခါ အလ္လာဟ်အသျှင်မြတ်သည် ဤသို့ မိန့်ကြားတော်မူခဲ့၏။) ယခုမှပင် (အီမာန်သက်ဝင်) ယုံကြည်လေသလော၊ အမှန်စင်စစ်သော်ကား အသင် သည် ယခု (မနစ်မြုပ်မီ)အလျင်အထိ မထီမဲ့မြင် ပြုခဲ့ ရုံမျှမက အသင်သည် ပျက်စီးရာပျက်စီးကြောင်း ပြုလုပ်သူတို့တွင်လည်း တစ်ဦးအပါအ၀င် ဖြစ်ခဲ့ချေ သတည်း။
၀၁၀း ၉၂။ သို့ဖြစ်ပေရာ ငါအသျှင်မြတ်သည် အသင့်အား အသင်၏ခန္ဓာကိုယ် ရုပ်ကလာပ်နှင့်တကွ အသင်သည် မိမိနောင်လာနောက်သားတို့အဖို့အထိမ်းအမှတ်၊ လက္ခဏာ၊ သံဝေဂရဖွယ်တစ်ရပ် ဖြစ်အံ့သော ငှာ ဆယ်တင်ထားတော်မူမည်။ သို့ရာတွင် များစွာသော သူတို့သည် ငါအသျှင် မြတ်၏ သက်သေ၊ လက္ခဏာ တော်များကို လျစ်လျူရှု မေ့ပျောက်၍သွားသော သူများသာ ဖြစ်ကြပေသတည်း။
၀၁၀း ၉၃။ ထိုမှတစ်ပါး မုချဧကန် ငါအသျှင်မြတ်သည် ပင် အစ္စရာအီလီမျိုးနွယ်ဝင်တို့အား အလွန် ကောင်းမွန် သင့်မြတ်သောနေရာတွင် နေရာချထားပေးတော်မူခဲ့ လေသည်။ ထို့ပြင် ငါအသျှင်မြတ်သည်ပင် ၎င်းးတို့ အား ကောင်းမွန်သန့်စင်သော စားနပ်ရိက္ခာများကို ချီးမြှင့် ပေးသနားတော်မူခဲ့လေသည်။ တစ်ဖန် ၎င်းတို့ သည် မိမိတို့ထံ အသိပညာရောက်ရှိလာပြီးမှသာလျှင် ကွဲလွဲခဲ့ကြပေသည်။ဧကန်မလွဲ အသင်၏ အသျှင်မြတ်သည် ၎င်းတို့၏စပ်ကြားတွင် “ကိယာမတ်” ရှင်ပြန်ထမည့် နေ့တွင် ၎င်းတို့ကွဲလွဲလျက် ရှိကြကုန်သောအရေးကိစ္စများနှင့် စပ်လျဉ်း၍ စီရင်ဆုံးဖြတ်တော်မူပေမည်။
၀၁၀း ၉၄။ တဖန် အကယ်၍ အသင်တို့သည် မိမိထံ ငါအသျှင်မြတ် ချပေးသနားတော်မူသော အကြောင်း အချက်များ နှင့် စပ်လျဉ်း၍ဒွိဟသံသယ ဖြစ်ခဲ့ ပါမူ အသင်သည် မိမိအလျင် ကျမ်းဂန်များကို ဖတ်လျက်ရှိသောသူတို့အား စုံစမ်းမေးမြန်းပါလေ။ စင်စစ်ဧကန်အသင့်ထံ အသင်၏အသျှင်မြတ်အထံ တော်မှ အမှန်တရားသည် ရောက်ရှိလာခဲ့လေပြီ။ သို့ဖြစ် ပေရာ အသင်သည် ဒွိဟသံသယရှိသူတို့အနက်မှ အလျင်းမဖြစ်ပါလေနှင့်။
၀၁၀း ၉၅။ ထိုမှတစ်ပါး အသင်သည် အလ္လာဟ်အသျှင် မြတ်၏သက်သေလက္ခဏာများကို မဟုတ်မမှန်ဟူ၍ ငြင်းပယ်သောသူတို့၏အနက်မှလည်းအလျင်း မဖြစ်ပါ လေနှင့်၊ သို့ဖြစ်ခဲ့ပါလျှင် အသင်သည်လည်း ဆုံးရှုံး သူတို့တွင် အပါအ၀င် ဖြစ်သွားပေမည်။
၀၁၀း ၉၆။ အမှန်စင်စစ် အကြင်သူတို့ကား ၎င်းတို့အပေါ်၌ အသင့်အား ဖန်ဆင်းမွေးမြူတော်မူသောအသျှင်မြတ်၏ အမိန့်တော်သည်အတည်ဖြစ်ခဲ့လေပြီ၊ ထိုသူတို့သည် ကား သက်ဝင်ယုံကြည်ကြမည် မဟုတ်ပေ။
၀၁၀း ၉၇။ အကယ်၍ ၎င်းတို့ထံ သက်သေလက္ခဏာ အလုံးစုံ ရောက်လာခဲ့ငြားသော်လည်း ၎င်းတို့သည် ပြင်းပြနာကျယ်ဖွယ်ဖြစ်သောပြစ်ဒဏ်ကို(မျက်ဝါး ထင်ထင်) မတွေ့မမြင်ကြရသည့် ကာလပတ်လုံး (သက်ဝင်ယုံကြည်ကြမည်မဟုတ်ပေတကား။)
၀၁၀း ၉၈။ တဖန် အကြင်ကဲ့သို့သော ရွာတစ်ရွာမျှပင် အဘယ့်ကြောင့် မရှိခဲ့ပါသနည်း။ ထိုရွာ(သူ ရွာသား တို့)သည် အချိန်မီ အီမာန်သက်ဝင်ယုံကြည်ခဲ့ကြသ ဖြင့် ၎င်းတို့၏ အီမာန် သက်ဝင်ယုံကြည်မှုသည် ၎င်းတို့အား အကျိုးကျေးဇူးဖြစ်ထွန်းစေခဲ့လေသည်။ သို့ဖြင့် (နဗီတမန်တော်ယူနွတ်စ်၏) အမျိုး သားတို့ကား (အချိန်မီ အီမာန်သက်ဝင်ယုံကြည်ခဲ့ကြ သည့်အတွက်) အီမာန်အကျိုးခံစားခဲ့ကြရလေသည်။ ထို(နဗီတမန်တော် ယူနွတ်စ်၏) အမျိုးသားတို့သည် အီမာန် သက်ဝင်ယုံကြည်ခဲ့ကြသောအခါ ငါအသျှင်မြတ်သည်ကျိုးယုတ်ရှက်ရဖြစ်စေမည့် ပြစ်ဒဏ်ကို ပစ်္စက်္ခ လောကီဘ၀တွင် ၎င်းတို့မှ ကင်းဝေးစေတော် မူခဲ့လေသည်။ ထိုမှတစ်ပါး ငါအသျှင်မြတ်သည်၎င်းတို့အား (သတ်မှတ်ပြဋ္ဌာန်းအပ်သော) အချိန် ကာလတိုင်အောင် ကောင်းစားတော်မူခဲ့လေသတည်း။
၀၁၀း ၉၉။ စင်စစ်သော်ကား အကယ်၍ အသင့်အား ဖန်ဆင်းမွေးမြူတော်မူသော အသျှင်မြတ်သည် အလိုရှိ တော်မူခဲ့ပါလျှင် ကမ္ဘာမြေ၀ယ်ရှိရှိသမျှသော သူခပ်သိမ်းတို့သည် တစ်ပြိုင်နက် “အီမာန်” သက်ဝင် ယုံကြမည်သာ ဖြစ်ကြကုန်၏။ သို့ဖြစ်ပေရာ အသင် သည် လူတို့အားမုအ်မင်န်သက်ဝင်ယုံကြည်သူများ ဖြစ်လာကြရန် အတင်းအကျပ် ပြုလုပ်နိုင်ပါသလော။
၀၁၀း ၁၀၀။ အမှန်စင်စစ်သော်ကား အလ္လာဟ်အသျှင်မြတ် ၏ အလိုတော်မရှိလျှင် မည်သူတစ်ဦးတစ် ယောက်မျှပင် အီမာန်သက်ဝင်ယုံကြည်နိုင်သည်မရှိချေ။ စင်စစ် မှာမူကား ထိုအသျှင်မြတ်သည် အသိဉာဏ်ကို အသုံး မပြုသော သူတို့အပေါ်၌သာလျှင် မစင်ကြယ်မှုကို သက်ရောက်စေတော်မူချေသတည်း။
၀၁၀း ၁၀၁။ (အို-နဗီတမန်တော်) အသင်သည် (၎င်းတို့ အား ဤသို့)ပြောကြားပါလေ။ (အချင်းတို့) အသင်တို့ သည် မိုးကောင်းကင်များ၌လည်းကောင်း၊ ပထ၀ီမြေ၌ လည်းကောင်း၊ အဘယ်ကဲ့သို့ သော အရာများ ရှိကြသည် ကို ကြည့်ရှု (ဆင်ခြင်)ကြလေကုန်။ စင်စစ်မူကား မယုံကြည်လိုသောသူတို့အား သက်သေလက္ခဏာများသည်လည်းကောင်း၊ သတိပေး နှိုးဆော်ချက်များ သည်လည်းကောင်း၊ အကျိုးပေးသည် မဟုတ်ချေ။ 
၀၁၀း ၁၀၂။ သို့ပါလျက် ၎င်းတို့သည် မိမိတို့အလျင် လွန်လေပြီးခဲ့ကြသောသူတို့၏ ဘေးအန္တရာယ်များ ကဲ့သို့သော ဘေးအန္တရာယ်ကိုသာ မျှော်လင့်လျက် ရှိကြလေသလော။ (အို-နဗီတမန်တော်) အသင်သည် (၎င်းတို့အား အချင်းတို့) ““ဤသို့ဖြစ်လျှင် အသင်တို့သည် မျှော်လင့်ကြလေကုန်၊ ငါသည်လည်း အသင်တို့ နှင့်အတူ မျှော်လင့်သူတို့အနက် တစ်ဦးအပါအ၀င် ဖြစ်သည်”” ဟု ပြောကြားပါလေ။
၀၁၀း ၁၀၃။ ထိုနောက် ငါအသျှင်မြတ်သည် မိမိရစူလ် တမန်တော်များအားလည်းကောင်း၊ “အီမာန်” သက်ဝင် ယုံကြည်ခဲ့ကြကုန်သောသူတို့အားလည်းကောင်း၊ ကယ်ဆယ်တော်မူလေ့ရှိခဲ့သည်။ ဤနည်းအတိုင်းပင် ငါအသျှင်မြတ်အပေါ်၌ (ကယ်ဆယ်ရန်) တာဝန်တော် ရှိ၏။ ငါအသျှင်မြတ်သည် “မုအ်မင်န်” သက်ဝင် ယုံကြည်သူတို့အား ကယ်ဆယ်တော်မူပေမည်။
၀၁၀း ၁၀၄။ (အို-နဗီတမန်တော်) အသင်သည် (ဤသို့) ပြောကြားပါလေ။ ““အို-လူအပေါင်းတို့ အကယ်၍ အသင်တို့သည် ငါ၏ “ဒီန်”သာသနာတော်နှင့် စပ်လျဉ်း၍ ဒွိဟသံသယ၌ (နစ်မွန်းလျက်) ရှိကြပါမူ ငါသည် အသင်တို့ အလ္လာဟ်အသျှင်မြတ်အား စွန့်လွှတ်၍ကိုးကွယ်ဆည်းကပ်လျှက် ရှိကြသည်တို့ ကို ကိုးကွယ်ဆည်းကပ်သည် မဟုတ်ပေ။ စင်စစ်မှာမူကား ငါသည် အသင်တို့၏ အသက်ဇီဝိန်ကို နှုတ်သိမ်းတော်မူသော အလ်္လာဟ် အသျှင်မြတ်ကိုသာကိုးကွယ်ဆည်းကပ်ပေသည်။ ထိုမှတစ်ပါး ငါသည် မုအ်မင်န်သက်ဝင် ယုံကြည် သူတို့တွင် တစ်ဦးအပါအ၀င်ဖြစ်ရန် (အလ္လာဟ်အသျှင်မြတ်အထံတော်မှ) အမိန့်ပေးခြင်းခံခဲ့ရလေ သတည်း။
၀၁၀း ၁၀၅။ ထို့ပြင် အသင်သည် မိမိမျက်နှာကို “ဒီန်” သာသနာတော်ဘက်သို့ သဒ်္ဒါကြည်ဖြူစွာ လှည့်ထား ပါလေ။ ထိုမှတစ်ပါး အသင်သည်“မုရ်ှရစ်က်” တို့တွင် အပါအ၀င် မဖြစ်ပါလေနှင့် (ဟူ၍လည်း အမိန့်တော် ရရှိ၏။)
၀၁၀း ၁၀၆။ ၎င်းပြင် အသင်သည် အလ္လာဟ်အသျှင်မြတ် အပြင် မိမိအား အကျိုးလည်း မဖြစ်ထွန်းစေနိုင်သော အကျိုးယုတ်စေခြင်းကိုလည်းမပြုနိုင်စွမ်းနိုင်သော အရာများကို ဟစ်ခေါ်ခြင်း မပြုပါလေနှင့်၊ တစ်ဖန် အကယ်၍ အသင်သည် ပြုမိခဲ့ပါသော် ဧကန်စင်စစ် အသင်သည်ထိုသို့ပြုမိသောကြောင့် (မိမိတို့ကိုယ်ကို မိမိတို့ပင်) နှိပ်စက် ညှဉ်းပန်းသူတို့တွင် အပါအ၀င် ဖြစ်သွားပေမည်(ဟူ၍လည်း အမိန့်တော်ရရှိ၏။)
၀၁၀း ၁၀၇။ စင်စစ်သော်ကား အကယ်၍သာ အလ္လာဟ် အသျှင်မြတ်သည် အသင့်၌ အန္တရာယ် တစ်စုံတစ်ရာ ကို သက်ရောက်စေတော်မူပါလျှင်၊ထိုအသျှင်မြတ်မှ တစ်ပါး ထိုအန္တရာယ်ကို ကင်းဝေးစေအံ့သောသူဟူ၍ တစ်ဦးတစ်ယောက်မျှ ရှိမည်မဟုတ်ပေ။ ထိုနည်းတူစွာ အကယ်၍ထိုအသျှင်မြတ်သည် အသင့်၌ တစ်စုံ တစ်ရာသော အကျိုးကျေးဇူးတော်ကို (ဖြစ်ထွန်းစေ ရန်) ရည်စူးတော်မူပါလျှင် ထိုအသျှင်မြတ်၏ ကျေးဇူးတော်ကို တွန်းလှန်ပယ်ရှားနိုင်သူလည်း တစ်ဦး တစ်ယောက်မျှပင်မရှိချေ။ ထိုအသျှင်မြတ်သည် မိမိကျွန်များအနက်မှ မိမိအလိုရှိတော်မူသောသူ၌ ထိုကျေးဇူးတော်ကို သက်ရောက်စေတော်မူသည်။ စင်စစ်တစ်မူကား ထို အသျှင်မြတ်သည် အလွန်တရာ လွတ်ငြိမ်းချမ်းသာခွင့် ပေးသနားတော်မူသောအသျှင်၊ အလွန်တရာ သနားကြင်နာတော်မူသောအသျှင်ဖြစ်တော်မူပေသတည်း။
၀၁၀း ၁၀၈။ (အို-နဗီတမန်တော်) အသင်သည် (ဤသို့ တစ်ဖန်) ပြောကြားပါလေ။ အို-လူအပေါင်းတို့၊ အမှန်စင်စစ် အသင်တို့ထံ အသင်တို့၏အသျှင်မြတ် အထံတော်မှ အမှန်တရားသည် ရောက်ရှိ၍ လာ ခဲ့လေပြီ။ သို့ဖြစ်ပေရာ မည်သူမဆို တရားလမ်းမှန် ကို ရရှိခဲ့ပါလျှင်ထိုသူသည် မိမိအကျိုးငှာ တရား လမ်းမှန်ကိုရရှိခဲ့သည်ပင်။ ထိုနည်းတူစွာ မည်သူမဆို လမ်းမှားခဲ့ပါမူ ထိုသူသည် မိမိကိုယ်နှင့် ဆန့်ကျင်၍သာ လမ်းမှားခဲ့သည်ပင်။ စင်စစ် ငါသည် အသင်တို့ အပေါ်၌ တာဝန်ခံ မဟုတ်ချေတကား။
၀၁၀း ၁၀၉။ ထို့ပြင် (အို-နဗီတမန်တော်) အသင်သည် မိမိထံ ထုတ်ပြန်တော်မူခြင်းခံရသော “၀ဟီ” အမိန့် တော်ကိုသာ လိုက်နာပါလေ၊ ၎င်းပြင်အသင်သည် အလ္လာဟ်အသျှင်မြတ် စီရင်ဆုံးဖြတ်တော်မူသည်အထိ သည်းခံ၍နေပါလေ။ စင်စစ်သော်ကား ထိုအသျှင်မြတ် သည် အကောင်းဆုံးစီရင်ဆုံးဖြတ်တော်မူသော အသျှင်မြတ်ပင် ဖြစ်တော်မူပေသတည်း။ 
No comments:
Post a Comment