၀၇၂။ စူရာ ဂျင်န်း ဂျင်န် ကဏ္ဍ
(မက္ကာမြို့တော်ကျ- ၂၈ အာယသ်တော်)
မပြတ်မစဲ သနားကြင်နာ ညှာတာတော်မူသော မဟာကရုဏာတော်ရှင် ဖြစ်တော်မူသော အလ္လာဟ်အရှင်မြတ်၏ နာမံတော်ဖြင့် အစပြုပါ၏။
၀၇၂း ၁။ (အိုနဗီတမန်တော်) အသင်ပြောပါလေ။ မိမိထံ ၀ဟီအမိန့်ထုတ်ပြန်ခံရသည်။ စင်စစ် ဂျင်န်တစ်စုသည် (ကျမ်းမြတ်ကုရ်အာန်) ကြားခဲ့သည်။ ထို့နောက် ၄င်းတို့သည် (မိမိတို့ အမျိုးသားများထံသွား၍) ပြောသည်မှာ၊ မိမိတို့သည် အံ့ဖွယ်ရာ ကုရ်အာန်ကျမ်းမြတ်ကို ကြားနာခဲ့ရ၏။
၀၇၂း ၂။ ယင်းကျမ်းမြတ်သည် ဖြောင့်မတ်သောလမ်းကို ပြသရာ မိမိတို့သည် ထိုကျမ်းကို သက်ဝင်ယုံကြည်ခဲ့၏။ ၄င်းအပြင် မိမိတို့သည် မည်သူကိုမျှ မိမိတို့၏ဖန်ဆင်းရှင်အဖြစ် နှိုင်းယှဉ်ကြမည် မဟုတ်ပါ။
၀၇၂း ၃။ ဧကန်မလွဲ မိမိတို့ဖန်ဆင်းရှင်၏ ဂုဏ်သည်မြင့်မြတ်၏။ ထိုအရှင်သည် မည်သူတစ်ဦးကိုမျှ ကြင်ဖက် အဖြစ်၎င်း၊ သားသမီးအဖြစ်၎င်း ပြုလုပ်ခြင်းမရှိပါ။
၀၇၂း ၄။ ထို့အပြင် မိမိတို့အနက် ဥါဏ်မဲ့သူတို့သာ အလ္လာဟ်အရှင်မြတ်နှင့်ပတ်သက်၍ လုံးဝမမှန်သောစကားကို ပြောဆိုကြ၏။
၀၇၂း၅။ ထို့အပြင် မိမိတို့ထင်မြင်သည်မှာ ဂျင်တို့သည်၎င်း၊ လူတို့သည်၎င်း အလ္လာဟ်အရှင်မြတ်နှင့် ပတ်သက်၍ မုသားစကား ပြောဆိုမည်မဟုတ်ဟု ထင်မှတ်နေကြကုန်၏။
၀၇၂း ၆။ ထို့အပြင် လူအချို့သည် ဂျင်န်အချို့ထံ ခိုလှုံလေ့ရှိကြသဖြင့် လူတို့သည် ၄င်းဂျင်န်၏ပုန်ကန်မှုကို ပို၍ တိုးပွားစေသည်။
၀၇၂း ၇။ ထို့အပြင် ထိုဂျင်န်များသည် အသင်တို့ထင်သကဲ့သို့ အလ္လာဟ်အရှင်မြတ်သည် မည်သူတစ်ဦး တစ်ယောက်ကိုမျှ ပြန်လည်ရှင်ပြန်ထစေနိုင်မည်မဟုတ်ဟု ထင်မှတ်နေကြ၏။
၀၇၂း ၈။ ထို့အပြင် မိမိတို့သည် မိုးကောင်းကင်ကို စူးစမ်းခဲ့ရာ မိုးကောင်းကင်ကို တင်းကြပ်သော အစောင့် အကြပ်များ မီးကျီမီးခဲများဖြင့် ပြည့်နှက်နေသည်ကို တွေ့ရှိခဲ့ရ၏။
၀၇၂း ၉။ ၄င်းအပြင် မိမိတို့သည် မိုးကောင်းကင်မှ (သတင်း) ယူရန် ထိုလေ့ရှိသည့်နေရာများသို့ သွားလေ့ရှိ သည်။ ယခုအခါ မည်သူမဆို သွားနားထောင်လျှင် မီးကျီတစ်ခုက အသင့်စောင့်နေသည်ကို တွေ့ရသည်။
၀၇၂း ၁၀။ သို့သော် လူသားတို့နှင့် ပတ်သက်၍ ၄င်းတို့၏ အရှင်မြတ်သည် အဆိုးကို ရည်စူးသလော သို့ တရား လမ်းမှန်ကို ရည်စူးသလော ဆိုသည်ကို မိမိတို့ မသိရှိကြပါ။
၀၇၂း ၁၁။ ထို့အပြင် စင်စစ် မိမိတို့တွင် အချို့မှာ သူတော်ကောင်းများဖြစ်သလို အချို့မှာ တစ်မျိုးဖြစ်ကြ၏။ စင်စစ် မိမိတို့တွင် ဂိုဏ်းအမျိုးမျိုးဖြစ်ခဲ့ကြကုန်၏။
၀၇၂း ၁၂။ သို့ရာတွင် မိမိတို့သည် အလ္လာဟ်အရှင်မြတ်အား ပထ၀ီမြေပေါ်၌လည်း အင်အားလျှော့နည်းအောင် မလုပ်နိုင်သလို ထွက်ပြေးတိမ်းရှောင်ခြင်းဖြစ်လည်း လုပ်နိုင်မည်မဟုတ်ပါ။
၀၇၂း ၁၃။ စင်စစ် ကျွန်ုပ်တို့ တရားမှန် (ကျမ်းမြတ်ကုရ်အာန်)ကို ကြားရသည့်အခါ ယင်းကို ယုံကြည် လာကြ၏။ မည်သူမဆို အလ္လာဟ်အရှင်မြတ်ကို ယုံကြည်လျှင် ထိုသူသည် အားငယ်မှုမဖြစ်စေသည့်အပြင် စိုးရိမ်မှုကိုလည်း ခံစားရမည်မဟုတ်ပေ။
၀၇၂း ၁၄။ ၄င်းအပြင် မိမိတို့အတွင်း အချို့မှာ မွတ်စ်လင်မ်များဖြစ်သလို အချို့မျာ မတရားသောသူများ ဖြစ်ကြ ကုန်၏။ မည်သူမဆို အစ္စလာမ်သာသာနာကို လက်ခံသောသူတို့သည် လမ်းမှန်ကို ရှာဖွေရရှိသူများဖြစ် ကုန်၏။
၀၇၂း ၁၅။ သို့သော် မတရားသောသူတို့မှာကား ဂျဟန္နမ်ငရဲ၏ လောင်စာများဖြစ်ကြကုန်၏။
၀၇၂း ၁၆။ အကယ်၍ သူတို့သည် တရားလမ်းမှန်ပေါ်ဝယ် တည်တန့်စွာရှိလျှင် ငါအရှင်သည် ၄င်းတို့အား ဖောဖောသီသီ ရေတိုက်ကျွေးမည်။
၀၇၂း ၁၇။ ငါအရှင်သည် ထိုရေနှင့် ပတ်သက်၍ စမ်းသပ်ရန်သာတည်း။ စင်စစ် မည်သူမဆို အရှင်မြတ်အား သတိရခြင်းမှ သွေဖည်ခဲ့လျှင် ထိုအရှင်သည် ၄င်းတို့အား ပြင်းထန်သော အပြစ်ဒဏ်တွင်းသို့ ၀င်ရောက်စေမည်။
၀၇၂း ၁၈။ ထို့အပြင် ဦးချရာနေရာများ (ဗလီဝတ်ကျောင်း) သည် အလ္လာဟ်အရှင်မြတ်နှင့်သာ သက်ဆိုင်၏။ သို့ဖြစ်၍ အသင်တို့သည် အလ္လာဟ်အရှင်မြတ်နှင့် ပတ်သက်၍ မည်သူတစ်ဦးတစ်ယောက်ကိုမျှ ဆည်းကပ် ကိုးကွယ်ခြင်းမပြုကြလေနှင့်။
၀၇၂း ၁၉။ ထိုအပြင် စင်စစ် အလ္လာဟ်အရှင်မြတ်၏ ကျွန်တော် (မုဟမ္မဒ်-ဆွ) သည် ၀တ်ပြုရန် ရပ်သောအခါ ၄င်းတို့သည် ထိုကျွန်တော်အပေါ် ၀ိုင်းအုံနေကြသလို ဖြစ်ခဲ့ကြ၏။
၀၇၂း ၂၀။ အိုနဗီ အသင်ပြောကြားပါလေ၊ အချင်းတို့ ငါသည် အလ္လာဟ်အရှင်မြတ်ကိုသာ ကိုးကွယ်ခဲ့၏။ အလ္လာဟ်မှလွဲ၍ မည်သူတစ်ဦးတစ်ယောက်ကိုမျှ ကိုးကွယ်ခြင်းမပြုပေ။
၀၇၂း ၂၁။ အိုနဗီ အသင်ပြောကြားပါလေ၊ ငါသည် အသင်တို့၏ ဆုံးရှုံးမှုကို မပိုင်ဆိုင်သလို လမ်းမှန်ရရှိရေး ကိုလည်း မပိုင်ဆိုင်ပါ။
၀၇၂း ၂၂။ အိုနဗီ အသင်ပြောကြားပါလေ၊ ငါ့အား မည်သူမျှ အလ္လာဟ်အရှင်မြတ်၏ အပြစ်ဒဏ်မှာ မကာကွယ် နိုင်သလို ငါသည် အလ္လာဟ်အရှင်မြတ်မှတစ်ပါး အခြားမည်သည့် ခိုလှုံရာကိုမျှ တွေ့နိုင်မည်မဟုတ်ပေ။
၀၇၂း ၂၃။ အလ္လာဟ်အရှင်မြတ်၏ကိုယ်စား အမိန့်တော်များ၊ အကြောင်းကြားချက်များ ကို ပို့ဆောင်ခြင်းဖြင့်သာ လျှင် ကာကွယ်နိုင်မည်။ မည်သူမဆို အလ္လာဟ်အရှင်မြတ်အား၎င်း ထိုအရှင်၏ ရစူလ်အား၎င်း ဖီဆန်သည်ရှိ သော် ၄င်းတို့အဖို့ ဂျဟန္နမ်ငရဲမီးသာ ရှိပေသည်။ ယင်းမီးတွင် အမြဲ ၀င်ရောက်ကြအံ့။
၀၇၂း ၂၄။ နောင် မည်သူမဆို မိမိအတွက် သတ်မှတ်သည့် ပြစ်ဒဏ်ကို တွေ့မြင်သည့်အခါ သူတို့၏ အားနည်း သော၊ အရေအတွက်နည်းသော ကူညီသူတို့ကို သိရှိပေလိမ့်မည်။
၀၇၂း ၂၅။ အိုနဗီ အသင်ပြောကြားပါလေ၊ အသင်တို့၏ ချိန်းဆိုခြင်းခံရသော နေ့ (ကိယာမသ်) နီးလာသလော၊ (သို့) ငါ့အရှင်သည် ယင်းနေ့နှင့် ပတ်သက်၍ ကာလအပိုင်းအခြားကို ရှည်စေတော်မူမည်လော ဆိုသည်ကို ငါမသိပါ။
၀၇၂း ၂၆။ ထိုအရှင်မြတ်သည်ပင် ဖုံးကွယ်ထားသည်တို့ကို သိရှိတော်မူ၏။ စင်စစ် ထိုဖုံးကွယ်ထားသည်များကို သိသော ပညာရပ်များကို မည်သူကိုမျှ အသိပေးတော်မူမည်မဟုတ်ပါ။
၀၇၂း ၂၇။သို့သော် မိမိနှစ်သက်သော ရစူလ်တမန်တော်တစ်ပါးပါးအား ထိုအရာကို သိစေတော်မူလျှင် ၄င်း၏ ရှေ့၌၄င်း၊ နောက်၌၄င်း၊ စောင့်ကြပ်သူ (မလာအိကာ) ကိုစေလွတ်တော်မူ၏။
၀၇၂း ၂၈။ ထိုသို့ပြုလုပ်ရခြင်း အလ္လာဟ်အရှင်မြတ်၏ အကြောင်းကြားချက်များကို တိကျစွာ လုပ်ဆောင် ခြင်းသည် အလ္လာဟ်အရှင်မြတ် သိစေတော်မူရန်အတွက်သာဖြစ်သည်။ စင်စစ် အလ္လာဟ်အရှင်မြတ်သည် ၄င်းတို့၏ အခြေအနေကို ၀န်းရံလျှက် ရှိတော်မူသည်သာမက အရာခပ်သိမ်းတို့၏ အရေအတွက်ကိုလည်း ရေတွက်၍ ထားရှိပြီးဖြစ်သည်။
No comments:
Post a Comment